ਸਾਲਸੀ ਨੋਟਿਸ: ਜੇਕਰ ਤੁਸੀਂ ਸੰਯੁਕਤ ਰਾਜ ਅਮਰੀਕਾ ਵਿੱਚ ਰਹਿੰਦੇ ਹੋ ਜਾਂ ਜੇਕਰ ਤੁਹਾਡਾ ਮੁੱਖ ਕਾਰੋਬਾਰੀ ਸਥਾਨ ਸੰਯੁਕਤ ਰਾਜ ਅਮਰੀਕਾ ਵਿੱਚ ਹੈ, ਤਾਂ ਤੁਸੀਂ ਅਤੇ SNAP ਸਹਿਮਤ ਹੁੰਦੇ ਹੋ ਕਿ SNAP INC. ਸੇਵਾ ਦੀਆਂ ਮਦਾਂ ਸਾਲਸੀ ਧਾਰਾ ਵਿੱਚ ਦੱਸੇ ਕੁਝ ਖਾਸ ਕਿਸਮਾਂ ਦੇ ਵਿਵਾਦਾਂ ਨੂੰ ਛੱਡ ਕੇ ਸਾਡੇ ਵਿਚਕਾਰ ਵਿਵਾਦ ਲਾਜ਼ਮੀ ਤੌਰ 'ਤੇ ਲਾਗੂ ਹੋਣ ਵਾਲੀ ਸਾਲਸੀ ਰਾਹੀਂ ਹੱਲ ਕੀਤੇ ਜਾਣਗੇ ਅਤੇ ਤੁਸੀਂ ਅਤੇ SNAP ਸਮੂਹਿਕ ਮੁਕੱਦਮੇ ਜਾਂ ਸਮੂਹਿਕ ਸਾਲਸੀ ਵਿੱਚ ਹਿੱਸਾ ਲੈਣ ਦੇ ਕਿਸੇ ਵੀ ਅਧਿਕਾਰ ਨੂੰ ਛੱਡਦੇ ਹੋ। ਸਾਲਸੀ ਧਾਰਾ ਵਿੱਚ ਦਰਸਾਏ ਅਨੁਸਾਰ ਤੁਹਾਡੇ ਕੋਲ ਸਾਲਸੀ ਤੋਂ ਬਾਹਰ ਨਿਕਲਣ ਦਾ ਅਧਿਕਾਰ ਹੈ।

ਜੇ ਤੁਸੀਂ ਸੰਯੁਕਤ ਰਾਜ ਅਮਰੀਕਾ ਤੋਂ ਬਾਹਰ ਕਿਸੇ ਕਾਰੋਬਾਰ ਦੀ ਤਰਫੋਂ ਸੇਵਾਵਾਂ ਵਰਤ ਰਹੇ ਹੋ, ਤਾਂ ਤੁਹਾਡਾ ਕਾਰੋਬਾਰ ਸਾਲਸੀ ਧਾਰਾ ਦੇ ਅਧੀਨ ਆਵੇਗਾ ਜਿਸ ਨੂੰ SNAP GROUP LIMITED ਸੇਵਾ ਦੀਆਂ ਮਦਾਂ ਵਿੱਚ ਦਰਸਾਇਆ ਹੈ।

ਇਹ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਤੁਹਾਡੇ ਅਤੇ Snap ਦੇ ਵਿਚਕਾਰ ਕਾਨੂੰਨੀ ਤੌਰ 'ਤੇ ਬੱਝਵਾਂ ਇਕਰਾਰਨਾਮਾ ਬਣਾਉਂਦੀਆਂ ਹਨ ਅਤੇ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਤੁਹਾਡੀ ਭਾਗੀਦਾਰੀ ਨੂੰ ਨਿਯੰਤਰਿਤ ਕਰਦੀਆਂ ਹਨ ਜੋ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਅਨੁਸਾਰ Snap ਦੇ ਕਾਰੋਬਾਰੀ ਉਤਪਾਦਾਂ ਅਤੇ ਸੇਵਾਵਾਂ ਦਾ ਪ੍ਰਚਾਰ ਕਰਨ ਲਈ ਪਹਿਲਾਂ ਤੋਂ ਪ੍ਰਵਾਨਤ ਭਾਗੀਦਾਰਾਂ ਨੂੰ ਮਿਹਨਤਾਨਾ ਦਿੰਦੀਆਂ ਹਨ। ਇਹ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ Snap ਸੇਵਾ ਦੀਆਂ ਮਦਾਂ ਦੇ ਹਵਾਲੇ ਨਾਲ ਸ਼ਾਮਲ ਕੀਤੀਆਂ ਗਈਆਂ ਹਨ। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ ਵਰਤੇ ਪਰ ਪਰਿਭਾਸ਼ਿਤ ਨਾ ਕੀਤੇ ਸਾਰੇ ਵੱਡੇ ਅੱਖਰਾਂ ਵਾਲੇ ਸ਼ਬਦਾਂ ਦੇ Snap ਸੇਵਾ ਦੀਆਂ ਮਦਾਂ ਵਿੱਚ ਦੱਸੇ ਅਨੁਸਾਰੀ ਅਰਥ ਹੋਣਗੇ। Snap ਭਾਗੀਦਾਰ ਪ੍ਰੋਗਰਾਮ ਬਾਰੇ ਹੋਰ ਜਾਣਕਾਰੀ ਲਈ ਕਿਰਪਾ ਕਰਕੇ ਸਾਡਾ ਸਮਰਪਿਤ ਆਮ ਪੁੱਛੇ ਜਾਣ ਵਾਲੇ ਸੁਆਲ ਪੰਨਾ ਦੇਖੋ।

ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਉਦੇਸ਼ਾਂ ਲਈ "Snap" ਦਾ ਮਤਲਬ ਹੈ:

• Snap Inc. ਜੇ ਤੁਸੀਂ ਸੰਯੁਕਤ ਰਾਜ ਅਮਰੀਕਾ ਵਿੱਚ ਰਹਿੰਦੇ ਹੋ ਜਾਂ ਤੁਹਾਡੇ ਕਾਰੋਬਾਰ ਦਾ ਮੁੱਖ ਸਥਾਨ ਸੰਯੁਕਤ ਰਾਜ ਅਮਰੀਕਾ ਵਿੱਚ ਹੈ;

• Snap Group Limited ਸਿੰਗਾਪੁਰ ਬ੍ਰਾਂਚ, ਜੇਕਰ ਤੁਸੀਂ ਏਸ਼ੀਆ-ਪ੍ਰਸ਼ਾਂਤ ਖੇਤਰ ਵਿੱਚ ਰਹਿੰਦੇ ਹੋ ਜਾਂ ਉੱਥੇ ਤੁਹਾਡੇ ਕਾਰੋਬਾਰ ਦਾ ਮੁੱਖ ਸਥਾਨ ਸਥਿਤ ਹੈ; ਜਾਂ

• Snap Group Limited ਜੇ ਤੁਸੀਂ ਦੁਨੀਆ ਦੇ ਕਿਸੇ ਹੋਰ ਹਿੱਸੇ ਵਿੱਚ ਰਹਿੰਦੇ ਹੋ ਜਾਂ ਤੁਹਾਡੇ ਕਾਰੋਬਾਰ ਦਾ ਮੁੱਖ ਸਥਾਨ ਕਿਤੇ ਵੀ ਹੈ।

Snap ਭਾਗੀਦਾਰ ਪ੍ਰੋਗਰਾਮ ਵਾਸਤੇ ਅਰਜ਼ੀ ਦੇਣ ਦੇ ਯੋਗ ਹੋਣ ਲਈ ਤੁਹਾਨੂੰ ਅੱਗੇ ਦਿੱਤੀਆਂ ਯੋਗਤਾ ਲੋੜਾਂ ਅਤੇ ਕੋਈ ਵੀ ਹੋਰ ਲੋੜਾਂ ਨੂੰ ਪੂਰਾ ਕਰਨਾ ਚਾਹੀਦਾ ਹੈ ਜਿਨ੍ਹਾਂ ਦੀ Snap ਵੱਲੋਂ ਸਮੇਂ ਸਮੇਂ 'ਤੇ ਆਪਣੀ ਸਮਝ ਅਨੁਸਾਰ ਮੰਗ ਕੀਤੀ ਜਾ ਸਕਦੀ ਹੈ (“ਯੋਗਤਾ ਲੋੜਾਂ”):

a. ਤੁਸੀਂ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਇਸ ਤਰ੍ਹਾਂ ਹਿੱਸਾ ਲੈ ਸਕਦੇ ਹੋ:

i. ਕੋਈ ਵਿਅਕਤੀ ਜਾਂ ਸੰਸਥਾ ਜੋ ਖੁਦ ਦਾ ਕੰਮ ਕਰਦੇ ਹਨ; ਜਾਂ

ii. ਕੋਈ ਸੰਸਥਾ ਜੋ ਕਿਸੇ ਤੀਜੀ ਧਿਰ ਦੀ ਤਰਫੋਂ ਜਾਂ ਉਸ ਨਾਲ ਕੰਮ ਕਰਦੀ ਹੈ (“ਏਜੰਸੀ”)।

b. ਤੁਹਾਨੂੰ (ਜੇ ਤੁਸੀਂ ਵਿਅਕਤੀ ਹੋ) ਕਿਸੇ ਯੋਗ ਦੇਸ਼ ਦਾ ਵਾਸੀ ਹੋਣਾ ਚਾਹੀਦਾ ਹੈ ਜਾਂ (ਜੇ ਤੁਸੀਂ ਸੰਸਥਾ ਹੋ) ਤੁਹਾਡੇ ਕਾਰੋਬਾਰ ਦਾ ਮੁੱਖ ਸਥਾਨ ਕਿਸੇ ਯੋਗ ਦੇਸ਼ ਵਿੱਚ ਹੋਣਾ ਚਾਹੀਦਾ ਹੈ। ਭੁਗਤਾਨ ਸਿਰਫ਼ ਯੋਗ ਦੇਸ਼ਾਂ ਵਿੱਚ ਉਪਲਬਧ ਹਨ ਅਤੇ Snap ਆਪਣੀ ਸਮਝ ਅਨੁਸਾਰ ਯੋਗ ਦੇਸ਼ਾਂ ਦੀ ਸੂਚੀ ਵਿੱਚ ਸੋਧ ਕਰ ਸਕਦਾ ਹੈ। ਜੇ ਤੁਸੀਂ ਸੰਯੁਕਤ ਰਾਜ ਅਮਰੀਕਾ ਤੋਂ ਬਾਹਰ ਰਹਿੰਦੇ ਹੋ, ਤਾਂ Snap ਭਾਗੀਦਾਰ ਪ੍ਰੋਗਰਾਮ ਦੇ ਸੰਬੰਧ ਵਿੱਚ ਕੋਈ ਵੀ ਸੇਵਾਵਾਂ ਦੇਣ ਵੇਲੇ ਤੁਹਾਨੂੰ ਸਰੀਰਕ ਤੌਰ 'ਤੇ ਸੰਯੁਕਤ ਰਾਜ ਅਮਰੀਕਾ ਤੋਂ ਬਾਹਰ ਅਤੇ ਕਿਸੇ ਯੋਗ ਦੇਸ਼ ਦੇ ਅੰਦਰ ਹੋਣਾ ਚਾਹੀਦਾ ਹੈ।

c. ਜੇ ਤੁਸੀਂ ਕੋਈ ਵਿਅਕਤੀ ਹੋ, ਤਾਂ ਤੁਸੀਂ ਘੱਟੋ-ਘੱਟ ਆਪਣੇ ਅਧਿਕਾਰਤਾ ਖੇਤਰ ਵਿੱਚ ਕਾਨੂੰਨੀ ਬਾਲਗ ਉਮਰ ਦੇ ਹੋਣੇ ਚਾਹੀਦੇ ਹੋ।  ਜੇ ਤੁਸੀਂ ਕਿਸੇ ਸੰਸਥਾ ਤਰਫ਼ੋਂ ਕੰਮ ਕਰ ਰਹੇ ਹੋ, ਤਾਂ ਤੁਹਾਡੀ ਉਮਰ ਘੱਟੋ-ਘੱਟ 18 ਸਾਲ (ਜਾਂ ਤੁਹਾਡੇ ਰਾਜ, ਪ੍ਰਾਂਤ ਜਾਂ ਦੇਸ਼ ਵਿੱਚ ਕਾਨੂੰਨੀ ਬਾਲਗ ਉਮਰ) ਹੋਣੀ ਚਾਹੀਦੀ ਹੈ ਅਤੇ ਤੁਹਾਡੇ ਕੋਲ ਉਸ ਸੰਸਥਾ ਨਾਲ ਜੁੜਨ ਦਾ ਅਧਿਕਾਰ ਹੋਣਾ ਚਾਹੀਦਾ ਹੈ। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ “ਤੁਸੀਂ” ਅਤੇ “ਤੁਹਾਡੇ” ਨਾਲ ਸੰਬੰਧਤ ਸਾਰੇ ਹਵਾਲੇ ਤੁਹਾਨੂੰ ਅੰਤਿਮ ਵਰਤੋਂਕਾਰ ਦੇ ਤੌਰ 'ਤੇ ਅਤੇ ਉਸ ਸੰਸਥਾ ਦੋਵਾਂ ਵਜੋਂ ਮੰਨਦੇ ਹਨ।

d. ਜੇ ਤੁਸੀਂ ਕੋਈ ਏਜੰਸੀ ਹੋ ਜੋ ਕਿਸੇ ਤੀਜੀ ਧਿਰ ਦੀ ਤਰਫੋਂ ਜਾਂ ਉਸ ਨਾਲ ਕੰਮ ਕਰਦੀ ਹੈ ਜੋ ਸਮੇਂ ਸਮੇਂ 'ਤੇ Snap ਭਾਗੀਦਾਰ ਪ੍ਰੋਗਰਾਮ (“ਸਮੱਗਰੀ ਮਾਲਕ”) ਦੇ ਹਿੱਸੇ ਵਜੋਂ ਸਮੱਗਰੀ ਪੋਸਟ ਕਰੇਗੀ, ਤਾਂ ਤੁਹਾਡੇ ਕੋਲ ਅਜਿਹੇ ਸਮੱਗਰੀ ਮਾਲਕ ਨਾਲ ਪੱਕੇ ਤੌਰ 'ਤੇ ਜੁੜੇ ਹੋਣ ਦਾ ਅਧਿਕਾਰ ਹੋਣਾ ਚਾਹੀਦਾ ਹੈ। ਜੇ ਤੁਸੀਂ ਸਮੱਗਰੀ ਮਾਲਕ(ਕਾਂ) ਦੀ ਤਰਫੋਂ ਕੰਮ ਕਰਨ ਵਾਲੀ ਏਜੰਸੀ ਹੋ, ਤਾਂ ਤੁਸੀਂ ਵਾਰੰਟੀ ਦਿੰਦੇ ਹੋ ਕਿ ਟ੍ਰੈਕਿੰਗ ਲਿੰਕ (ਹੇਠਾਂ ਪਰਿਭਾਸ਼ਿਤ ਕੀਤਾ ਗਿਆ) ਜੋ Snap ਵੱਲੋਂ ਦਿੱਤਾ ਜਾਵੇਗਾ, ਉਹਨਾਂ ਵਿਗਿਆਪਨਦਾਤਾਵਾਂ ਦੇ ਲਾਭ ਲਈ ਵਿਗਿਆਪਨ ਜਗ੍ਹਾ ਖਰੀਦਣ ਲਈ ਨਹੀਂ ਵਰਤਿਆ ਜਾਵੇਗਾ ਜਿਨ੍ਹਾਂ ਦੀ ਤੁਸੀਂ ਨੁਮਾਇੰਦਗੀ ਕਰਦੇ ਹੋ (ਏਜੰਸੀ ਜਾਂ ਸਮੱਗਰੀ ਦੇ ਮਾਲਕ(ਕਾਂ))। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ “ਤੁਸੀਂ” ਅਤੇ “ਤੁਹਾਡੇ” ਨਾਲ ਸੰਬੰਧਿਤ ਸਾਰੇ ਹਵਾਲੇ ਤੁਹਾਨੂੰ ਏਜੰਸੀ ਦੇ ਤੌਰ 'ਤੇ ਅਤੇ ਸੰਬੰਧਿਤ ਸਮੱਗਰੀ ਦੇ ਮਾਲਕ(ਕਾਂ) ਦੋਵਾਂ ਦੇ ਹਵਾਲੇ ਵਜੋਂ ਮੰਨਣਗੇ।

e. ਭਾਵੇਂ ਤੁਸੀਂ ਕੋਈ ਵਿਅਕਤੀ ਹੋ ਜਾਂ ਕਿਸੇ ਸੰਸਥਾ ਦੀ ਤਰਫੋਂ ਜਾਂ ਸਮੱਗਰੀ ਮਾਲਕਾਂ ਦੀ ਤਰਫੋਂ ਕੰਮ ਕਰਦੇ ਹੋ, ਤੁਸੀਂ ਸਵੀਕਾਰ ਕਰਦੇ ਹੋ ਕਿ Snap ਭਾਗੀਦਾਰ ਪ੍ਰੋਗਰਾਮ ਲਈ ਅਰਜ਼ੀ ਅਤੇ ਜੇ ਅਰਜ਼ੀ ਸਵੀਕਾਰ ਕੀਤੀ ਜਾਂਦੀ ਹੈ, ਤਾਂ Snap ਭਾਗੀਦਾਰ ਪ੍ਰੋਗਰਾਮ ਦੀ ਵਰਤੋਂ ਪੇਸ਼ੇਵਰ/ਕਾਰੋਬਾਰੀ ਸਰਗਰਮੀਆਂ ਦੇ ਦਾਇਰੇ ਅੰਦਰ ਪੇਸ਼ੇਵਰ ਉਦੇਸ਼ਾਂ ਲਈ ਹੋਵੇਗੀ।

f. ਤੁਹਾਡੇ ਕੋਲ ਲਾਜ਼ਮੀ ਤੌਰ 'ਤੇ ਇਹ ਹੋਵੇ: (i) Snapchat ਖਾਤਾ ਅਤੇ Snapchat ਕਾਰੋਬਾਰ ਖਾਤਾ (“Snapchat ਖਾਤੇ”); (ii) ਤੁਹਾਡੀ ਮਲਕੀਅਤ ਅਤੇ ਸੰਚਾਲਿਤ ਵੈੱਬਸਾਈਟ ਅਤੇ ਹੋਰ ਤੀਜੀ ਧਿਰ ਦੇ ਪਲੇਟਫਾਰਮਾਂ 'ਤੇ ਮੌਜੂਦ ਦਰਸ਼ਕ (ਜਿਵੇਂ ਕਿ Snap ਵੱਲੋਂ ਆਪਣੀ ਸਮਝ ਅਨੁਸਾਰ ਤੈਅ ਕੀਤਾ ਗਿਆ ਹੈ); ਅਤੇ (iii) ਨਿਯਮਿਤ ਤੌਰ 'ਤੇ ਅਸਲੀ ਸਮੱਗਰੀ ਬਣਾਉਣਾ ਜਿਸ ਵਿੱਚ ਔਨਲਾਈਨ ਕੋਰਸਾਂ, ਸੈਮੀਨਾਰਾਂ, ਬਲੌਗ ਪੋਸਟਾਂ ਅਤੇ ਵੀਡੀਓ ਸ਼ਾਮਲ ਹਨ ਪਰ ਇਹਨਾਂ ਤੱਕ ਸੀਮਿਤ ਨਹੀਂ ਹਨ।

g. ਤੁਸੀਂ ਨਾ ਤਾਂ: (i) Snap ਜਾਂ ਇਸ ਦੀ ਮੁੱਖ ਕੰਪਨੀ, ਸਹਾਇਕ ਜਾਂ ਭਾਗੀਦਾਰ ਕੰਪਨੀਆਂ ਦਾ ਕੋਈ ਕਰਮਚਾਰੀ, ਅਧਿਕਾਰੀ ਜਾਂ ਨਿਰਦੇਸ਼ਕ ਹੋ; ਅਤੇ ਨਾ ਹੀ (ii) ਕੋਈ ਸਰਕਾਰੀ ਸੰਸਥਾ, ਕਿਸੇ ਸਰਕਾਰੀ ਸੰਸਥਾ ਦੀ ਸਹਾਇਕ ਜਾਂ ਭਾਗੀਦਾਰ ਕੰਪਨੀ ਹੋ। ਤੁਸੀਂ ਆਪਣੇ ਅਤੇ Snap ਦੇ ਵਿਚਕਾਰ ਸੰਬੰਧ ਨਾਲੋਂ ਵੱਧ ਨਹੀਂ ਦਿਖਾਓਗੇ ਜੋ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਤੁਹਾਡੀ ਭਾਗੀਦਾਰੀ ਰਾਹੀਂ ਬਣਿਆ ਹੈ। ਉਦਾਹਰਨ ਲਈ, ਤੁਸੀਂ ਆਪਣੇ ਆਪ ਨੂੰ Snap ਦੇ ਕਰਮਚਾਰੀ ਜਾਂ ਅਧਿਕਾਰਤ ਨੁਮਾਇੰਦੇ ਵਜੋਂ ਨਹੀਂ ਪੇਸ਼ ਕਰ ਸਕਦੇ।

h. ਤੁਸੀਂ ਕਿਸੇ ਵੀ ਹੋਰ Snap ਹੱਲਾਸ਼ੇਰੀ ਪ੍ਰੋਗਰਾਮ ਵਿੱਚ ਹਿੱਸਾ ਨਹੀਂ ਲੈ ਰਹੇ ਹੋ। ਜੇ ਤੁਸੀਂ ਹਿੱਸਾ ਹੋ, ਤਾਂ ਤੁਸੀਂ Snapchat ਭਾਗੀਦਾਰ ਟੀਮ ਨੂੰ ਸੂਚਿਤ ਕੀਤਾ ਹੈ, ਜਾਂ ਦੋਵਾਂ ਪ੍ਰੋਗਰਾਮਾਂ ਵਿੱਚ ਹਿੱਸਾ ਲੈਣ ਲਈ ਲਿਖਤੀ ਪ੍ਰਵਾਨਗੀ ਪ੍ਰਾਪਤ ਕੀਤੀ ਹੈ। 

ਅਸੀਂ ਤੁਹਾਡੇ ਤੋਂ ਇਹ ਤਸਦੀਕ ਕਰਨ ਲਈ ਕਿਸੇ ਵੀ ਜਾਣਕਾਰੀ ਦੀ ਮੰਗ ਕਰਨ ਦਾ ਅਧਿਕਾਰ ਰੱਖਦੇ ਹਾਂ ਕਿ ਤੁਸੀਂ ਯੋਗਤਾ ਲੋੜਾਂ 'ਤੇ ਖਰਾ ਉਤਰਦੇ ਹੋ। ਯੋਗਤਾ ਲੋੜਾਂ ਨੂੰ ਪੂਰਾ ਕਰਨਾ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਪ੍ਰਵਾਨ ਹੋਣ ਦੀ ਗਰੰਟੀ ਨਹੀਂ ਦਿੰਦਾ। ਅਸੀਂ ਕਿਸੇ ਵਰਤੋਂਕਾਰ ਨੂੰ ਕਿਸੇ ਕਾਰਨ ਲਈ ਕਿਸੇ ਵੀ ਵੇਲੇ Snap ਭਾਗੀਦਾਰ ਪ੍ਰੋਗਰਾਮ ਤੋਂ ਹਟਾਉਣ ਦਾ ਹੱਕ ਰਾਖਵਾਂ ਰੱਖਦੇ ਹਾਂ।

ਸੰਖੇਪ ਵਿੱਚ: ਤੁਹਾਨੂੰ Snap ਭਾਗੀਦਾਰ ਪ੍ਰੋਗਰਾਮ ਵਾਸਤੇ ਅਰ਼ਜੀ ਦੇਣ ਦੇ ਯੋਗ ਹੋਣ ਲਈ ਕੁਝ ਘੱਟੋ-ਘੱਟ ਲੋੜਾਂ ਨੂੰ ਪੂਰਾ ਕਰਨਾ ਚਾਹੀਦਾ ਹੈ। ਇਹਨਾਂ ਵਿੱਚ ਉਮਰ, ਟਿਕਾਣਾ ਅਤੇ ਕੁਝ ਖਾਤਾ ਲੋੜਾਂ ਸ਼ਾਮਲ ਹਨ। ਇਹਨਾਂ ਲੋੜਾਂ ਨੂੰ ਪੂਰਾ ਕਰਨਾ ਗਰੰਟੀ ਨਹੀਂ ਦਿੰਦਾ ਕਿ ਤੁਹਾਨੂੰ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਸਵੀਕਾਰ ਕੀਤਾ ਜਾਵੇਗਾ। ਜੇ ਤੁਸੀਂ ਦੂਜਿਆਂ ਦੀ ਤਰਫੋਂ ਕਿਸੇ ਏਜੰਸੀ ਦੇ ਤੌਰ 'ਤੇ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਦਾਖਲ ਹੋ ਰਹੇ ਹੋ, ਤਾਂ ਇਹਨਾਂ ਮਦਾਂ ਵਿੱਚ “ਤੁਸੀਂ” ਦਾ ਕੋਈ ਵੀ ਹਵਾਲਾ ਉਹਨਾਂ ਤੀਜੀਆਂ ਧਿਰਾਂ 'ਤੇ ਵੀ ਲਾਗੂ ਹੋਵੇਗਾ।

ਜੇ ਤੁਸੀਂ ਯੋਗਤਾ ਦੀਆਂ ਲੋੜਾਂ ਨੂੰ ਪੂਰਾ ਕਰਦੇ ਹੋ ਤਾਂ ਤੁਸੀਂ ਹੇਠਾਂ ਦਿੱਤੇ ਅਨੁਸਾਰ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਅਰਜ਼ੀ ਦੇ ਸਕਦੇ ਹੋ:

a. Snap ਵੱਲੋਂ ਭੁਗਤਾਨਾਂ ਸਮੇਤ Snap ਭਾਗੀਦਾਰ ਪ੍ਰੋਗਰਾਮ ਦਾ ਪ੍ਰਬੰਧਨ ਕਰਨ ਲਈ ਤੀਜੀ ਧਿਰ ਦਾ ਪਲੇਟਫਾਰਮ ਵਰਤਿਆ ਜਾ ਸਕਦਾ ਹੈ। (“ਪਲੇਟਫਾਰਮ ਪ੍ਰਦਾਤਾ”) ਤੁਹਾਡੇ ਕੋਲ ਪਲੇਟਫਾਰਮ ਪ੍ਰਦਾਤਾ (“ਪਲੇਟਫਾਰਮ ਪ੍ਰਦਾਤਾ ਖਾਤਾ”) ਨਾਲ ਖਾਤਾ ਹੋਣਾ ਜਾਂ ਬਣਾਉਣਾ ਚਾਹੀਦਾ ਹੈ ਅਤੇ ਇਸ ਦੀਆਂ ਲਾਗੂ ਮਦਾਂ ਅਤੇ ਨੀਤੀਆਂ ਨੂੰ ਸਵੀਕਾਰ ਕਰਨਾ ਚਾਹੀਦਾ ਹੈ (“ਪਲੇਟਫਾਰਮ ਪ੍ਰਦਾਤਾ ਦੀਆਂ ਮਦਾਂ”)। ਹੋਰ ਜਾਣਕਾਰੀ ਲਈ ਕਿਰਪਾ ਕਰਕੇ ਸਾਡਾ ਸਮਰਪਿਤ ਆਮ ਪੁੱਛੇ ਜਾਣ ਵਾਲੇ ਸੁਆਲ ਪੰਨਾ ਦੇਖੋ। ਤੁਸੀਂ ਸਹਿਮਤ ਹੋ ਅਤੇ ਮੰਨਦੇ ਹੋ ਕਿ Snap ਪਲੇਟਫਾਰਮ ਪ੍ਰਦਾਤਾ, ਪਲੇਟਫਾਰਮ ਪ੍ਰਦਾਤਾ ਦੀਆਂ ਮਦਾਂ ਜਾਂ ਪਲੇਟਫਾਰਮ ਪ੍ਰਦਾਤਾ ਦੇ ਖਾਤੇ ਦੀ ਤੁਹਾਡੀ ਵਰਤੋਂ ਦੇ ਸਬੰਧ ਵਿੱਚ ਜਾਂ ਇਸ ਦੇ ਨਾਲ ਹੋਏ ਕਿਸੇ ਵੀ ਘਾਟੇ, ਨੁਕਸਾਨ ਜਾਂ ਜ਼ਿੰਮੇਵਾਰੀਆਂ ਲਈ ਦੇਣਦਾਰ ਜਾਂ ਜਵਾਬਦੇਹ ਨਹੀਂ ਹੋਵੇਗਾ। 

b. ਪਲੇਟਫਾਰਮ ਪ੍ਰਦਾਤਾ ਰਾਹੀਂ Snap ਭਾਗੀਦਾਰ ਪ੍ਰੋਗਰਾਮ ਲਈ ਅਰਜ਼ੀ ਨੂੰ ਪੂਰਾ ਕਰਨਾ। ਤੁਹਾਨੂੰ Snap ਅਤੇ ਕਿਸੇ ਵੀ ਪਲੇਟਫਾਰਮ ਪ੍ਰਦਾਤਾ ਨੂੰ ਲੋੜੀਂਦੀ ਕਿਸੇ ਵੀ ਹੋਰ ਜਾਣਕਾਰੀ ਤੋਂ ਇਲਾਵਾ ਸਹੀ ਅਤੇ ਪੂਰੀ ਜਾਣਕਾਰੀ ਦੇਣੀ ਚਾਹੀਦੀ ਹੈ। 

c. Snap ਵੱਲੋਂ ਤੁਹਾਡੀ ਅਰਜ਼ੀ ਨੂੰ ਆਪਣੀ ਸਮਝ ਅਨੁਸਾਰ ਬਿਨਾਂ ਕਿਸੇ ਹੋਰ ਵਿਆਖਿਆ ਦੇ ਰੱਦ ਕੀਤਾ ਜਾ ਸਕਦਾ ਹੈ।

d. ਜੇ ਤੁਹਾਡੀ ਅਰਜ਼ੀ ਸਵੀਕਾਰ ਹੁੰਦੀ ਹੈ, ਤਾਂ ਤੁਸੀਂ ਸਹਿਮਤ ਹੋ ਕਿ Snap ਵੱਲੋਂ Snap ਭਾਗੀਦਾਰ ਪ੍ਰੋਗਰਾਮ ਦੇ ਸਬੰਧ ਵਿੱਚ ਈਮੇਲ, Snapchat ਅਤੇ ਹੋਰ ਸੰਚਾਰਾਂ ਰਾਹੀਂ ਤੁਹਾਡੇ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।

e. ਤੁਹਾਡੇ Snapchat ਖਾਤੇ ਅਤੇ ਪਲੇਟਫਾਰਮ ਪ੍ਰਦਾਤਾ ਦਾ ਖਾਤਾ ਸਰਗਰਮ ਅਤੇ ਚੰਗੀ ਸਥਿਤੀ ਵਿੱਚ ਹੋਣਾ ਚਾਹੀਦਾ ਹੈ (ਜਿਵੇਂ ਕਿ Snap ਵੱਲੋਂ ਆਪਣੀ ਸਮਝ ਅਨੁਸਾਰ ਤੈਅ ਕੀਤਾ ਗਿਆ ਹੈ)।

f. Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਅਰਜ਼ੀ ਦੇ ਕੇ ਤੁਸੀਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨਾਲ ਬੱਝੇ ਹੋਣ ਅਤੇ ਪਾਲਣਾ ਕਰਨ ਲਈ ਸਹਿਮਤ ਹੋ। ਜੇ ਤੁਸੀਂ ਕਿਸੇ ਏਜੰਸੀ ਵਜੋਂ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਂਦੇ ਹੋ, ਤਾਂ ਤੁਸੀਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨਾਲ ਸਮੱਗਰੀ ਮਾਲਕਾਂ ਰਾਹੀਂ ਨਿਯਮਾਂ ਦੀ ਪਾਲਣਾ ਲਈ ਜ਼ਿੰਮੇਵਾਰ ਹੋ ਅਤੇ ਤੁਸੀਂ ਕਿਸੇ ਵੀ ਸਮੱਗਰੀ ਮਾਲਕ ਦੀਆਂ ਕਿਸੇ ਵੀ ਕਾਰਵਾਈਆਂ ਜਾਂ ਗਲਤੀਆਂ ਲਈ ਜ਼ਿੰਮੇਵਾਰ ਰਹੋਗੇ।

ਸੰਖੇਪ ਵਿੱਚ: ਜੇ ਤੁਸੀਂ ਯੋਗਤਾ ਦੀਆਂ ਘੱਟੋ-ਘੱਟ ਲੋੜਾਂ ਨੂੰ ਪੂਰਾ ਕਰਦੇ ਹੋ ਤਾਂ ਤੁਸੀਂ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਅਰਜ਼ੀ ਦੇ ਸਕਦੇ ਹੋ। ਤੁਹਾਨੂੰ ਸਾਨੂੰ ਸੱਚੀ ਅਤੇ ਤਾਜ਼ਾ ਜਾਣਕਾਰੀ ਦੇਣੀ ਚਾਹੀਦੀ ਹੈ। Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਤੁਹਾਡੀ ਭਾਗੀਦਾਰੀ Snap ਵੱਲੋਂ ਤੁਹਾਡੀ ਅਰਜ਼ੀ ਦੀ ਪ੍ਰਵਾਨਗੀ ਦੇ ਅਧੀਨ ਹੈ। Snap ਕਿਸੇ ਵੀ ਕਾਰਨ ਕਰਕੇ ਤੁਹਾਡੀ ਅਰਜ਼ੀ ਨੂੰ ਰੱਦ ਕਰ ਸਕਦਾ ਹੈ। Snap ਭਾਗੀਦਾਰ ਪ੍ਰੋਗਰਾਮ ਲਈ ਅਰਜ਼ੀ ਦੇ ਕੇ ਤੁਸੀਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨਾਲ ਬੱਝੇ ਹੋਣ ਅਤੇ ਪਾਲਣਾ ਕਰਨ ਲਈ ਸਹਿਮਤ ਹੋ। ਜੇ ਤੁਸੀਂ ਦੂਜਿਆਂ ਦੀ ਤਰਫੋਂ ਕਿਸੇ ਏਜੰਸੀ ਵਜੋਂ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਦਾਖਲ ਹੋ ਰਹੇ ਹੋ, ਤਾਂ ਤੁਸੀਂ ਉਹਨਾਂ ਵੱਲੋਂ ਇਹਨਾਂ Snap ਭਾਗੀਦਾਰ ਮਦਾਂ ਦੀ ਪਾਲਣਾ ਲਈ ਵੀ ਜ਼ਿੰਮੇਵਾਰ ਹੋਵੋਂਗੇ।

ੳ. ਜੇ ਤੁਹਾਨੂੰ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਸੱਦਾ ਦਿੱਤਾ ਜਾਂਦਾ ਹੈ, ਤਾਂ ਤੁਹਾਨੂੰ ਪਲੇਟਫਾਰਮ ਪ੍ਰਦਾਤਾ ਰਾਹੀਂ ਦਿੱਤਾ ਵਿਲੱਖਣ ਟਰੈਕਿੰਗ ਲਿੰਕ ਮਿਲੇਗਾ (“ਟਰੈਕਿੰਗ ਲਿੰਕ”)। ਤੁਸੀਂ ਟਰੈਕਿੰਗ ਲਿੰਕ ਦੀ ਵਰਤੋਂ ਸਿਰਫ਼ ਤੁਹਾਡੀ ਮਲਕੀਅਤ ਅਤੇ ਸੰਚਾਲਿਤ ਵੈੱਬਸਾਈਟ 'ਤੇ ਜਾਂ ਤੁਹਾਡੀ ਪ੍ਰੋਫਾਈਲ ਜਾਂ ਖਾਤੇ ਰਾਹੀਂ ਹੋਰਾਂ ਤੀਜੀ ਧਿਰ ਪਲੇਟਫਾਰਮਾਂ 'ਤੇ ਪੋਸਟ ਕੀਤੀ ਅਸਲ ਸਮੱਗਰੀ ਵਿੱਚ ਕਰੋਗੇ ਜਿਨ੍ਹਾਂ ਦਾ Snap ਵਿਗਿਆਪਨ ਪਲੇਟਫਾਰਮ ਵਜੋਂ ਪ੍ਰਚਾਰ ਕਰਦਾ ਹੈ ("ਯੋਗ ਸਮੱਗਰੀ")। ਤੁਸੀਂ ਇਹ ਯਕੀਨੀ ਬਣਾਉਣ ਲਈ ਜ਼ਿੰਮੇਵਾਰ ਹੋ ਕਿ ਤੁਹਾਡੀ ਯੋਗ ਸਮੱਗਰੀ ਸਾਰੇ ਲਾਗੂ ਕਾਨੂੰਨਾਂ, ਨਿਯਮਾਂ ਅਤੇ ਉਦਯੋਗ ਮਾਰਗਦਰਸ਼ਨ ਦੀ ਪਾਲਣਾ ਕਰਦੀ ਹੈ, ਜਿਸ ਵਿੱਚ ਬਿਨਾਂ ਕਿਸੇ ਸੀਮਾ ਦੇ ਕਾਨੂੰਨ, ਫ਼ਰਮਾਨ, ਨਿਯਮ, ਜਨਤਕ ਆਰਡਰ ਨਿਯਮ, ਕੋਡ, ਵਿਧਾਨ, ਰੈਗੂਲੇਟਰੀ ਗਾਈਡ ਅਤੇ ਸੰਬੰਧਿਤ ਕਾਰੋਬਾਰੀ ਮਾਰਗਦਰਸ਼ਨ, ਯੂਨੀਅਨ ਸਮਝੌਤੇ, ਤੀਜੀਆਂ ਧਿਰਾਂ ਦੀਆਂ ਮਦਾਂ ਅਤੇ ਸ਼ਰਤਾਂ ਜਿਨ੍ਹਾਂ ਦੇ ਤੁਸੀਂ ਜਾਂ ਯੋਗ ਸਮੱਗਰੀ ਅਧੀਨ ਹੋ ਅਤੇ ਵਰਤੋਂ ਦੀਆਂ ਮਦਾਂ, ਵਰਤੋਂਕਾਰ ਸਮਝੌਤੇ ਅਤੇ ਹਰੇਕ ਲਾਗੂ ਵੈੱਬਸਾਈਟ ਜਾਂ ਪਲੇਟਫਾਰਮ (“ਨਿਯਮ”) ਦੀ ਵਰਤੋਂ ਨਾਲ ਸੰਬੰਧਿਤ ਹੋਰ ਨਿਯਮ ਅਤੇ ਸ਼ਰਤਾਂ ਸ਼ਾਮਲ ਹਨ। ਇਸ ਵਿੱਚ ਲਾਗੂ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਸਾਰੇ ਲੋੜੀਂਦੇ ਵਿਗਿਆਪਨ, ਸਮਰਥਨ ਜਾਂ ਭਾਗੀਦਾਰ ਲਿੰਕਾਂ ਦੇ ਖੁਲਾਸੇ ਕਰਨਾ ਸ਼ਾਮਲ ਹੈ। ਅਜਿਹੇ ਵਿਗਿਆਪਨ ਜਾਂ ਭਾਗੀਦਾਰ ਲਿੰਕ ਖੁਲਾਸੇ ਲਾਗੂ ਨਿਯਮਾਂ ਦੀ ਪਾਲਣਾ ਕਰਨ ਲਈ ਯੋਗ ਸਮੱਗਰੀ ਦੇ ਅੰਦਰ ਸਾਫ਼, ਪ੍ਰਤੱਖ ਅਤੇ ਕਾਫ਼ੀ ਸਹੀ ਢੰਗ ਨਾਲ ਹੋਣੇ ਚਾਹੀਦੇ ਹਨ ਅਤੇ ਇਹ ਯਕੀਨੀ ਬਣਾਓ ਕਿ Snap ਬਾਰੇ ਤੁਹਾਡੇ ਵੱਲੋਂ ਕੋਈ ਵੀ ਬਿਆਨ ਤੁਹਾਡੇ ਇਮਾਨਦਾਰ ਵਿਚਾਰਾਂ, ਵਿਸ਼ਵਾਸਾਂ ਜਾਂ ਤਜ਼ਰਬਿਆਂ ਨੂੰ ਦਰਸਾਉਂਦੇ ਹਨ ਅਤੇ ਝੂਠੇ, ਗੁੰਮਰਾਹਕੁੰਨ ਜਾਂ ਬੇਬੁਨਿਆਦ ਨਹੀਂ ਹਨ।

ਅ. ਯੋਗ ਸਮੱਗਰੀ ਵਿੱਚ ਕੁਝ Snap ਵਪਾਰ ਚਿੰਨ੍ਹ ਅਤੇ ਬ੍ਰਾਂਡ ਸੰਪਤੀਆਂ ਸ਼ਾਮਲ ਹੋ ਸਕਦੇ ਹਨ (“Snap-ਵੱਲੋਂ ਦਿੱਤੀਆਂ ਚੀਜ਼ਾਂ”)। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਅਤੇ Snap ਦੀਆਂ ਬ੍ਰਾਂਡ ਸੇਧਾਂ ਦੀ ਤੁਹਾਡੀ ਪਾਲਣਾ ਦੇ ਅਧੀਨ Snap ਤੁਹਾਨੂੰ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਤੁਹਾਡੀ ਭਾਗੀਦਾਰੀ ਦੀ ਮਿਆਦ ਦੌਰਾਨ ਸੀਮਤ, ਗੈਰ-ਨਿਵੇਕਲਾ, ਗੈਰ-ਤਬਾਦਲਾਯੋਗ, ਗੈਰ-ਉਪ-ਲਾਇਸੈਂਸਯੋਗ (ਇਨ੍ਹਾਂ Snap ਭਾਗੀਦਾਰ ਪਲੇਟਫਾਰਮ ਮਦਾਂ ਵਿੱਚ ਦੱਸੇ ਤੋਂ ਇਲਾਵਾ), ਰੱਦ ਕਰਨ ਯੋਗ ਲਾਇਸੈਂਸ ਦਿੰਦਾ ਹੈ ਤਾਂ ਜੋ Snap-ਵੱਲੋਂ ਦਿੱਤੀਆਂ ਚੀਜ਼ਾਂ ਦੀ ਵਰਤੋਂ ਸਿਰਫ਼ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਤੁਹਾਡੀ ਭਾਗੀਦਾਰੀ ਦੇ ਸੰਬੰਧ ਵਿੱਚ ਕੀਤੀ ਜਾ ਸਕੇ ਜਿਵੇਂ ਕਿ ਇੱਥੇ ਜਾਂ Snap ਵੱਲੋਂ ਲਿਖਤੀ ਰੂਪ ਵਿੱਚ ਦੱਸਿਆ ਹੈ। ਤੁਸੀਂ ਅਜਿਹੀਆਂ Snap-ਵੱਲੋੱ ਦਿੱਤੀਆਂ ਚੀਜ਼ਾਂ ਨੂੰ ਕਿਸੇ ਵੀ ਕਿਸਮ ਦੀ ਤਬਦੀਲੀ, ਸੋਧ ਜਾਂ ਅਨੁਕੂਲਣ ਤੋਂ ਬਿਨਾਂ ਸਿਰਫ਼ ਦਿੱਤੇ ਅਨੁਸਾਰ ਵਰਤਣ ਲਈ ਸਹਿਮਤ ਹੋ। ਤੁਸੀਂ ਅੱਗੇ Snap-ਵੱਲੋਂ ਦਿੱਤੀਆਂ ਚੀਜ਼ਾਂ ਦੀ ਵਰਤੋਂ ਸਿਰਫ ਲਾਗੂ ਨਿਯਮਾਂ ਦੇ ਅਨੁਸਾਰ ਕਰਨ ਲਈ ਸਹਿਮਤ ਹੋ। ਜੇ ਤੁਸੀਂ ਕੋਈ ਏਜੰਸੀ ਹੋ, ਤਾਂ ਇਹ ਲਾਇਸੈਂਸ ਸਮੱਗਰੀ ਮਾਲਕਾਂ ਨੂੰ ਸਿਰਫ਼ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਉਹਨਾਂ ਦੀ ਭਾਗੀਦਾਰੀ ਦੇ ਸੰਬੰਧ ਵਿੱਚ ਉਪ-ਲਾਇਸੈਂਸ ਵਜੋਂ ਦਿੱਤਾ ਜਾ ਸਕਦਾ ਹੈ। ਜੇ ਅਸੀਂ Snap ਭਾਗੀਦਾਰ ਪ੍ਰੋਗਰਾਮ ਤੱਕ ਤੁਹਾਡੀ ਪਹੁੰਚ ਨੂੰ ਮੁਅੱਤਲ, ਖਤਮ ਜਾਂ ਰੱਦ ਕਰਦੇ ਹਾਂ ਜਾਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ ਦੱਸੇ ਅਨੁਸਾਰ ਕਿਸੇ ਵੀ ਸਮੇਂ Snap ਭਾਗੀਦਾਰ ਪ੍ਰੋਗਰਾਮ ਨੂੰ ਬੰਦ, ਪੇਸ਼ਕਸ਼ ਨਹੀਂ ਕਰਦੇ ਜਾਂ ਸਮਰਥਨ ਕਰਨਾ ਬੰਦ ਕਰਦੇ ਹਾਂ, ਤਾਂ ਇਸ ਭਾਗ ਵਿੱਚ ਤੁਹਾਨੂੰ ਦਿੱਤਾ ਲਾਇਸੈਂਸ ਰੱਦ ਕਰ ਦਿੱਤਾ ਜਾਵੇਗਾ। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ ਸਪਸ਼ਟ ਤੌਰ 'ਤੇ ਦੱਸੇ ਤੋਂ ਇਲਾਵਾ ਕੋਈ ਵੀ ਧਿਰ ਦੂਜੀ ਧਿਰ ਦੇ ਵਪਾਰਕ ਨਾਵਾਂ, ਵਪਾਰਕ ਚਿੰਨ੍ਹਾਂ, ਸੇਵਾ-ਚਿੰਨ੍ਹਾਂ, ਲੋਗੋਆਂ ਜਾਂ ਨਿਸ਼ਾਨੀਆਂ ਜਾਂ ਕੋਈ ਅਨੁਕੂਲਣ ਜਾਂ ਵੱਖਰੇ ਰੂਪ ਨੂੰ ਕਿਸੇ ਵੀ ਤਰੀਕੇ ਨਾਲ ਦੂਜੀ ਧਿਰ ਦੀ ਸਪਸ਼ਟ ਪੂਰਵ ਲਿਖਤੀ ਸਹਿਮਤੀ ਤੋਂ ਬਿਨਾਂ ਨਹੀਂ ਵਰਤੇਗੀ। ਅਜਿਹੀ ਸਾਰੀ ਵਰਤੋਂ ਦੂਜੀ ਧਿਰ ਦੀ ਪ੍ਰਵਾਨਗੀ ਦੇ ਅਧੀਨ ਹੋਵੇਗੀ, ਪੂਰੀ ਤਰ੍ਹਾਂ ਦੂਜੀ ਧਿਰ ਦੇ ਲਾਭ ਲਈ ਹੋਵੇਗੀ ਅਤੇ ਕਿਸੇ ਧਿਰ ਨੂੰ ਦੂਜੀ ਧਿਰ ਦੀ ਅਜਿਹੀ ਬੌਧਿਕ ਜਾਇਦਾਦ ਵਿੱਚ ਕੋਈ ਅਧਿਕਾਰ ਨਹੀਂ ਦੇਵੇਗੀ।

ੲ. ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੀ ਤੁਹਾਡੀ ਪਾਲਣਾ ਦੇ ਅਧੀਨ Snap ਤੁਹਾਨੂੰ ਤੁਹਾਡੇ ਪਲੇਟਫਾਰਮ ਪ੍ਰਦਾਤਾ ਖਾਤੇ ਵਿੱਚ ਨਿਰਧਾਰਤ ਮਿਆਦ ਦੌਰਾਨ ਸੇਵਾਵਾਂ 'ਤੇ ਵਿਗਿਆਪਨ ਚਲਾਉਣ ਲਈ ਯੋਗ ਗਾਹਕਾਂ (ਜਿਵੇਂ ਕਿ ਹੇਠਾਂ ਪਰਿਭਾਸ਼ਿਤ ਕੀਤਾ ਹੈ) ਤੋਂ Snap ਨੂੰ ਭੁਗਤਾਨ ਕੀਤੇ ਮਾਲੀਆ ਦੇ ਫ਼ੀਸਦ ਨਾਲ (ਟੈਕਸਾਂ ਅਤੇ ਡਿਉਟੀਆਂ ਛੱਡ ਕੇ) ਇਨਾਮ ਦੇ ਸਕਦਾ ਹੈ ਬਸ਼ਰਤੇ ਕਿ ਅਜਿਹਾ ਮਾਲੀਆ: (i) ਉਹਨਾਂ ਯੋਗ ਗਾਹਕਾਂ ਤੋਂ 90 ਦਿਨਾਂ ਦੇ ਅੰਦਰ ਤੁਹਾਡੇ ਟਰੈਕਿੰਗ ਲਿੰਕ ਰਾਹੀਂ ਕਲਿੱਕ ਕਰਨ 'ਤੇ ਪ੍ਰਾਪਤ ਕੀਤਾ ਹੋਵੇ; ਅਤੇ (ii) ਯੋਗ ਸਮੱਗਰੀ ਦੀ ਤੁਹਾਡੀ ਪੋਸਟ ਦੇ ਸਿੱਧੇ ਨਤੀਜੇ ਵਜੋਂ ਜਿਵੇਂ ਕਿ Snap ਵੱਲੋਂ ਆਪਣੀ ਸਮਝ ਅਨੁਸਾਰ ਤੈਅ ਕੀਤਾ ਗਿਆ ਹੈ, (“ਯੋਗ ਮਾਲੀਆ”)। “ਯੋਗ ਗਾਹਕਾਂ” ਦਾ ਮਤਲਬ ਹੈ ਨਵੇਂ ਵਿਗਿਆਪਨਦਾਤਾ ਜਿਨ੍ਹਾਂ ਨੇ ਪਹਿਲਾਂ Snapchat 'ਤੇ ਵਿਗਿਆਪਨ ਨਹੀਂ ਚਲਾਏ (ਕਿਸੇ ਹੋਰ ਖਾਤੇ ਜਾਂ ਕਿਸੇ ਤੀਜੀ ਧਿਰ ਰਾਹੀਂ ਕਿਸੇ ਵਿਗਿਆਪਨ ਏਜੰਸੀ ਸਮੇਤ) ਜਿਵੇਂ ਕਿ ਪੂਰੀ ਤਰ੍ਹਾਂ Snap ਵੱਲੋਂ ਤੈਅ ਕੀਤਾ ਗਿਆ ਹੈ। 

ਸ. ਤੁਹਾਡੇ ਲਈ ਕਿਸੇ ਵੀ ਭੁਗਤਾਨ ਦੀ ਗਣਨਾ ਯੋਗ ਮਾਲੀਆ ਦੇ ਫ਼ੀਸਦ ਵਜੋਂ ਕੀਤੀ ਜਾਵੇਗੀ, ਇਹ ਪ੍ਰਤੀਸ਼ਤ Snap ਦੀ ਆਪਣੀ ਸਮਝ ਅਨੁਸਾਰ ਬਦਲਣ ਦੇ ਅਧੀਨ ਹੈ। ਕਿਸੇ ਵੀ ਉਸ ਯੋਗ ਸਮੱਗਰੀ ਜਾਂ ਯੋਗ ਮਾਲੀਏ ਲਈ ਭੁਗਤਾਨ ਨਹੀਂ ਕੀਤੇ ਜਾਣਗੇ ਜਿਸ ਦੀ Snap ਵੱਲੋਂ ਪ੍ਰਵਾਨਗੀ ਨਹੀਂ ਦਿੱਤੀ ਗਈ ਹੈ। 

ਹ. Snap ਕੋਲ ਇਹ ਅਧਿਕਾਰ ਹੈ: (i) ਯੋਗ ਸਮੱਗਰੀ ਨਾਲ ਸੰਬੰਧਿਤ ਤੁਹਾਡੇ ਕੋਲੋਂ ਵੇਰਵਿਆਂ ਦੀ ਬੇਨਤੀ ਅਤੇ ਉਨ੍ਹਾਂ ਨੂੰ ਪ੍ਰਾਪਤ ਕਰਨਾ, ਜਿਸ ਵਿੱਚ ਟ੍ਰੈਫਿਕ ਸਰੋਤਾਂ ਅਤੇ ਵਰਤੇ ਗਏ ਤਰੀਕਿਆਂ ਬਾਰੇ ਜਾਣਕਾਰੀ ਸ਼ਾਮਲ ਹੈ ਪਰ ਇਹਨਾਂ ਤੱਕ ਸੀਮਿਤ ਨਹੀਂ ਹੈ; ਅਤੇ (ii) ਯੋਗ ਗਾਹਕਾਂ ਅਤੇ ਯੋਗ ਮਾਲੀਏ ਦੀ ਵੈਧਤਾ ਅਤੇ ਯੋਗਤਾ ਦਾ ਮੁਲਾਂਕਣ ਕਰਨਾ।

ਕ. ਤੁਹਾਡੇ ਲਈ ਸਾਰੇ ਭੁਗਤਾਨ ਪਲੇਟਫਾਰਮ ਰਾਹੀਂ ਕੀਤੇ ਜਾਂਦੇ ਹਨ ਅਤੇ ਪਲੇਟਫਾਰਮ ਪ੍ਰਦਾਤਾ ਦੀਆਂ ਮਦਾਂ ਦੇ ਅਨੁਸਾਰ ਭੁਗਤਾਨ ਕੀਤਾ ਜਾਵੇਗਾ। ਭੁਗਤਾਨ ਤਾਂ ਹੀ ਕੀਤਾ ਜਾਵੇਗਾ ਜੇ ਟਰੈਕਿੰਗ ਲਿੰਕਾਂ ਦੀ ਸਹੀ ਵਰਤੋਂ ਦੇ ਨਤੀਜੇ ਵਜੋਂ ਹੋਵੇ ਜਿਵੇਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ ਸਪਸ਼ਟ ਤੌਰ 'ਤੇ ਦੱਸਿਆ ਗਿਆ ਹੈ।

ਖ. ਤੁਹਾਡੇ ਅਤੇ Snap ਦੇ ਵਿਚਕਾਰ Snap ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਸੰਬੰਧ ਵਿੱਚ ਬਣਾਈ ਜਾਂ ਇਕੱਤਰ ਕੀਤੀ ਸਾਰੀ ਜਾਣਕਾਰੀ ਵਿੱਚ ਅਤੇ ਸਾਰੇ ਅਧਿਕਾਰਾਂ, ਸਿਰਲੇਖ ਅਤੇ ਦਿਲਚਸਪੀ (ਸਾਰੇ ਬੌਧਿਕ ਜਾਇਦਾਦ ਅਧਿਕਾਰਾਂ ਸਮੇਤ) ਦਾ ਮਾਲਕ ਹੋਵੇਗਾ, ਜਿਸ ਵਿੱਚ ਬਿਨਾਂ ਕਿਸੇ ਸੀਮਾ ਦੇ ਇਹ ਸ਼ਾਮਲ ਹੋਵੇਗਾ; (i) ਕਿਸੇ ਵੀ ਗਾਹਕ ਤੋਂ ਇਕੱਤਰ ਕੀਤੀ ਕੋਈ ਵੀ ਸੰਪਰਕ ਜਾਣਕਾਰੀ ਜੋ ਕਿਸੇ ਟਰੈਕਿੰਗ ਲਿੰਕ ਨਾਲ ਅੰਤਰਕਿਰਿਆ ਕਰਦਾ ਹੈ; ਅਤੇ (ii) ਕਲਿੱਕ ਕਰਨ ਦੀਆਂ ਦਰਾਂ ਜਾਂ ਅਜਿਹੇ ਗਾਹਕਾਂ ਵੱਲੋਂ ਖਰੀਦੇ ਉਤਪਾਦ(ਦਾਂ) ਸੰਬੰਧੀ ਕੋਈ ਜਾਣਕਾਰੀ।

ਗ. ਤੁਸੀਂ ਟਰੈਕਿੰਗ ਲਿੰਕਾਂ ਜਾਂ Snap-ਵੱਲੋਂ ਦਿੱਤੀਆਂ ਚੀਜ਼ਾਂ ਨੂੰ ਵੰਡਣ, ਲਾਇਸੈਂਸ ਦੇਣ, ਦੁਬਾਰਾ ਵੇਚਣ ਜਾਂ ਹੋਰ ਵਰਤੋਂ ਨਹੀਂ ਕਰ ਸਕਦੇ ਜਦੋਂ ਤੱਕ Snap ਦੀ ਲਿਖਤੀ ਇਜਾਜ਼ਤ ਰਾਹੀਂ ਅਧਿਕਾਰਤ ਨਹੀਂ ਕੀਤਾ ਜਾਂਦਾ ਹੈ।

ਸੰਖੇਪ ਵਿੱਚ: ਜੇ ਤੁਹਾਨੂੰ Snap ਭਾਗੀਦਾਰ ਪ੍ਰੋਗਰਾਮ ਲਈ ਸੱਦਾ ਦਿੱਤਾ ਜਾਂਦਾ ਹੈ, ਤਾਂ ਤੁਹਾਨੂੰ Snap ਦਾ ਪ੍ਰਚਾਰ ਕਰਨ ਵਾਲੀ ਆਪਣੀ ਅਸਲ ਸਮੱਗਰੀ ਵਿੱਚ ਵਰਤਣ ਲਈ ਟਰੈਕਿੰਗ ਲਿੰਕ ਮਿਲੇਗਾ। ਤੁਸੀਂ ਇਹ ਯਕੀਨੀ ਬਣਾਉਣ ਲਈ ਜ਼ਿੰਮੇਵਾਰ ਹੋ ਕਿ ਤੁਹਾਡੀ ਸਮੱਗਰੀ ਸਾਰੇ ਲਾਗੂ ਕਾਨੂੰਨ, ਨਿਯਮਾਂ ਅਤੇ ਮਾਰਗਦਰਸ਼ਨ ਦੀ ਪਾਲਣਾ ਕਰਦੀ ਹੈ, ਜਿਸ ਵਿੱਚ ਖੁਲਾਸਿਆਂ ਦੀ ਸ਼ਮੂਲੀਅਤ ਸ਼ਾਮਲ ਹੈ। ਤੁਹਾਨੂੰ  ਆਪਣੀ ਸਮੱਗਰੀ ਵਿੱਚ ਕੁਝ Snap ਵਪਾਰਕ ਚਿੰਨ੍ਹ ਅਤੇ ਬ੍ਰਾਂਡ ਸੰਪਤੀਆਂ ਦੀ ਵਰਤੋਂ ਕਰਨ ਦਾ ਸੀਮਤ ਅਧਿਕਾਰ ਹੈ, ਜੋ ਕਿ ਇਹਨਾਂ ਮਦਾਂ ਅਤੇ Snap ਬ੍ਰਾਂਡ ਸੇਧਾਂ ਦੀ ਪਾਲਣਾ ਦੇ ਅਧੀਨ ਹੈ। ਤੁਸੀਂ ਨਵੇਂ ਵਿਗਿਆਪਨਦਾਤਾਵਾਂ ਤੋਂ ਆਮਦਨ 'ਤੇ ਕਮਿਸ਼ਨ ਲੈ ਸਕਦੇ ਹੋ ਜੋ ਤੁਹਾਡੇ ਲਿੰਕ 'ਤੇ ਕਲਿੱਕ ਕਰਦੇ ਹਨ ਅਤੇ Snap 'ਤੇ ਵਿਗਿਆਪਨ ਚਲਾਉਂਦੇ ਹਨ, ਇਹ ਸਭ Snap ਦੀ ਆਪਣੀ ਸਮਝ ਅਤੇ ਪ੍ਰਵਾਨਗੀ ਦੇ ਅਧੀਨ ਹੈ। ਭੁਗਤਾਨ ਦੀਆਂ ਰਕਮਾਂ ਅਤੇ ਯੋਗਤਾ Snap ਵੱਲੋਂ ਤੈਅ ਅਤੇ ਫ਼ੇਰਬਦਲ ਕੀਤੀਆਂ ਜਾਂਦੀਆਂ ਹਨ ਅਤੇ ਪਲੇਟਫਾਰਮ ਪ੍ਰਦਾਤਾ ਰਾਹੀਂ ਉਹਨਾਂ ਦੀਆਂ ਮਦਾਂ ਦੇ ਅਨੁਸਾਰ ਦਿੱਤੀਆਂ ਜਾਂਦੀਆਂ ਹਨ।

ੳ. Snap ਤੁਹਾਡੇ ਨਾਲ ਸਬੰਧਿਤ ਯੋਗ ਮਾਲੀਏ ਵਿੱਚੋਂ ਕਿਸੇ ਵੀ ਆਮਦਨ ਨੂੰ ਕੱਢ ਸਕਦਾ ਹੈ ਜੋ Snap ਤੈਅ ਕਰਦਾ ਹੈ ਕਿ ਹੇਠਾਂ ਦੱਸੇ ਅਨੁਸਾਰ ਕਮਾਈ ਹੈ (ਸਮੂਹਿਕ ਤੌਰ 'ਤੇ "ਵਰਜਿਤ ਸਰਗਰਮੀਆਂ"):

• ਅਜਿਹੀ ਸਮੱਗਰੀ ਜੋ Snap ਦੀਆਂ ਮਦਾਂ ਦੀ ਪਾਲਣਾ ਨਹੀਂ ਕਰਦੀ, ਜਿਸ ਵਿੱਚ ਭਾਈਚਾਰਕ ਸੇਧਾਂ ਅਤੇ ਬ੍ਰਾਂਡ ਸੇਧਾਂ ਸ਼ਾਮਲ ਹਨ ਜਾਂ ਅਜਿਹੀ ਸਮੱਗਰੀ ਜਿਸ ਨੂੰ ਅਪਮਾਨਜਨਕ ਮੰਨਿਆ ਜਾਂਦਾ ਹੈ ਜਾਂ Snap ਦੀ ਸਮਝ ਅਨੁਸਾਰ ਸ਼ੱਕੀ ਜਾਂ ਵਿਵਾਦਪੂਰਨ ਵਿਸ਼ਾ ਸ਼ਾਮਲ ਹੈ।

• ਸਮੱਗਰੀ ਜਿਸ ਵਿੱਚ ਸਪੈਮ ਸ਼ਾਮਲ ਹੈ।

• ਯੋਗ ਸਮੱਗਰੀ ਦਾ ਪ੍ਰਚਾਰ ਕਰਨ ਲਈ ਬੇਲੋੜੀ ਈਮੇਲ ਜਾਂ ਅਢੁਕਵੀਆਂ ਖ਼ਬਰ-ਸਮੂਹ ਪੋਸਟਾਂ ਦੀ ਵਰਤੋਂ, ਬ੍ਰਾਊਜ਼ਰਾਂ ਨੂੰ ਖੁੱਲ੍ਹਣ ਤੋਂ ਰੋਕਣਾ ਜਾਂ ਦਰਸ਼ਕਾਂ ਨੂੰ ਆਪਣੇ-ਆਪ ਕਿਤੇ ਹੋਰ ਲਿਜਾਣਾ, ਨਾ-ਪੜ੍ਹੇ ਜਾ ਸਕਣ ਵਾਲੇ ਲਿਖਤ ਲਿੰਕ, ਗੁੰਮਰਾਹਕੁੰਨ ਲਿੰਕ ਜਾਂ ਜ਼ਬਰਦਸਤੀ ਕਲਿੱਕਾਂ।

• ਤੀਜੀਆਂ ਧਿਰਾਂ ਨੂੰ ਪੈਸੇ ਜਾਂ ਹੋਰ ਲਾਲਚਾਂ ਦਾ ਭੁਗਤਾਨ ਜਾਂ ਦੇਖੇ ਜਾਣ ਦੀ ਗਿਣਤੀ ਵਧਾਉਣ ਦਾ ਵਪਾਰ ਕਰਨ ਦੀ ਪੇਸ਼ਕਸ਼।

• ਸੰਭਾਵੀ ਵਿਗਿਆਪਨਦਾਤਾਵਾਂ ਲਈ ਝੂਠੀ ਪੇਸ਼ਕਾਰੀਆਂ, ਜਿਸ ਵਿੱਚ ਧੋਖੇਬਾਜ਼ੀ ਵਾਲੇ ਲਿੰਕਾਂ ਦੀ ਵਰਤੋਂ ਸ਼ਾਮਲ ਹੈ।

• Snap ਦੀ ਨਕਲ ਕਰਨ ਦੀਆਂ ਕੋਸ਼ਿਸ਼ਾਂ।

• ਬੋਟਾਂ ਜਾਂ ਹੋਰ ਗੈਰ-ਮਨੁੱਖੀ ਟ੍ਰੈਫਿਕ, ਕੂਕੀ ਸਟੱਫਿੰਗ, ਜਾਂ ਝੂਠੇ ਜਾਂ ਗੁੰਮਰਾਹਕੁੰਨ ਲਿੰਕਾਂ ਦੀ ਵਰਤੋਂ ਕਰਕੇ ਰੈਫਰਲਾਂ ਦੀ ਸਿਰਜਣਾ।

• Snapchat ਖਾਤੇ ਜੋ ਤੁਹਾਡੇ ਵੱਲੋਂ ਬਣਾਏ ਜਾਂ ਤੁਹਾਡੀ ਮਲਕੀਅਤ ਹਨ।

• Snap ਦੀ ਪੂਰਵ ਲਿਖਤੀ ਸਹਿਮਤੀ ਤੋਂ ਬਿਨਾਂ ਕੋਈ ਤੀਜੀ-ਧਿਰ ਦੇ ਨੈੱਟਵਰਕ ਜਾਂ ਉਪ-ਭਾਗੀਦਾਰ ਨੈੱਟਵਰਕ।

• ਸਮੱਗਰੀ ਜਿਸ ਵਿੱਚ ਕੋਈ ਵੀ ਵਾਇਰਸ, ਟਰੋਜਨ ਹੌਰਸ, ਵਰਮ, ਟਾਈਮ ਬੰਬ, ਕੈਨਸਲਬੋਟ ਜਾਂ ਹੋਰ ਕੰਪਿਊਟਰ ਪ੍ਰੋਗਰਾਮਿੰਗ ਦੇ ਨਿਯਮਬੱਧ ਕੰਮ ਸ਼ਾਮਲ ਹਨ ਜੋ ਕਿਸੇ ਵੀ ਸਿਸਟਮ, ਡਾਟੇ ਜਾਂ ਨਿੱਜੀ ਜਾਣਕਾਰੀ ਦਾ ਨੁਕਸਾਨ, ਦਖਲਅੰਦਾਜ਼ੀ ਜਾਂ ਗੁਪਤ ਤੌਰ 'ਤੇ ਰੋਕਣ ਜਾਂ ਜ਼ਬਤ ਕਰਨ ਦੇ ਉਦੇਸ਼ ਨਾਲ ਹਨ।

• ਸਮੱਗਰੀ ਜਿਸ ਵਿੱਚ ਸੌਫਟਵੇਅਰ ਜਾਂ ਵਰਤੋਂ ਵਾਲੀ ਤਕਨਾਲੋਜੀ ਸ਼ਾਮਲ ਹੈ ਜੋ ਕਿਸੇ ਵੀ ਹੋਰ ਵੈੱਬਸਾਈਟ ਤੋਂ ਇੰਟਰਨੈੱਟ ਟ੍ਰੈਫਿਕ ਨੂੰ ਰੋਕਣ, ਮੋੜਨ ਜਾਂ ਕਿਤੇ ਹੋਰ ਲਿਜਾਣ ਦੀ ਕੋਸ਼ਿਸ਼ ਕਰਦੀ ਹੈ ਜਾਂ ਜੋ ਸੰਭਾਵੀ ਤੌਰ 'ਤੇ ਕਿਸੇ ਹੋਰ ਵੈੱਬਸਾਈਟ ਤੋਂ ਭਾਗੀਦਾਰ ਕਮਿਸ਼ਨ ਮੋੜੇ ਜਾਣ ਨੂੰ ਸਮਰੱਥ ਬਣਾਉਂਦੀ ਹੈ।

• ਸਮੱਗਰੀ ਜੋ ਤੀਜੀਆਂ ਧਿਰਾਂ ਦੇ ਕਿਸੇ ਵੀ ਬੌਧਿਕ ਜਾਇਦਾਦ ਅਧਿਕਾਰਾਂ ਦਾ ਨੁਕਸਾਨ ਜਾਂ ਉਲੰਘਣਾ ਕਰਦੀ ਹੈ।

• ਸਮੱਗਰੀ ਜੋ ਕਿਸੇ ਵੀ ਰੋਬੋਟ, ਸਪਾਈਡਰ, ਕ੍ਰਾਲਰ, ਸਕ੍ਰੇਪਰ, ਸਕ੍ਰਿਪਟ, ਸੌਫਟਵੇਅਰ ਜਾਂ ਹੋਰ ਸਵੈਚਾਲਿਤ ਜਾਂ ਅੱਧ-ਸਵੈਚਾਲਿਤ ਸਾਧਨਾਂ, ਪ੍ਰਕਿਰਿਆਵਾਂ ਜਾਂ ਇੰਟਰਫੇਸਾਂ ਦੀ ਤੁਹਾਡੀ ਵਰਤੋਂ ਦੇ ਨਤੀਜੇ ਵਜੋਂ ਬਣਾਈ ਹੈ, ਜਿਸ ਵਿੱਚ ਸੇਵਾਵਾਂ ਤੱਕ ਪਹੁੰਚ, ਸਕ੍ਰੈਪ ਕਰਨ, ਕੱਢਣ ਜਾਂ ਕਾਪੀ ਕਰਨ ਲਈ ਜਿਸ ਵਿੱਚ ਸੇਵਾਵਾਂ ਵਿੱਚ ਸ਼ਾਮਲ ਕੋਈ ਵੀ ਵਰਤੋਂਕਾਰ ਡਾਟਾ, ਸਮੱਗਰੀ ਜਾਂ ਹੋਰ ਡਾਟਾ ਸ਼ਾਮਲ ਹੈ।

• ਵੈੱਬਸਾਈਟਾਂ ਜਾਂ ਪਲੇਟਫਾਰਮਾਂ: (i) ਜਿਨ੍ਹਾਂ ਤੱਕ ਪਹੁੰਚ ਕਰਨ ਲਈ ਵਰਤੋਂਕਾਰ-ਨਾਮ ਅਤੇ ਪਾਸਵਰਡ ਦੀ ਲੋੜ ਹੈ; (ii) ਜੋ ਨਿਰਮਾਣ ਅਧੀਨ ਹਨ; ਜਾਂ (iii) ਜਿਨ੍ਹਾਂ ਲਈ ਵਰਤੋਂਕਾਰਾਂ ਦੀਆਂ ਡੀਵਾਈਸਾਂ ਵਿੱਚ ਸੌਫਟਵੇਅਰ ਡਾਊਨਲੋਡ ਦੀ ਲੋੜ ਹੈ।

ਅ. Snap ਇਸ ਕਰਕੇ ਹੋਏ ਕਿਸੇ ਵੀ ਖਰਚੇ ਨੂੰ ਯੋਗ ਮਾਲੀਏ ਵਿੱਚੋਂ ਬਾਹਰ ਕੱਢ ਸਕਦਾ ਹੈ:

• ਕੋਈ ਵੀ ਸਰੋਤ ਜੋ Snap ਆਪਣੇ ਵਿਵੇਕ ਅਨੁਸਾਰ ਤੈਅ ਕਰਦਾ ਹੈ, ਉਹ ਵਿਗਿਆਪਨਦਾਤਾ ਦੇ ਭਾਗੀਦਾਰ ਨਾਲ ਆਖਰੀ ਗੱਲਬਾਤ (ਭਾਵ ਆਖਰੀ ਛੋਹ ਵਿਸ਼ੇਸ਼ਤਾ) ਦੇ ਕਾਰਨ ਨਹੀਂ ਹੈ।

• Snap ਪ੍ਰਚਾਰ ਮੁਹਿੰਮਾਂ 'ਤੇ ਲੈਣ-ਦੇਣ। 

• ਹੱਲਾਸ਼ੇਰੀ ਕੂਪਨ ਜਾਂ ਕੋਡ ਪੇਸ਼ਕਸ਼ ਵੈੱਬਸਾਈਟਾਂ ਜਿਸ ਵਿੱਚ ਛੂਟ ਵਾਲੀਆਂ ਸਾਈਟਾਂ, ਦਿਖਾਉਣ ਲਈ ਕਲਿੱਕ ਕਰਨਾ, ਕਲਿੱਕ ਕਰਨ ਲਈ ਭੁਗਤਾਨ ਪ੍ਰਾਪਤ ਕਰਨਾ, ਜਾਂ ਪੇਸ਼ਕਸ਼ ਕੋਡ ਸਾਈਟਾਂ ਸ਼ਾਮਲ ਹਨ ਪਰ ਇਹਨਾਂ ਤੱਕ ਸੀਮਿਤ ਨਹੀਂ ਹਨ।

• ਖੋਜ ਇੰਜਣ ਜਾਂ ਹੋਰ ਭੁਗਤਾਨ-ਪ੍ਰਤੀ-ਕਲਿੱਕ ਮੁੱਖ ਸ਼ਬਦ (ਜਿਵੇਂ ਕਿ Google Ads), ਟ੍ਰੇਡਮਾਰਕ ਜਾਂ ਡੋਮੇਨ ਨਾਮ ਜੋ Snap ਜਾਂ ਇਸਦੇ ਵਿਗਿਆਪਨ ਦੇਣ ਵਾਲਿਆਂ ਦੇ ਟ੍ਰੇਡਮਾਰਕ ਜਾਂ ਨਾਮ ਜਾਂ ਹੋਰ ਬੌਧਿਕ ਜਾਇਦਾਦ ਦੀ ਵਰਤੋਂ ਕਰਦੇ ਹਨ, ਇਸ ਵਿੱਚ ਕੋਈ ਵੀ ਭਿੰਨਤਾਵਾਂ ਜਾਂ ਗਲਤ ਸ਼ਬਦ-ਜੋੜ ਸ਼ਾਮਲ ਹਨ ਜੋ ਧੋਖੇਬਾਜ਼ੀ ਜਾਂ ਉਲਝਾਉਣ ਲਈ Snap ਜਾਂ ਇਸਦੇ ਵਿਗਿਆਪਨ ਦੇਣ ਵਾਲਿਆਂ ਦੇ ਟ੍ਰੇਡਮਾਰਕਾਂ ਵਰਗੇ ਹੋ ਸਕਦੇ ਹਨ।

• ਯੋਗ ਗਾਹਕ ਜਿਨ੍ਹਾਂ ਦੀ ਤੁਸੀਂ ਨੁਮਾਇੰਦਗੀ ਕਰਦੇ ਹੋ।

• ਵਿਗਿਆਪਨਦਾਤਾ Snap ਵੱਲੋਂ ਕਾਰਵਾਈ ਦੇ ਅਧੀਨ ਹਨ ਜਿਸ ਵਿੱਚ ਉਹਨਾਂ ਦੇ ਕਿਸੇ ਵੀ Snapchat ਖਾਤੇ ਨੂੰ ਮੁਅੱਤਲ ਜਾਂ ਰੱਦ ਕਰਨਾ ਸ਼ਾਮਲ ਹੈ।

• ਆਰਡਰ ਜੋ ਜਾਂ ਤਾਂ ਭੁਗਤਾਨ ਨਹੀਂ ਕੀਤੇ ਗਏ ਜਾਂ ਵਿਗਿਆਪਨਦਾਤਾ ਵੱਲੋਂ ਰੱਦ ਕਰਨ ਦੇ ਅਧੀਨ ਹਨ।

(ੲ) ਤੁਸੀਂ ਕੋਈ ਵੀ ਵਰਜਿਤ ਕਾਰਵਾਈਆਂ ਨਹੀਂ ਕਰੋਗੇ।

ਸੰਖੇਪ ਵਿੱਚ: Snap ਯੋਗ ਮਾਲੀਏ ਵਿੱਚੋਂ ਮਾਲੀਆ ਕੱਢ ਸਕਦਾ ਹੈ ਜੇ ਇਹ (ਹੋਰ ਚੀਜ਼ਾਂ ਦੇ ਨਾਲ) ਸਪੈਮ, ਸੇਧਾਂ ਦੀ ਉਲੰਘਣਾ, ਧੋਖੇਬਾਜ਼ ਅਭਿਆਸਾਂ ਜਾਂ ਸਵੈਚਾਲਿਤ ਟ੍ਰੈਫਿਕ ਨਾਲ ਸੰਬੰਧਿਤ ਹੈ। ਇਸ ਵਿੱਚ Snap ਦੀ ਸਹਿਮਤੀ ਤੋਂ ਬਿਨਾਂ ਤੁਹਾਡੇ ਮਾਲਕੀ ਖਾਤਿਆਂ, ਪ੍ਰਤੀਰੂਪਣ ਅਤੇ ਤੀਜੀ-ਧਿਰ ਦੇ ਨੈੱਟਵਰਕਾਂ ਤੋਂ ਪ੍ਰਾਪਤ ਆਮਦਨ ਸ਼ਾਮਲ ਹੈ। ਇਸ ਤੋਂ ਇਲਾਵਾ Snap ਗੈਰ-ਵਿਸ਼ੇਸ਼ਤਾਯੋਗ ਸਰੋਤਾਂ, ਹੱਲਾਸ਼ੇਰੀ ਵਾਲੀਆਂ ਵੈੱਬਸਾਈਟਾਂ, ਵਪਾਰਕ ਚਿੰਨ੍ਹ ਉਲੰਘਣਾਵਾਂ, ਵਿਗਿਆਪਨਦਾਤਾ ਮੁਅੱਤਲੀਆਂ, ਤੁਹਾਡੀ ਨੁਮਾਇੰਦਗੀ ਵਾਲੇ ਯੋਗ ਗਾਹਕਾਂ ਜਾਂ ਅਦਾਇਗੀ ਨਾ ਕੀਤੇ ਅਤੇ ਰੱਦ ਕੀਤੇ ਆਰਡਰਾਂ ਤੋਂ ਹੋਣ ਵਾਲੇ ਮਾਲੀਏ ਨੂੰ ਕੱਢ ਸਕਦਾ ਹੈ।

ਤੁਸੀਂ ਸਹਿਮਤ ਹੋ ਅਤੇ ਮੰਨਦੇ ਹੋ ਕਿ ਤੁਸੀਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਅਨੁਸਾਰ ਪ੍ਰਾਪਤ ਹੋਣ ਵਾਲ਼ੇ ਕਿਸੇ ਵੀ ਭੁਗਤਾਨਾਂ ਨਾਲ ਸੰਬੰਧਿਤ ਕੋਈ ਵੀ ਅਤੇ ਸਾਰੇ ਟੈਕਸਾਂ, ਡਿਉਟੀਆਂ ਜਾਂ ਫੀਸਾਂ ਦਾ ਭੁਗਤਾਨ ਕਰਨ ਲਈ ਜ਼ਿੰਮੇਵਾਰ ਅਤੇ ਜੁਆਬਦੇਹ ਹੋਵੋਗੇ। ਭੁਗਤਾਨ ਕਿਸੇ ਵੀ ਲਾਗੂ ਵਿਕਰੀ, ਵਰਤੋਂ, ਉਤਪਾਦਨ ਟੈਕਸ, ਮੁੱਲ ਸਮੇਤ ਟੈਕਸ, ਵਸਤੂਆਂ ਅਤੇ ਸੇਵਾਵਾਂ ਜਾਂ ਤੁਹਾਡੇ ਲਈ ਭੁਗਤਾਨਯੋਗ ਅਜਿਹੇ ਟੈਕਸ ਸਮੇਤ ਹੁੰਦੇ ਹਨ। ਜੇਕਰ ਲਾਗੂ ਕਾਨੂੰਨ ਤਹਿਤ, ਤੁਹਾਡੇ ਲਈ ਕਿਸੇ ਵੀ ਭੁਗਤਾਨ ਤੋਂ ਕਟੌਤੀ ਕੀਤੇ ਜਾਣ ਜਾਂ ਉਸ ਨੂੰ ਰੋਕਣ ਦੀ ਲੋੜ ਹੁੰਦੀ ਹੈ, ਫਿਰ Snap, ਇਸ ਦਾ ਭਾਗੀਦਾਰ, ਜਾਂ ਇਸ ਦਾ ਪਲੇਟਫਾਰਮ ਪ੍ਰਦਾਤਾ ਅਜਿਹੇ ਟੈਕਸਾਂ ਨੂੰ ਤੁਹਾਨੂੰ ਦਿੱਤੀ ਜਾਣ ਵਾਲੀ ਰਕਮ ਤੋਂ ਕੱਟ ਸਕਦਾ ਹੈ ਅਤੇ ਲਾਗੂ ਕਾਨੂੰਨ ਦੀ ਲੋੜ ਅਨੁਸਾਰ ਢੁਕਵੀਂ ਟੈਕਸ ਅਥਾਰਟੀ ਨੂੰ ਅਜਿਹੇ ਟੈਕਸਾਂ ਦਾ ਭੁਗਤਾਨ ਕਰ ਸਕਦਾ ਹੈ। ਤੁਸੀਂ ਸਹਿਮਤ ਹੋ ਅਤੇ ਮੰਨਦੇ ਹੋ ਕਿ ਅਜਿਹੀਆਂ ਕਟੌਤੀਆਂ ਜਾਂ ਰੋਕਾਂ ਮੁਤਾਬਕ ਘਟਾਏ ਭੁਗਤਾਨ ਨਾਲ ਤੁਹਾਨੂੰ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਅਧੀਨ ਭੁਗਤਾਨ ਯੋਗ ਰਕਮਾਂ ਦਾ ਪੂਰਾ ਭੁਗਤਾਨ ਅਤੇ ਨਿਪਟਾਰਾ ਹੋਵੇਗਾ। ਵੈਧ ਭੁਗਤਾਨ ਖਾਤਾ ਸੈਟ ਅੱਪ ਕਰਨ ਦੇ ਹਿੱਸੇ ਵਜੋਂ ਤੁਸੀਂ Snap, ਇਸ ਦੀਆਂ ਸਹਾਇਕ ਅਤੇ ਭਾਗੀਦਾਰ ਕੰਪਨੀਆਂ ਅਤੇ ਕਿਸੇ ਵੀ ਪਲੇਟਫਾਰਮ ਪ੍ਰਦਾਤਾ ਨੂੰ ਉਹ ਫ਼ਾਰਮ ਅਤੇ ਦਸਤਾਵੇਜ਼ ਦਿਓਗੇ ਜੋ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਤਹਿਤ ਜਾਣਕਾਰੀ ਦੀ ਰਿਪੋਰਟਿੰਗ ਜਾਂ ਟੈਕਸ ਲਈ ਰਕਮ ਰੋਕਣ ਦੀਆਂ ਜ਼ਿੰਮੇਵਾਰੀਆਂ ਨੂੰ ਪੂਰਾ ਕਰਨ ਲਈ ਲੋੜੀਂਦੇ ਹੋ ਸਕਦੇ ਹਨ। 

ਸੰਖੇਪ ਵਿੱਚ: ਤੁਹਾਡੇ ਭੁਗਤਾਨਾਂ ਨਾਲ ਸਬੰਧਤ ਸਾਰੇ ਟੈਕਸ, ਡਿਉਟੀਆਂ ਜਾਂ ਫੀਸਾਂ ਲਈ ਤੁਸੀਂ ਖੁਦ ਜ਼ਿੰਮੇਵਾਰ ਹੋ। ਅਸੀਂ ਲਾਗੂ ਕਾਨੂੰਨ ਅਨੁਸਾਰ ਲੋੜੀਂਦੀਆਂ ਕਟੌਤੀਆਂ ਕਰ ਸਕਦੇ ਹਾਂ। ਤੁਸੀਂ ਇਸ ਮਕਸਦ ਲਈ ਲੋੜੀਂਦੇ ਕਿਸੇ ਵੀ ਫਾਰਮ ਜਾਂ ਦਸਤਾਵੇਜ਼ ਨੂੰ ਮੁਹੱਈਆ ਕਰਵਾਓਗੇ।

ਤੁਸੀਂ ਅਤੇ Snap (ਇਸ ਭਾਗ ਦੇ ਉਦੇਸ਼ ਲਈ, “ਪਾਰਟੀਆਂ”) ਸਹਿਮਤ ਹੁੰਦੇ ਹੋ ਕਿ ਸਾਰੇ ਲਾਗੂ ਭ੍ਰਿਸ਼ਟਾਚਾਰ-ਵਿਰੋਧੀ ਕਾਨੂੰਨਾਂ, ਨਿਯਮਾਂ ਅਤੇ ਨਿਯਮਾਵਲੀਆਂ ਦੀ ਪਾਲਣਾ ਕਰੋਗੇ ਅਤੇ ਇਹ ਵੀ ਜ਼ਰੂਰੀ ਹੈ ਕਿ ਭਾਗੀਦਾਰਾਂ ਦੀ ਥਾਂ ਕੰਮ ਕਰ ਰਹੇ ਕਿਸੇ ਵੀ ਇਨਸਾਨ ਵੱਲੋਂ ਵੀ ਇਹਨਾਂ ਦੀ ਪਾਲਣਾ ਕੀਤੀ ਜਾਵੇ। ਇਸ ਪਾਲਣਾ ਵਿੱਚ ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਦੇ ਨਾਲ ਇਹ ਸ਼ਾਮਲ ਹੋਵੇਗਾ: ਭਾਗੀਦਾਰ ਅਤੇ ਉਨ੍ਹਾਂ ਦੇ ਪਾਸੇ ਤੋਂ ਕੰਮ ਕਰ ਰਹੇ ਕੋਈ ਵੀ ਇਨਸਾਨ ਕਿਸੇ ਨੂੰ ਪੈਸੇ ਜਾਂ ਕੋਈ ਹੋਰ ਕੀਮਤੀ ਚੀਜ਼ ਦੇਣ, ਦੇਣ ਦਾ ਵਾਅਦਾ, ਪੇਸ਼ਕਸ਼, ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਦੇਣ ਲਈ ਅਧਿਕਾਰਤ ਨਹੀਂ ਕਰਨਗੇ ਤਾਂ ਜੋ ਕਿਸੇ ਨੂੰ ਮਨਚਾਹੀ ਕਾਰਵਾਈ ਕਰਨ, ਕਾਰਵਾਈ ਤੋਂ ਰੋਕਣ ਜਾਂ ਪ੍ਰਭਾਵ ਦੀ ਵਰਤੋਂ ਕਰਨ ਲਈ ਲਾਲਚ ਜਾਂ ਇਨਾਮ ਦਿੱਤਾ ਜਾ ਸਕੇ। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਕਿਸੇ ਵੀ ਹੋਰ ਉਪਬੰਧ ਦੇ ਬਾਵਜੂਦ ਜੇਕਰ ਦੂਜੀ ਧਿਰ ਇਸ ਉਪਬੰਧ ਦੀ ਉਲੰਘਣਾ ਕਰਦੀ ਹੈ ਤਾਂ ਗੈਰ-ਉਲੰਘਣਾ ਵਾਲੀ ਧਿਰ ਇਸਦਾ ਪਤਾ ਲੱਗਣ 'ਤੇ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨੂੰ ਖਤਮ ਕਰ ਸਕਦੀ ਹੈ।

ਧਿਰਾਂ ਸਹਿਮਤ ਹਨ ਕਿ ਉਹਨਾਂ ਦੀ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਤਹਿਤ ਕਾਰਗੁਜ਼ਾਰੀ ਸਾਰੇ ਲਾਗੂ ਆਰਥਿਕ ਜੁਰਮਾਨਿਆਂ, ਨਿਰਯਾਤ ਨਿਯੰਤਰਣ ਕਾਨੂੰਨਾਂ ਅਤੇ ਬੋਈਕੋਟ-ਵਿਰੋਧੀ ਕਾਨੂੰਨਾਂ ਦੀ ਪਾਲਣਾ ਕਰੇਗੀ। ਦੋਵੇਂ ਧਿਰਾਂ ਨੁਮਾਇੰਦਗੀ ਕਰਦੀਆਂ ਅਤੇ ਵਾਰੰਟੀ ਦਿੰਦੀਆਂ ਹਨ ਕਿ (1) ਕੋਈ ਵੀ ਪਾਰਟੀ (ਜਾਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨੂੰ ਲਾਗੂ ਕਰਨ ਵਾਲੀ ਕੋਈ ਮੁੱਖ ਕੰਪਨੀ, ਸਹਾਇਕ, ਜਾਂ ਭਾਗੀਦਾਰ) ਕਿਸੇ ਵੀ ਸਬੰਧਿਤ ਸਰਕਾਰੀ ਅਥਾਰਟੀ ਵੱਲੋਂ ਰੱਖੀ ਜਾਂਦੀ ਪਾਬੰਦੀਸ਼ੁਦਾ ਪਾਰਟੀਆਂ ਦੀ ਸੂਚੀ ਵਿੱਚ ਨਹੀਂ ਹੈ, ਜਿਸ ਵਿੱਚ ਉਦਾਹਰਨ ਵਜੋਂ ਅਮਰੀਕਾ ਦੀ ਵਿਸ਼ੇਸ਼ ਤੌਰ 'ਤੇ ਮਨੋਨੀਤ ਨਾਗਰਿਕਾਂ ਦੀ ਸੂਚੀ, ਵਿਦੇਸ਼ੀ ਜੁਰਮਾਨੇ ਟਾਲਣ ਵਾਲਿਆਂ ਦੀ ਸੂਚੀ ਅਤੇ ਅਮਰੀਕਾ ਦੇ ਵਿੱਤੀ ਵਿਭਾਗ ਦੇ ਵਿਦੇਸ਼ੀ ਸੰਪਤੀ ਨਿਯੰਤਰਣ ਦਫਤਰ ਵੱਲੋਂ ਰੱਖੀ ਪਾਬੰਦੀਸ਼ੁਦਾ ਪਾਰਟੀਆਂ ਦੀ ਸੂਚੀ, ਗੈਰ-ਮਨਜ਼ੂਰ ਪਾਰਟੀਆਂ ਦੀ ਸੂਚੀ, ਗੈਰ-ਤਸਦੀਕਸ਼ੁਦਾ ਦੀ ਸੂਚੀ ਅਤੇ ਸੰਸਥਾ ਸੂਚੀ ਸ਼ਾਮਲ ਹਨ ਅਤੇ (2) ਇਹ ਪਾਰਟੀ ਕਿਸੇ ਵੀ ਪਾਬੰਦੀਸ਼ੁਦਾ ਪਾਰਟੀਆਂ ਦੀ ਸੂਚੀ ਵਿੱਚ ਦਰਜ ਕਿਸੇ ਇਨਸਾਨ ਦੀ ਮਲਕੀਅਤ ਜਾਂ ਉਸ ਵੱਲੋਂ ਨਿਯੰਤਰਿਤ ਨਹੀਂ ਹੈ। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨੂੰ ਲਾਗੂ ਕਰਨ ਵੇਲੇ ਅਜਿਹੀ ਪਾਰਟੀ ਪਾਬੰਦੀਸ਼ੁਦਾ ਧਿਰਾਂ ਦੀਆਂ ਸੂਚੀਆਂ ਵਿੱਚ ਸ਼ਾਮਲ ਕਿਸੇ ਵੀ ਇਨਸਾਨ ਨਾਲ ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਵਪਾਰ ਨਹੀਂ ਕਰੇਗੀ ਜਾਂ ਕਿਸੇ ਵੀ ਦੇਸ਼ ਨੂੰ ਮਾਲ ਜਾਂ ਸੇਵਾਵਾਂ ਨਹੀਂ ਦੇਵੇਗੀ ਜਿਸ ਨਾਲ ਕਿਸੇ ਵੀ ਲਾਗੂ ਪਾਬੰਦੀਆਂ ਤਹਿਤ ਵਪਾਰ ਦੀ ਮਨਾਹੀ ਹੈ। ਤੁਸੀਂ ਸਹਿਮਤ ਹੋ ਕਿ Snap ਨੂੰ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਲਾਗੂ ਕਰਨ ਦੇ ਸੰਦਰਭ ਵਿੱਚ ਕੋਈ ਵੀ ਕਾਰਵਾਈ ਕਰਨ ਜਾਂ ਕਾਰਵਾਈ ਤੋਂ ਰੁਕਣ ਦੀ ਲੋੜ ਨਹੀਂ ਹੋਵੇਗੀ, ਜੇਕਰ ਅਜਿਹਾ ਕਰਨ ਜਾਂ ਰੁਕਣ ਨਾਲ ਕਿਸੇ ਵੀ ਲਾਗੂ ਅਧਿਕਾਰਤਾ ਦੀ ਉਲੰਘਣਾ ਹੋਵੇ।

ਜੇ ਤੁਸੀਂ (ਜਾਂ ਕਾਰੋਬਾਰੀ ਸੰਸਥਾ, ਜੇ ਲਾਗੂ ਹੋਵੇ) ਸਾਡੀ ਜਾਂ ਸਾਡੇ ਪਲੇਟਫਾਰਮ ਪ੍ਰਦਾਤਾ ਦੀ ਪਾਲਣਾ ਸਮੀਖਿਆ ਨੂੰ ਪਾਸ ਨਹੀਂ ਕਰਦੇ ਤਾਂ ਤੁਸੀਂ ਭੁਗਤਾਨ ਲਈ ਯੋਗ ਨਹੀਂ ਹੋਵੋਗੇ। ਅਜਿਹੀ ਸਮੀਖਿਆ ਵਿੱਚ ਸ਼ਾਮਲ ਹੋ ਸਕਦਾ ਹੈ, ਪਰ ਇਹ ਇਸ ਤੱਕ ਸੀਮਿਤ ਨਹੀਂ ਹੈ, ਕਿ ਇਹ ਜਾਂਚ ਕੀਤੀ ਜਾ ਸਕਦੀ ਹੈ ਕਿ ਤੁਸੀਂ ਕਿਸੇ ਸੰਬੰਧਿਤ ਸਰਕਾਰੀ ਅਥਾਰਟੀ ਵੱਲੋਂ ਬਰਕਰਾਰ ਰੱਖੀ ਜਾਂਦੀ ਪਾਬੰਦੀਸ਼ੁਦਾ ਪਾਰਟੀਆਂ ਦੀ ਸੂਚੀ 'ਤੇ ਦਰਸਾਏ ਹੋ ਜਾਂ ਨਹੀਂ। Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਇਨ੍ਹਾਂ ਮਦਾਂ ਵਿੱਚ ਦਰਸਾਈ ਕਿਸੇ ਹੋਰ ਵਰਤੋਂ ਤੋਂ ਇਲਾਵਾ ਤੁਹਾਡੇ ਵੱਲੋਂ ਸਾਨੂੰ ਦਿੱਤੀ ਜਾਣਕਾਰੀ ਨੂੰ ਤੁਹਾਡੀ ਪਛਾਣ ਦੀ ਤਸਦੀਕ ਕਰਨ, ਸਾਡੀ ਪਾਲਣਾ ਸਮੀਖਿਆ ਦਾ ਸੰਚਾਲਨ ਕਰਨ ਅਤੇ ਭੁਗਤਾਨ ਪ੍ਰਕਿਰਿਆ ਨੂੰ ਪੂਰਾ ਕਰਨ ਲਈ ਤੀਜੀਆਂ ਧਿਰਾਂ ਨਾਲ ਸਾਂਝਾ ਕੀਤਾ ਜਾ ਸਕਦਾ ਹੈ।  

ਸੰਖੇਪ ਵਿੱਚ: ਤੁਸੀਂ ਅਤੇ Snap ਲਾਗੂ ਭ੍ਰਿਸ਼ਟਾਚਾਰ-ਵਿਰੋਧੀ ਕਾਨੂੰਨਾਂ, ਆਰਥਿਕ ਸਜ਼ਾ, ਨਿਰਯਾਤ ਨਿਯੰਤਰਣ ਕਾਨੂੰਨਾਂ ਅਤੇ ਬੋਏਕੋਟ-ਵਿਰੋਧੀ ਕਾਨੂੰਨਾਂ ਦੀ ਪਾਲਣਾ ਕਰੋਗੇ, ਜਿਵੇਂ ਉੱਪਰ ਦਿੱਤਾ ਗਿਆ ਹੈ। ਭੁਗਤਾਨ ਪ੍ਰਾਪਤ ਕਰਨ ਵਾਸਤੇ ਯੋਗ ਹੋਣ ਲਈ ਤੁਹਾਨੂੰ ਪਾਲਣਾ ਸਮੀਖਿਆ ਵਿੱਚ ਪਾਸ ਹੋਣਾ ਜ਼ਰੂਰੀ ਹੈ।

ੳ. ਤੁਸੀਂ Snap ਦੀ ਪੂਰਵ ਲਿਖਤੀ ਸਹਿਮਤੀ ਤੋਂ ਬਿਨਾਂ ਕਿਸੇ ਵੀ ਤੀਜੀ ਧਿਰ ਨੂੰ Snap ਦੀ ਗੁਪਤ ਜਾਣਕਾਰੀ ਦਾ ਖੁਲਾਸਾ ਨਹੀਂ ਕਰੋਗੇ। ਤੁਸੀਂ ਉਦੋਂ Snap ਦੀ ਗੁਪਤ ਜਾਣਕਾਰੀ ਦਾ ਖੁਲਾਸਾ ਕਰ ਸਕਦੇ ਹੋ ਜਦੋਂ ਕਾਨੂੰਨ ਵੱਲੋਂ ਅਜਿਹਾ ਕਰਨ ਲਈ ਮਜ਼ਬੂਰ ਕੀਤਾ ਜਾਂਦਾ ਹੈ ਜੇ ਤੁਸੀਂ Snap ਨੂੰ ਵਾਜਬ ਅਗਾਊਂ ਨੋਟਿਸ ਦਿੰਦੇ ਹੋ, ਬਸ਼ਰਤੇ ਅਦਾਲਤ ਆਦੇਸ਼ ਨਹੀਂ ਦਿੰਦੀ ਕਿ Snap ਨੂੰ ਨੋਟਿਸ ਨਾ ਦਿੱਤਾ ਜਾਵੇ।

ਅ. ਤੁਸੀਂ Snap ਵੱਲੋਂ ਬੇਨਤੀ ਕਰਨ 'ਤੇ ਜਾਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੀ ਸਮਾਪਤੀ 'ਤੇ ਸਾਰੀ Snap ਗੁਪਤ ਜਾਣਕਾਰੀ ਨੂੰ ਤੁਰੰਤ ਮਿਟਾ ਦੇਵੋਗੇ ਜੋ ਤੁਹਾਡੇ ਕਬਜ਼ੇ ਜਾਂ ਨਿਯੰਤਰਣ ਵਿੱਚ ਹੈ। Snap ਦੀ ਬੇਨਤੀ 'ਤੇ ਤੁਸੀਂ ਆਪਣੇ ਵੱਲੋਂ ਮਿਟਾਏ ਜਾਣ ਅਤੇ ਖਾਤਮੇ ਦੀ ਤਸਦੀਕ ਕਰੋਗੇ।

"Snap ਗੁਪਤ ਜਾਣਕਾਰੀ" ਦਾ ਅਰਥ ਹੈ ਕੋਈ ਵੀ ਸਮੱਗਰੀ, ਦਸਤਾਵੇਜ਼, ਸੰਚਾਰ ਅਤੇ ਜਾਣਕਾਰੀ ਜੋ ਗੁਪਤ ਬਤੌਰ ਚਿੰਨ੍ਹਿਤ ਕੀਤੀ ਹੈ ਜਾਂ ਵਾਜਬ ਤੌਰ 'ਤੇ Snap ਲਈ ਗੁਪਤ ਸਮਝੀ ਜਾਵੇਗੀ, ਜਿਸ ਵਿੱਚ ਸਪਸ਼ਟੀਕਰਨ, ਕੀਮਤ ਸਬੰਧੀ, ਤੁਹਾਡੇ ਜਾਂ Snap ਵੱਲੋਂ ਭੁਗਤਾਨਯੋਗ ਕੋਈ ਵੀ ਰਕਮ, ਅਤੇ ਤੁਹਾਡੇ ਅਤੇ Snap ਜਾਂ Snap ਦੇ ਸਹਿਯੋਗੀਆਂ ਵਿਚਕਾਰ ਕੋਈ ਵੀ ਆਰਡਰ ਫਾਰਮ, ਜੋੜ ਜਾਂ ਸੋਧ ਸ਼ਾਮਲ ਹਨ, ਪਰ ਇਸ ਵਿੱਚ ਕੋਈ ਵੀ ਜਾਣਕਾਰੀ ਸ਼ਾਮਲ ਨਹੀਂ ਹੈ ਜੋ ਤੁਸੀਂ ਪਹਿਲਾਂ ਹੀ ਸਹੀ ਢੰਗ ਨਾਲ ਜਾਣਦੇ ਸੀ, ਜੋ ਤੁਹਾਡੀ ਕਿਸੇ ਗਲਤੀ ਤੋਂ ਬਿਨਾਂ ਜਨਤਕ ਹੋ ਜਾਂਦੀ ਹੈ, ਜੋ ਤੁਹਾਡੇ ਵੱਲੋਂ ਸੁਤੰਤਰ ਤੌਰ 'ਤੇ ਵਿਕਸਤ ਕੀਤੀ ਗਈ ਸੀ ਜਾਂ ਜੋ ਤੁਹਾਨੂੰ ਕਿਸੇ ਤੀਜੀ ਧਿਰ ਵੱਲੋਂ ਕਾਨੂੰਨੀ ਤੌਰ 'ਤੇ ਦਿੱਤੀ ਗਈ ਸੀ ਜਿਸਦੀ ਗੁਪਤਤਾ ਦੀ ਕੋਈ ਜ਼ਿੰਮੇਵਾਰੀ ਨਹੀਂ ਸੀ।

ੳ. ਤੁਹਾਨੂੰ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੀ ਪਾਲਣਾ ਕਰਨਾ ਲਾਜ਼ਮੀ ਹੈ। ਜੇ ਤੁਸੀਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੀ ਪਾਲਣਾ ਨਹੀਂ ਕਰ ਰਹੇ ਹੋ, ਤਾਂ ਤੁਸੀਂ ਹੁਣ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਦੇ ਯੋਗ ਨਹੀਂ ਹੋਵੋਗੇ ਅਤੇ ਅਸੀਂ ਕੋਈ ਵੀ ਹੋਰ ਅਜਿਹੀ ਕਾਰਵਾਈ ਜਿਸਨੂੰ ਅਸੀਂ ਢੁਕਵੀਂ ਸਮਝਦੇ ਹਾਂ, ਕਰਨ ਤੋਂ ਇਲਾਵਾ, ਸੇਵਾਵਾਂ ਤੱਕ ਤੁਹਾਡੀ ਪਹੁੰਚ ਨੂੰ ਮੁਅੱਤਲ ਜਾਂ ਪੱਕੇ ਤੌਰ 'ਤੇ ਰੱਦ ਕਰਨ ਦਾ ਅਧਿਕਾਰ ਰਾਖਵਾਂ ਰੱਖਦੇ ਹਾਂ। ਕਾਨੂੰਨ ਵੱਲੋਂ ਇਜਾਜ਼ਤ ਦਿੱਤੀ ਹੱਦ ਤੱਕ ਅਸੀਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਤਹਿਤ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੀ ਪਾਲਣਾ ਨਾ ਕਰਨ 'ਤੇ ਕਿਸੇ ਵੀ ਭੁਗਤਾਨ ਨੂੰ ਰੋਕਣ ਦਾ ਅਧਿਕਾਰ ਰਾਖਵਾਂ ਰੱਖਦੇ ਹਾਂ (ਅਤੇ ਤੁਸੀਂ ਸਹਿਮਤ ਹੋ ਕਿ ਤੁਸੀਂ ਪ੍ਰਾਪਤ ਕਰਨ ਦੇ ਯੋਗ ਨਹੀਂ ਹੋਵੋਗੇ)। ਜੇਕਰ ਤੁਸੀਂ ਕਿਸੇ ਵੇਲੇ ਵੀ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਕਿਸੇ ਵੀ ਹਿੱਸੇ ਨਾਲ ਸਹਿਮਤ ਨਹੀਂ ਹੋ, ਤਾਂ ਤੁਹਾਨੂੰ ਲਾਗੂ ਸੇਵਾਵਾਂ ਦੀ ਵਰਤੋਂ ਤੁਰੰਤ ਬੰਦ ਕਰ ਦੇਣੀ ਚਾਹੀਦੀ ਹੈ।   

ਅ. ਅਸੀਂ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਤੁਹਾਡੀ ਭਾਗੀਦਾਰੀ ਨੂੰ ਤੁਰੰਤ ਖਤਮ ਕਰਨ ਦਾ ਅਧਿਕਾਰ ਰਾਖਵਾਂ ਰੱਖਦੇ ਹਾਂ ਜੇ ਸਾਨੂੰ ਸ਼ੱਕ ਹੈ ਕਿ ਤੁਸੀਂ: (i) ਕਿਸੇ ਵੀ ਲਾਗੂ ਕਾਨੂੰਨਾਂ ਜਾਂ ਨਿਯਮਾਂ ਦੀ ਉਲੰਘਣਾ ਕੀਤੀ ਹੈ; (ii) ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੀ ਉਲੰਘਣਾ ਕੀਤੀ ਹੈ; (iii) ਕੋਈ ਵੀ ਅਜਿਹਾ ਵਤੀਰਾ ਕੀਤਾ ਜਿਸਦਾ Snap ਨੂੰ ਆਪਣੀ ਸਮਝ ਅਨੁਸਾਰ ਪਤਾ ਲੱਗਦਾ ਹੈ ਕਿ Snap ਜਾਂ ਇਸਦੇ ਭਾਗੀਦਾਰਾਂ ਨੂੰ ਬਦਨਾਮ ਕਰ ਸਕਦਾ ਹੈ; ਜਾਂ (iv) ਕੋਈ ਵੀ ਵਰਜਿਤ ਕਾਰਵਾਈਆਂ ਕੀਤੀਆਂ ਹਨ।

ੲ. ਅਸੀਂ ਲਾਗੂ ਕਾਨੂੰਨਾਂ ਵੱਲੋਂ ਦਿੱਤੀ ਵੱਧ ਤੋਂ ਵੱਧ ਇਜਾਜ਼ਤ ਅਨੁਸਾਰ ਕਿਸੇ ਵੀ ਸਮੇਂ ਅਤੇ ਕਿਸੇ ਵੀ ਕਾਰਨ ਕਰਕੇ Snap ਭਾਗੀਦਾਰ ਪ੍ਰੋਗਰਾਮ ਜਾਂ ਕਿਸੇ ਵੀ ਸੇਵਾਵਾਂ ਨੂੰ ਬੰਦ ਕਰਨ, ਸੋਧਣ, ਪੇਸ਼ਕਸ਼ ਨਾ ਕਰਨ ਜਾਂ ਪੇਸ਼ਕਸ਼ ਜਾਂ ਸਹਾਇਤਾ ਕਰਨਾ ਬੰਦ ਕਰਨ ਦਾ ਅਧਿਕਾਰ ਰਾਖਵਾਂ ਰੱਖਦੇ ਹਾਂ। ਅਸੀਂ ਇਸ ਗੱਲ ਦੀ ਗਰੰਟੀ ਨਹੀਂ ਦਿੰਦੇ ਕਿ ਉਪਰੋਕਤ ਵਿੱਚੋਂ ਕੁਝ ਵੀ ਹਰ ਸਮੇਂ ਜਾਂ ਕਿਸੇ ਵੀ ਸਮੇਂ ਉਪਲਬਧ ਹੋਵੇਗਾ ਜਾਂ ਇਹ ਕਿ ਅਸੀਂ ਕਿਸੇ ਵੀ ਖਾਸ ਸਮੇਂ ਲਈ ਉਪਰੋਕਤ ਵਿੱਚੋਂ ਕਿਸੇ ਦੀ ਪੇਸ਼ਕਸ਼ ਜਾਰੀ ਰੱਖਾਂਗੇ। ਤੁਹਾਨੂੰ ਕਿਸੇ ਵੀ ਕਾਰਨ ਕਰਕੇ Snap ਭਾਗੀਦਾਰ ਪ੍ਰੋਗਰਾਮ ਜਾਂ ਕਿਸੇ ਵੀ ਸੇਵਾਵਾਂ ਦੀ ਨਿਰੰਤਰ ਉਪਲਬਧਤਾ ਬਾਰੇ ਭਰੋਸਾ ਨਹੀਂ ਕਰਨਾ ਚਾਹੀਦਾ।

ਸੰਖੇਪ ਵਿੱਚ: ਅਸੀਂ ਕਿਸੇ ਵੇਲੇ ਵੀ ਕਿਸੇ ਕਾਰਨ ਕਰਕੇ ਤੁਹਾਡੇ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ 'ਤੇ ਪਾਬੰਦੀ ਲਗਾ ਸਕਦੇ ਹਾਂ ਜਾਂ ਪ੍ਰੋਗਰਾਮ ਨੂੰ ਬਦਲ, ਮੁਅੱਤਲ ਜਾਂ ਰੱਦ ਕਰ ਸਕਦੇ ਹਾਂ।

ੳ. ਤੁਸੀਂ ਨੁਮਾਇੰਦਗੀ ਕਰਦੇ ਅਤੇ ਵਾਰੰਟੀ ਦਿੰਦੇ ਹੋ ਕਿ ਤੁਹਾਡੇ ਕੋਲ: (i) Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਅਤੇ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ ਦਾਖਲ ਹੋਣ ਦਾ ਅਧਿਕਾਰ ਹੈ ਅਤੇ ਇੱਥੇ ਦਰਸਾਏ ਕਿਸੇ ਵੀ ਲਾਇਸੈਂਸ ਨੂੰ ਦੇਣ ਦੇ ਲੋੜੀਂਦੇ ਅਧਿਕਾਰ ਹਨ; (ii) ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਅਧੀਨ ਤੁਹਾਡੇ ਸਾਰੇ ਅਧਿਕਾਰਾਂ ਅਤੇ ਜ਼ਿੰਮੇਵਾਰੀਆਂ ਨੂੰ ਪੂਰਾ ਕਰਦੇ ਹੋਏ ਨਿਯਮਾਂ ਦੀ ਪਾਲਣਾ ਕਰੋਗੇ; ਅਤੇ (iii) ਕੋਈ ਵੀ ਵਰਜਿਤ ਕਾਰਵਾਈਆਂ ਨਹੀਂ ਕਰੋਗੇ।

ਅ. ਇਹ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਤੁਹਾਡੇ ਅਤੇ Snap ਵਿਚਕਾਰ ਕੋਈ ਏਜੰਸੀ, ਭਾਈਵਾਲੀ ਜਾਂ ਸਾਂਝੇ ਉੱਦਮ ਨੂੰ ਸਥਾਪਤ ਨਹੀਂ ਕਰਦੀਆਂ।

ੲ. ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਜਾਂ Snap ਭਾਗੀਦਾਰ ਪ੍ਰੋਗਰਾਮ ਦੇ ਸੰਬੰਧ ਵਿੱਚ ਜਾਂ ਇਸ ਨਾਲ ਸੰਬੰਧਿਤ ਕਿਸੇ ਵੀ ਕਾਰਵਾਈ ਵਿੱਚ ਪ੍ਰਧਾਨ ਧਿਰ ਆਪਣੀ ਵਾਜਬ ਕਾਨੂੰਨੀ ਫੀਸਾਂ ਅਤੇ ਖਰਚਿਆਂ ਨੂੰ ਪ੍ਰਾਪਤ ਕਰਨ ਲਈ ਹੱਕਦਾਰ ਹੋਵੇਗੀ।

ਸ. Snap ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨੂੰ ਕਿਸੇ ਵੀ ਸਮੇਂ ਅੱਪਡੇਟ ਕਰ ਸਕਦਾ ਹੈ। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ ਕੋਈ ਵੀ ਤਬਦੀਲੀ ਉਦੋਂ ਪ੍ਰਭਾਵੀ ਹੋਵੇਗੀ ਜਦੋਂ ਅਸੀਂ ਅੱਪਡੇਟ ਕੀਤੀਆਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨੂੰ ਆਪਣੀ ਵੈੱਬਸਾਈਟ 'ਤੇ ਪੋਸਟ ਕਰਦੇ ਹਾਂ। ਜੇ ਤੁਸੀਂ ਉਹਨਾਂ ਅੱਪਡੇਟਾਂ ਦੇ ਪ੍ਰਭਾਵੀ ਹੋਣ ਤੋਂ ਬਾਅਦ Snap ਭਾਗੀਦਾਰ ਪ੍ਰੋਗਰਾਮ ਵਿੱਚ ਹਿੱਸਾ ਲੈਂਦੇ ਹੋ ਤਾਂ ਤੁਸੀਂ ਉਹਨਾਂ ਅੱਪਡੇਟਾਂ ਨਾਲ ਬੱਝੇ ਜਾਣ ਲਈ ਸਹਿਮਤ ਹੋ। ਸਿਵਾਏ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ ਜਾਂ ਜਦੋਂ ਤੱਕ Snap ਵੱਲੋਂ ਹਸਤਾਖਰ ਕਰਕੇ ਲਿਖਤ ਵਿੱਚ ਸਪਸ਼ਟ ਤੌਰ 'ਤੇ ਸਹਿਮਤੀ ਨਹੀਂ ਦਿੱਤੀ ਜਾਂਦੀ, ਕਿਸੇ ਵੀ ਹੋਰ ਸਮਝੌਤੇ ਵਿੱਚ ਸ਼ਾਮਲ ਕੁਝ ਵੀ ਕਿਸੇ ਵੀ ਤਰੀਕੇ ਨਾਲ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਵਿੱਚ ਕੋਈ ਵਾਧੂ ਮਦਾਂ ਜਾਂ ਸ਼ਰਤਾਂ ਨੂੰ ਸੋਧ, ਬਦਲ ਨਹੀਂ ਸਕੇਗਾ ਜਾਂ ਸ਼ਾਮਲ ਨਹੀਂ ਕਰੇਗਾ। 

ਹ. ਜੇ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਜਾਂ Snap ਸੇਵਾ ਦੀਆਂ ਮਦਾਂ ਵਿਚਕਾਰ ਕੋਈ ਅਪਵਾਦ ਜਾਂ ਅਸੰਗਤਤਾ ਹੈ, ਤਾਂ ਤਰਜੀਹ ਦਾ ਕ੍ਰਮ ਇਹ ਹੋਵੇਗਾ: ਇਹ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਅਤੇ Snap ਸੇਵਾ ਦੀਆਂ ਮਦਾਂ।

ਕ. Snap ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨੂੰ ਆਪਣੇ ਕਿਸੇ ਵੀ ਭਾਗੀਦਾਰ ਦੇ ਜ਼ਿੰਮੇ ਲਗਾ ਸਕਦਾ ਹੈ, ਜਿਸ ਵਿੱਚ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਅਧੀਨ ਸਾਰੇ ਅਧਿਕਾਰ ਅਤੇ ਜ਼ਿੰਮੇਵਾਰੀਆਂ ਸ਼ਾਮਲ ਹਨ।

ਖ. ਤੁਸੀਂ ਹਾਮੀ ਭਰਦੇ ਹੋ ਕਿ Snap ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨੂੰ ਤੁਹਾਡੀ ਸਹੂਲਤ ਲਈ ਅੰਗਰੇਜ਼ੀ ਤੋਂ ਇਲਾਵਾ ਕਿਸੇ ਹੋਰ ਭਾਸ਼ਾ ਵਿੱਚ ਪੇਸ਼ ਕਰ ਸਕਦਾ ਹੈ, ਪਰ ਤੁਸੀਂ ਸਿਰਫ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਅੰਗਰੇਜ਼ੀ ਸੰਸਕਰਣ ਨਾਲ ਸਹਿਮਤ ਹੋ ਰਹੇ ਹੋ। ਜੇ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਅੰਗਰੇਜ਼ੀ ਅਤੇ ਕਿਸੇ ਹੋਰ ਭਾਸ਼ਾ ਸੰਸਕਰਣ ਵਿੱਚ ਕੋਈ ਅਪਵਾਦ ਜਾਂ ਅਸੰਗਤਤਾ ਹੈ, ਤਾਂ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਅੰਗਰੇਜ਼ੀ ਸੰਸਕਰਣ ਨੂੰ ਪਹਿਲ ਦਿੱਤੀ ਜਾਂਦੀ ਹੈ।

ਸੰਖੇਪ ਵਿੱਚ: ਇਹ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ Snap ਦੇ ਨਾਲ ਕੋਈ ਏਜੰਸੀ ਜਾਂ ਭਾਈਵਾਲੀ ਨਹੀਂ ਬਣਾਉਂਦੀਆਂ। ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਨਾਲ ਸੰਬੰਧਿਤ ਕਾਨੂੰਨੀ ਕਾਰਵਾਈਆਂ ਵਿੱਚ ਜੇਤੂ ਧਿਰ ਕਾਨੂੰਨੀ ਫੀਸਾਂ ਹਾਸਲ ਕਰ ਸਕਦੀ ਹੈ। Snap ਕਿਸੇ ਵੇਲੇ ਵੀ ਮਦਾਂ ਨੂੰ ਅੱਪਡੇਟ ਕਰ ਸਕਦਾ ਹੈ ਅਤੇ ਤਬਦੀਲੀਆਂ ਪੋਸਟ ਕਰਨ 'ਤੇ ਪ੍ਰਭਾਵੀ ਹੋਣਗੀਆਂ। ਜੇ ਮਦਾਂ ਇੱਕ-ਦੂਜੇ ਦੇ ਉਲਟ ਹਨ, ਤਾਂ ਇਹ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ, Snap ਸੇਵਾ ਦੀਆਂ ਮਦਾਂ ਨਾਲੋਂ ਤਰਜੀਹ ਲੈਂਦੀਆਂ ਹਨ। Snap ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਦੇ ਅਧੀਨ ਭਾਗੀਦਾਰਾਂ ਦੇ ਅਧਿਕਾਰ ਤੈਅ ਕਰ ਸਕਦਾ ਹੈ ਅਤੇ ਕਿਸੇ ਵੀ ਅਨੁਵਾਦ ਦੇ ਬਾਵਜੂਦ ਮਦਾਂ ਦਾ ਅੰਗਰੇਜ਼ੀ ਸੰਸਕਰਣ ਮੁੱਖ ਹੈ।

ਜੇ ਇਹਨਾਂ Snap ਭਾਗੀਦਾਰ ਪ੍ਰੋਗਰਾਮ ਦੀਆਂ ਮਦਾਂ ਬਾਰੇ ਤੁਹਾਡੇ ਕੋਈ ਸਵਾਲ ਹਨ, ਤਾਂ ਕਿਰਪਾ ਕਰਕੇ ਸਾਡੇ ਨਾਲ ਸੰਪਰਕ ਕਰੋ।