Snap ನಲ್ಲಿ ನಾವು ನಿಮ್ಮ ಗೌಪ್ಯತೆಗೆ ಆದ್ಯತೆಯನ್ನ ನೀಡುತ್ತೇವೆ. ನೀವು ಪ್ರತಿ ಬಾರಿ Snapchat ಅನ್ನು ಅಥವಾ ನಮ್ಮ ಇತರ ಯಾವುದೇ ಉತ್ಪನ್ನಗಳನ್ನು ಬಳಸಿದಾಗಲೆಲ್ಲಾ ನಿಮ್ಮ ನಂಬಿಕೆಯನ್ನು ಗಳಿಸಬೇಕಾಗುತ್ತದೆ ಎಂದು ನಮಗೆ ತಿಳಿದಿದೆ - ಅದಕ್ಕಾಗಿಯೇ ನಾವು ನಿಮ್ಮ ಮಾಹಿತಿಯನ್ನು ಇತರ ಟೆಕ್ ಕಂಪನಿಗಳಿಗಿಂತ ವಿಭಿನ್ನವಾಗಿ ಪರಿಗಣಿಸುತ್ತೇವೆ.

ನಿಮ್ಮ ಖಾಸಗಿ ಸಂದೇಶಗಳನ್ನು ನಾವು ಸಂಗ್ರಹಿಸುವುದಿಲ್ಲ ಮತ್ತು ನೀವು ಪೋಸ್ಟ್ ಮಾಡಿದ ಎಲ್ಲದರ ಟೈಮ್‌ಲೈನ್ ಅನ್ನು ನಾವು ಸಾರ್ವಜನಿಕವಾಗಿ ಪ್ರದರ್ಶಿಸುವುದಿಲ್ಲ. ನೀವು ಹಂಚಿಕೊಳ್ಳಲು ಬಯಸುವ ವಿಷಯಗಳನ್ನು ನೀವು ಹಂಚಿಕೊಳ್ಳುವವರೆಗೆ ಮಾತ್ರ ಅವುಗಳನ್ನು ಜನರು ನೋಡುವಂತೆ Snapchat ಅನ್ನು ವಿನ್ಯಾಸಗೊಳಿಸಲಾಗಿದೆ. ಇದರಿಂದ Snapchat ಶಾಶ್ವತ ದಾಖಲೆಯಲ್ಲದೆ ಸ್ನೇಹಿತರೊಂದಿಗೆ ಸಂಭಾಷಣೆ ಮಾಡುತ್ತಿರುವಂತೆ ಭಾಸವಾಗುತ್ತದೆ ಎಂದು ನಾವು ನಂಬುತ್ತೇವೆ.

ನಮ್ಮ ಉತ್ಪನ್ನಗಳು ನಿರಂತರವಾಗಿ ಅಭಿವೃದ್ಧಿಗೊಳ್ಳುತ್ತಿದ್ದರೂ, ನಮ್ಮ ಗೌಪ್ಯತೆಯ ತತ್ವಗಳು ಬದಲಾಗದೆ ಉಳಿಯುತ್ತವೆ:

ನೀವು Snap ಉತ್ಪನ್ನಗಳನ್ನು ಬಳಸುವಾಗ, ನೀವು ನಮ್ಮೊಂದಿಗೆ ಮಾಹಿತಿಯನ್ನು ಹಂಚಿಕೊಳ್ಳುತ್ತೀರಿ - ಆ ಮಾಹಿತಿಯನ್ನು ಹೇಗೆ ಬಳಸಲಾಗುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ನಿಮಗೆ ಸಹಾಯ ಮಾಡುವುದು ನಮ್ಮ ಜವಾಬ್ದಾರಿಯಾಗಿದೆ. ನಾವು ಮಾಹಿತಿಯನ್ನು ಹೇಗೆ ಸಂಗ್ರಹಿಸುತ್ತೇವೆ, ಬಳಸುತ್ತೇವೆ ಮತ್ತು ಹಂಚಿಕೊಳ್ಳುತ್ತೇವೆ ಎಂಬುದನ್ನು ನಮ್ಮಗೌಪ್ಯತಾ ನೀತಿಯು ವಿವರಿಸುತ್ತದೆ - ನೀವು ಹೈಲೈಟ್‌ಗಳನ್ನು ಇಲ್ಲಿ ಓದಬಹುದು. ಒಂದು ನಿರ್ದಿಷ್ಟ ವೈಶಿಷ್ಟ್ಯವು ನಿಮ್ಮ ಡೇಟಾವನ್ನು ಹೇಗೆ ಬಳಸುತ್ತದೆ ಎಂಬ ಬಗ್ಗೆ ನಿಮಗೆ ಕುತೂಹಲವಿದ್ದರೆ, ಉತ್ಪನ್ನದ ಪ್ರಕಾರ ಗೌಪ್ಯತೆ ಎಂಬ ವಿಷಯವು ಇದರ ಬಗ್ಗೆ ಇನ್ನಷ್ಟು ವಿವರಿಸುತ್ತದೆ. ನಮ್ಮ ಆ್ಯಪ್‌ಗಳ ಒಳಗೆ ಮತ್ತು ನಮ್ಮಬೆಂಬಲ ಕೇಂದ್ರದಾದ್ಯಂತವೈಶಿಷ್ಟ್ಯಗಳು ಡೇಟಾವನ್ನು ಹೇಗೆ ಬಳಸುತ್ತವೆ ಎಂಬುದನ್ನು ಸಹ ನಾವು ವಿವರಿಸುತ್ತೇವೆ. ನಿಮಗೆ ಬೇಕಾದುದನ್ನು ನೀವು ಹುಡುಕಲು ಸಾಧ್ಯವಾಗದಿದ್ದರೆ, ನೀವು ಯಾವುದೇ ಸಮಯದಲ್ಲಾದರೂಕೇಳಬಹುದು!

ನಿಮ್ಮನ್ನು ನೀವು ಅಭಿವ್ಯಕ್ತಿಗೊಳಿಸುವುದನ್ನು ಸಬಲೀಕರಣಗೊಳಿಸಲು ಗೌಪ್ಯತೆ ಅತ್ಯಗತ್ಯ ಎಂದು ನಾವು ನಂಬುತ್ತೇವೆ. ಹೀಗಾಗಿಯೇ ನೀವು ವಿಷಯಗಳನ್ನು ಯಾರೊಂದಿಗೆ ಹಂಚಿಕೊಳ್ಳುತ್ತೀರಿ, ಅವುಗಳನ್ನು ಹೇಗೆ ಹಂಚಿಕೊಳ್ಳುತ್ತೀರಿ ಮತ್ತು ಅವುಗಳನ್ನು ಎಷ್ಟು ಸಮಯದವರೆಗೆ ನೋಡಬಹುದು ಎಂಬುದರ ಮೇಲೆ ನೀವು ನಿಯಂತ್ರಣ ಹೊಂದಿರುತ್ತೀರಿ. ನಿಮ್ಮ ಕತೆಯನ್ನು ಯಾರು ನೋಡಬಹುದು, ಯಾವ ಸ್ನೇಹಿತರು ನಿಮ್ಮ Bitmoji ಯನ್ನು Snap ಮ್ಯಾಪ್‌ನಲ್ಲಿ ನೋಡಬಹುದು ಮತ್ತು ನಿಮ್ಮ Snap ಗಳು ಎಷ್ಟು ಸಮಯದವರೆಗೆ ಇರಬೇಕು ಎಂಬುದನ್ನು ನೀವು ನಿರ್ಧರಿಸುತ್ತೀರಿ. ನಿಮ್ಮ ಮತ್ತು ನಿಮ್ಮ ಸ್ನೇಹಿತರ ನಡುವೆ ನಿಮ್ಮ ವಿಷಯಗಳನ್ನು ಇರಿಸಿಕೊಳ್ಳಬಹುದು, ಅಥವಾ ಇಡೀ ಜಗತ್ತಿನೊಂದಿಗೆ ಆ ಸಂದರ್ಭವನ್ನು ಹಂಚಿಕೊಳ್ಳಬಹುದು! ಇನ್ನಷ್ಟು ತಿಳಿಯಿರಿ.

ಹೊಸ ವೈಶಿಷ್ಟ್ಯಗಳು ತೀವ್ರವಾದ ಗೌಪ್ಯತಾ ವಿಮರ್ಶೆ ಪ್ರಕ್ರಿಯೆಯ ಮೂಲಕ ಸಾಗುತ್ತವೆ - ನಾವು ವಿಷಯಗಳ ಬಗ್ಗೆ ಮಾತನಾಡುತ್ತೇವೆ, ನಾವು ಅವುಗಳನ್ನು ಚರ್ಚಿಸುತ್ತೇವೆ ಮತ್ತು ನಾವು ಹೆಮ್ಮೆಪಡುವ ಮತ್ತು ಬಳಸಲು ಬಯಸುವಂತಹ ಉತ್ಪನ್ನಗಳನ್ನು ನಿರ್ಮಿಸಲು ಶ್ರಮ ವಹಿಸುತ್ತೇವೆ. ಏಕೆಂದರೆ, ನಾವು ಈ ಉತ್ಪನ್ನಗಳನ್ನು ಪ್ರತಿದಿನ, ಕೆಲಸದಲ್ಲಿ ಮತ್ತು ನಮ್ಮ ವೈಯಕ್ತಿಕ ಜೀವನದಲ್ಲಿ ಬಳಸುತ್ತೇವೆ. ನಾವು ನಮಗಾಗಿ, ನಮ್ಮ ಕಂಪನಿಗಾಗಿ, ನಮ್ಮ ಕುಟುಂಬ ಮತ್ತು ನಮ್ಮ ಸ್ನೇಹಿತರಿಗಾಗಿ ಬಳಸುವ ಕಾಳಜಿಯಿಂದಲೇ ನಿಮ್ಮ ಮಾಹಿತಿಯನ್ನೂ ನಿರ್ವಹಿಸುತ್ತೇವೆ.

ನಿಮ್ಮ ಮಾಹಿತಿಯನ್ನು ನಿಯಂತ್ರಿಸುವ ಹಕ್ಕು ನಿಮಗಿದೆ. ಅದಕ್ಕಾಗಿಯೇ ನಿಮ್ಮ ಮಾಹಿತಿಗೆ ಪ್ರವೇಶಿಸಲು ಮತ್ತು ಅಪ್‌ಡೇಟ್ ಮಾಡಲು, ನೀವು ನಮ್ಮೊಂದಿಗೆ ಎಷ್ಟು ಮಾಹಿತಿಯನ್ನು ಹಂಚಿಕೊಳ್ಳುತ್ತೀರಿ ಎಂಬುದನ್ನು ಸರಿಹೊಂದಿಸಲು, ಮತ್ತು ನಿಮ್ಮ ಮಾಹಿತಿಯನ್ನು—ಅಥವಾ ನಿಮ್ಮ ಖಾತೆಯನ್ನು ಒಟ್ಟಾರೆಯಾಗಿ ಅಳಿಸಲು ನಾವು ವಿನಂತಿಸುತ್ತೇವೆ. ನೀವು ನಿಮ್ಮ ಹೆಚ್ಚಿನ ಗೌಪ್ಯತಾ ಸೆಟ್ಟಿಂಗ್‌ಗಳನ್ನು ನಮ್ಮ ಮೊಬೈಲ್ ಆ್ಯಪ್‌ಗಳಲ್ಲಿಯೇ ನಿಯಂತ್ರಿಸಬಹುದು. ನೀವು ನಿಮ್ಮ ಲಾಗಿನ್ ಮಾಡಬಹುದು ಮತ್ತು Snapchat ಮಾಹಿತಿಯನ್ನು ಇಲ್ಲಿಡೌನ್‌ಲೋಡ್ ಮಾಡಬಹುದು. ನಿಮ್ಮ ಡೇಟಾದ ಬಗ್ಗೆ ನೀವು ಯಾವುದೇ ನಿರ್ದಿಷ್ಟ ಪ್ರಶ್ನೆಗಳನ್ನು ಹೊಂದಿದ್ದರೆ, ನಮ್ಮನ್ನು ಸಂಪರ್ಕಿಸಲುಹಿಂಜರಿಯಬೇಡಿ!

Snapchat ಸ್ನೇಹಿತರೊಂದಿಗೆ ವೈಯಕ್ತಿಕವಾಗಿ ಸಮಯ ಕಳೆಯುವ, ಭಾವನೆಯನ್ನು ಸೆರೆಹಿಡಿಯುವ ಗುರಿಯನ್ನು ಹೊಂದಿದೆ - ಹೀಗಾಗಿಯೇ ಅವುಗಳನ್ನು ತೆರೆದಾಗ ಅಥವಾ ಅವಧಿ ಮುಗಿದ ನಂತರ ನಮ್ಮ ಸರ್ವರ್‌ಗಳಿಂದ Snap ಗಳು ಮತ್ತು ಚಾಟ್‌ಗಳನ್ನು ಅಳಿಸಲಾಗುತ್ತದೆ. Snap ಅನ್ನು ಅಳಿಸಿದ ನಂತರ, ನಾವು ಮುಖ್ಯವಾಗಿ ಮೂಲ ವಿವರಗಳನ್ನು ನೋಡಲು ಸಾಧ್ಯವಾಗುತ್ತದೆ – ಅಂದರೆ ಅದನ್ನು ಯಾವಾಗ ಕಳುಹಿಸಲಾಗಿತ್ತು ಮತ್ತು ಯಾರಿಗೆ ಕಳುಹಿಸಲಾಗಿತ್ತು ಎಂಬುದನ್ನು. ಇನ್ನಷ್ಟು ತಿಳಿಯಿರಿ. ಇನ್ನಷ್ಟು ತಿಳಿಯಿರಿ.

ಇತರ Snapchatter ಗಳು ಯಾವಾಗಲೂ ಸ್ಕ್ರೀನ್ ಶಾಟ್ ತೆಗೆದುಕೊಳ್ಳಬಹುದು ಅಥವಾ ಥರ್ಡ್-ಪಾರ್ಟಿಯ ಆ್ಯಪ್‌ ಬಳಸಿ ಅವುಗಳನ್ನು ಉಳಿಸಬಹುದು ಎಂಬುದನ್ನು ಗಮನದಲ್ಲಿರಿಸಿಕೊಳ್ಳುವುದು ಬಹಳ ಮುಖ್ಯ. ಅಂತಿಮವಾಗಿ ಹೇಳಬೇಕೆಂದರೆ, ನೀವು ನಿಜವಾಗಿಯೂ ನಂಬುವ ಜನರೊಂದಿಗೆ ತಿಳಿದುಕೊಳ್ಳಬೇಕಾದ ವಿಷಯವನ್ನು ಮಾತ್ರ ಹಂಚಿಕೊಳ್ಳುವುದು ಉತ್ತಮ - ನಿಜ ಜೀವನದಲ್ಲಿ ನೀವು ಹೇಗಿರುತ್ತಿದ್ದಿರೋ ಹಾಗೆ!