Aġġornajna r-Regoli tas-Servizz tagħna, fis-seħħ mil-21 ta’ Settembru, 2026. Tista’ tara r-Regoli tas-Servizz ta’ qabel, li japplikaw għall-utenti kollha sal-21 ta' Settembru 2026, hawn.

Jekk tgħix ġewwa l-Istati Uniti tal-Amerka jew jekk il-post ewlieni tan-negozju tiegħek huwa bbażat ġewwa l-Istati Uniti tal-Amerka, qed taqbel mat-Termini tas-Servizz ta' Snap Inc.

Jekk tgħix barra l-Istati Uniti tal-Amerka jew jekk in-negozju tiegħek huwa bbażat barra l-Istati Uniti tal-Amerka, il-ftehim li qed taqbel mat-Termini tas-Servizz ta' Snap Group Limited.

Aħna fassalna dawn ir-Regoli tas-Servizz (li nsejħulhom ir-"Regoli") sabiex tkun taf ir-regoli li jirregolaw ir-relazzjoni tagħna miegħek bħala utent ta’ Snapchat, Bitmoji, jew kwalunkwe prodott jew servizz ieħor tagħna li huwa soġġett għal dawn ir-Regoli, bħal My AI, (li nirreferu għalihom kollettivament bħala s-"Servizzi"). Is-Servizzi tagħna huma personalizzati u nipprovdu informazzjoni dwar kif jaħdmu f’dawn ir-Regoli, fiċ- Ċentru dwar il-Privatezza, is-Sigurtà u l-Politiki tagħna, fis-Sit ta’ Appoġġ tagħna, u fi ħdan is-Servizzi stess (bħal notifiki, kunsensi u settings). L-informazzjoni li nipprovdu tikkostitwixxi s-suġġett ewlieni ta’ dawn ir-Regoli.

Għalkemm għamilna l-almu tagħna biex niktbu dawn ir-Regoli bi kliem ħafif, hemm xi sezzjonijiet fejn xorta jistgħu jinqraw bħall-kuntratt tradizzjonali. Hemm raġuni tajba għal dan: dawn it-Termini huma ftehim b'rabta legali bejnek u bejn Snap Inc. (“Snap”). Għalhekk jekk jogħġbok aqrahom sew.

Meta tagħżel li tuża s-Servizzi tagħna, tkun qed taqbel mar-Regoli. Jekk taqbel ma' dawn it-Termini, Snap tagħtik liċenzja biex tuża dawn is-Servizzi skont dawn it-Termini u l-politiki tagħna. Il-liċenzja ma tistax tgħaddiha lil ħaddieħor, mhix se tkun esklussiva għalik u ma tistax taqsam parti minnha ma' persuni oħra. Naturalment, jekk ma taqbilx mat-Termini, tużax is-Servizzi.

Dawn it-Termini jgħoddu għalik jekk tgħix ġewwa l-Istati Uniti tal-Amerka jew jekk in-negozju tiegħek huwa bbażat ġewwa l-Istati Uniti tal-Amerka. Jekk tgħix barra l-Istati Uniti tal-Amerka jew jekk in-negozju tiegħek huwa bbażat barra l-Istati Uniti tal-Amerka, is-Servizzi se jingħatawlek minn Snap Group Limited u l-ftehim fis-seħħ se jkun it-Termini tas-Servizz ta' Snap Group Limited.

Fejn tajna taqsimiet fejn fissirna dawn ir-Regoli fi ftit kliem, dawn it-tifsiriet fil-qosor ingħataw biss biex inħaffu l-fehim tiegħek u jeħtieġlek taqra dawn ir-Regoli mill-bidu sal-aħħar biex tifhem il-jeddijiet u l-obbligi legali tiegħek.

AVVIŻ DWAR L-ARBITRAĠĠ: IKTAR 'IL QUDDIEM F'DAWN IR-REGOLI SE SSIB KLAWŻOLA TAL-ARBITRAĠĠ. INT U SNAP TAQBLU LI, ĦLIEF GĦAL ĊERTI TIPI TA’ TILWIM IMSEMMIJA F’DIK IL-KLAWŻOLA TA' ARBITRAĠĠ, TILWIM BEJNA SE JIĠI RIŻOLT PERMEZZ TA' ARBITRAĠĠ OBBLIGATORJU, U INT U SNAP TIRRINUNZJAW KWALUNKWE DRITT LI TIPPARTEĊIPAW F'KAWŻA KOLLETTIVA JEW ARBITRAĠĠ KOLLETTIV. GĦANDEK ID-DRITT LI TAGĦŻEL LI MA TIPPARTEĊIPAX IKTAR FL-ARBITRAĠĠ KIF SPJEGAT F'DIK IL-KLAWŻOLA TA' ARBITRAĠĠ.

Is-Servizzi tagħna mhumiex maħsuba għal tfal taħt l-età ta’ 13-il sena jew lejn dawk li huma taħt l-età minima applikabbli fl-istat, fil-provinċja jew fil-pajjiż tiegħek biex tkun tista’ tuża s-Servizzi (jekk din tkun ogħla minn 13-il sena). Trid tikkonferma li għandek aktar mill-età minima applikabbli msemmija sabiex toħloq kont u tuża s-Servizzi. Jekk ikollna għarfien konkret li m'intix, nieqfu nipprovdulek is-Servizzi u nsakkru jew inħassru l-kont u d-dejta tiegħek. Aħna nistgħu nitolbuk tivverifika l-età tiegħek qabel ma jippermettulek tuża s-Servizzi tagħna.

Nafu noffrulek Servizzi addizzjonali b'regoli addizzjonali li jeħtieġu li int tkun jerġgħa ikbar biex tużahom. Għalhekk jekk jogħġbok aqra r-regoli kollha sew. Meta tuża s-Servizzi qed tistqarr, tagħti garanzija u taqbel li:

• għandek is-setgħa legali tidħol fi ftehim b'rabta legali ma' Snap;

• m'intix persuna li skont il-liġijiet tal-Istati Uniti tal-Amerka jew xi ġurisdizzjoni oħra ma tistax tuża s-Servizzi — fosthom, li pereżempju ma tissemmiex fuq il-lista Specially Designated Nationals tad-Dipartiment tat-Teżor Amerikan jew xi restrizzjoni oħra bħal din;

• qatt ma nstabt ħati/ħatja ta' reati sesswali; u

• se tikkonforma ma' dawn ir-Regoli (fosthom kwalunkwe regoli u politiki oħra msemmija f'dawn ir-Regoli bħall- Linji Gwida tal-Komunità, il- Linji Gwida għall-Mużika fuq Snapchat u l- Politika tal-Kontenut Kummerċjali) u l-liġijiet, ir-regoli u r-regolamenti lokali, statali, nazzjonali u internazzjonali kollha li obbligat/a timxi magħhom.

Jekk qed tuża s-Servizzi f'isem negozju jew xi entità oħra, int tikkonferma li int awtorizzat li torbot lil dak in-negozju jew entità ma' dawn ir-Regoli u taqbel ma' dawn ir-Regoli f'isem dak in-negozju jew entità (u r-referenzi kollha għall-kelma “int” u “tiegħek” f'dawn ir-Regoli se jfissru kemm int bħala utent privat kif ukoll dak in-negozju jew entità). Jekk qed tuża s-Servizzi f'isem entità tal-Gvern tal-Istati Uniti tal-Amerka, int taqbel mal-Bidla fir-Regoli tas-Servizz ta' Snap Inc. għall-Utenti tal-Gvern tal-Istati Uniti tal-Amerka.

Fi ftit kliem: Is-Servizzi tagħna mhux immirati għat-tfal taħt l-età ta' 13-il sena jew li għadhom m'għalqux is-snin meħtieġa biex ikunu jistgħu jużaw is-Servizzi fl-istat, fil-provinċja jew fil-pajjiż tagħhom jekk din l-età hija ikbar minn 13-il sena. Jekk insiru nafu li m'għandekx l-età meħtieġa se nissospendu l-użu tiegħek għas-Servizzi u se nħassru l-kont u d-data tiegħek. Inti tista' tintalab tivverifika l-età tiegħek. Jaf ikun hemm xi regoli oħra fis-seħħ għas-Servizzi tagħna u dawn ir-regoli jeħtiġuk li tkun ikbar biex tuża dawn is-Servizzi għalhekk jekk jogħġbok aqrahom bir-reqqa meta nitolbuk tagħmel hekk.

Ħafna mis-Servizzi tagħna jħalluk toħloq, ittella', tippubblika, tibgħat, tirċievi u taħżen il-kontenut. Meta tagħmel hekk, iżżomm kwalunkwe dritt ta’ sjieda fuq dak il-kontenut li kellek mill-bidu nett. Madankollu, tagħtina liċenzja biex nużaw dan il-kontenut. Kemm tkun wiesgħa l-liċenzja jiddependi mis-Servizzi li tuża u l-għażliet li tkun għażilt.

Għal kull kontenut li toħloq permezz tas-Servizzi, jew li tissottometti jew tagħmel disponibbli għas-Servizzi (inkluż Kontenut Pubbliku), inti tagħti lil Snap u lill-affiljati tagħna liċenzja dinjija, mingħajr ħlas ta’ royalties, li tista’ tiġi sottoliċenzjata u trasferita, biex nospitaw, naħżnu, nagħmlu cache, nużaw, nuru, nirriproduċu, nimmodifikaw, nadattaw, neditjaw, nippubblikaw, nanalizzaw, nittrasmettu u nqassmu dak il-kontenut, inkluż l-isem, l-immaġni, ix-xebh jew il-vuċi ta’ kwalunkwe persuna li tidher fih. Il-liċenzja tingħata biex inħaddmu, niżviluppaw, nagħtu, nirriklamaw u ntejbu s-Servizzi u biex noħorġbu b'servizzi ġodda u niżviluppawhom. Din il-liċenzja tinkludi d-dritt min-naħa tagħna li nagħmlu l-kontenut tiegħek disponibbli għal, u ngħaddu dawn id-drittijiet lil, fornituri tas-servizzi li magħhom għandna relazzjonijiet kuntrattwali relatati mal-provvista tas-Servizzi, unikament għall-iskop li nipprovdu u ntejbu dawk is-Servizzi.

L-Istejjer Pubbliċi u l-kontenut kollu l-ieħor li tibgħat lis-Servizzi pubbliċi tagħna bħal pereżempju l-Profili Pubbliċi, Spotlight, il-Mappa ta' Snap jew Lens Studio nsejħulhom “Kontenut Pubbliku”. Peress li l-Kontenut Pubbliku huwa pubbliku min-natura tiegħu, inti tagħti lil Snap, lill-affiljati tagħna, lil utenti oħra tas-Servizzi, u lill-imsieħba kummerċjali tagħna dritt u liċenzja bla restrizzjonijiet, globali, mingħajr ħlas ta’ royalties, irrevokabbli u perpetwi biex joħolqu xogħlijiet derivattivi minnu, kif ukoll biex jippromwovu, juru, ixandru, ixerrdu, jirriproduċu, iqassmu, jissinkronizzaw, japplikaw grafika u effetti awdjo fuq, jagħmlu disponibbli għall-pubbliku, u juru fil-pubbliku l-Kontenut Pubbliku tiegħek kollu jew parti minnu, fi kwalunkwe forma u fi kwalunkwe mezz jew metodu ta’ distribuzzjoni — kemm dawk magħrufa bħalissa kif ukoll dawk li jiġu żviluppati fil-futur — għal skopijiet kummerċjali u mhux kummerċjali. Din il-liċenzja tgħodd għall-vidjos, l-istampi, l-ħsejjes u l-kompożizzjonijiet mużikali li jinsabu fil-Kontenut Pubbliku tiegħek kif ukoll għall-isem, l-istampa, id-dehra u l-leħen ta' kull minn jidher fil-Kontenut Pubbliku li toħloq, ittella', tippubblika, tibgħat jew tidher fih (fosthom kif jintwerew fil-Bitmoji tiegħek). Dan ifisser, fost affarijiet oħra, li inti ma tkun intitolat għal ebda kumpens jekk il-kontenut tiegħek, inklużi vidjows, ritratti, reġistrazzjonijiet tal-ħoss, kompożizzjonijiet mużikali, isem muri, immaġni, xebh, jew vuċi inklużi fil-kontenut tiegħek jintużaw minna, l-affiljati tagħna, utenti tas-Servizzi, jew l-imsieħba kummerċjali tagħna. Għal iktar informazzjoni fuq kif tagħżel min jista' jara l-kontenut tiegħek, jekk jogħġbok aqra l-Politika tal-Privatezza u s-Sit tal-Għajnuna tagħna. Il-Kontenut Pubbliku kollu għandu jkun addattat għal mill-inqas dawk li għalqu t-13-il sena.

Għalkemm m’aħniex obbligati nagħmlu dan, nistgħu naċċessaw, nirrevedu, niskrinjaw u nħassru l-kontenut tiegħek fi kwalunkwe ħin u għal kwalunkwe raġuni – inkluż sabiex nipprovdu u niżviluppaw is-Servizzi jew jekk inqisu li l-kontenut tiegħek jikser dawn ir-Regoli jew xi liġijiet applikabbli – u mhux se nkunu responsabbli lejk għal kwalunkwe azzjoni bħal din li tittieħed. Biss, int biss se tkun responsabbli għall-kontenut li toħloq, ittella' tippubblika, tibgħat jew taħżen bis-Servizzi tagħna.

Aħna u l-imsieħba tagħna nistgħu nqiegħdu r-riklami fuq is-Servizzi, fosthom riklami personalizzati skont l-informazzjoni li taqsam magħna, li niġbru jew li niksbu dwarek. Kultant xi riklami jafu jidhru qrib, bejn, fuq jew fil-kontenut tiegħek.

Aħna dejjem nieħdu gost nisimgħu lil-utenti tagħna. Imma jekk tipprovdi feedback jew suġġerimenti, taf biss li nistgħu nużawhom mingħajr ma nikkumpensawk, u mingħajr ebda restrizzjoni jew obbligu lejk. Int taqbel li aħna jkollna kull jedd ta' kull ħaġa li noħolqu skont dawn il-ħsibijiet, kummenti jew suġġerimenti.

Fi ftit kliem: Jekk ittella' l-kontenut tiegħek fuq is-Servizzi, int tibqa' s-sid imma tkun qed tagħti permess lilna u lil oħrajn biex nużawh biex noffru u nġibu 'l quddiem is-Servizzi tagħna. Tkun qed tagħti permess ukoll li utenti oħra jaraw u, f'xi każijiet, jużaw il-kontenut kollu li taqsam mal-oħrajn fuq is-Servizzi. Għandna diversi drittijiet biex nibdlu u nneħħu l-kontenut tiegħek, iżda inti dejjem tibqa' responsabbli għal dak kollu li toħloq, tpoġġi jew taqsam, jew tidderieġina biex nużaw fuq is-Servizzi.

Termini u kundizzjonijiet miżjuda msemmija fil-paġna tat-Termini u l-Politiki jew li b'xi mod ieħor se ngħarrfuk bihom se jgħoddu għalik skont is-Servizzi li tuża. Jekk dawk it-Termini miżjuda jgħoddu għalik (ngħidu aħna għax tuża s-Servizz li jaqa' taħthom), dawn se jsiru parti minn dawn it-Termini u għalhekk għandek timxi magħhom. Ngħidu aħna, jekk tixtri jew tuża xi faċilità bil-ħlas li nagħtuk fuq Snapchat (bħal abbonament Snapchat+ [imma mhux is-servizzi tar-riklami]), tkun qed taqbel li t-Termini tal-Faċilitajiet bil-Ħlas jgħoddu għalik. Jekk xi wħud minn dawn it-termini miżjuda jmorru kontra dawn ir-Termini, it-termini miżjuda se jkunu dawk li jorbtu u jieħdu post il-biċċiet li ma jaqblux magħhom f'dawn it-Temini.

Fi ftit kliem: Jaf ikun hemm xi termini oħra li jgħoddu għalik, jekk jogħġbok ħu ftit ħin biex taqrahom sew.

Il-privatezza tiegħek importanti għalina. Tista' taqra l-Politika tal-Privatezza tagħna biex issir taf kif nipproċessaw l-informazzjoni tiegħek int u tuża s-Servizzi tagħna. Tista' wkoll iżżur iċ-Ċentru tal-Privatezza, tas-Sigurtà u tal-Politiki tagħna biex issir taf iktar dwar il-ħidma tal-privatezza tagħna fosthom kif ċerti faċilitajiet jużaw id-dejta tiegħek.

Is-Servizzi tagħna jipprovdu esperjenza personalizzata biex ikunu iktar relevanti u ta' interess ikbar għalik. Se nirrakkomandawlek kontenut, reklamar u informazzjoni oħra bbażati fuq dak li nafu jew dak li, minn kif tuża s-Servizzi tagħna, nistgħu nissoponu dwar l-interessi tiegħek u ta' oħrajn. Huwa meħtieġ għalina li nimmaniġġjaw l-informazzjoni personali tiegħek għal dan l-iskop, kif nispjegaw fil- Politika tal-Privatezza tagħna. Sakemm ma tagħżilx inqas personalizzazzjoni mis-Servizzi, il-personalizzazzjoni hija waħda mill-kundizzjonijiet tal-kuntratt tagħna miegħek biex inkunu nistgħu nagħmlu hekk. Tista' żżur is- Sit ta 'Appoġġ tagħna biex tikseb iktar dettalji dwar ir-rakkomandazzjonijiet personalizzati.

Fi ftit kliem: Is-Servizzi tagħna jipprovdu esperjenza personalizzata, inkluż reklamar u rakkomandazzjonijiet oħra għalik bbażati fuq id-data li niġbru skont kif spjegat kemm hawn kif ukoll fil- Politika tal-Privatezza tagħna.

Is-servizzi tagħna jinkludu funzjonalitajiet li jużaw l-intelliġenza artifiċjali (“Funzjonalitajiet tal-IA”) u li jużaw elementi bħal test, immaġinijiet, fajls tal-awdjo, vidjows, dokumenti, dejta jew kontenut ieħor ipprovdut minnek jew użat skont l-istruzzjonijiet tiegħek (“Inputs”) biex jiġġeneraw kontenut u tweġibiet ibbażati fuq dawk l-Inputs (“Outputs”). Għall-finijiet ta’ dawn ir-Regoli, l-Inputs u l-Outputs kollha se jiġu ttrattati bħala kontenut li tissottometti lis-Servizzi; konsegwentement, kwalunkwe dritt u liċenzja mogħtija lilna, kif ukoll kwalunkwe obbligu impost fuqek fir-rigward ta’ kontenut li tissottometti jew tagħmel disponibbli taħt dawn ir-Regoli, japplikaw għall-Inputs u l-Outputs, inklużi l-liċenzji stipulati fit-taqsima “Drittijiet li Tagħtina” t’hawn fuq. Aħna niġbru, nużaw, niżvelaw u nżommu l-Inputs u l-Outputs skont il-Politika tal-Privatezza tagħna.

Għalkemm ninkorporaw ċerti miżuri ta’ salvagwardja fil-karatteristiċi tal-IA, l-Outputs ġenerati jistgħu ma jiġux riveduti minn qabel u jistgħu jkunu mhux preċiżi, mhux kompluti, qarrieqa, offensivi, oġġezzjonabbli, mhux xierqa, li jiksru d-drittijiet, mhux adattati, illegali, mhux tajbin għal skopijiet partikolari, jew inkella identiċi jew simili għal kontenut iġġenerat għal utenti oħra tas-Servizzi. L-Outputs jista' jkollhom ukoll kontenut li huwa inkonsistenti mal-fehma ta' Snap u Snap ma tapprova l-ebda kontenut inkluż fi kwalunkwe Output. Jekk l-Outputs jirreferu għal individwi jew entitajiet esterni, inklużi l-prodotti jew is-servizzi tagħhom, dan ma jfissirx li l-individwu jew l-entità esterna japprovaw lil Snap, jew li huma jew dawn il-prodotti huma affiljati ma’ Snap.

Il-funzjonalitajiet u l-Outputs tal-IA huma pprovduti kif inhuma u disponibbli għalik mingħajr ebda dikjarazzjoni jew garanzija ta’ kwalunkwe tip, kemm jekk espressa kif ukoll jekk impliċita. Dan ifisser li l-użu tiegħek ta’ kwalunkwe funzjonalità jew Output tal-IA huwa għar-riskju tiegħek stess, u m’għandekx isserraħ fuqhom għal kwalunkwe skop, inkluż biex tieħu deċiżjonijiet jew għal pariri professjonali, mediċi, legali, finanzjarji, edukattivi jew ta’ natura oħra. L-Outputs mhumiex rappreżentazzjonijiet ta' Snap.

Meta tuża l-Faċilitajiet tal-IA tagħna, sakemm ma nagħtukx permess tagħmel hekk, m'għandekx u ma tistax twettaq xi għemil li raġjonevolment jista' jwassal biex: 

• juża ż-Żrieragħ li fihom jew li jużaw jew li tista' tistenna li jwasslu għal, Riżultati li fihom jew li jużaw kontenut li m'għandekx permess tuża, li jikser il-jeddijiet tal-oħrajn jew li nkiseb b'kull mod ieħor li jikser il-liġi; 

• li jikser xi linji gwida jew politiki oħra li nagħtuk tal-kontenut mibgħut li jorbot fuq kif tuża l-Faċilitajiet tal-IA jew il-bgħit taż-Żrieragħ; 

• jitlob lill-Faċilitajiet tal-IA joħolqu xi Riżultati li jmorru kontra dawn it-Termini, il-Linji Gwida tal-Komunità jew xi jedd tal-proprjetà intellettwali, limitazzjoni kuntrattwali jew xi liġijiet oħra li obbligati nimxu magħhom jew li jistgħu jagħmlu l-ħsara; 

• jibdel, jaħbi jew ineħħi xi watermark jew stqarrija mqiegħda fuq ir-Riżultati mill-Faċilitajiet tal-IA; 

• idur ma' xi faċilitajiet tas-sigurtà jew tal-privatezza, xi ħarsien jew xi sistemi tal-Faċilitajiet tal-IA; 

• juża jew jaqsam ir-Riżultati biex imbagħad jintużaw biex iħarrġu, jiżviluppaw jew itejbu l-mudelli, is-servizzi jew teknoloġija oħra tal-IA; jew

• jagħti x'tifhem li r-Riżultati nħalqu minn bniedem jew li nħalqu mingħajr l-intelliġenza artifiċjali.

Hemm termini differenti minn dawk imsemmija hawn fuq għall-Faċilitajiet tal-IA li tuża bil- jew b'rabta mas-Servizzi tan-negozju u Lens Studio. Dawn se nagħtuhomlok meta tiġi biex tuża dawk is-Servizzi l-oħra. 

Fil-qosor: L-Inputs u l-Outputs mill-funzjonalitajiet tal-IA jistgħu jintużaw skont ir-Regoli tas-Servizz tagħna, il-Politika tal-Privatezza, u r-regoli rilevanti għall-prodotti speċifiċi tal-IA li tuża. Il-Funzjonalitajiet tal-IA jistgħu ma jkunux preċiżi jew xierqa, u m'għandekx isserraħ fuqhom bħala sors ta' verità jew fatti, u lanqas bħala sostitut għall-ġudizzju uman.

Il-biċċa l-kbira tal-kontenut fuq is-Servizzi tagħna jinħoloq minn utenti, pubblikaturi u persuni oħra. Kemm jekk dak il-kontenut jintwera pubblikament jew jintbagħat privatament, il-kontenut hu r-responsabbiltà unika tal-utent jew entità li ssottomettieh. Sal-limitu massimu permess mil-liġi applikabbli, Snap tirriżerva d-dritt li tirrevedi, tiffiltra jew tneħħi l-kontenut kollu li jidher fuq is-Servizzi. Tista’ taqra aktar dwar l-metodi ta’ Snap għall-filtrazzjoni tal-kontenut u dwar kif aħna impjenati li nneħħu kontenut illegali jew potenzjalment ta’ ħsara malajr wara li jiġi jdentifikat kif spjegat fil-Proċessi ta’ Filtrazzjoni, Implimentazzjoni tar-Regoli u Appelli fuq Snapchat tagħna.

Madankollu, aħna ma nirrevedux il-kontenut kollu fuq is-Servizzi tagħna. Allura ma nistgħux u ma nagħtux garanzija li utenti oħra jew il-kontenut li jipprovdu permezz tas-Servizzi se jkun skont ir-Regoli, il-Linji Gwida tal-Komunità u r-regoli, il-politiki u l-linji gwida l-oħra tagħna.

L-utenti jistgħu jirrapportaw kontenut fuq is-Servizzi u kontijiet oħra għal ksur tar-Regoli u l-politiki tagħna, inklużi l-Linji Gwida tal-Komunità tagħna. Aktar informazzjoni dwar kif tirrapporta kontenut u kontijiet tinstab mis-Sit ta' Appoġġ tagħna.​​​

Nistgħu wkoll nieħdu azzjoni dwar kontenut jew kontijiet biex nikkonformaw mal-liġi relevanti, ma’ ordnijiet legali, jew ma’ notifiki validi li jallegaw kontenut jew attività illegali jew ipprojbita. Id-deċiżjoni tagħna li nieħdu kwalunkwe azzjoni skont din it-Taqsima — inkluż ir-restrizzjoni, is-sospensjoni jew it-terminazzjoni ta’ kontijiet, il-limitazzjoni tal-aċċess għal kontenut jew funzjonalitajiet, jew l-implimentazzjoni ta’ restrizzjonijiet jew imblokki bbażati fuq l-apparat — tittieħed fid-diskrezzjoni assoluta tagħna. Tista’ taqra iżjed fit‑Tifsira dwar il-Filtrazzjoni tal-Kontenut, Implimentazzjoni tar-Regoli u Appelli fuq Snapchat.

Nittamaw li tifhmu kwalunkwe deċiżjoni li nieħdu dwar il-kontenut jew il-kontijiet tal-utenti, iżda f’xi każijiet tistgħu tappellaw kontra d-deċiżjonijiet tagħna. Aktar informazzjoni dwar l-appelli hi disponibbli fuq is-Sit ta' Appoġġ tagħna.

Tista’ ssib iktar informazzjoni wkoll fuq is-Sit ta’ Appoġġ tagħna dwar kif Snap tikkonforma ma’ ċerti liġijiet tal-pjattaforma u tas-sigurtà fuq l-internet li jistgħu jkunu relevanti għalik skont il-post fejn tgħix. Dan jinkludi l-mod kif nittrattaw ir-rapporti dwar il-kontenut u l-appelli, kif ukoll il-passi li tista’ tieħu jekk temmen li ma osservajniex l-obbligi tagħna skont dawk il-liġijiet (jekk huma relevanti għalik), bħal pereżempju li tikkontesta d-deċiżjoni tagħna jekk illimitajna l-kont tiegħek jew neħħejna l-kontenut tiegħek b’mod li jikser dawn ir-Regoli.

Xi wħud minn dawk il-liġijiet jeħtieġu wkoll li nippubblikaw rapporti ta’ trasparenza li jispjegaw il-mezzi li nużaw biex niffiltraw il-kontenut u l-ħidma tagħna għas-sigurtà fuq il-pjattaforma, inklużi r-riskji li identifikajna fis-Servizzi tagħna u l-ħidma tagħna relatati mas-sigurtà biex nindirizzawhom. Tista’ ssib dan fiċ-Ċentru tat-Trasparenza tagħna. L-informazzjoni pprovduta fiċ-Ċentru tat-Trasparenza tagħna u kwalunkwe paġni oħra ta' appoġġ għas-sigurtà msemmija f'din it-Taqsima huma biss għal skopijiet informattivi.

Fi ftit kliem: Il-biċċa l-kbira tal-kontenut fuq is-Servizzi huwa ta' jew huwa kontrollat minn oħrajn u aħna m'għandna l-ebda kontroll jew responsabbiltà fuq dak il-kontenut. Għandna politiki u proċessi għall-filtrazzjoni tal-kontenut fis-seħħ li jgħoddu għall-kontenut fuq is-Servizzi. Għandek l-opportunità li tappella d-deċiżjonijiet tagħna jew li tressaq ilment jekk temmen li naqasna milli nikkonformaw ma' dawn ir-Regoli jew mal-liġijiet li jistgħu jkunu relevanti għalik, skont il-post fejn tgħix.

Bħal bejnek u bejnietna, Snap hija s-sid tas-Servizzi, li jinkludi l-marki relatati kollha, ix-xogħlijiet tal-awtur, l-avatars Bitmoji li tiġbor, is-softwer, u kontenut, karatteristiċi u teknoloġija proprjetarji oħra. Is-Servizzi jistgħu wkoll ikunu koperti minn privattivi proprjetà ta' Snap jew l-affiljati tagħha, inklużi dawk elenkati fuq www.snap.com/patents.

Jeħtieġlek tħares il-jeddijiet ta' Snap u timxi mal-Linji Gwida tad-Ditta ta' Snapchat, mal-Linji Gwida tad-Ditta ta' Bitmoji u ma kwalunkwe linji gwida oħra, paġni ta' appoġġ, jew fl-FAQ ippubblikati minn Snap jew l-affiljati tagħna. Dan ifisser, fost affarijiet oħra, li inti ma tistax tagħmel, tipprova tagħmel, tippermetti, jew tinkoraġġixxi lil xi ħadd ieħor biex jagħmel, xi wieħed minn dawn li ġejjin u li tagħmel hekk jista’ jirriżulta f’li nitterminaw jew nissospendiw l-aċċess tiegħek għas-Servizzi:

• tuża l-marki tad-ditta, il-logos, l-ikoni, id-disinn tal-interfaċċa għall-utent, id-dehra u l-preżentazzjoni tad-ditta, id-disinji, ir-ritratti, il-vidjos jew xorta ta' materjal ieħor li Snap tuża fis-Servizzi ħlief dawk li dawn it-Termini, il-Linji Gwida tad-Ditta ta' Snapchat, il-Linji Gwida tad-Ditta ta' Bitmoji jew il-linji gwida tad-ditta l-oħra ppubblikati minn Snap jew l-imsieħba tagħna jagħtuk permess ċar li tuża;

• Jmorru kontra jew jiksru d-drittijiet ta’ pubbliċità, privatezza, drittijiet tal-awtur, trademarks, jew drittijiet oħra ta’ proprjetà intellettwali ta’ Snap, tal-affiljati tagħna jew ta’ kwalunkwe parti terza oħra, inkluż billi tuża s-Servizzi biex tissottometti, turi, tpoġġi, toħloq jew tiġġenera kwalunkwe kontenut li jikser;

• tikkopja, timmodifika, tarkivja, tniżżel, ittella’, tiżvela, tqassam, tbigħ, tikri, tisindika, ixxandar, twettaq, turi, tagħmel disponibbli, tagħmel derivattivi ta’, jew inkella tuża s-Servizzi jew il-kontenut tas-Servizzi, minbarra fajls temporanji li huma awtomatikament cached mill-brawżer tal-web tiegħek għal skopijiet ta’ wiri, kif espressament permess f’dawn it-Termini, kif permess b’mod ieħor b’mod espliċitu bil-miktub mis-Servizz. funzjonalità;

• tipprova taċċessa s-Servizzi permezz ta' applikazzjonijiet ta' partijiet terzi mhux awtorizzati, titlob kredenzjali ta' login minn utenti oħra, jew tixtri, tbigħ, tikri, jew tikri aċċess għall-kont tiegħek, username, Snaps, jew link ta' ħabib(a);

• tagħmel reverse engineering, tagħmel kopji mhux awtorizzati jew xogħlijiet derivattivi ta’, dekompila, żarma, timmodifika jew dekodifika s-Servizzi (inkluża kwalunkwe idea jew algoritmu sottostanti) jew kwalunkwe kontenut inkluż fihom, jew inkella estratti l-kodiċi tas-sors tas-softwer tas-Servizzi, mingħajr il-permess bil-miktub tagħna, ħlief sal-punt li tapplika eċċezzjoni jew limitazzjoni taħt liċenzja ta’ sors miftuħ jew liġijiet applikabbli;

• tuża xi robot, brimba, għakrux, kissieb tad-dejta, script, software jew mezzi jew sistemi awtomatiċi jew semi-awtomatiċi, proċessi jew interfaċċi oħra oħra biex tikseb aċċess, tisloħ, tikseb id-dejta jew tikkopja s-Servizzi jew tikseb id-dettalji dwar l-utenti l-oħra, il-kontenut jew dejta oħra fis-Servizzi;

• tuża jew tibni xi apps mhux uffiċjali li jaħdmu mas-Servizzi jew li jużaw xi kontenut jew informazzjoni oħra tal-utenti mingħajr il-permess bil-miktub tagħna;

• tuża s-Servizzi b'mod li jista' jinterferixxi, ifixkel, jaffettwa b'mod negattiv, jew jimpedixxi utenti oħra milli jgawdu bis-sħiħ is-Servizzi, jew li jista' jagħmel ħsara, jiskonnettja, jgħabbi żżejjed, jew ifixkel il-funzjonament tas-Servizzi;

• ittella viruses jew kodiċi malizzjuż ieħor jew inkella tikkomprometti, tevita, jew iddur mas-sigurtà tas-Servizzi;

• tipprova tevita kwalunkwe teknika ta' filtrazzjoni tal-kontenut li nimpjegaw, jew tipprova taċċessa żoni jew karatteristiċi tas-Servizzi li m'intix awtorizzat biex taċċessahom;

• tuża s-Servizzi biex toħloq jew tiżviluppa prodott jew servizz li jikkompeti;

• tgħid jew tagħti x'tifhem li aħna naqblu mal-kontenut tiegħek;

• sonda, skennja, jew tittestja l-vulnerabbiltà tas-Servizzi tagħna jew kwalunkwe sistema jew netwerk;

• tikser kwalunkwe liġi jew regolament applikabbli b'rabta mal-aċċess tiegħek għal jew l-użu tas-Servizzi; jew

• taċċessa jew juża s-Servizzi b'xi mod mhux espressament permess minn dawn it-Termini jew il-Linji Gwida tal-Komunità tagħna.

Fil-qosor: Aħna stess nikkontrollaw il-kontenut, il-karatteristiċi u l-funzjonalitajiet kollha tas-Servizzi, ħlief il-kontenut tiegħek. Biex niżguraw li s-Servizzi u utenti oħra jkunu protetti mill-ħsara, hemm regoli li għandna bżonn li ssegwi meta tuża s-Servizzi tagħna. In-nuqqas ta' konformità ma' dawn ir-regoli jista' jirriżulta f'sospensjoni jew terminazzjoni tal-kont tiegħek.

Snap tħares id-drittijiet tal-oħrajn. U inti għandek tagħmel l-istess. Għalhekk ma tistax tuża s-Servizzi, jew tippermetti lil ħaddieħor juża s-Servizzi, b’mod li jikser jew jikser id-drittijiet ta’ pubbliċità, privatezza, drittijiet tal-awtur, trademark jew drittijiet oħra ta’ proprjetà intellettwali ta’ xi ħadd ieħor. Meta tissottometti kontenut lis-Servizzi, taqbel u tirrappreżenta li inti stess dak il-kontenut, jew li rċevejt il-permessi, l-liberazzjonijiet, il-liċenzji u l-awtorizzazzjonijiet kollha meħtieġa sabiex tissottomettih lis-Servizzi (inkluż, jekk applikabbli, id-dritt li tagħmel riproduzzjonijiet mekkaniċi tax-xogħlijiet mużikali inkorporati fi kwalunkwe reġistrazzjoni tal-ħoss, tissinkronizza kwalunkwe kompożizzjoni għal kwalunkwe kontenut, twettaq pubblikament kwalunkwe kompożizzjoni ta’ mużika jew reġistrazzjoni tal-ħoss mhux applikabbli permezz ta’ kwalunkwe kompożizzjoni ta’ mużika jew rekord ieħor applikabbli. li tinkludi fil-kontenut tiegħek) u tagħti d-drittijiet u l-liċenzji li jinsabu f’dawn it-Termini għall-kontenut tiegħek. Taqbel ukoll li mhux se tuża jew tipprova tuża kont ta’ utent ieħor ħlief kif permess minn Snap jew l-affiljati tagħha.

Snap tirrispetta l-liġijiet tal-marki kummerċjali, tal-jeddijiet tal-awtur u liġijiet tal-proprjetà intellettwali oħra fosthom id-Digital Millenium Copyright Act u b'mod raġjonevoli tipprova tneħħi kull materjal li jikser dawn il-jeddijiet li tkun taf bih mis-servizzi tagħna malajr. Jekk Snap issir taf li utent kiser il-jeddijiet tal-awtur għal għadd ta' drabi, aħna se nagħmlu l-għemil meħtieġ biex nissospendu jew nagħlqu l-kont tal-utent. Jekk taħseb li hemm xi ħaġa fuq is-Servizzi tagħna li tikser il-jeddijiet tal-awtur tiegħek jew li tikkontrolla, jekk jogħġbok għarrafna dwarha bil-formola li ssib f'dil-għodda. Għażla oħra hija li tibgħat avviż lill-aġent tagħna: Snap Inc., Attn: Copyright Agent, 3000 31st Street, Santa Monica, CA 90405, l-Istati Uniti tal-Amerka, indirizz tal-email: copyright @ snap.com. Tużax dan l-indirizz tal-email għal skopijiet oħra għajr li tirrapporta ksur tal-jeddijiettal-awtur għax dawk l-emails mhux se nagħtu kashom. Biex tirrapporta xi xorta oħra ta' ksur tar-regoli tas-Servizzi, jekk jogħġbok uża l-għodda li ssib hawn. 

Jekk tgħarraf lill-Aġent tal-Jeddijiet tal-Awtur tagħna, l-avviż għandu jintbagħat skont ir-rekwiżiti mitluba minn 17 U.S.C. § 512(c)(3). Dan ifisser li l-avviż għandu:

• ikollu l-firma bil-miktub jew elettronika tal-persuna bis-setgħa li tirrappreżenta lil sid il-jedd tal-awtur;

• jagħraf ix-xogħol imħares bil-jedd tal-awtur li jkun qed jixli l-ksur tiegħu;

• tidentifika l-materjal li huwa ddikjarat li qed jikser jew li huwa s-suġġett ta' attività ta' ksur u li għandu jitneħħa, jew li l-aċċess għalih għandu jiġi diżattivat, u informazzjoni raġonevolment suffiċjenti biex tħallina nsibu l-materjal;

• jagħti d-dettalji ta' kif nistgħu nikkuntattjawk fosthom l-indirizz, in-numru tal-mowbajl u indirizz tal-email;

• ikollu stqarrija personali fejn tistqarr li temmen ġenwinament li kif qed jintuża l-materjal li qed tilmenta dwaru mhux użu awtorizzat minn sid il-jedd tal-awtur, l-aġenti tiegħeu jew il-liġi; u

• tagħmel stqarrija fejn tistqarr li l-informazzjoni fl-avviż hija eżatta u li taħlef bil-liġi li għandek il-permess tirrappreżenta lil sid il-jedd tal-awtur.

Fil-qosor: Kun żgur li għandek jew għandek id-dritt li tuża kwalunkwe kontenut li tagħmel disponibbli fuq is-Servizzi.
Jekk tuża kontenut li jkun proprjetà ta' xi ħadd ieħor mingħajr permess, nistgħu ntemmu l-kont tiegħek. Jekk tara xi ħaġa li temmen li tikser id-drittijiet tal-proprjetà intellettwali tiegħek, għarrafna.

Naħdmu ħafna biex niżguraw li s-Servizzi tagħna joffru esperjenza divertenti u sigura għall-utenti kollha, iżda ma nistgħux niggarantixxu dan. Nieħdu b'serjetà kbira kull imġiba li tipperikola s-sigurtà tal-komunità tagħna, b’mod partikolari meta r-riskju ta’ ħsara jkun serju. Jekk tiltaqa' ma' kontenut potenzjalment ta' ħsara jew illegali fuq is-Servizzi, inħeġġuk tirrapportah. Tista' ssir taf aktar dwar il-metodi differenti li bihom nistinkaw biex inżommu kontenut illegali jew potenzjalment ta' ħsara 'l bogħod mis-Servizzi fil-Linji Gwida tal-Komunità tagħna.

Meta tuża s-Servizzi tagħna tkun qed taqbel li dejjem se timxi ma' dawn it-Termini fosthom ir-Regoli tal-Komunità tagħna u kull politika oħra li Snap iddaħħal fis-seħħ biex iżżomm is-Servizzi siguri.

Jekk tonqos milli tikkonforma, aħna nirriżervaw id-dritt li: inneħħu kwalunkwe kontenut li jikser ir-regoli; intemmu l-kont tiegħek jew nillimitaw il-viżibbiltà tiegħu jew l-aċċess għal ċerti funzjonalitajiet; u nżommu data relatata mal-kont tiegħek skont il-politiki tagħna dwar iż-żamma tad-data; u ninnotifikaw lill-entitajiet esterni — inklużi l-forzi tal-ordni — u nipprovdu lil dawk l-entitajiet esterni b’dejta u kwalunkwe informazzjoni oħra relatata mal-kont tiegħek. Dan il-pass jaf ikun meħtieġ biex inħarsu s-sigurtà tal-utenti tagħna u ta' nies oħra, biex ninvestigaw, insibu rimedju u nieħdu azzjoni kontra ksur tar-Regoli potenzjali; u biex nidentifikaw u nsolvu kull tħassib dwar frodi jew sigurtà.

Il-politika ta’ Snap hija li twieġeb għal talbiet tal-gvern legalment validi għal informazzjoni dwar l-utenti fl-Istati Uniti. Aġenziji governattivi u qrati fl-Unjoni Ewropea (“UE”) jistgħu wkoll jibagħtulna talbiet għal informazzjoni dwar l-utenti. Talbiet bħal dawn jistgħu jinkludu “Ordnijiet Ewropej ta’ Produzzjoni” skont ir-Regolament tal-UE dwar l-Evidenza Elettronika, kif ukoll ċerti talbiet legali oħra. Jekk nirċievu talba legalment valida, Snap tista’ taqsam l-informazzjoni mitluba — li tista’ tinkludi kontenut tal-utent — permezz ta’ waħda mill-kumpaniji affiljati tagħna fl-UE, mingħajr ma tikkontesta kunflitti potenzjali tal-liġi.

Aħna nieħdu ħsieb ukoll is-sigurtà fiżika u l-benessri tiegħek waqt li nużaw is-Servizzi tagħna. Għalhekk tużax is-Servizzi tagħna b'xi mod li jtellfek milli timxi mal-liġijiet tat-traffiku u tas-sigurà. Pereżempju, qatt ma tuża s-Servizzi waqt is-sewqan. U qatt m'għandek tqiegħed lilek innifsek jew lil oħrajn fil-periklu biex tiġbed Snap jew biex tuża faċilitajiet oħra ta' Snapchat.

Fi ftit kliem: Aħna nippruvaw inżommu s-Servizzi tagħna kemm jista' jkun siguri imma biex nagħmlu hekk neħtieġu l-għajnuna tiegħek. Dawn ir-Regoli, il-Linji Gwida tal-Komunità tagħna u politiki oħra ta' Snap fihom informazzjoni importanti fuq kif tħares is-Servizzi u utenti oħra. U qatt m'għandek tqiegħed lilek innifsek jew lil oħrajn fil-periklu inti u tuża s-Servizzi tagħna.

Biex tuża ċertu Servizzi, jeħtieġlek toħloq kont. Għall-kont tiegħek taqbel li tagħtina informazzjoni preċiża, kompluta u aġġornata. Int responsabbli għal kull ħaġa li ssir fuq il-kont. Għalhekk importanti li tħares il-kont tiegħek. Mod wieħed ta' kif iżżomm il-kont tiegħek sigur huwa li tagħżel password b'saħħitha li ma tużax għal kontijiet oħra u li tixgħel- l-awtentikazzjoni b'żewġ passi. Jekk jogħġbok ikkuntattja lit-Tim tal-Għajnuna minnufih jekk taħseb li xi ħadd ieħor daħal fil-kont tiegħek. Kull software li nagħtuk jista' jniżżel u jinstalla l-aġġornamenti, t-tiġdid jew faċilitajiet ġodda oħra awtomatikament. Tista' tibdel l-għażliet ta' dan it-tniżżil awtomatiku mis-settings tal-apparat tiegħek. Int taqbel li ma tistax toħloq kont ġdid mingħajr il-kunsens tagħna jekk fl-imgħoddi neħħejna jew imblukkajna lilek jew lill-kont tiegħek minn xi wieħed mis-Servizzi tagħna.

Fi ftit kliem: Ħares id-dettalji tal-kont tiegħek. Tużax kontijiet li ma tajniekx permess tuża.

Memorji huwa s-servizz personalizzat tagħna għall-ħażna tad-dejta. Il-kontenut ta' Memorji jaf ma jkunx disponibbli għal għadd ta' raġunijiet fosthom problema fil-ħidma tas-servizz tagħna jew l-għażla min-naħa tagħna li nagħlqulek il-kont. Peress li ma nistgħux inwegħdu li l-kontenut tiegħek se jkun dejjem disponibbli, nirrakkomandaw li żżomm kopja separata tal-kontenut li ssalva f'Memorji. Ma nistgħux inwegħduk li Memorji se tkun tiflaħ taħżen il-kontenut li tixtieq. Għandna l-jedd li nillimitaw il-ħażna li tista' tuża għal Memorji jew li nimblukkaw xi xorta ta' kontenut milli jintużaw f'Memorji u nistgħu nibdlu dawn il-limiti u r-restrizzjonijiet minn jeddna meta jidhrilna aħna.

Fil-qosor: Memorji huwa servizz personalizzat għall-ħażna tad-dejta, ser ikun awtomatikament attivat, imma tista' tikkontrolla ċertu karatteristiċi. Ma nistgħux inwegħduk li l-Memorji se jinħażnu għal dejjem għalhekk jekk jogħġbok aħżen kopja tagħhom.

Int għandek tħallas kull tariffa tal-mowbajl li tista tidħol fiha talli tuża s-Servizzi tagħna. Dawn it-tariffi jiġbru fihom it-tariffi tal-internet tal-mowbajl u t-tariffi għall-messaġġi bħal pereżempju SMSijiet, MMSijiet jew xorta oħra ta' messaġġi u teknoloġiji oħra (flimkien magħrufa bħala “Messaġġi”). Qabel tuża s-Servizzi għandek tistaqsi lill-operatur tas-servizzi tal-mowbajl tiegħek x'se jkunu dawk it-tariffi jekk ma tafx eżatt kemm jistgħu jitilgħu.

Meta tagħtina n-numru tal-mowbajl tiegħek tkun qed taqbel li, fost oħrajn, tirċievi l-Messaġġi marbuta mas-Servizzi mingħand Snap, fosthom messaġġi dwar promozzjonjiet (fejn ikollna kunsens tiegħek jew kif permess bil-liġi), dwar il-kont tiegħek u dwar ir-relazzjoni tiegħek ma' Snap. Int taqbel li tirċievi dawn il-Messaġġi anki jekk in-numru tal-mowbajl tiegħek huwa rreġistrat fuq xi lista Do Not Call federali jew statali jew lista internazzjonali bħalha.

Jekk tibdel jew tiddiżattiva n-numru tal-mowbajl li użajt biex toħloq kont, jeħtieġlek taġġorna d-dettalji tal-kont tiegħek mis-Settings fi żmien 72 siegħa biex b'hekk ma nibagħtux il-messaġġi maħsuba għalik lil ħaddieħor.

Fi ftit kliem: Nistgħu nibagħtulek xi Messaġġi u jaf ikollok tħallas xi tariffi lill-operatur tal-mowbajl tiegħek meta tuża s-Servizzi tagħna.

Ċerti Servizzi jistgħu juru, jinkludu jew jagħmlu disponibbli kontenut, dejta, informazzjoni, applikazzjonijiet, funzjonalitajiet jew riżorsi minn entitajiet esterni (“Riżorsi ta' Entitajiet Esterni”), jipprovdu links għal ċerti siti web ta’ entitajiet esterni terzi jippermettu l-użu ta’ Riżorsi ta' Entitajiet Esterni jew servizzi ta’ entitajiet esterni b’rabta magħhom. Jekk tuża xi Materjali ta’ Parti Terza jew servizzi ta’ partijiet terzi li jkunu disponibbli permezz jew b’konnessjoni mas-Servizzi tagħna (inklużi Servizzi li noffru flimkien mal-parti terza), it-termini applikabbli ta’ parti terza jirregolaw ir-relazzjoni tagħhom miegħek. La Snap u lanqas kwalunkwe mill-affiljati tagħna ma huma responsabbli għat-termini ta' partijiet terzi jew azzjonijiet meħuda taħt it-termini ta' kwalunkwe partijiet terzi. Barra minn hekk, billi tuża s-Servizzi, inti tagħraf u taqbel li Snap mhix responsabbli biex teżamina jew tevalwa l-kontenut, l-eżattezza, il-kompletezza, id-disponibbiltà, il-puntwalità, il-validità, il-konformità tad-drittijiet tal-awtur, il-legalità, id-deċenza, il-kwalità, jew kwalunkwe aspett ieħor ta’ tali Materjali ta’ Partijiet Terzi jew servizzi jew websajts ta’ partijiet terzi. Aħna ma niggarantixxux jew napprovaw u ma nassumux u mhux se jkollna l-ebda responsabbiltà lejk jew kwalunkwe persuna oħra għal kwalunkwe servizz ta' parti terza, Materjali ta' Partijiet Terzi, jew websajts ta' partijiet terzi, jew għal kwalunkwe materjal, prodott jew servizz ieħor ta' partijiet terzi. Materjali ta' Partijiet Terzi, id-disponibbiltà ta' servizzi ta' partijiet terzi u links għal websajts oħra huma pprovduti biss bħala konvenjenza għalik.

Fil-qosor: Snap mhix responsabbli għal karatteristiċi, kontenut jew servizzi ta' partijiet terzi aċċessibbli permezz jew b'konnessjoni mas-Servizzi tagħna – jekk jogħġbok kun żgur li taqra t-termini tal-partijiet terzi.

Aħna l-ħin kollu naħdmu qatigħ biex intejbu s-Servizzi tagħna u noħolqu oħrajn ġodda. Dan ifisser li nistgħu nżidu jew inneħħu xi faċilitajiet, prodotti jew ħidmiet u nistgħu wkoll nissospendu jew intemmu s-Servizzi għal dejjem. Nistgħu nagħmlu hekk meta rridu għal kull xorta ta' raġuni u meta nagħmlu hekk nafu ma navżawkx qabel.

Dan ifisser ukoll li kultant ikun jeħtiġilna nibdlu dawn ir-Regoli biex naddattawhom għall-bidliet fis-Servizzi tagħna jew għal kif noffru dawk is-Servizzi kif ukoll biex nimxi mar-rekwiżiti legali jew għal raġunijiet legali jew ta' sigurtà oħra. Jekk dawk il-bidliet f'dawn ir-Regoli ikunu kbar, aħna se navżawk raġjonevolment bil-quddiem (sakemm dawk il-bidliet ma jkunux meħtieġa qabel pereżempju jekk ikun hemm xi bidla fil-liġijiet jew jekk inkunu qed inniedu xi Servizzi jew faċilitajiet ġodda). Jekk wara li dawk il-bidliet jidħlu fis-seħħ tkompli tuża s-Servizzi, aħna se nqisu li aċċettajt dawk il-bidliet.

Fi ftit kliem: Is-Servizzi tagħna se jinbidlu maż-żmien. Minn żmien għal żmien nistgħu nibdlu dawn ir-Regoli biex naddattawhom għal dawn il-bidliet jew għal raġunijiet oħra.

Filwaqt li nittamaw li tibqa’ Snapchatter tul il-ħajja, tista’ ttemm dawn it-Termini fi kwalunkwe ħin jekk ma taqbilx ma’ xi tibdil li nagħmlu lil dawn it-Termini, jew għal kwalunkwe raġuni oħra, billi tħassar il-kont ta' Snapchat tiegħek (jew, f’xi każijiet, il-kont assoċjat mal-parti applikabbli tas-Servizzi li qed tuża).

Jekk tikser dawn it-Termini, il-Linji Gwida tal-Komunità tagħna jew il-liġi, kemm għal raġunijiet barra l-kontroll tagħna kif ukoll għal raġunijiet oħra, nistgħu nillimitaw, inneħħu jew nissospendu għal ftit żmien l-aċċess tiegħek għas-Servizzi. Dan ifisser li nistgħu nitterminaw dawn it-Termini, nieqfu nipprovdulek is-Servizzi kollha jew parti minnhom, jew nimponu limiti ġodda jew addizzjonali fuq il-ħila tiegħek li tuża s-Servizzi tagħna. Pereżempju, nistgħu nagħlqu l-kont tiegħek minħabba nuqqas ta’ attività fit-tul, u nistgħu nieħdu lura l-isem tal-utent tiegħek fi kwalunkwe ħin u għal kwalunkwe raġuni. U filwaqt li nippruvaw nagħtuk avviż raġonevoli minn qabel, ma nistgħux niggarantixxu li l-avviż ikun possibbli fiċ-ċirkostanzi kollha.

Meta nillimitawlek, nitterminaw jew nissospendulek l-aċċess għas-Servizzi minħabba ksur tal-Linji Gwida tal-Komunità tagħna, aħna se navżawk u se nagħtuk l-opportunità li tressaq appell kif spjegat fit- Tagħrif dwar il-Filtrazzjoni tal-Kontenut, l-Implimentazzjoni tar-Regoli u l-Appelli tagħna.

Qabel ma nirrestrinġu, nitterminaw jew nissospendu l-aċċess tiegħek għas-Servizzi, aħna se nqisu l-fatti u ċ-ċirkostanzi rilevanti kollha li jidhru mill-informazzjoni disponibbli għalina, skont ir-raġuni sottostanti għat-teħid ta’ dik l-azzjoni. Pereżempju, jekk inti tikser il-Linji Gwida tal-Komunità tagħna, aħna nqisu s-severità, il-frekwenza, u l-impatt tal-vjolazzjonijiet kif ukoll l-intenzjoni wara l-ksur. Dan jinforma d-deċiżjoni tagħna jekk nirrestrinġux, ittemmu jew tissospendix l-aċċess tiegħek għas-Servizzi u, fil-każ ta’ sospensjoni, kemm nissospendiw l-aċċess tiegħek. Tista' ssir taf aktar dwar kif nivvalutaw u nieħdu azzjoni kontra l-użu ħażin tas-Servizzi tagħna fuq is-Sit ta' Appoġġ tagħna.

Irrispettivament minn min itemm dawn it-Termini, kemm inti kif ukoll Snap tkompli tkun marbuta mit-Taqsimiet 2, 3 (sa fejn kwalunkwe termini u kundizzjonijiet addizzjonali, bit-termini tagħhom, jibqgħu ħajjin), u 6 - 25 tat-Termini.

Fi ftit kliem: Tista' tieqaf tuża s-Servizzi jew tħassar il-kont tiegħek meta trid u għal kull raġuni, fosthom li ma taqbilx ma' xi bidliet f'dawn it-Termini. Nistgħu nillimitawlek jew inneħħulek l-aċċess għas-Servizzi minħabba r-raġunijiet imsemmija hawn fuq. Meta nagħmlu dan, aħna ser nipprovdulek avviż fil-biċċa l-kbira tal-każijiet, kif ukoll opportunità biex tappella d-deċiżjoni.

Int taqbel, li sakemm permess bil-liġi, tagħmel tajjeb, tiddefendi, u tħoll mir-responsabbiltà ċivili lil Snap u l-imsieħba, id-diretturi, it-tmexxija, l-azzjonisti, il-ħaddiema, is-sidien tal-propjetà intellettwali u l-aġenti f'kull każ kontra kull xorta ta' lment, akkuża, talba, danni, telf, nefqa, responsabbiltà legali, u spejjeż (fosthom l-ispejjeż tal-avukati) dovuti għall-, li jirriżultaw minn, jew relatati b'xi mod ma': (a) l-aċċess tiegħek għall- jew l-użu tas-Servizzi, jew kwalunkwe prodotti jew servizzi provduti minn parti terza b'konnessjoni mas-Servizzi, anki jekk suġġeriti, li huma disponibbli jew approvati minn Snap, (b) il-kontenut tiegħek, inkluż xiljiet ta' ksur tar-regoli marbuta mal-kontenut tiegħek, (ċ) il-ksur min-naħa tiegħek ta' dawn ir-Regoli jew kwalunkwe liġi jew regolament applikabbli, jew (d) in-negliġenza jew l-imġiba ħażina volontarja tiegħek.

Fi ftit kliem: Taqbel li tagħtina kumpens jekk tagħmlilna xi ħsara jew twassal biex nagħmlu xi telf.

Aħna nagħmlu l-almu tagħna biex inżommu s-Servizzi jaħdmu mingħajr xkiel. Imma ma nagħtu l-ebda garanzija li se jirnexxielna.

DAWN IS-SERVIZZI QED JINGĦATAW MINGĦAJR GARANZIJA TAL-ĦIDMA TAS-SERVIZZ U MINGĦAJR GARANZIJA TAD-DISPONIBBILTÀ TAS-SERVIZZ U, SAKEMM NISTGĦU NAGĦMLU HEKK BIL-LIĠI, MINGĦAJR EBDA XORTA TA' GARANZIJA, LA DIRETTA U LANQAS MIFHUMA, FOST OĦRAJN, GARANZIJI MIFHUMA LI S-SERVIZZ HUWA LEST GĦAS-SUQ, LI ADDATTAT GĦAL XI SKOP PARTIKOLARI, GARANZIJI TA' SJIEDA U NUQQAS TA' KSUR TAR-REGOLI. BARRA MINN HEKK, GĦALKEMM NIPPRUVAW NAGĦTU LILL-UTENT ESPERJENZA SABIĦA, MA NAGĦMLUX STQARRIJIET U MA NAGĦTUX GARANZIJI LI: (A) IS-SERVIZZI DEJJEM SE JKUNU KOLLHA SIGURI, MINGĦAJR ŻBALJI JEW MOGĦTIJA FIL-ĦIN, (B) IS-SERVIZZI DEJJEM SE JAĦDMU MINGĦAJR DEWMIEN, XKIEL JEW PROBLEMI JEW (Ċ) KULL XORTA TA' KONTENUT JEW INFORMAZZJONI LI TIKSEB MIS-SERVIZZI SE TKUN AĠĠORNATA JEW EŻATTA.

LA AĦNA U LANQAS L-IMSIEĦBA TAGĦNA MA NIEĦDU JEW NAĊĊETTAW RESPONSABBILTÀ GĦAL XI KONTENUT LI INT, UTENT IEĦOR JEW PERSUNA OĦRA TOĦLOQ, ITTELLA', TIPPUBBLIKA, TIBGĦAT, TIRĊIEVI JEW TAĦŻEN FUQ JEW BIS-SERVIZZI TAGĦNA. INT TIFHEM U TAQBEL LI TISTA' TINTWERA KONTENUT LI JOFFENDI, ILLEGALI, QARRIEQI JEW B'XI MOD IEĦOR MHUX ADDATTAT U LI LA AĦNA U LANQAS L-IMSIEĦBA TAGĦNA MHU SE JKUNU RESPONSABBLI GĦALIH.

Fi ftit kliem: Snap se tipprova tagħtik is-Servizzi imma ma nistgħu nwegħduk xejn b'rabta mal-kwalità u mhux se nkunu responsabbli għall-kontenut li mhux tagħna.

SAFEJN JISTA' JKUN HEKK BIL-LIĠI, LA AĦNA U LANQAS IT-TMEXXIJA, L-AZZJONISTI, IL-ĦADDIEMA, L-IMSIEĦBA, IS-SIDIEN TAL-PROPJETÀ INTELLETTWALI, L-AĠENTI U L-FORNITURI TAGĦNA M'AĦNA SE NKUNU RESPONSABBLI GĦAL XI DANNI INDIRIETTI, AĊĊIDENTALI, SPEĊJALI, KONSEGWENZJALI, GĦADDIEBA JEW GĦADD TA' DANNI, JEW XI TELF TA' QLIGĦ JEW DĦUL, KEMM DIRETT KIF UKOLL INDIRETT, JEW XI TELF TA' DEJTA, UŻU, FAMA JEW TELF MHUX TANĠIBBLI MINĦABBA (A) LI TAĊĊESSA JEW LI MA TKUNX TISTA' TAĊĊESSA S-SERVIZZI, (B) L-IMĠIBA JEW IL-KONTENUT TA' UTENTI JEW PERSUNI OĦRA FUQ JEW BIS-SERVIZZI JEW (Ċ) AĊĊESS, UŻU JEW BIDLIA BLA PERMESS TAL-KONTENUT TIEGĦEK, ANKI JEKK INKUNU ĠEJNA AVŻATI DWAR IL-POSSIBBILTÀ TA' DANNI TA' DIX-XORTA. FL-EBDA KAŻ IS-SOMMA TAR-RESPONSABBILTÀ GĦAT-TALBIET KOLLHA MARBUTA MAS-SERVIZZ M'GĦANDHA TAQBEŻ L-IKBAR BEJN $100 USD JEW IS-SOMMA LI TKUN ĦALLASTNA FL-AĦĦAR 12-IL XAHAR QABEL ID-DATA TAL-GĦEMIL LI JWASSAL GĦAT-TALBA.

Fi ftit kliem: Nistgħu nillimitaw ir-responsabbiltà tagħna għal kull ħaġa li tagħmel, għal sitwazzjonijiet fejn ma tkunx tista' taċċessa s-Servizzi, għall-għemil tal-oħrajn u għal kull problema li toħroġ mill-użu mhux aċċettabbli tas-Servizzi tagħna. Fejn aħna nkunu responsabbli għad-danni u int tkun ġarrabt xi telf, ir-responsabbiltà tagħna hija limitata għal somma fissa.

JEKK JOGĦĠBOK AQRA DAWN IL-PARAGRAFI LI ĠEJJIN BIR-REQQA GĦAX JURU LI INT U SNAP TAQBLU LI KULL TILWIMA BEJNIETNA TINQATA' B'ARBITRAĠĠ B'RABTA LEGALI INDIVIDWALI U JINKLUDU RINUNZJA TAL-JEDD GĦALL-AZZJONI KOLLETTIVA U RINUNZJA TAL-JEDD GĦALL-PROĊESS B'ĠURIJA. Dan il-Ftehim ta' Arbitraġġ jieħu post il-verżjonijiet kollha ta' qablu.

a. Relevanza tal-Ftehim ta' Arbitraġġ. F'din it-Taqsima 20 (il-“Ftehim ta' Arbitraġġ”), int u Snap, fosthom l-uffiċjali, id-diretturi, il-ħaddiema, il-kuntratturi u l-bejjiegħa, taqblu li t-talbiet u t-tilwim kollu (kemm dawk imsejsa fuq kuntratt, fuq tort jew kull xorta oħra ta' tilwim), inkluż it-talbiet li jirriżultaw mil-liġi u t-tilwim, li jirriżultaw minn jew marbuta ma' dawn ir-Regoli jew l-użu tas-Servizzi jew xi messaġġi mibgħuta bejnek u bejn Snap li ma jitressqux quddiem tribunal għat-talbiet żgħar għandhom jinqatgħu minn arbitraġġ b'rabta legali individwali, ħlief li int u Snap m'intomx obbligati tarbitraw xi: (i) tilwim jew talbiet li jaqgħu taħt it-tribunal għat-talbiet żgħar u li jkunu fil-ġurisdizzjoni tat-tribunal u mhux ikbar mil-limiti li jista' jiddeċiedi dwarhom it-tribunal, sakemm dawn it-talbiet ikunu tilwim individwali u mhux proċediment kollettiv, (ii) tilwim jew talbiet fejn l-unika ħaġa mitluba mit-tribunal hija inibizzjoni u (iii) tilwim fejn xi ħadd qed ifittex kumpens xieraq minħabba li qed jixli lill-persuna l-oħra bi ksur ta' jeddijiet tal-awtur, trademarks, ismijiet kummerċjali, logos, sigrieti kummerċjali, brevetti jew jeddijiet ta' propjetà intellettwali oħra. Għal ċarezza: il-frażi "il-pretensjonijiet u t-tilwim kollha" tinkludi wkoll pretensjonijiet u tilwim li jinqalgħu bejnietna qabel id-data li tidħol fis-seħħ ta' dawn it-Termini. Barra minn hekk, it-tilwim kollu dwar jekk talba tistax tkun suġġett għal arbitraġġ (inkluż tilwim dwar l-għan, l-applikabbiltà, l-implimentazzjoni tar-regoli, ir-revokabbiltà jew il-validità tal-Ftehim ta’ Arbitraġġ) għandu jiġi deċiż mill-arbitru, ħlief kif previst espressament hawn taħt. Din id-dispożizzjoni għandha tkun vinkolanti u implimentata kontrik, il-patrimonju tiegħek, il-werrieta, l-eżekuturi, l-amministraturi, is-suċċessuri u ċ-ċessjonarji tiegħek, inkluża kwalunkwe individwu li tkun mejta fil-ħin li tinqala' t-tilwima.

b. Soluzzjoni Informali għat-Tilwim l-Ewwel. Nixtiequ nindirizzaw kwalunkwe tilwim mingħajr il-ħtieġa ta' arbitraġġ. Jekk ikollok tilwima ma’ Snap li hija suġġetta għall-arbitraġġ, allura qabel ma tibda l-arbitraġġ, tista’ tibgħat talba individwalizzata (“Talba ta’ Qabel l-Arbitraġġ”) lil Snap Inc., ATTN: Litigation Department, 3000 31st Street, Santa Monica, CA 90405 biex flimkien inkunu nistgħu insolvu t-tilwima. Talba ta' Qabel l-Arbitraġġ hi valida biss jekk hi relatata ma, u hi fl-isem ta, individwu wieħed. Talba preliminari għall-arbitraġġ ippreżentata f'isem diversi individwi hija invalida fir-rigward tagħhom kollha. It-Talba Preliminari tal-Arbitraġġ trid tinkludi: (i) ismek, (ii) l-isem tal-utent tiegħek fuq Snapchat, (iii) ismek, in-numru tat-telefon, l-indirizz tal-email u l-indirizz postali tiegħek, jew inkella l-isem, in-numru tat-telefon, l-indirizz postali u l-indirizz tal-email tal-avukat tiegħek, jekk ikollok wieħed, (iv) deskrizzjoni tat-tilwima tiegħek, u (v) il-firma tiegħek. Bl-istess mod, jekk Snapchat ikollha tilwima miegħek, Snapchat se tibgħatlek email jew messaġġ bl-SMS bit-Talba Preliminari tal-Arbitraġġ personalizzata tagħha, inklużi r-rekwiżiti msemmija hawn fuq, għall-indirizz tal-email jew in-numru ta’ telefon assoċjati mal-kont ta’ Snapchat tiegħek. Jekk it-tilwima ma tkunx solvuta fi żmien sittin (60) jum mid-data li int jew Snap tibagħtu t-Talba ta' Qabel l-Arbitraġġ tagħkom, tistgħu tressqu talba għall-arbitraġġ. Int taqbel li biex tibda l-proċess tal-abitraġġ l-ewwel jeħtieġlek tagħmel dak li jitolbok tagħmel dan is-subartiklu u li l-arbitru għandu jiċħad kull talba ta' arbitraġġ imressqa li ma tkunx imxiet bis-sħiħ u mill-bidu sal-aħħar ma' dawn il-proċeduri għall-ilħiq ta' ftehim b'mod informali. Tgħix x'tgħid kull dispożizzjoni oħra ta' dan il-Ftehim, tal-Ftehim tal-Arbitraġġ jew tar-Regoli tas-Servizzi ta' ADR, il-persuna li kontriha jinfetaħ l-arbitraġġ se jkollha l-jedd li tikseb deċiżjoni tal-qorti dwar jekk l-arbitraġġ għandux jiġi miċħud minħabba li l-proċess tal-ilħiq tal-ftehim informali msemmija f'dan is-subartiklu ma jkunx ġie mwettaq.

ċ. Regoli tal-Arbitraġġ. L-Att dwar l-Arbitraġġ Federali, inklużi d-dispożizzjonijiet proċedurali tiegħu, jirregola l-interpretazzjoni u l-infurzar ta’ din id-dispożizzjoni dwar is-soluzzjoni tat-tilwim, u mhux il-liġi tal-istat. Jekk, wara li jitlesta l-proċess informali għas-soluzzjoni ta' tilwima deskritt hawn fuq, int jew Snap tixtiequ tibdew proċess tal-arbitraġġ, l-arbitraġġ se jitmexxa minn ADR Services, Inc. (“ADR Services”) (https://www.adrservices.com/). Jekk ADR Services ma tkunx disponibbli għall-arbitraġġ, l-arbitraġġ jitmexxa minn National Arbitration and Mediation ("NAM") (https://www.namadr.com/). Kull ħaġa marbuta ma' dan l-arbitraġġ se taqa' taħt ir-regoli tat-tribunal għat-tilwim ħlief fejn dawn ir-Regoli imorru kontra dawk ir-regoli. L-arbitraġġ għandu jitmexxa minn arbitru newtrali wieħed. L-arbitru jista’ joħroġ ordnijiet (inklużi ordnijiet ta’ subpoenas lil parteċipanti terzi, sa fejn hu permess bil-liġi) li jippermettu lill-parteċipanti jiġbru provi (discovery) suffiċjenti biex kull parteċipant ikun jista’ jipprepara t-talbiet u/jew id-difiżi tiegħu, filwaqt li jitqies il-fatt li l-arbitraġġ huwa mfassal biex ikun metodu rapidu u effiċjenti għas-soluzzjoni ta’ tilwimiet. Kwalunkwe pretensjoni jew tilwima fejn l-ammont totali mfittex huwa inqas minn 10,000 dollari tista' tiġi solvuta permezz ta' arbitraġġ vinkolanti abbażi ta' nuqqas ta' preżenza, bl-għażla mill-parti li qed tfittex rimedju. Għal pretensjonijiet jew tilwim fejn l-ammont totali mfittex huwa 10,000 dollari jew aktar, id-dritt għal smigħ jiġi ddeterminat mir-regoli tal-forum tal-arbitraġġ. Kull deċiżjoni dwar kumpens mogħtija mill-arbitru tista' tiġi appellata quddiem kull qorti bil-ġurisdizzjoni meħtieġa.

d. Regoli Miżjuda għall-Arbitraġġ Fejn il-Partijiet Ma Jidhrux Quddiem it-Tribunal. Jekk jingħażel arbitraġġ fejn il-partijiet ma jidhrux quddiem it-tribunal, l-arbitraġġ għandu jitwettaq b'telefonata, fuq l-internet, b'sottomissjonjiet bil-kitba jew b'taħlita tat-tlieta li huma; l-għażla speċifika se tkun f'idejn min ressaq it-talba għall-arbitraġġ. Sakemm iż-żewġ naħat ma jaqblux xorta oħra, il-proċess tal-arbitraġġ mhux se jeħtieġ li xi ħadd mill-persuni jew mix-xhieda tagħhom jitla' quddiem it-tribunal.

e. Tariffi. Jekk tkun Snap li bdiet l-arbitraġġ kontrik, Snap se tħallas l-ispejjeż kollha marbuta mal-arbitraġġ, fosthom it-tariffa kollha tal-applikazzjoni. Jekk inti l-applikant li tibda proċedura ta’ arbitraġġ kontra Snap, tkun responsabbli għall-Ħlas Inizjali għall-Preżentazzjoni u għall-Ħlas Amministrattiv, li t-tnejn mhumiex rimborżabbli. Madankollu, jekk l-ammont ikkombinat tal-Ħlas Inizjali għall-Preżentazzjoni u l-Ħlas Amministrattiv (il-“Ħlasijiet tal-Bidu”) ikun ogħla mill-ammont li jkollok tħallas biex tippreżenta Ilment fil-Qorti Distrettwali tal-Istati Uniti għad-Distrett Ċentrali ta’ California (jew, għal każijiet fejn dik il-qorti ma jkollhiex ġuriżdizzjoni oriġinali, fil-Qorti Superjuri ta’ California, fil-Kontea ta’ Los Angeles), Snap tħallas id-differenza bejn il-Ħlasijiet tal-Bidu u l-ammont li jkollok tħallas biex tippreżenta Ilment fil-Qorti. ADR Services għandha lista fissa ta' tariffi għas-servizzi tagħha li tista' ssibhom billi żżur https://www.adrservices.com/rate-fee-schedule/.

f. Setgħa tal-Arbitru. L-arbitru jagħżel il-ġurisdizzjoni tal-arbitru u l-jeddijiet u l-obbligi, jekk ikun il-każ, tiegħek u ta' Snap. It-tilwima ma tiġix konsolidata mal-ebda kwistjoni oħra jew magħquda ma' kawżi jew partijiet oħra. L-arbitru jkollu l-awtorità li jagħti mozzjonijiet li jiddisponu minn kwalunkwe pretensjoni jew tilwima sħiħa, jew parti minnha. L-arbitru jkollu l-awtorità li jieħu deċiżjoni favur danni monetarji u li jagħti kwalunkwe rimedju jew kumpens mhux monetarju disponibbli għal individwu taħt il-liġi, ir-regoli tal-forum tal-arbitraġġ, u t-Termini. L-arbitru joħroġ deċiżjoni u motivazzjoni bil-miktub li tiddeskrivi r-riżultati u l-konklużjonijiet essenzjali li fuqhom hija bbażata d-deċiżjoni, inkluż il-kalkolu tad-danni mogħtija. L-arbitru għandu l-istess awtorità biex jieħu deċiżjoni dwar rimedju fuq bażi individwali daqs li kieku imħallef f'qorti tal-liġi. Id-deċiżjoni tal-arbitru hija aħħarija u torbot lilek u lil Snap.

ġ. Offerti ta' Ftehim u Offerti ta' Sentenza. Mill-inqas għaxart (10) ijiem tal-kalendarju qabel id-data tas-smigħ quddiem l-arbitru, int jew Snap tistgħu tibagħtu offerta ta' sentenza bil-miktub lin-naħa l-oħra biex titolbu li tingħata sentenza skont ċerti kundizzjonijiet. Jekk il-parti l-oħra taċċetta l-offerta, l-offerta u l-prova li l-parti l-oħra tkun aċċettat għandhom jintbagħtu lit-tribunal tal-arbitraġġ li se jagħti s-sentenza tiegħu skont dik l-offerta. Jekk l-offerta ma tiġi aċċettata qabel is-smigħ quddiem l-arbitru jew fi żmien tletin (30) jum tal-kalendarju wara li ssir, skont liema minnhom tiġi l-ewwel, din għadha titqies li tneħħiet u ma tistax tintuża bħala prova waqt l-arbitraġġ. Jekk offerta magħmula minn parti ma tiġix aċċettata mill-parti l-oħra, u din tal-aħħar tonqos milli tikseb deċiżjoni aktar favorevoli, hija ma tkunx intitolata tirkupra l-ispejjeż tagħha mġarrba wara l-offerta u jkollha tħallas l-ispejjeż tal-parti li għamlet l-offerta (inklużi l-miżati kollha mħallsa lill-korp tal-arbitraġġ) mill-mument li saret l-offerta.

ħ. Ħall minn Kawża b'Ġurija. INT U SNAP IĊĊEDU KULL JEDD KOSTITUZZJONALI U LEGALI LI TMORRU QUDDIEM QORTI U LI JKOLLKOM KAWŻA QUDDIEM IMĦALLEF JEW ĠURIJA. Minflok, int u Snap qed tagħżlu li tilħqu qbil dwar it-talbiet u t-tilwim tagħhom b'arbitraġġ. Il-proċeduri tal-arbitraġġ ħafna drabi huma iktar limitati, iktar effiċjenti u irħas mir-regoli tal-qrati u l-qrati ma tantx għandhom jedd li jerġgħu jifluhom. Fi kwalunkwe proċedura legali bejnek u bejn Snap dwar jekk għandhiex tiġi annullata jew infurzata deċiżjoni ta’ arbitraġġ, INT U SNAP TIRRINUNZJAW GĦAD-DRITTIJIET KOLLHA GĦAL PROĊESS QUDDIEM ĠURI, u minflok tagħżlu li t-tilwima tiġi riżolta minn imħallef.

i. Ħall mill-Proċedimenti Kollettivi. IL-PRETENSJONIJIET U T-TILWIM KOLLHA FIL-LIMITI TAL-ISKOP TA' DAN IL-FTEHIM TA’ ARBITRAĠĠ IRIDU JIĠU ARBITRATI JEW LITIGATI FUQ BAŻI INDIVIDWALI U MHUX FUQ BAŻI KOLLETTIVA. TALBIET IMRESSQA MINN IKTAR MINN KONSUMATUR JEW UTENT WIEĦED MA JISTGĦUX JIĠU ARBITRATI JEW TRATTATI FLIMKIEN JEW MAGĦQUDA MA' TALBIET TA' XI KLIJENTI JEW UTENTI OĦRA. Dan is-subartiklu ma jwaqqafx lilek jew lil Snap milli tgawdu minn kumpens kollettiv għal xi talbiet. Minkejja dispożizzjoni oħra fi Ftehim, il-Ftehim ta’ Arbitraġġ tar-Regoli tal-ADR Services, tilwim rigward l-interpretazzjoni, l-applikabbiltà jew l-implikazzjonijiet ta’ dan ir-rinunzja jistgħu jiġu rriżolti biss minn qorti u mhux minn arbitru. JEKK DIN IR-RINUNZJA LI TESKLUDI L-AZZJONIJIET KOLLETTIVI TIĠI LIMITATA, ANNULLATA JEW MEQJUSA BĦALA MHUX INFURZABBLI, ALLURA - SAKEMM IL-PARTIJIET MA JAQBLUX XORTA OĦRA - IL-FTEHIM TAL-PARTIJIET BIEX JIRRIKORRU GĦALL-ARBITRAĠĠ JITQIES NULL U BLA EFFETT FIR-RIGWARD TA' DIK IL-PROĊEDURA, DMENT LI DIK IL-PROĊEDURA TITĦALLA TKOMPLI BĦALA AZZJONI KOLLETTIVA. F'DAWN IL-KAŻIJIET, KWALUNKWE AZZJONI KOLLETTIVA, L-AVUKAT ĠENERALI PRIVAT JEW IL-PROĊEDIEMT MIĠBUR JEW RAPREŻENTATTIV LI JITĦALLA JSIR, GĦANDU JINĠIEB QUDDIEM QORTI TAL-LIĠI U MHUX PERMEZZ TA' TRIBUNAL TAL-ARBITRAĠĠ.

j. Jedd għall-Ħall. Kwalunkwe dritt u limitazzjoni stabbiliti f’dan il-Ftehim ta’ Arbitraġġ jistgħu jiġu rinunzjati mill-parti li kontriha ssir it-talba. Tali rinunzja mhix ser tirrinunzja jew taffettwa kwalunkwe porzjon ieħor ta' dan il-Ftehim ta’ Arbitraġġ.

k Għażla li ma tintrabatx bil-ftehim. Int tista' tagħżel li tirtira minn dan il-Ftehim ta’ Arbitraġġ. Jekk tagħmel hekk, int u Snap ma tistgħux iġġiegħlu lil xulxin tarbitraw. Biex tagħżel li ma tintrabatx b'dan il-ftehim jeħtieġlek tavża lil Snap bil-miktub qabel jgħaddu 30 jum mill-ewwel darba li tkun dħalt f'dan il-Ftehim ta' Arbitraġġ; inkella se tintrabat li tarbitra t-tilwim mingħajr proċedimenti kollettivi skont dawn ir-Regoli. Jekk tagħżel li ma tintrabatx bid-dispożizzjonijiet tal-arbitraġġ biss imma tintrabat bil-ħall mill-proċedimenti kollettivi, il-ħall mill-proċedimenti kollettivi xorta jibqa' fis-seħħ. Ma tistax tagħżel li ma tintrabatx bil-ħall mill-proċedimenti kollettivi imma tintrabat bid-dispożizzjonijiet tal-arbitraġġ. In-notifika / avviż tiegħek irid jinkludi l-isem u l-indirizz tiegħek, l-isem li tuża bħala utent fuq l-iSnapchat tiegħek u l-indirizz tal-email li użajt biex tikkonfigura l-kont ta’ Snapchat tiegħek (jekk għandek wieħed), u stqarrija inekwivoka li int tirtira li ma tiħux sehem f'dan il-Ftehim ta’ Arbitraġġ. Jeħtieġlek tibgħat l-avviż li ma tridx tintrabat b'dan il-ftehim lil dan l-indirizz: Snap Inc., Attn: Arbitration Opt-out, 3000 31st Street, Santa Monica, CA 90405, l-Istati Uniti tal-Amerka jew tibagħtu b'email lil arbitration-opt-out @ snap.com.

l Tribunal għat-Tabliet Żgħar. Irrispettivament minn dak imsemmi hawn fuq, int jew Snap tistgħu tippreżentaw azzjoni individwali fil-qorti għat-talbiet żgħar.

m. Il-Ftehim tal-Arbitraġġ: Żmien fis-Seħħ. Wara li ttemm ir-relazzjoni tiegħek ma' Snap, il-Ftehim tal-Arbitraġġ se jibqa' fis-seħħ. It-tneħħija tal-kunsens, l-għemil l-ieħor tiegħek biex ittemm is-sehem fis-Servizz u l-komunikazzjoni tiegħek ma' Snap se jibqgħu fis-seħħ ukoll.

Fi ftit kliem: Sakemm ma tagħżilx li ma tintrabatx bl-arbitraġġ, f'każ ta' tilwim jew talbiet, int u Snap se taslu għal ftehim billi l-ewwel tgħaddu minn proċess ta' lħiq ta' ftehim informali u jekk din il-ħaġa ma ssolvix il-problema, fuq bażi individwali permezz ta' arbitraġġ b'rabta legali bejn iż-żewġ naħat. Dan ifisser li ma tistax tibda proċedimenti kollettivi kontrina f'każ ta' talba jew tilwima.

Sal-punt li dawn it-Termini jippermettu li inti jew Snap tibdew litigazzjoni f'qorti, kemm inti kif ukoll Snap taqblu li, ħlief għal talba li tista' titressaq fil-qorti ta' talbiet żgħar, it-talbiet u t-tilwim kollha (kemm jekk kuntrattwali, tort, jew mod ieħor), inklużi talbiet statutorji u tilwim, li joħorġu mit-Termini jew li għandhom x'jaqsmu ma' dawn it-Termini jew l-użu esklussiv tal-Qorti tad-Distrett Ċentrali tal-Istati Uniti se jkunu esklussivament fl-użu tal-Qorti Distrettwali tal-Istati Uniti għad-Distrett Ċentrali ta' Kalifornja.
Jekk, madankollu, dik il-qorti tkun nieqsa minn ġurisdizzjoni oriġinali fuq il-litigazzjoni, allura dawn it-talbiet u t-tilwim kollha jkunu tiltati esklussivament fil-Qorti Superjuri ta' Kalifornja, Kontea ta' Los Angeles. Inti u Snap tagħtu l-kunsens għall-ġurisdizzjoni personali taż-żewġ qrati.

Safejn il-liġijiet federali tal-Istati Uniti tal-Amerka ma jgħidux xorta oħra, dawn ir-Regoli u t-talbiet u l-ilmenti (kemm dawk marbuta ma' kuntratti, ma' tort jew xorta oħra ta' lmenti) l-oħra ġejjin minn jew marbuta ma' dar-Regoli jew is-suġġett tagħhom jaqgħu taħt il-liġijiet ta' California (bl-eċċezzjoni tal-prinċipji tal-kunflitt tal-liġijiet tagħhom).

Jekk xi dispożizzjoni ta’ dawn it-Termini tinstab li ma tistax tiġi infurzata, allura dik id-dispożizzjoni titneħħa minn dawn it-Termini u ma taffettwax il-validità u l-infurzabbiltà ta’ kwalunkwe dispożizzjonijiet li jkun fadal.

Jekk inti resident ta' California, skont Artiklu 1789.3 tal-Kodiċi Ċivili ta' California, tista' tressaq l-ilmenti tiegħek lill-Compliant Assistant Unit tad-Dipartiment tas-Servizzi għall-Klijenti tad-Dipartiment tal-Ħarsien tal-Konsumatur ta' California billi tiktbilhom fuq l-indirizz 1625 North Market Blvd., Suite N 112 Sacramento, CA 95834 jew billi ċċemplilhom fuq +1 (800) 952-5210.

Dawn it-Termini, inklużi t-termini addizzjonali msemmija fit-Taqsima 3, jiffurmaw il-ftehim kollu bejnek u Snap, u jieħdu post kwalunkwe ftehim preċedenti. Dawn it-Termini ma joħolqux jew jagħtu ebda dritt ta' benefiċjarju ta' parti terza. Jekk ma ninfurzawx dispożizzjoni f'dawn it-Termini, ma titqiesx bħala rinunzja tad-drittijiet tagħna li ninfurzaw dawn it-Termini. Aħna nirriżervaw id-dritt li nittrasferixxu d-drittijiet tagħna taħt dawn it-Termini u nipprovdu s-Servizzi billi tuża entità oħra, sakemm dik l-entità żżomm dawn it-Termini. Inti ma tistax tittrasferixxi xi drittijiet jew obbligi tiegħek taħt dawn it-Termini mingħajr il-kunsens tagħna. Aħna nirriżervaw il-jeddijiet kollha li mhumiex espressament mogħtija lilek.

Snap tapprezza l-kummenti, il-mistoqsijiet, it-tħassib u s-suġġerimenti tiegħek kollha. Tista' tikkuntattjana jew titlobna l-għajnuna minn hawn.

L-indirizz uffiċjali ta' Snap Inc. huwa 3000 31st Street, Santa Monica, California 90405, l-Istati Uniti tal-Amerka.

Aħna fassalna dawn ir-Regoli tas-Servizz (li nsejħulhom ir-"Regoli") sabiex tkun taf ir-regoli li jiddeterminaw ir-relazzjoni tagħna miegħek bħala utent ta’ Snapchat, Bitmoji, jew kwalunkwe prodott jew servizz ieħor tagħna li huwa soġġett għal dawn ir-Regoli, bħal My AI, (li nirreferu għalihom kollettivament bħala s-"Servizzi"). Is-Servizzi tagħna huma personalizzati u aħna nipprovdu informazzjoni dwar kif jaħdmu f’dawn ir-Regoli, fiċ-Ċentru tal-Privatezza, Sigurtà u tal-Politiki tagħna, fis-Sit ta’ Appoġġ tagħna, u fis-Servizzi nfushom (bħal f’avviżi, kunsensi u settings). L-informazzjoni li nipprovdu tikkostitwixxi s-suġġett ewlieni ta’ dawn ir-Regoli.

Għalkemm għamilna l-almu tagħna biex niktbu dawn ir-Regoli bi kliem ħafif, hemm xi sezzjonijiet fejn xorta jistgħu jinqraw bħall-kuntratt tradizzjonali. Hemm raġuni tajba għal dan: dawn ir-Regoli huma ftehim b'rabta legali bejnek u bejn Snap Group Limited (“Snap”). Għalhekk jekk jogħġbok aqrahom sew.

Sabiex tuża s-Servizzi tagħna, trid taqbel ma dawn ir-Regoli (u kwalunkwe avviż jew kunsens ieħor), li huma ppreżentati lilek meta tiftaħ is-Servizz għall-ewwel darba. Jekk iva, Snap tagħtik liċenzja li ma tistax tiġi trasferita, mhux esklussiva, li tista’ tiġi revokata u li ma tistax tiġi sottoliċenzjata, biex tuża s-Servizzi skont dawn ir-Regoli u l-politiki tagħna. Ovjament, jekk ma taċċettax ir-Regoli, tużax is-Servizzi.

Dawn ir-Regoli jgħoddu għalik jekk tgħix barra l-Istati Uniti tal-Amerka jew jekk il-post ewlieni tan-negozju tiegħek mhux ibbażat ġewwa l-Istati Uniti tal-Amerka. Jekk tgħix ġewwa l-Istati Uniti tal-Amerka jew jekk il-post ewlieni tan-negozju tiegħek huwa bbażat ġewwa l-Istati Uniti tal-Amerka, hija Snap Inc. li tipprovdielek is-Servizzi u r-relazzjoni tieghek hi rregolata bir-Regoli tas-Servizz ta' Snap Inc..

Fejn tajna taqsimiet fejn fissirna dawn ir-Regoli fi ftit kliem, dawn it-tifsiriet fil-qosor ingħataw biss biex inħaffu l-fehim tiegħek u jeħtieġlek taqra dawn ir-Regoli mill-bidu sal-aħħar biex tifhem il-jeddijiet u l-obbligi legali tiegħek.

AVVIŻ DWAR L-ARBITRAĠĠ: JEKK QED TUŻA S-SERVIZZI F'ISEM NEGOZJU, IN-NEGOZJU TIEGĦEK HUWA MARBUT BIL-KLAWŻOLA TA’ ARBITRAĠĠ LI SE SSIB IKTAR 'IL QUDDIEM F'DAWN IR-REGOLI.

Is-Servizzi tagħna mhumiex maħsuba għall-tfal taħt l-età ta’ 13-il sena jew lejn dawk li huma taħt l-età minima applikabbli fl-istat, fil-provinċja jew fil-pajjiż tiegħek biex tkun tista’ tuża s-Servizzi (jekk din tkun ogħla minn 13-il sena). Trid tikkonferma li għandek aktar mill-età minima applikabbli msemmija sabiex toħloq kont u tuża s-Servizzi. Jekk ikollna għarfien konkret li m'intix, nieqfu nipprovdulek is-Servizzi u nsakkru jew inħassru l-kont u d-dejta tiegħek. Aħna nistgħu nitolbuk tivverifika l-età tiegħek qabel ma jkollok permess tuża s-Servizzi tagħna.

Nistgħu noffru wkoll Servizzi addizzjonali b’regoli addizzjonali li jistgħu jeħtieġu li jkollok età akbar biex tużahom. Għalhekk jekk jogħġbok aqra r-regoli kollha sew. Meta tuża s-Servizzi, qed tikkonferma (u tistqarr u tagħti garanzija) li:

• għandek is-setgħa legali tidħol fi ftehim b'rabta legali ma' Snap;

• m'intix persuna li huwa pprojbit milli juża s-Servizzi skont il-liġijiet tal-Istati Uniti tal-Amerka, tar-Renju Unit jew xi ġurisdizzjoni oħra applikabbli — fosthom, pereżempju, li ma tissemmiex fuq il-lista Specially Designated Nationals tad-Dipartiment tat-Teżor Amerikan jew xi restrizzjoni oħra bħal din;

• qatt ma nstabt ħati/ħatja ta' reati sesswali; u

• se tikkonforma ma' dawn ir-Regoli (fosthom kwalunkwe regoli u politiki oħra msemmija f'dawn ir-Regoli bħall- Linji Gwida tal-Komunità, il- Linji Gwida għall-Mużika fuq Snapchat u l- Politika tal-Kontenut Kummerċjali) u l-liġijiet, ir-regoli u r-regolamenti lokali, statali, nazzjonali u internazzjonali kollha li obbligat/a timxi magħhom.

Jekk qed tuża s-Servizzi f'isem negozju jew xi persuna legali oħra, int tikkonferma li għandek permess li torbot lil dak in-negozju jew persuna legali li timxi ma' dawn ir-Regoli u taqbel ma' dawn ir-Regoli f'isem dak in-negozju jew persuna legali (u li kull darba li nużaw il-kelma “int” u “tiegħek” f'dawn ir-Regoli nkunu qed infissru kemm int bħala utent privat kif ukoll dak in-negozju jew persuna legali).

Fil-qosor: Is-Servizzi tagħna mhux maħsuba għal tfal taħt it-13-il sena jew li huma taħt l-età minima applikabbli għadhom m'għalqux is-snin meħtieġa biex ikunu jistgħu jużaw is-Servizzi fl-istat, fil-provinċja jew fil-pajjiż tagħhom jekk din l-età hija ikbar minn 13-il sena. Jekk insiru nafu li m'għandekx l-età meħtieġa se nissospendulek is-Servizzi u se nħassru l-kont u d-dejta tiegħek. Inti tista' tintalab tivverifika l-età tiegħek. Jaf ikun hemm xi regoli oħra fis-seħħ għas-Servizzi tagħna u dawn ir-regoli jeħtiġuk li tkun ikbar biex tuża dawn is-Servizzi għalhekk jekk jogħġbok aqrahom bir-reqqa meta nitolbuk tagħmel hekk.

Ħafna mis-Servizzi tagħna jħalluk toħloq, ittella', tippubblika, tibgħat, tirċievi u taħżen il-kontenut. Meta tagħmel hekk, iżżomm kwalunkwe dritt ta’ sjieda fuq dak il-kontenut li kellek mill-bidu nett. Madankollu, tagħtina liċenzja biex nużaw dan il-kontenut. Kemm tkun wiesgħa l-liċenzja jiddependi mis-Servizzi li tuża u l-għażliet li tkun għażilt.

Għal kull kontenut li toħloq billi tuża s-Servizzi, jew li tissottometti jew tagħmel disponibbli għas-Servizzi (inkluż Kontenut Pubbliku), inti tagħti lil Snap u lill-affiljati tagħna liċenzja globali, mingħajr ħlas ta’ royalties (jiġifieri li ma hemmx bżonn ta’ ħlas kontinwu lilek), li tista’ tiġi sottoliċenzjata u trasferita, biex jospitaw, jaħżnu, jagħmlu cache, jużaw, juru, jirriproduċu, jimmodifikaw, jadattaw, jeditjaw, jippubblikaw, janalizzaw, jittrażmettu u jqassmu dak il-kontenut, inkluż l-isem, l-immaġni, ix-xebh jew il-vuċi ta’ kwalunkwe persuna li tidher fih. Il-liċenzja tingħata biex inħaddmu, niżviluppaw, nagħtu, nirriklamaw u ntejbu s-Servizzi u biex noħorġbu b'servizzi ġodda u niżviluppawhom. Din il-liċenzja tinkludi d-dritt min-naħa tagħna li nagħmlu l-kontenut tiegħek disponibbli għal, u ngħaddu dawn id-drittijiet lil, fornituri tas-servizzi li magħhom għandna relazzjonijiet kuntrattwali relatati mal-provvista tas-Servizzi, unikament għall-iskop li nipprovdu u ntejbu dawk is-Servizzi.

L-Istejjer Pubbliċi u l-kontenut kollu l-ieħor li tibgħat lis-Servizzi pubbliċi tagħna bħal pereżempju l-Profili Pubbliċi, Spotlight, il-Mappa ta' Snap jew Lens Studio nsejħulhom “Kontenut Pubbliku”. Peress li l-Kontenut Pubbliku huwa intrinsikament pubbliku, inti tagħti lil Snap, lill-affiljati tagħna, lil utenti oħra tas-Servizzi, u lill-imsieħba fin-negozju tagħna dritt u liċenzja dinjija, ħielsa mir-royalties, u irrevokabbli biex joħolqu xogħlijiet derivattivi minn, jippromwovu, jesebixxu, ixandru, jissindikaw, jirriproduċu, iqassmu, jissinkronizzaw, ipoġġu grafika u effetti awdjo fuq, jagħmlu disponibbli għall-pubbliku, u juru fil-pubbliku l-Kontenut Pubbliku tiegħek kollu jew parti minnu, fi kwalunkwe forma u fi kwalunkwe mezz jew metodu ta’ distribuzzjoni, kemm dawk magħrufa bħalissa kif ukoll dawk li jiġu żviluppati fil-futur. Din il-liċenzja tgħodd għall-vidjos, l-istampi, l-ħsejjes u l-kompożizzjonijiet mużikali li jinsabu fil-Kontenut Pubbliku tiegħek kif ukoll għall-isem, l-istampa, id-dehra u l-leħen ta' kull minn jidher fil-Kontenut Pubbliku li toħloq, ittella', tippubblika, tibgħat jew tidher fih (fosthom kif jintwerew fil-Bitmoji tiegħek). Dan ifisser, fost affarijiet oħra, li inti ma tkun intitolat għal ebda kumpens jekk il-kontenut tiegħek, inklużi vidjows, ritratti, reġistrazzjonijiet tal-ħoss, kompożizzjonijiet mużikali, isem muri, immaġni, xebh, jew vuċi inklużi fil-kontenut tiegħek jintużaw minna, l-affiljati tagħna, utenti tas-Servizzi, jew l-imsieħba kummerċjali tagħna. Il-liċenzji li tagħtina għall-Kontenut Pubbliku jibqgħu fis-seħħ sakemm il-Kontenut Pubbliku jkun fuq is-Servizzi u għal żmien raġjonevoli wara li tneħħi jew tħassar il-Kontenut Pubbliku mis-Servizzi (biss nistgħu nżommu l-kopji tal-Kontenut Pubbliku tiegħek fuq is-servers għal dejjem). Għal iktar informazzjoni fuq kif tagħżel min jista' jara l-kontenut tiegħek, jekk jogħġbok aqra l-Politika tal-Privatezza u s-Sit tal-Għajnuna tagħna. Il-Kontenut Pubbliku kollu għandu jkun addattat għal mill-inqas dawk li għalqu t-13-il sena.

Sakemm tista' tagħmel hekk skont il-liġi, int iċċedi għal kollox kull — jew taqbel li ma tippretendi kontra Snap jew l-imsieħba tagħha l-ebda — jedd morali jew jeddijiet oħra li jista' jkollok madwar id-dinja marbuta mal-kontenut li taqsam fuq is-Servizzi.

Għalkemm m’aħniex obbligati nagħmlu dan, aħna nirriżervaw id-dritt li naċċessaw, nirrevedu, niskrinjaw u nħassru kwalunkwe kontenut: (i) li nqisu li jikser dawn ir-Regoli jew kwalunkwe liġi applikabbli, inklużi kwalunkwe regoli addizzjonali msemmija fit-Taqsima 3 jew il-politiki tagħna, bħal-Linji Gwida tal-Komunità tagħna, jew (ii) jekk ikun meħtieġ biex nikkonformaw mal-obbligi legali tagħna; u mhux se nkunu responsabbli lejk għal kwalunkwe azzjoni bħal din li tittieħed. Biss, int biss se tkun responsabbli għall-kontenut li toħloq, ittella' tippubblika, tibgħat jew taħżen bis-Servizzi tagħna.

Aħna, Snap Inc. u l-imsieħba tagħna nistgħu nqiegħdu r-riklami fuq is-Servizzi, fosthom riklami personalizzati — bil-permess tiegħek, fejn meħtieġ — skont l-informazzjoni li taqsam magħna, li niġbru jew li niksbu dwarek. Kultant xi riklami jafu jidhru qrib, bejn, fuq jew fil-kontenut tiegħek.

Aħna dejjem nieħdu gost nisimgħu lil-utenti tagħna. Imma jekk tipprovdi feedback jew suġġerimenti, taf biss li nistgħu nużawhom mingħajr ma nikkumpensawk, u mingħajr ebda restrizzjoni jew obbligu lejk. Int taqbel li aħna jkollna kull jedd ta' kull ħaġa li noħolqu skont dawn il-ħsibijiet, kummenti jew suġġerimenti.

Fi ftit kliem: Jekk ittella' l-kontenut tiegħek fuq is-Servizzi, int tibqa' s-sid imma tkun qed tagħti permess lilna u lil oħrajn biex nużawh biex noffru u nġibu 'l quddiem is-Servizzi tagħna. Tkun qed tagħti permess ukoll li utenti oħra jaraw u, f'xi każijiet, jużaw il-kontenut kollu li taqsam mal-oħrajn fuq is-Servizzi. Għandna diversi drittijiet biex nibdlu u nneħħu l-kontenut tiegħek, iżda inti dejjem tibqa' responsabbli għal dak kollu li toħloq, tpoġġi jew taqsam, jew tidderieġina biex nużaw fuq is-Servizzi.

Ir-regoli u l-kundizzjonijiet addizzjonali elenkati fil-paġna tar-Regoli u l-Politiki jew li huma mod ieħor magħmula disponibbli għalik, japplikaw għalik skont is-Servizzi speċifiċi li tuża jew il-post fejn tinsab. Jekk dawk ir-regoli addizzjonali jkunu relevanti (pereżempju, għax tuża s-Servizzi applikabbli), allura dawn isiru parti minn dawn ir-regoli, li jfisser li trid tikkonforma magħhom. Pereżempju, jekk tixtri jew tuża xi funzjonalitajiet mħallsa li nagħmlu disponibbli għalik fuq Snapchat (bħal abbonament għal Snapchat+, iżda esklużi s-servizzi ta’ reklamar), taqbel li r-Regoli tas-Funzjonalitajiet Mħallsa tagħna jgħoddu. Jekk xi regoli addizzjonali li jgħoddu jkunu f’kunflitt ma’ dawn ir-regoli, ir-regoli addizzjonali se jissostitwixxu u jintużaw minflok il-partijiet ta’ dawn ir-regoli li jkunu f’kunflitt.

Fil-qosor: Regoli addizzjonali Jistgħu jintużaw, jekk jogħġbok ħu l-ħin biex taqrahom bir-reqqa.

Il-privatezza tiegħek importanti għalina. Tista' taqra l-Politika tal-Privatezza tagħna biex issir taf kif nipproċessaw l-informazzjoni tiegħek inti u tuża s-Servizzi tagħna. Tista' wkoll iżżur iċ-Ċentru tal-Privatezza, tas-Sigurtà u tal-Politiki tagħna biex issir taf aktar dwar il-ħidma tal-privatezza tagħna fosthom kif ċerti faċilitajiet jużaw id-dejta tiegħek.

Is-Servizzi tagħna jipprovdu esperjenza personalizzata biex ikunu iktar relevanti u ta' interess ikbar għalik. Se nirrakkomandawlek kontenut, reklamar u informazzjoni oħra bbażati fuq dak li nafu jew dak li, minn kif tuża s-Servizzi tagħna, nistgħu nissoponu dwar l-interessi tiegħek u ta' oħrajn. Huwa meħtieġ għalina li nimmaniġġjaw l-informazzjoni personali tiegħek għal dan l-iskop, kif nispjegaw fil-Politika tal-Privatezza tagħna. Sakemm ma tagħżilx inqas personalizzazzjoni mis-Servizzi, il-personalizzazzjoni hija waħda mill-kundizzjonijiet tal-kuntratt tagħna miegħek biex inkunu nistgħu nagħmlu hekk. Tista' żżur is-Sit ta' Appoġġbiex tikseb iktar dettalji dwar ir-rakkomandazzjonijiet personalizzati.

Fi ftit kliem: Is-Servizzi tagħna jagħtuk esperjenza personalizzata, inkluż reklamar u rakkomandazzjonijiet oħra għalik bbażati fuq id-data li niġbru skont kif spjegat kemm hawn kif ukoll fil-Politika tal-Privatezza tagħna.

Is-servizzi tagħna jinkludu karatteristiċi li jużaw l-intelliġenza artifiċjali (“Karatteristiċi tal-IA”) u li jużaw elementi bħal test, immaġinijiet, fajls tal-awdjo, vidjows, dokumenti, data jew kontenut ieħor ipprovdut minnek jew użat skont l-istruzzjonijiet tiegħek (“Inputs”) biex jiġġeneraw kontenut u tweġibiet ibbażati fuq dawk l-Inputs (“Outputs”). Għall-finijiet ta’ dawn ir-Regoli, l-Inputs u l-Outputs kollha se jiġu ttrattati bħala kontenut li tissottometti lis-Servizzi; konsegwentement, kwalunkwe dritt u liċenzja mogħtija lilna, kif ukoll kwalunkwe obbligu impost fuqek fir-rigward ta’ kontenut li tissottometti jew tagħmel disponibbli taħt dawn ir-Regoli, japplikaw għall-Inputs u l-Outputs, inklużi l-liċenzji stipulati fit-taqsima “Drittijiet li Tagħtina” t’hawn fuq. Aħna niġbru, nużaw, niżvelaw u nżommu l-Inputs u l-Outputs skont il-Politika tal-Privatezza tagħna.

Għalkemm ninkorporaw ċerti miżuri ta’ salvagwardja fil-karatteristiċi tal-IA, l-Outputs ġenerati jistgħu ma jiġux riveduti minn qabel u jistgħu jkunu mhux preċiżi, mhux kompluti, qarrieqa, offensivi, oġġezzjonabbli, mhux xierqa, li jiksru d-drittijiet, mhux adattati, illegali, mhux tajbin għal skopijiet partikolari, jew inkella identiċi jew simili għal kontenut iġġenerat għal utenti oħra tas-Servizzi. L-Outputs jista' jkollhom ukoll kontenut li huwa inkonsistenti mal-fehma ta' Snap u Snap ma tapprova l-ebda kontenut inkluż fi kwalunkwe Output. Jekk l-Outputs jirreferu għal individwi jew partijiet terzi, inklużi l-prodotti jew is-servizzi tagħhom, dan ma jfissirx li l-individwu jew il-parti terza japprovaw lil Snap, jew li huma jew dawn il-prodotti huma affiljati ma’ Snap.

Il-karatteristiċi u l-Outputs tal-IA huma pprovduti kif inhuma u disponibbli għalik mingħajr ebda dikjarazzjoni jew garanzija ta’ kwalunkwe tip, kemm jekk espressa kif ukoll jekk impliċita. Dan ifisser li l-użu tiegħek ta’ kwalunkwe karatteristika jew Output tal-IA huwa għar-riskju tiegħek stess, u m’għandekx tiddependi fuqhom għal kwalunkwe skop, inkluż biex tieħu deċiżjonijiet jew għal pariri professjonali, mediċi, legali, finanzjarji, edukattivi jew ta’ natura oħra. L-Outputs mhumiex rappreżentazzjonijiet ta' Snap.

Meta tuża l-Faċilitajiet tal-IA tagħna, sakemm ma nagħtukx permess tagħmel hekk, m'għandekx u ma tistax twettaq xi għemil li raġjonevolment jista' jwassal biex: 

• juża ż-Żrieragħ li fihom jew li jużaw jew li tista' tistenna li jwasslu għal, Riżultati li fihom jew li jużaw kontenut li m'għandekx permess tuża, li jikser il-jeddijiet tal-oħrajn jew li nkiseb b'kull mod ieħor li jikser il-liġi; 

• li jikser xi linji gwida jew politiki oħra li nagħtuk tal-kontenut mibgħut li jorbot fuq kif tuża l-Faċilitajiet tal-IA jew il-bgħit taż-Żrieragħ; 

• jidderieġi l-karatteristiċi tal-IA biex tiġġenera kwalunkwe riżultat bi ksur ta’ dawn ir-Regoli, tar-Regoli tal-Komunità, jew ta’ kwalunkwe dritt tal-proprjetà intellettwali applikabbli, restrizzjoni kuntrattwali jew liġi applikabbli, jew li inkella jistgħu jikkawżaw ħsara;

• jibdel, jaħbi jew ineħħi xi watermark jew stqarrija mqiegħda fuq ir-Riżultati mill-Faċilitajiet tal-IA; 

• idur ma' xi faċilitajiet tas-sigurtà jew tal-privatezza, xi ħarsien jew xi sistemi tal-Faċilitajiet tal-IA; 

• juża jew jaqsam ir-Riżultati biex imbagħad jintużaw biex iħarrġu, jiżviluppaw jew itejbu l-mudelli, is-servizzi jew teknoloġija oħra tal-IA; jew

• jagħti x'tifhem li r-Riżultati nħalqu minn bniedem jew li nħalqu mingħajr l-intelliġenza artifiċjali.

Hemm termini differenti minn dawk imsemmija hawn fuq għall-Faċilitajiet tal-IA li tuża bil- jew b'rabta mas-Servizzi tan-negozju u Lens Studio. Dawn se nagħtuhomlok meta tiġi biex tuża dawk is-Servizzi l-oħra. 

Fil-qosor: L-Inputs u l-Outputs mill-karatteristiċi tal-IA jistgħu jintużaw skont it-Termini tas-Servizz tagħna, il-Politika tal-Privatezza, u r-regoli rilevanti għall-prodotti speċifiċi tal-IA li tuża. Il-karatteristiċi tal-IA jistgħu ma jkunux preċiżi jew xierqa, u m'għandekx tiddependi fuqhom bħala sors ta' verità jew fatti, u lanqas bħala sostitut għall-ġudizzju uman.

Il-biċċa l-kbira tal-kontenut fuq is-Servizzi tagħna jinħoloq minn utenti, pubblikaturi u persuni oħra. Kemm jekk dak il-kontenut jintwera pubblikament jew jintbagħat privatament, il-kontenut hu r-responsabbiltà unika tal-utent jew entità li ssottomettieh. Sal-limitu massimu permess mil-liġi applikabbli, Snap tirriżerva d-dritt li tirrevedi, tiffiltra jew tneħħi l-kontenut kollu li jidher fuq is-Servizzi. Tista’ taqra aktar dwar l-metodi ta’ Snap għall-filtrazzjoni tal-kontenut u dwar kif aħna impjenati li nneħħu kontenut illegali jew potenzjalment ta’ ħsara malajr wara li jiġi jdentifikat , fit-Tifsira tal-Proċessi ta’ Filtrazzjoni, Implimentazzjoni tar-Regoli u Appelli fuq Snapchat. 

Madankollu, aħna ma nirrevedux il-kontenut kollu fuq is-Servizzi tagħna. Allura ma nistgħux — u ma nagħtux — garanzija li utenti oħra jew il-kontenut li jipprovdu permezz tas-Servizzi se jkun skont ir-Regoli, il-Linji Gwida tal-Komunità u r-regoli, il-politiki u l-linji gwida l-oħra tagħna.

L-utenti jistgħu jirrapportaw kontenut fuq is-Servizzi u kontijiet oħra għal ksur tat-Termini u l-politiki tagħna, inklużi l-Linji Gwida tal-Komunità tagħna. Iktar informazzjoni dwar kif tirrapporta kontenut u kontijiet hija disponibbli fuq is-Sit tal-Għajnuna tagħna.

Nistgħu wkoll nieħdu azzjoni dwar kontenut jew kontijiet biex nikkonformaw mal-liġi applikabbli, ma’ ordnijiet legali, jew ma’ notifiki validi li jallegaw kontenut jew attività illegali jew ipprojbita. Id-deċiżjoni tagħna li nieħdu kwalunkwe azzjoni skont din it-Taqsima — inkluż ir-restrizzjoni, is-sospensjoni jew it-terminazzjoni ta’ kontijiet, il-limitazzjoni tal-aċċess għal kontenut jew funzjonalitajiet, jew l-implimentazzjoni ta’ restrizzjonijiet jew imblokki bbażati fuq l-apparat — tittieħed fid-diskrezzjoni assoluta tagħna. Tista’ taqra iżjed fit‑Tifsira dwar il-Filtrazzjoni tal-Kontenut, Implimentazzjoni tar-Regoli u Appelli fuq Snapchat.

Nisperaw li tifhmu kwalunkwe deċiżjoni li nieħdu dwar il-kontenut jew il-kontijiet tal-utenti, iżda f’xi każijiet tistgħu tappellaw kontra d-deċiżjonijiet tagħna. Aktar informazzjoni dwar l-appelli hi disponibbli fuq is-Sit ta' Għajnuna tagħna. Għandek tissottometti kwalunkwe ilment fi żmien sitt xhur mill-azzjonijiet meħuda kontra l-kontenut jew il-kont tiegħek.

Malli nirċievu lment, nistinkaw biex:

• nirreveduh b'mod immedjat, mingħajr diskriminazzjoni, b'mod diliġenti u mhux arbitrarju, u nreġġgħu lura d-deċiżjoni tagħna jekk niddeterminaw li l-valutazzjoni inizjali tagħna ma kinitx korretta; u

• ngħarrfuk minnufih bid-deċiżjoni li nkunu ħadna u jekk tistax tagħmel xi ħaġa biex tibdel l-affarijiet.

Tista’ ssib iktar informazzjoni wkoll fuq is-Sit ta’ Għajnuna tagħna dwar kif Snap tikkonforma ma’ ċerti liġijiet tal-pjattaforma u tas-sigurtà fuq l-internet li jistgħu jkunu relevanti għalik skont fejn tgħix. Dan jinkludi l-mod kif nittrattaw ir-rapporti dwar il-kontenut u l-appelli, kif ukoll il-passi li tista’ tieħu jekk temmen li ma osservajniex l-obbligi tagħna skont dawk il-liġijiet (jekk huma relevanti għalik), bħal pereżempju li tikkontesta d-deċiżjoni tagħna jekk illimitajna l-kont tiegħek jew neħħejna l-kontenut tiegħek b’mod li jikser dawn ir-Regoli.

Xi wħud minn dawk il-liġijiet jeħtieġu wkoll li nippubblikaw rapporti ta’ trasparenza li jispjegaw il-mezzi li nużaw biex niffiltraw il-kontenut u l-ħidma tagħna għas-sigurtà fuq il-pjattaforma, inklużi r-riskji li identifikajna fis-Servizzi tagħna u l-ħidma tagħna relatati mas-sigurtà biex nindirizzawhom. Tista’ ssib dan fiċ-Ċentru tat-Trasparenza tagħna. L-informazzjoni pprovduta fiċ-Ċentru tat-Trasparenza tagħna u kwalunkwe paġni oħra ta' appoġġ għas-sigurtà msemmija f'din it-Taqsima huma biss għal skopijiet informattivi.

Fi ftit kliem: Il-biċċa l-kbira tal-kontenut fuq is-Servizzi huwa ta' jew huwa kontrollat minn oħrajn u aħna m'għandna l-ebda kontroll jew responsabbiltà fuq dak il-kontenut. Għandna politiki u proċessi għall-filtrazzjoni tal-kontenut fis-seħħ li jgħoddu għall-kontenut fuq is-Servizzi. Għandek l-opportunità li tappella d-deċiżjonijiet tagħna jew li tressaq ilment jekk temmen li naqasna milli nikkonformaw ma' dawn ir-Regoli jew mal-liġijiet li jistgħu jkunu relevanti għalik, jiddependi fuq il-post fejn tgħix.

Bħal bejnek u bejnietna, Snap hija s-sid tas-Servizzi, li jinkludi l-marki relatati kollha, ix-xogħlijiet tal-awtur, l-avatars Bitmoji li tiġbor, is-softwer, u kontenut, karatteristiċi u teknoloġija proprjetarji oħra. Is-Servizzi jistgħu wkoll ikunu koperti minn privattivi proprjetà ta' Snap jew l-affiljati tagħha, inklużi dawk elenkati fuq www.snap.com/patents.

Jeħtieġlek tħares il-jeddijiet ta' Snap u timxi mal-Linji Gwida tad-Ditta ta' Snapchat, mal-Linji Gwida tad-Ditta ta' Bitmoji u ma kwalunkwe linji gwida oħra, paġni ta' appoġġ, jew fl-FAQ ippubblikati minn Snap jew l-affiljati tagħna. Dan ifisser, fost affarijiet oħra, li inti ma tistax tagħmel, tipprova tagħmel, tippermetti, jew tinkoraġġixxi lil xi ħadd ieħor biex jagħmel, xi wieħed minn dawn li ġejjin u li tagħmel hekk jista’ jirriżulta f’li nitterminaw jew nissospendiw l-aċċess tiegħek għas-Servizzi:

• tuża l-marki tad-ditta, il-logos, l-ikoni, id-disinn tal-interfaċċa għall-utent, id-dehra u l-preżentazzjoni tad-ditta, id-disinji, ir-ritratti, il-vidjos jew xorta ta' materjal ieħor li Snap tuża fis-Servizzi ħlief dawk li dawn it-Termini, il-Linji Gwida tad-Ditta ta' Snapchat, il-Linji Gwida tad-Ditta ta' Bitmoji jew il-linji gwida tad-ditta l-oħra ppubblikati minn Snap jew l-imsieħba tagħna jagħtuk permess ċar li tuża;

• Jmorru kontra jew jiksru d-drittijiet ta’ pubbliċità, privatezza, drittijiet tal-awtur, trademarks, jew drittijiet oħra ta’ proprjetà intellettwali ta’ Snap, tal-affiljati tagħna jew ta’ kwalunkwe parti terza oħra, inkluż billi tuża s-Servizzi biex tissottometti, turi, tpoġġi, toħloq jew tiġġenera kwalunkwe kontenut li jikser;

• tikkopja, timmodifika, żżomm b'mod permanenti, tniżżel, ittella’, tiżvela, tqassam, tbigħ, tikri, tissindika, xxandar, twettaq, turi, tagħmel disponibbli, toħloq xogħlijiet derivattivi minn, jew inkella tuża s-Servizzi jew il-kontenut fuq is-Servizzi, ħlief għal fajls temporanji li jiġu maħżuna awtomatikament fil-cache tal-web browser tiegħek għal skopijiet ta’ viżwalizzazzjoni, jew kif permess espressament mod ieħor f’dawn ir-Regoli, kif permess espressament mod ieħor minna bil-miktub, jew kif permess mill-funzjonalità maħsuba tas-Servizzi;

• tipprova taċċessa s-Servizzi permezz ta' applikazzjonijiet ta' partijiet terzi mhux awtorizzati, titlob kredenzjali ta' login minn utenti oħra, jew tixtri, tbigħ, tikri, jew tikri aċċess għall-kont tiegħek, username, Snaps, jew link ta' ħabib(a);

• tagħmel reverse engineering, tagħmel kopji mhux awtorizzati jew xogħlijiet derivattivi ta’, żżarma, timmodifika jew dekodifika s-Servizzi (inkluża kwalunkwe teknoloġija, idea jew algoritmu sottostanti) jew kwalunkwe kontenut inkluż fihom, jew inkella testratti l-kodiċi tas-sors tas-software tas-Servizzi, mingħajr il-permess bil-miktub tagħna, ħlief sal-punt li tapplika eċċezzjoni jew limitazzjoni taħt liċenzja ta’ sors miftuħ jew liġijiet applikabbli;

• tuża mezzi jew sistemi awtomatiċi jew semi-awtomatiċi (għodod li jinkludu kwalunkwe robot, spider, crawler, scraper, script jew software), proċessi jew sistemi oħra oħra biex tikseb aċċess, tikseb id-dejta jew tikkopja s-Servizzi jew tikseb id-dettalji dwar l-utenti l-oħra, il-kontenut jew dejta oħra fis-Servizzi. Madankollu, din ir-restrizzjoni ma tillimita l-ebda dritt għall-ġbir awtomatizzat ta’ dejta minn riċerkaturi eliġibbli li jiġbru dejta disponibbli pubblikament skont l-Att dwar is-Servizzi Diġitali tal-Unjoni Ewropea (“UE”);

• tuża jew tibni xi apps mhux uffiċjali li jaħdmu mas-Servizzi jew li jużaw xi kontenut jew informazzjoni oħra tal-utenti mingħajr il-permess bil-miktub tagħna;

• tuża s-Servizzi b'mod li jista' jinterferixxi, ifixkel, jaffettwa b'mod negattiv, jew jimpedixxi utenti oħra milli jgawdu bis-sħiħ is-Servizzi, jew li jista' jagħmel ħsara, jiskonnettja, jgħabbi żżejjed, jew ifixkel il-funzjonament tas-Servizzi;

• ittella viruses jew kodiċi malizzjuż ieħor jew inkella tikkomprometti, tevita, jew iddur mas-sigurtà tas-Servizzi;

• tipprova tevita kwalunkwe teknika ta' filtrazzjoni tal-kontenut li nimpjegaw, jew tipprova taċċessa żoni jew karatteristiċi tas-Servizzi li m'intix awtorizzat biex taċċessahom;

• tuża s-Servizzi biex toħloq jew tiżviluppa prodott jew servizz li jikkompeti;

• tgħid jew tagħti x'tifhem li aħna naqblu mal-kontenut tiegħek;

• sonda, skennja, jew tittestja l-vulnerabbiltà tas-Servizzi tagħna jew kwalunkwe sistema jew netwerk;

• tikser kwalunkwe liġi jew regolament applikabbli b'rabta mal-aċċess tiegħek għal jew l-użu tas-Servizzi; jew

• taċċessa jew juża s-Servizzi b'xi mod mhux espressament permess minn dawn it-Termini jew il-Linji Gwida tal-Komunità tagħna.

Fil-qosor: Aħna stess nikkontrollaw il-kontenut, il-karatteristiċi u l-funzjonalitajiet kollha tas-Servizzi, ħlief il-kontenut tiegħek. Biex niżguraw li s-Servizzi u utenti oħra jkunu protetti mill-ħsara, hemm regoli li għandna bżonn li ssegwi meta tuża s-Servizzi tagħna. In-nuqqas ta' konformità ma' dawn ir-regoli jista' jirriżulta f'sospensjoni jew terminazzjoni tal-kont tiegħek.

Snap tħares il-jeddijiet tal-oħrajn. U int għandek tagħmel l-istess. Għalhekk ma tistax tuża s-Servizzi, jew tgħin lil xi ħadd ieħor juża s-Servizzi, b'mod li jmur kontra jew jikser il-jeddijiet tal-personalità, tal-privatezza, drittijiet tal-awtur, tat-trademark jew tal-proprjetà intellettwali ta' ħaddieħor. Meta tibgħat xi kontenut lil Servizzi, inti biss responsabbli li tiżgura u għandek tiżgura li dak il-kontenut huwa tiegħek jew li għandek il-permessi, il-liċenzji u l-awtorizzazzjonijiet meħtieġa biex tkun tista' tibgħat fuq is-Servizzi (fosthom, jekk ikun il-każ, il-jedd li tagħmel kopji mekkaniċi tax-xogħol mużikali f'xi reġistrazzjoni tal-ħoss, li tissinkronizza xi kompożizzjoni ma' xi kontenut, li turi xi kompożizzjonijiet jew iddoqq reġistrazzjoni ta' xi ħsejjes pubblikament jew kull jedd ieħor fis-seħħ għall-mużika kollha li żżid mal-kontenut tiegħek li ma tingħatalekx minn Snap) u tagħti l-jeddijiet u l-liċenzji msemmija f'dawn it-Termini għall-kontenut tiegħek. Taqbel ukoll li mhux se tuża jew tipprova tuża xi kont ta' utent ieħor b'mod li jmur kontra l-permess mogħti lilek minn Snap jew l-imsieħba tagħha.

Snap tonora l-liġijiet dwar it-trademarks, id-drittijiet tal-awtur, u liġijiet oħra tal-proprjetà intellettwali, inkluż l-Att dwar id-Dritt tal-Millennju Diġitali u jieħu passi raġonevoli biex ineħħu malajr mis-Servizzi tagħna kwalunkwe materjal li jikser li nsiru nafu bih. Jekk Snap issir taf li utent ripetutament kiser id-drittijiet tal-awtur, aħna se nieħdu passi raġonevoli fis-setgħa tagħna biex nissospendu jew ntemmu il-kont tal-utent. Jekk temmen li xi ħaġa fuq is-Servizzi tikser id-drittijiet tal-awtur li inti stess jew li tikkontrolla, jekk jogħġbok irrapportaha billi tuża l-formola aċċessibbli permezz ta’ din l-għodda. Jew tista' tippreżenta avviż lill-aġent magħżul tagħna: Snap Inc., Attn: Copyright Agent, 3000 31st Street, Santa Monica, CA 90405, email: copyright @ snap.com. Tużax dan l-indirizz elettroniku għal xi ħaġa oħra għajr biex tirrapporta ksur tad-drittijiet tal-awtur, peress li tali emails jiġu injorati. Biex tirrapporta forom oħra ta’ ksur, inkluż ksur ta’ trademarks, fuq is-Servizzi, jekk jogħġbok uża l-għodda aċċessibbli hawn. Jekk tibgħat avviż lill-Aġent tal-Jeddijiet tal-Awtur tagħna, dan għandu:

• ikollu l-firma bil-miktub jew elettronika tal-persuna bis-setgħa li tirrappreżenta lil sid il-jedd tal-awtur;

• jagħraf ix-xogħol imħares bil-jedd tal-awtur li jkun qed jixli l-ksur tiegħu;

• jgħid x'inhu l-materjal li mixli li qed jikser jew li qed jikser ir-regoli u li għandu jitneħħa, jew aċċess li għalih għandu jitneħħa u biżżejjed informazzjoni biex inkunu nistgħu nsibu l-materjal;

• jagħti d-dettalji ta' kif nistgħu nikkuntattjawk, fosthom l-indirizz, in-numru tal-mowbajl u indirizz tal-email;

• ikollu stqarrija personali fejn tistqarr li temmen ġenwinament li kif qed jintuża l-materjal li qed tilmenta dwaru mhux użu awtorizzat minn sid il-jedd tal-awtur, l-aġenti tiegħu jew il-liġi; u

• tagħmel stqarrija fejn tistqarr li l-informazzjoni fl-avviż hija eżatta u li taħlef bil-liġi li għandek il-permess tirrappreżenta lil sid il-jedd tal-awtur.

Fi ftit kliem: Ara li l-kontenut kollu li tqiegħed fuq is-Servizzi jkun tiegħek jew li jkollok il-jedd li tużah. Nistgħu ngħalqulek il-kont jekk tuża l-kontenut ta' ħaddieħor mingħajr permess. Għarrafna jekk issib xi ħaġa li temmen li tikser il-jeddijiet tal-proprjetà intellettwali tiegħek.

Naħdmu ħafna biex niżguraw li s-Servizzi tagħna joffru esperjenza divertenti u sigura għall-utenti kollha, iżda ma nistgħux niggarantixxu dan. Nieħdu b'serjetà kbira kull imġiba li tipperikola s-sigurtà tal-komunità tagħna, b’mod partikolari meta r-riskju ta’ ħsara jkun serju. Jekk tiltaqa' ma' kontenut potenzjalment ta' ħsara jew illegali fuq is-Servizzi, inħeġġuk tirrapportah. Tista' ssir taf aktar dwar il-modi differenti li bihom nistinkaw biex inżommu kontenut illegali jew potenzjalment ta' ħsara 'l bogħod mis-Servizzi fil-Linji Gwida tal-Komunità tagħna. Nimplimentaw miżuri ta' sigurtà nkorporati fid-disinn u kontrolli tas-sistema maħsuba biex inaqqsu r-riskji li l-utenti jiltaqgħu ma’ kontenut li jinvolvi Ħsara Serja.

Meta tuża s-Servizzi tagħna tkun qed taqbel li dejjem se timxi ma' dawn it-Termini fosthom ir-Regoli tal-Komunità tagħna u kull politika oħra li Snap iddaħħal fis-seħħ biex iżżomm is-Servizzi siguri.

Jekk tonqos milli tikkonforma, aħna nirriżervaw id-dritt li: inneħħu kwalunkwe kontenut li jikser ir-regoli; intemmu l-kont tiegħek jew nillimitaw il-viżibbiltà tiegħu jew l-aċċess għal ċerti funzjonalitajiet; u nżommu dejta relatata mal-kont tiegħek skont il-politiki tagħna dwar iż-żamma tad-dejta; u ninnotifikaw lill-entitajiet esterni — inklużi l-forzi tal-ordni — u nipprovdu lil dawk l-entitajiet esterni b’dejta u kwalunkwe informazzjoni oħra relatata mal-kont tiegħek. Dal-pass jaf ikun meħtieġ biex inħarsu s-sigurtà tal-utenti tagħna u ta' nies oħra, biex ninvestigaw, insibu rimedju u nieħdu azzjoni kontra ksur tar-Regoli potenzjali; u biex nidentifikaw u nsolvu kull tħassib dwar frodi jew sigurtà.

Il-politika ta’ Snap hija li twieġeb għal talbiet tal-gvern legalment validi għal informazzjoni dwar l-utenti fl-Istati Uniti. Aġenziji governattivi u qrati fl-UE jistgħu wkoll jibagħtulna talbiet għal informazzjoni dwar l-utenti. Talbiet bħal dawn jistgħu jinkludu “Ordnijiet Ewropej ta’ Produzzjoni” skont ir-Regolament tal-UE dwar l-Evidenza Elettronika, kif ukoll ċerti talbiet legali oħra. Jekk nirċievu talba legalment valida, Snap tista’ tiddeċiedi li taqsam l-informazzjoni mitluba – li tista’ tinkludi kontenut tal-utent – permezz ta’ waħda mill-kumpaniji affiljati tagħna fl-UE, mingħajr ma tikkontesta kunflitti potenzjali tal-liġi.

Aħna nieħdu ħsieb ukoll is-sigurtà fiżika u l-benessri tiegħek waqt li nużaw is-Servizzi tagħna. Għalhekk tużax is-Servizzi tagħna b'xi mod li jtellfek milli timxi mal-liġijiet tat-traffiku u tas-sigurà. Pereżempju, qatt ma tuża s-Servizzi waqt is-sewqan. U qatt m'għandek tqiegħed lilek innifsek jew lil oħrajn fil-periklu biex tiġbed Snap jew biex tuża faċilitajiet oħra ta' Snapchat.

Fi ftit kliem: Aħna nippruvaw inżommu s-Servizzi tagħna kemm jista' jkun siguri imma biex nagħmlu hekk neħtieġu l-għajnuna tiegħek. Dawn ir-Regoli, il-Linji Gwida tal-Komunità tagħna u politiki oħra ta' Snap fihom informazzjoni importanti fuq kif tħares is-Servizzi u utenti oħra. U qatt m'għandek tqiegħed lilek innifsek jew lil oħrajn fil-periklu inti u tuża s-Servizzi tagħna.

Jeħtieġlek toħloq kont biex tuża xi Servizzi. Għall-kont tiegħek taqbel li tagħtina informazzjoni preċiża, kompluta u aġġornata. Ħlief fil-każ rari li l-kont tiegħek jagħmel xi ħaġa mingħajr il-kontroll tiegħek, int resposnabbli għal kull ħaġa li ssir fuq il-kont tiegħek. Għalhekk importanti li tħares il-kont tiegħek. Mod wieħed ta' kif iżżomm il-kont tiegħek sigur huwa li tagħżel password b'saħħitha li ma tużax għal kontijiet oħra u li tixgħel- l-awtentikazzjoni b'żewġ passi. Jekk jogħġbok ikkuntattja lit-Tim tal-Għajnuna minnufih jekk taħseb li xi ħadd ieħor daħal fil-kont tiegħek. Kull software li nagħtuk jista' jniżżel u jinstalla l-aġġornamenti, t-tiġdid jew faċilitajiet ġodda oħra awtomatikament. Tista' tibdel l-għażliet ta' dan it-tniżżil awtomatiku mill-għażliet tat-tagħmir tiegħek. Int taqbel li ma tistax toħloq kont ġdid mingħajr il-permess tagħna jekk fl-imgħoddi neħħejna jew imblukkajna lilek jew lill-kont tiegħek minn xi wieħed mis-Servizzi tagħna.

Fi ftit kliem: Ħares id-dettalji tal-kont tiegħek. Tużax kontijiet li ma tajniekx permess tuża.

Memorji huwa s-servizz tagħna ta’ ħażna ta’ data personalizzata. Il-kontenut ta' Memorji jista' ma jkunx disponibbli għal għadd ta' raġunijiet fosthom problema fil-ħidma tas-servizz tagħna jew l-għażla min-naħa tagħna li nagħlqulek il-kont. Peress li ma nistgħux inwegħdu li l-kontenut tiegħek se jkun dejjem disponibbli, nirrakkomandaw li żżomm kopja separata tal-kontenut li tiffranka f'Memorji. Ma nistgħux inwegħduk li Memorji se tkun tiflaħ taħżen il-kontenut li tixtieq. Għandna l-jedd li nillimitaw il-ħażna li tista' tuża għal Memorji jew li nimblukkaw xi xorta ta' kontenut milli jintużaw f'Memorji u nistgħu nibdlu dawn il-limiti u r-restrizzjonijiet minn jeddna meta jidhrilna aħna.

Fi ftit kliem: Memorji huwa servizz personalizzat għall-ħażna tad-dejta, se nagħtuhulek awtomatikament, imma tista' tikkontrolla ċertu faċilitajiet. Ma nistgħux inwegħduk li l-Memorji se jinħażnu għal dejjem għalhekk jekk jogħġbok aħżen kopja tagħhom.

Inti responsabbli għal kwalunkwe tariffi tal-mowbajl li tista' ġġarrab għall-użu tas-Servizzi tagħna. Dawn it-tariffi jiġbru fihom it-tariffi tal-internet tal-mowbajl u t-tariffi għall-messaġġi bħal pereżempju SMSijiet, MMSijiet jew xorta oħra ta' messaġġi u teknoloġiji oħra (flimkien magħrufa bħala “Messaġġi”). Jekk m'intix ċert x'jistgħu jkunu dawk it-tariffi, għandek tistaqsi lill-fornitur tas-servizz tiegħek qabel tuża s-Servizzi.

Billi tipprovdilna n-numru tal-mowbajl tiegħek taqbel, fost affarijiet oħra, li tirċievi Messaġġi minn Snap relatati mas-Servizzi, inkluż dwar promozzjonijiet (fejn għandna l-kunsens jew kif permess mil-liġi), il-kont tiegħek, u r-relazzjoni tiegħek ma’ Snap. Dawn il-Messaġġi jistgħu jiġu riċevuti anke jekk in-numru tal-mowbajl tiegħek ikun reġistrat fuq kwalunkwe tip ta' lista ta' "IĊĊEMPILX", jew ekwivalenti internazzjonali.

Jekk tibdel jew tiddiżattiva n-numru tal-mowbajl li użajt biex toħloq kont, trid taġġorna l-informazzjoni tal-kont tiegħek permezz tas-Settings fi żmien 72 siegħa biex ma tħalliniex nibagħtu messaġġi intiżi għalik lil xi ħadd ieħor.

Fi ftit kliem: Nistgħu nibagħtulek xi Messaġġi u jaf ikollok tħallas xi tariffi lill-operatur tal-mowbajl tiegħek meta tuża s-Servizzi tagħna.

Ċerti Servizzi jistgħu juru, jinkludu jew jagħmlu disponibbli kontenut, dejta, informazzjoni, applikazzjonijiet, karatteristiċi jew materjali minn partijiet terzi (“Materjali ta’ Partijiet Terzi”), jipprovdu links għal ċerti websajts ta’ partijiet terzi jew jippermettu l-użu ta’ Materjali ta’ Partijiet Terzi jew servizzi ta’ partijiet terzi b’rabta magħhom. Jekk tuża xi Materjali ta’ Parti Terza jew servizzi ta’ partijiet terzi li jkunu disponibbli permezz jew b’konnessjoni mas-Servizzi tagħna (inklużi Servizzi li noffru flimkien mal-parti terza), it-termini applikabbli ta’ parti terza jirregolaw ir-relazzjoni tagħhom miegħek. La Snap u lanqas kwalunkwe mill-affiljati tagħna ma huma responsabbli jew responsabbli għat-termini ta' parti terza jew azzjonijiet meħuda taħt it-termini ta' kwalunkwe parti terza. Barra minn hekk, billi tuża s-Servizzi, inti tagħraf u taqbel li Snap mhix responsabbli biex teżamina jew tevalwa l-kontenut, l-eżattezza, il-kompletezza, id-disponibbiltà, il-puntwalità, il-validità, il-konformità tad-drittijiet tal-awtur, il-legalità, id-deċenza, il-kwalità jew kwalunkwe aspett ieħor ta’ tali Materjali ta’ Partijiet Terzi jew servizzi jew websajts ta’ partijiet terzi. Aħna ma nipprovdu l-ebda assigurazzjoni jew napprovaw u ma nassumu u mhux se jkollna l-ebda obbligu jew responsabbiltà lejk jew kwalunkwe persuna oħra għal kwalunkwe servizz ta' partijiet terzi, Materjali ta' Partijiet Terzi jew websajts ta' partijiet terzi, jew għal kwalunkwe materjali, prodotti jew servizzi oħra ta' partijiet terzi. Materjali ta' Partijiet Terzi, id-disponibbiltà ta' servizzi ta' partijiet terzi u links għal websajts oħra huma pprovduti biss bħala konvenjenza għalik.

Fil-qosor: Snap mhux responsabbli għall-karatteristiċi, il-kontenut jew is-servizzi ta’ partijiet terzi aċċessibbli permezz jew b’konnessjoni mas-Servizzi tagħna – jekk jogħġbok kun żgur li taqra t-termini tal-parti terza.

Aħna l-ħin kollu naħdmu qatigħ biex intejbu s-Servizzi tagħna u noħolqu oħrajn ġodda. Dan ifisser li maż-żmien nistgħu nżidu jew inneħħu xi faċilitajiet, prodotti jew ħidmiet u nistgħu wkoll nissospendu, niddiżattivaw jew intemmu s-Servizzi għal dejjem. Nistgħu nagħmlu hekk meta rridu għal kull xorta ta' raġuni u — għalkemm mhux dejjem nafu nkunu nistgħu nagħmlu hekk — meta nagħmlu hekk se nippruvaw navżawk minn qabel.

Dan ifisser ukoll li kultant ikun jeħtiġilna nibdlu dawn ir-Regoli biex naddattawhom għall-bidliet fis-Servizzi tagħna jew għal kif noffru dawk is-Servizzi kif ukoll biex nimxi mar-rekwiżiti legali jew għal raġunijiet legali jew ta' sigurtà oħra. Jekk dawk il-bidliet f'dawn ir-Regoli ikunu kbar, aħna se navżawk raġjonevolment bil-quddiem (sakemm dawk il-bidliet ma jkunux meħtieġa qabel pereżempju jekk ikun hemm xi bidla fil-liġijiet jew jekk inkunu qed inniedu xi Servizzi jew faċilitajiet ġodda). Jekk wara li dawk il-bidliet jidħlu fis-seħħ tkompli tuża s-Servizzi, aħna se nqisu li aċċettajt dawk il-bidliet.

Fi ftit kliem: Is-Servizzi tagħna se jinbidlu maż-żmien. Minn żmien għal żmien nistgħu nibdlu dawn ir-Regoli biex naddattawhom għal dawn il-bidliet jew għal raġunijiet oħra.

Filwaqt li nittamaw li tibqa’ Snapchatter tul il-ħajja, tista’ ttemm dawn it-Termini fi kwalunkwe ħin jekk ma taqbilx ma’ xi tibdil li nagħmlu lil dawn it-Termini, jew għal kwalunkwe raġuni oħra, billi tħassar il-kont ta' Snapchat tiegħek (jew, f’xi każijiet, il-kont assoċjat mal-parti applikabbli tas-Servizzi li qed tuża).

Nistgħu nillimitaw, nitterminaw jew temporanjament nissospendu l-aċċess tiegħek għas-Servizzi jekk tikser dawn ir-Regoli, il-Linji Gwida tal-Komunità tagħna jew il-liġi, kemm għal raġunijiet barra l-kontroll tagħna jew għal kwalunkwe raġuni oħra. Dan ifisser li nistgħu nitterminaw dawn it-Termini, nieqfu nipprovdulek is-Servizzi kollha jew parti minnhom, jew nimponu limiti ġodda jew addizzjonali fuq il-ħila tiegħek li tuża s-Servizzi tagħna. Pereżempju, nistgħu nagħlqu l-kont tiegħek minħabba nuqqas ta’ attività fit-tul, u nistgħu nieħdu lura l-isem tal-utent tiegħek fi kwalunkwe ħin u għal kwalunkwe raġuni. U għalhekk se nagħmlu l-almu tagħna biex navżawk biżżejjed bil-quddiem, ma nistgħux nagħtuk garanzija li dejjem se nkunu nistgħu navżawk bil-quddiem.

Meta nillimitawlek, nitterminaw jew nissospendulek l-aċċess għas-Servizzi minħabba ksur tal-Linji Gwida tal-Komunità tagħna, aħna se navżawk u se nagħtuk l-opportunità li tressaq appell kif spjegat fit- Tifsira tal-Proċessi tal-Filtrazzjoni, l-Implimentazzjoni tar-Regoli u l-Appelli.

Qabel ma nirrestrinġu, nitterminaw jew nissospendu l-aċċess tiegħek għas-Servizzi, aħna se nqisu l-fatti u ċ-ċirkostanzi rilevanti kollha li jidhru mill-informazzjoni disponibbli għalina, skont ir-raġuni sottostanti għat-teħid ta’ dik l-azzjoni. Jekk, ngħidu aħna, tikser il-Linji Gwida tal-Komunità tagħna, aħna nqisu s-severità, il-frekwenza u l-impatt tal-ksur tar-regoli kif ukoll l-intenzjoni x'kienet. Dan jinforma d-deċiżjoni tagħna jekk nirrestrinġux, ittemmu jew tissospendix l-aċċess tiegħek għas-Servizzi u, fil-każ ta’ sospensjoni, kemm nissospendiw l-aċċess tiegħek. Tista' żżur is-Sit tal-Għajnuna tagħna biex issir taf iktar dwar kif inqisu u nirreaġixxu f'każ ta' użu mhux xieraq tas-Servizzi tagħna.

Ikun min ikun li jtemm dawn ir-Regoli, kemm int kif ukoll Snap tibqgħu marbuta b'Artiklu 2, Artiklu 3 (sakemm ir-regoli u l-kundizzjonijiet miżjuda jdumu, skont ma jgħidu huma, fis-seħħ) u minn Artikli 6 sa 24 tar-Regoli.

Fi ftit kliem: Tista' tieqaf tuża s-Servizzi jew tħassar il-kont tiegħek meta trid u għal kull raġuni, fosthom li ma taqbilx ma' xi bidliet f'dawn it-Termini. Nistgħu nillimitawlek jew inneħħulek l-aċċess għas-Servizzi minħabba r-raġunijiet imsemmija hawn fuq. Meta nagħmlu dan, aħna ser nipprovdulek avviż fil-biċċa l-kbira tal-każijiet, kif ukoll opportunità biex tappella d-deċiżjoni.

Inti taqbel, sal-limitu permess mil-liġi, li tindennizza, tiddefendi, tirrinunzja r-responsabbiltà- lil Snap, l-affiljati, id-diretturi, l-uffiċjali, l-azzjonisti, l-impjegati, il-liċenzjaturi u l-aġenti tagħna minn u kontra kull ilment, akkużi, pretensjonijiet, danni, telf, spejjeż, obbligazzjonijiet, u spejjeż (fosthom it-tariffi tal-avukati) li jkollhom iħallsu, jew jeħlu, jew b'xi mod ikunu marbuta: (a) mal-fatt li għandek aċċess jew tuża s-Servizzi, (b) mal-kontenut tiegħek fosthom ix-xiljiet ta' ksur tar-regoli marbuta mal-kontenut tiegħek, (ċ) mal-ksur min-naħa tiegħek ta' dawn it-Termini jew ta' xi liġi jew regolament li obbligat/a timxi magħhom jew (d) man-negliġenza jew ma' mġiba ħażina li tkun saret bi ħsieb.

Fil-qosor: Jekk tikkawżalna xi ħsara, inti trid tikkumpensana.

Aħna ser nagħmlu l-almu tagħna biex inżommu s-Servizzi jaħdmu mingħajr xkiel. Imma ma nagħtu l-ebda garanzija li ser jirnexxielna.

Is-Servizzi huma pprovduti "kif inhuma" u "kif disponibbli" u sal-limitu permess mil-liġi u ħlief kif iddikjarat hawn fuq, mingħajr garanziji ta 'kwalunkwe tip, jew espressi jew impliċiti, inklużi, b'mod partikolari garanziji impliċiti, kundizzjonijiet, jew termini oħra relatati ma': (a) kummerċjabilità, kwalità sodisfaċenti, idoneità għal skop partikolari, titolu, tgawdija kwieta, nuqqas ta' ksur ta' kummerċ, jew. Barra minn hekk, filwaqt li nippruvaw nipprovdu esperjenza tajba għall-utent, aħna ma nirrappreżentawx jew niggarantixxu li: (i) is-Servizzi dejjem ikunu kompletament siguri, mingħajr żbalji jew f'waqthom, (ii) is-Servizzi dejjem se jiffunzjonaw mingħajr dewmien, tfixkil jew imperfezzjonijiet, jew (iii) kwalunkwe kontenut jew informazzjoni li tikseb permezz tas-Servizzi dejjem tkun f'waqtha jew preċiża.

JEKK IL-LIĠI TAL-PAJJIŻ FEJN TGĦIX TOBBLIGANA NOFFRU L-GARANZIJI MSEMMIJA F'DIN IL-KLAWŻOLA, DAWN IL-GARANZIJI SE JINGĦATAW BISS SAL-LIVELL MEĦTIEĠ BIL-LIĠI.

Sa fejn nistgħu nagħmlu hekk bil-liġi, Snap, Snap Inc. u l-imsieħba tagħna ma jieħdu u ma jaċċettaw ebda responsabbiltà għall-kontenut li int, utenti oħra jew persuni oħra toħolqu, ttellgħu, tippubblikaw, tibagħtu, tirċievu, taraw jew taħżnu fuq jew bis-Servizzi tagħna u tifhem u taqbel li jaf tintwera kontenut li joffendi, illegali, qarrieqi jew b'xi mod ieħor mhux addattat u li la Snap u lanqas Snap Inc. jew l-imsieħba tagħna mhuma se jkunu responsabbli għalih.

Xejn f’dawn it-Termini ma jeskludi jew jillimita kwalunkwe responsabbiltà li jista’ jkollna biex inneħħu l-kontenut jekk hekk meħtieġ mil-liġi tal-pajjiż fejn tgħix.

Fi ftit kliem: Snap ser tipprova tagħtik is-Servizzi imma ma nistgħu nwegħduk xejn b'rabta mal-kwalità u mhux ser inkunu responsabbli għall-kontenut li mhux tagħna.

Snap, Snap Inc. u l-imsieħba, id-diretturi, it-tmexxija, l-azzjonisti, il-ħaddiema, is-sidien tal-jeddijiet tal-awtur, il-fornituri u l-aġenti tagħna mhux se jkunu responsabbli għal danni indiretti, aċċidentali, speċjali, konsegwenzjali, għaddieba jew għadd ta' danni, jew telf ta' qligħ jew dħul, kemm dirett kif ukoll indirett, jew xi telf ta' dejta, użu, fama jew telf mhux tanġibbli minħabba: (a) li tuża jew li ma tkunx tista' tuża s-Servizzi, (b) li taċċessa jew li ma tkunx tista' taċċessa s-Servizzi, (ċ) l-imġiba jew il-kontenut ta' utenti jew persuni oħra fuq jew bis-Servizzi jew (d) aċċess, użu jew bidliet bla permess tal-kontenut tiegħek. Sakemm ma jkunx hemm miktub mod ieħor f'xi regola oħra fis-seħħ ta' Snap, Snap Inc. jew tal-imsieħba tagħna, ir-responsabbiltà li Snap Inc. jew l-imsieħba tagħna jistgħu jkunu responsabbli għaliha qatt ma tista' taqbeż l-ikbar waħda bejn (a) €100 EUR jew (b) is-somma li ħallast lil Snap fl-aħħar 12-il xahar għal xi Servizz.

L-ebda ħaġa f’dawn ir-Regoli (jew, biex jiġi evitat kull dubju, fi kwalunkwe regoli oħra li għalihom inti soġġett fir-rigward tal-provvista ta’ Servizzi minn Snap, Snap Inc., jew l-affiljati tagħna) m’għandha teskludi jew tillimita r-responsabbiltà ta’ Snap, Snap Inc., jew tal-affiljati tagħna għal: (a) mewt jew korriment personali li jirriżultaw mill-intenzjoni jew in-negliġenza rispettiva tagħhom stess, (b) frodi jew rappreżentazzjoni qarrieqa frawdolenti, jew (c) kwalunkwe responsabbiltà oħra sal-punt li tali responsabbiltà ma tistax tiġi eskluża jew limitata skont il-liġi.

JEKK IL-LIĠI TAL-PAJJIŻ FEJN TGĦIX MA TĦALLIX LI XI RESPONSABBILTÀ MSEMMIJA F'DIN IL-KLAWŻOLA TIĠI LIMITATA, DAK LI TGĦID IL-LIĠI GĦANDU JGĦODD FUQ DAK IL-LIMITU.

L-EBDA ĦAĠA F'DAWN IR-REGOLI MA TIBDEL IL-JEDDIJIET TIEGĦEK LI TAGĦTIK IL-LIĠI BĦALA KONSUMATUR.

Fi ftit kliem: Nistgħu nillimitaw ir-responsabbiltà tagħna għal kull ħaġa li tagħmel, għal sitwazzjonijiet fejn ma tkunx tista' taċċessa s-Servizzi, għall-għemil tal-oħrajn u għal kull problema li toħroġ mill-użu mhux aċċettabbli tas-Servizzi tagħna. Fejn aħna nkunu responsabbli għad-danni u int tkun ġarrabt xi telf, ir-responsabbiltà tagħna hija limitata għal somma fissa.

Jekk għandek xi tħassib, għarrafna dwaru. Ibda billi tiktbilna u aħna nagħmlu l-almu tagħna biex insibu soluzzjoni.

Xi wħud mis-Servizzi tagħna jaf ikollhom iktar regoli b'dispożizzjonijiet li fihom riżoluzzjonijiet ta' kwistjoniet li jgħoddu biss għal dawk is-Servizzi jew għar-residenza tiegħek.

Jekk qed tuża s-Servizzi f'isem negozju (minflok għall-użu personali tiegħek), inti u Snap taqblu li sal-limitu mogħti mil-liġi, it-talbiet u t-tilwim kollu ta' bejnietna marbut ma' dawn it-Termini jew mal-użu tas-Servizzi għandu jinqata' b'arbitraġġ b'rabta legali skont ir-Regoli tal-Arbitraġġ LCIA, li huma parti minn dawn ir-regoli għax qed jissemmew f'din il-klawżola. Għandu jkun hemm arbitru wieħed (magħżul minn LCIA), l-arbitraġġ se jitmexxa ġewwa Londra, u l-arbitraġġ se jitmexxa bl-Ingliż. Jekk ma tixtieqx taqbel ma' din il-klawżola, m'għandekx tuża s-Servizzi.

Fil-qosor: Ikkommunika magħna jekk għandek xi lment. It-tilwim mal-utenti kummerċjali se jinqata' bl-arbitraġġ.

Sa fejn hu permess li dawn ir-Regoli jħallu lilek jew lil Snap tressaq litigazzjoni quddiem qorti, kemm int kif ukoll Snap taqblu li t-talbiet u t-tilwim kollha (kemm marbuta ma' kuntratt jew dawk xorta oħra), li jirriżultaw minn jew marbuta mar-Regoli jew l-użu tas-Servizzi se jiġu llitigati esklussivament quddiem il-qrati tal-Ingilterra ġewwa r-Renju Unit, sakemm dan ma jkunx ipprojbit mil-liġijiet tal-pajjiż fejn toqgħod. Int u Snap taċċettaw li dawk il-qrati biss ikollhom il-ġurisdizzjoni.

Il-liġijiet tal-Ingilterra u Wales jirregolaw dawn ir-Regoli u kull talba jew ilment (kemm dawk imsejsa fuq kuntratt jew tort, kif ukoll ilmenti oħra) li jirriżultaw minn jew li huma marbuta ma' dawn ir-Regoli jew is-suġġett tagħhom. Il-qrati ta' xi pajjiżi jafu ma jużawx il-liġijiet tal-Ingilterra u Wales għal xi tilwim marbut ma' dawn ir-Regoli. Jekk toqgħod f'xi wieħed minn dawk il-pajjiżi, il-liġijiet tal-pajjiż ta' oriġini tiegħek jafu jgħoddu għal dak it-tilwim.

Jekk xi dispożizzjoni ta' dawn it-Termini titqies li ma tistax titwettaq, dik id-dispożizzjoni se titneħħa minn dawn it-Termini u mhux se taffettwa l-validità u t-twettiq tal-bqija tad-dispożizzjonijiet.

Dawn it-Termini, inklużi t-termini addizzjonali msemmija fit-Taqsima 3, jiffurmaw il-ftehim kollu bejnek u Snap, u jieħdu post kwalunkwe ftehim preċedenti. Dawn it-Termini ma joħolqux jew jagħtu ebda dritt lil partijiet terzi. Jekk ma ninfurzawx dispożizzjoni f'dawn it-Termini, ma titqiesx bħala rinunzja tad-drittijiet tagħna li ninfurzaw dawn it-Termini. Aħna nirriżervaw id-dritt li nittrasferixxu d-drittijiet tagħna taħt dawn it-Termini u nipprovdu s-Servizzi billi tuża entità oħra, sakemm dik l-entità żżomm dawn it-Termini. Inti ma tistax tittrasferixxi xi drittijiet jew obbligi tiegħek taħt dawn it-Termini mingħajr il-kunsens tagħna. Aħna nirriżervaw id-drittijiet kollha mhux espressament mogħtija lilek.

Snap tapprezza l-kummenti, il-mistoqsijiet, it-tħassib u s-suġġerimenti tiegħek kollha. Tista' tikkuntattjana jew titlobna l-għajnuna minn hawn.

Jekk tgħix fir-reġjun Asja-Paċifiku jew jekk il-post prinċipali tan-negozju tiegħek huwa ġewwa ir-reġjun Asja-Paċifiku, li għal dawn ir-Regoli jiġbor fih l-Afganistan, l-Indja, il-Kirgistan, il-Każakistan, il-Pakistan, it-Taġikistan, it-Turkmenistan u l-Użbekistan, imma ma jiġborx fih l-Armenja, l-Ażerbajġan, il-Ġeorġia, il-Federazzjoni Russa u t-Turkija: 

• il-kumpanija responsabbli għas-Servizzi hi l-Fergħa ta' Singapore ta' Snap Group Limited u hija bbażata ġewwa Singapore fl-indirizz #16-03/04, 12 Marina Boulevard, Marina Bay Financial Centre Tower 3, Singapore 018982. UEN: T20FC0031F. Numru tal-VAT: M90373075A; u

• kull referenza għal "Snap" f'dawn it-Termini tfisser il-Fergħa ta' Singapore ta' Snap Group Limited. 

Inkella, il-kumpanija responsabbli għas-Servizzi barra l-Istati Uniti tal-Amerka u r-reġjun Asja-Paċifiku hija Snap Group Limited li tinsab fir-Renju Unit fuq l-indirizz 50 Cowcross Street, Level 2, London, EC1M 6AL, United Kingdom. In-numru tar-reġistru tal-kumpanija: 09763672. Numru tal-VAT: GB 237218316.