ഈ Snap മോണിറ്റൈസേഷൻ നിബന്ധനകൾ ക്രിയേറ്റർ സ്റ്റോറീസ് നിബന്ധനകൾക്ക്, പകരമാവുകയും അവയെ മറികടക്കുകയും ചെയ്യുന്നു, നിങ്ങൾ മുമ്പ് ഇവയെ അംഗീകരിച്ചിട്ടുണ്ടെങ്കിൽ, 2025 ഫെബ്രുവരി 1 മുതൽ ഇവ പ്രാബല്യത്തിൽ വരുന്നതാണ്.

ആർബിട്രേഷൻ അറിയിപ്പ്: നിങ്ങൾ യുണൈറ്റഡ് സ്റ്റേറ്റ്സിലാണ് താമസിക്കുന്നതെങ്കിൽ അല്ലെങ്കിൽ നിങ്ങളുടെ ബിസിനസ്സിന്റെ പ്രധാന സ്ഥലം യുണൈറ്റഡ് സ്റ്റേറ്റ്സിലാണെങ്കിലോ,SNAP INC. -ന്റെ ഈ പറയുന്ന ആർബിട്രേഷൻ വ്യവസ്ഥയിൽ നിങ്ങൾ ബാധ്യസ്ഥരാണ്. സേവന വ്യവസ്ഥകൾ: ആ ആർബിട്രേഷൻ ക്ലോസിൽ പരാമർശിച്ചിരിക്കുന്ന ചില തരത്തിലുള്ള തർക്കങ്ങൾ ഒഴികെ, നമ്മൾ തമ്മിലുള്ള തർക്കങ്ങൾ SNAP INC സേവന നിബന്ധനകളിൽ പറഞ്ഞിരിക്കുന്നത് പോലെ നിർബന്ധിത ബൈൻഡിംഗ് ആർബിട്രേഷൻ വഴി പരിഹരിക്കപ്പെടുമെന്ന് നിങ്ങളും SNAP INC-യും സമ്മതിക്കുന്നു. പിന്നെ നിങ്ങളും SNAP INC ഉം ഒരുകൂട്ടായ നിയമനടപടി ലോസ്യൂട്ടിലോ ക്ലാസ്-വൈഡ് ആർബിട്രേഷനിലോ പങ്കെടുക്കാനുള്ള ഏത് അവകാശവും ഒഴിവാക്കുന്നു. ആ ആർബിട്രേഷൻ വ്യവസ്ഥയിൽ വിശദീകരിച്ചിരിക്കുന്നതുപോലെ ആർബിട്രേഷനിൽ നിന്ന് ഒഴിവാകാനുള്ള അവകാശം നിങ്ങൾക്കുണ്ട്.

നിങ്ങൾ ഒരു ബിസിനസ്സിൻ്റെ പേരിലാണ് സേവനങ്ങൾ ഉപയോഗിക്കുന്നതെങ്കിൽ, പിന്നെ നിങ്ങളുടെ ബിസിനസ്സിൻ്റെ പ്രധാന സ്ഥലം യുണൈറ്റഡ് സ്റ്റേറ്റ്സിന് പുറത്താണെങ്കിൽ, അപ്പോൾ നിങ്ങളുടെ ബിസിനസ്സ്സ്‌നാപ്പ് ഗ്രൂപ്പ് ലിമിറ്റഡ് സേവന വ്യവസ്ഥകളിൽ ദൃശ്യമാകുന്ന ആർബിട്രേഷൻ വ്യവസ്ഥയുമായി ബന്ധിക്കപ്പെടും.

സ്വാഗതം! സ്നാപ്പിന്റെ മോണിറ്റൈസേഷൻ പ്രോഗ്രാമിൽ (“പ്രോഗ്രാം”) നിങ്ങൾക്ക് താൽപ്പര്യമുണ്ടെന്നതിൽ ഞങ്ങൾ ആവേശഭരിതരാണ്, ഈ പ്രോഗ്രാമിലേക്ക് അംഗീകരിക്കപ്പെട്ട യോഗ്യരായ ഉപയോക്താക്കൾക്ക്, ഈ മോണിറ്റൈസേഷൻ നിബന്ധനകളിൽ പറയുന്ന ചില പ്രത്യേക സേവനങ്ങൾ നിർവഹിക്കുന്നതിന് സാമ്പത്തികമായ ഇൻസെൻ്റീവുകൾ നൽകുന്നു, അത് ഞങ്ങൾ " യോഗ്യതയുള്ള പ്രവർത്തനങ്ങൾ" എന്ന് നിർവചരിച്ചിരിക്കുന്നു, അതിനെ കുറിച്ച് ചുവടെ വ്യകതമാക്കുന്നു. ഈ പ്രോഗ്രാമിലെ നിങ്ങളുടെ പങ്കാളിത്തത്തിന് ബാധകമായതും നിയന്ത്രിക്കുന്നതുമായ നിയമങ്ങൾ നിങ്ങൾക്ക് അറിയുവാനാണ് ഞങ്ങൾ ഈ മോണിറ്റൈസേഷൻ നിബന്ധനകൾ തയ്യാറാക്കിയത്. ഈ മോണിറ്റൈസേഷൻ നിബന്ധനകൾ നിങ്ങളും ചുവടെ ലിസ്‌റ്റ് ചെയ്‌തിരിക്കുന്ന സ്നാപ്പ് സ്ഥാപനവുമായി ("സ്നാപ്പ്") നിയമപരമായി ബാധ്യതയുള്ള ഒരു കരാർ ഉണ്ടാക്കുന്നു, അതുകൊണ്ട് ദയവായി അവ ശ്രദ്ധാപൂർവ്വം വായിക്കുക. ഈ മോണിറ്റൈസേഷൻ നിബന്ധനകൾ അംഗീകരിക്കുകയും അനുസരിക്കുകയും ചെയ്യുന്ന ഉപയോക്താക്കൾക്ക് മാത്രമേ പ്രോഗ്രാമിൽ പങ്കെടുക്കാൻ അർഹതയുള്ളൂ.

ഈ മോണിറ്റൈസേഷൻ നിബന്ധനകളുടെ ആവശ്യങ്ങൾക്ക്, "സ്നാപ്പ്" എന്നാൽ:

• Snap Inc., നിങ്ങൾ താമസിക്കുന്നത് അല്ലെങ്കിൽ നിങ്ങളുടെ പ്രധാന ബിസിനസ്സ് സ്ഥലം യുണൈറ്റഡ് സ്റ്റേറ്റ്സിൽ ആണെങ്കിൽ;

• സ്നാപ്പ് ഇന്ത്യ ക്യാമറ പ്രൈവറ്റ് ലിമിറ്റഡ്, നിങ്ങൾ താമസിക്കുന്നത് അല്ലെങ്കിൽ നിങ്ങളുടെ പ്രധാന ബിസിനസ്സ് സ്ഥലം ഇന്ത്യയിൽ ആണെങ്കിൽ;

• സ്നാപ്പ് ഗ്രൂപ്പ് ലിമിറ്റഡ് സിംഗപ്പൂർ ബ്രാഞ്ച്, നിങ്ങൾ താമസിക്കുന്നത് അല്ലെങ്കിൽ നിങ്ങളുടെ പ്രധാന ബിസിനസ്സ് സ്ഥലം ഏഷ്യ-പസിഫിക് ദേശത്ത് (ഇന്ത്യ ഒഴിച്ച്) ആണെങ്കിൽ; അല്ലെങ്കിൽ

• സ്നാപ്പ് ഗ്രൂപ്പ് ലിമിറ്റഡ്, നിങ്ങൾ താമസിക്കുന്നത് അല്ലെങ്കിൽ നിങ്ങളുടെ പ്രധാന ബിസിനസ്സ് സ്ഥലം ലോകത്ത് മറ്റെവിടെയെങ്കിലും സ്ഥിതി ചെയ്യുന്നുവെങ്കിൽ.

ഈ മോണിറ്റൈസേഷൻ നിബന്ധനകൾ സ്നാപ്പിന്റെ സേവന നിബന്ധനകൾ, കമ്മ്യൂണിറ്റി മാർഗ്ഗനിർദ്ദേശങ്ങൾ, ശുപാർശ യോഗ്യതയ്ക്കുള്ള ഉള്ളടക്ക മാർഗ്ഗനിർദ്ദേശങ്ങൾ, സ്നാപ്ചാറ്റിലെ പാട്ടുകളുടെ മാർഗ്ഗനിർദ്ദേശങ്ങൾ, സ്രഷ്‌ടാക്കളുടെ മോണിറ്റൈസേഷൻ നയം, വാണിജ്യ ഉള്ളടക്ക നയം, പ്രമോഷൻ നിയമങ്ങൾ, ഏതെങ്കിലും ബാധകമായ നിബന്ധനകൾ, മാർഗ്ഗനിർദ്ദേശങ്ങൾ എന്നിവയെ പരാമർശിച്ചുകൊണ്ട് സംയോജിപ്പിച്ചിരിക്കുന്നു. ഈ മോണിറ്റൈസേഷൻ നിബന്ധനകൾ മറ്റേതെങ്കിലും നിബന്ധനകളുമായി പൊരുത്തപ്പെടുന്നിടത്തോളം, പ്രോഗ്രാമിലെ നിങ്ങളുടെ പങ്കാളിത്തവുമായി ബന്ധപ്പെട്ട് ഈ മോണിറ്റൈസേഷൻ നിബന്ധനകൾ നിയന്ത്രിക്കും. സ്നാപ്പിന്റെ സേവന നിബന്ധനകളിൽ നിർവചിച്ചിരിക്കുന്ന പ്രകാരം സ്നാപ്പിന്റെ "സേവനങ്ങൾ"-ളുടെ ഭാഗമാണ് ഈ പ്രോഗ്രാം. ഈ മോണിറ്റൈസേഷൻ നിബന്ധനകളിൽ ഉപയോഗിച്ചതും എന്നാൽ നിർവചിച്ചിട്ടില്ലാത്തതുമായ എല്ലാ പ്രധാന വ്യവസഥകളും, സ്നാപ്പിന്റെ സേവന വ്യവസ്ഥകളിലോ അല്ലെങ്കിൽ സേവനങ്ങളെ നിയന്ത്രിക്കുന്ന ബാധകമായ നിബന്ധനകളിലോ പ്രതിപാദിച്ചിട്ടുള്ള അർഥങ്ങൾ ഉണ്ടായിരിക്കും. ഈ മോണിറ്റൈസേഷൻ നിബന്ധനകൾ ലംഘിക്കുന്ന ഏതെങ്കിലും അക്കൗണ്ടോ ഉള്ളടക്കമോ മോണിറ്റൈസേഷനു യോഗ്യമല്ല.

ഈ മോണിറ്റൈസേഷൻ നിബന്ധനകളിൽ ഞങ്ങൾ സംഗ്രഹങ്ങൾ നൽകിയിട്ടുണ്ടെങ്കിൽ, അത് നിങ്ങളുടെ സൗകര്യത്തിനു വേണ്ടി മാത്രമാണ് ഞങ്ങൾ അങ്ങനെ ചെയ്തത്. നിങ്ങളുടെ നിയമപരമായ അവകാശങ്ങളും ബാധ്യതകളും പൂർണ്ണമായി മനസ്സിലാക്കാൻ ഈ മോണിറ്റൈസേഷൻ നിബന്ധനകൾ നിങ്ങൾ പൂർണ്ണമായി വായിക്കണം.

ക്ഷണത്തിലൂടെ മാത്രമേ ഈ പ്രോഗ്രാം തുറക്കൂ. ക്ഷണത്തിന് യോഗ്യത നേടുന്നതിന്, നിങ്ങൾക്ക് ഇനിപ്പറയുന്ന മിനിമം യോഗ്യത ആവശ്യകതകൾ പാലിക്കണം. ("മിനിമം യോഗ്യത"):

1. യോഗ്യതയുള്ള ഒരു പ്രദേശത്ത് നിങ്ങൾ താമസിക്കണം (നിങ്ങൾ ഒരു വ്യക്തിയാണെങ്കിൽ), അല്ലെങ്കിൽ നിങ്ങളുടെ പ്രധാന ബിസിനസ്സ് സ്ഥലം (നിങ്ങൾ ഒരു സ്ഥാപനമാണെങ്കിൽ) അവിടെ ആയിരിക്കണം. ക്രിസ്റ്റൽ പേഔട്ട് മാർഗ്ഗനിർദ്ദേശങ്ങളിൽ ("യോഗ്യതയുള്ള മേഖലകൾ") ലിസ്റ്റ് ചെയ്തിരിക്കുന്ന പരിമിതമായ പ്രദേശങ്ങളിൽ മാത്രമേ പേഔട്ടുകൾ ലഭ്യമാകൂ. ഞങ്ങളുടെ വിവേചനാധികാരത്തിൽ യോഗ്യമായ പ്രദേശങ്ങളുടെ പട്ടിക ഞങ്ങൾ പരിഷ്‌ക്കരിച്ചേക്കാം.

2. നിങ്ങളൊരു വ്യക്തിയാണെങ്കിൽ, നിങ്ങളുടെ അധികാരപരിധിയിൽ നിങ്ങൾക്ക് നിയമപരമായ ഭൂരിപക്ഷത്തിൻ്റെ പ്രായമെങ്കിലും ഉണ്ടായിരിക്കണം (അല്ലെങ്കിൽ, ബാധകമെങ്കിൽ, മാതാപിതാക്കളുടെ സമ്മതത്തോടെ കുറഞ്ഞത് 16 വയസ്സ്). ബാധകമായ നിയമപ്രകാരം രക്ഷകര്താവിന്റെ അല്ലെങ്കിൽ നിയമപരമായ രക്ഷിതാവിൻ്റെ സമ്മതം(ങ്ങൾ ) ആവശ്യമാണെങ്കിൽ, നിങ്ങളുടെ രക്ഷിതാവിൻ്റെ(ക്കളുടെ)/നിയമപരമായ രക്ഷിതാവിൻ്റെ(ക്കളുടെ) മേൽനോട്ടത്തിൽ മാത്രമേ നിങ്ങൾക്ക് പ്രോഗ്രാമിൽ പങ്കെടുക്കാൻ കഴിയൂ, അവർ ഈ മോണിറ്റൈസേഷൻ നിബന്ധനകൾക്ക് വിധേയരാകാൻ സമ്മതിക്കണം. അത്തരം എല്ലാ സമ്മതവും(ങ്ങൾ) നേടിയിട്ടുണ്ടെന്ന് നിങ്ങൾ പ്രതിനിധീകരിക്കുകയും അധികാരപ്പെടുത്തുകയും ചെയ്യുന്നു (നിങ്ങളുടെ അധികാരപരിധിയിൽ ആവശ്യമെങ്കിൽ രണ്ട്-മാതാപിതാക്കളുടെയും സമ്മതം ഉൾപ്പെടെ). 

3. നിങ്ങൾ ഒരു സ്ഥാപനത്തിന് വേണ്ടി പ്രവർത്തിക്കുകയാണെങ്കിൽ, നിങ്ങൾക്ക് കുറഞ്ഞത് 18 വയസ്സ് പ്രായമുണ്ടായിരിക്കണം (അല്ലെങ്കിൽ നിങ്ങളുടെ സംസ്ഥാനത്തിലോ പ്രവിശ്യയിലോ രാജ്യത്തിലോ നിയമപരമായ പ്രായപരിധി) അത്തരം സ്ഥാപനത്തെ ബന്ധിപ്പിക്കാനുള്ള അധികാരവും ഉണ്ടായിരിക്കണം. ഈ മോണിറ്റൈസേഷൻ നിബന്ധനകളിലെ "നിങ്ങൾ", "നിങ്ങളുടെ" എന്നിവയെ കുറിച്ചുള്ള എല്ലാ റഫറൻസുകളും അർത്ഥമാക്കുന്നത് അന്തിമ ഉപയോക്താവായി നിങ്ങളെയും ആ സ്ഥാപനത്തെയുമാണ്.

4. നിങ്ങൾക്ക് പേയ്‌മെന്റ് നടത്താൻ ആവശ്യമായേക്കാവുന്ന മറ്റേതെങ്കിലും വിവരങ്ങൾക്ക് പുറമേ, Snap-നും അതിൻെറ അംഗീകൃത മൂന്നാം കക്ഷി പേയ്‌മെന്റ് ദാതാവിനും ("പേയ്‌മെന്റ് ദാതാവ്") കൃത്യവും കാലികവുമായി നിങ്ങളെ ബന്ധപ്പെടാനുള്ള വിവരങ്ങൾ (താഴെ നിർവചിച്ചിരിക്കുന്നത്) നൽകിയിരിക്കണം. ഇവിടെ ഉപയോഗിച്ചിരിക്കുന്ന "സമ്പർക്ക വിവരങ്ങൾ" എന്നത് നിങ്ങളുടെ നിയമപരമായ പേരിൻെറ ആദ്യഭാഗവും അവസാന ഭാഗവും, ഇമെയിൽ, ഫോൺ നമ്പർ, താമസിക്കുന്ന സംസ്ഥാനം, രാജ്യം, കൂടാതെ കാലാകാലങ്ങളിൽ ആവശ്യമായി വന്നേക്കാവുന്ന മറ്റേതെങ്കിലും വിവരങ്ങൾ എന്നിവയെ സൂചിപ്പിക്കുന്നു, അതുവഴി Snap-നോ അതിൻെറ പേയ്‌മെന്റ് ദാതാവിനോ നിങ്ങളെ ബന്ധപ്പെടാനും, ഇവിടെ നൽകിയിരിക്കുന്ന പേയ്‌മെന്റ്റിന് നിങ്ങൾ യോഗ്യത നേടിയിട്ടുണ്ടെങ്കിൽ, അല്ലെങ്കിൽ ഏതെങ്കിലും നിയമപരമായ ആവശ്യകതയുമായി ബന്ധപ്പെട്ട് നിങ്ങൾക്കോ നിങ്ങളുടെ രക്ഷിതാവിനോ നിയമപരമായ രക്ഷിതാക്കൾക്കോ, അതുമല്ലെങ്കിൽ ബാധകമായ ഏതെങ്കിലും ബിസിനസ്സ് സ്ഥാപനത്തിനോ പേയ്‌മെൻറ് നൽകാനും കഴിയുന്നതാണ്.

5. ഞങ്ങളുടെ പേയ്‌മെന്റ് ദാതാവിനൊപ്പം ഒരു സാധുവായ പേയ്‌മെന്റ് അക്കൗണ്ട് ("പേയ്‌മെന്റ് അക്കൗണ്ട്") സജ്ജീകരിക്കുന്നതിന് ആവശ്യമായ എല്ലാ ആവശ്യകതകളും നിങ്ങൾ പൂർത്തിയാക്കണം.

6. നിങ്ങളുടെ Snapchat അക്കൗണ്ടും പേയ്‌മെന്റ് അക്കൗണ്ടും സജീവമായിരിക്കണം, നല്ല നിലയിലായിരിക്കണം (ഞങ്ങൾ നിർണ്ണയിച്ച പ്രകാരം), കൂടാതെ എല്ലായ്‌പ്പോഴും ഈ മോണിറ്റൈസേഷൻ നിബന്ധനകൾക്ക് അനുസൃതവുമായിരിക്കണം.

7. നിങ്ങൾ (അല്ലെങ്കിൽ നിങ്ങളുടെ രക്ഷിതാവ്/രക്ഷകർത്താവ്(ക്കൾ) ), Snap-ന്റെയും ഞങ്ങളുടെ പേയ്‌മെന്റ് ദാതാവിൻ്റെയും കംപ്ലയിൻസ് അവലോകനം പാസാകണം.

8. നിങ്ങൾ (i) Snap-ന്റെയോ അതിൻ്റെ പ്രധാന സ്ഥാപനത്തിന്റെയോ, അനുബന്ധ സ്ഥാപനങ്ങളുടെയോ അതോ അഫിലിയേറ്റഡ് കമ്പനികളുടെയോ ഒരു ജീവനക്കാരനോ ഓഫീസറോ ഡയറക്ടറോ അല്ല; അല്ലെങ്കിൽ (ii) ഒരു സർക്കാർ സ്ഥാപനമോ, ഒരു സർക്കാർ സ്ഥാപനത്തിൻ്റെ അനുബന്ധ സ്ഥാപനമോ, അഫിലിയേറ്റോ , അല്ലെങ്കിൽ ഒരു രാജകുടുംബത്തിലെ അംഗമോ അല്ല. 

നിങ്ങൾ മിനിമം യോഗ്യതാ ആവശ്യകതകൾ പാലിക്കുന്നുണ്ടെന്ന് പരിശോധിക്കുന്നതിന് ആവശ്യമായ ഏത് വിവരവും അഭ്യർത്ഥിക്കാനുള്ള അവകാശം ഞങ്ങളിൽ നിക്ഷിപ്തമാണ്. മിനിമം യോഗ്യതാ ആവിശ്യകതകൾ പാലിച്ചതുകൊണ്ട്, പ്രോഗ്രാമിലേക്കുള്ള ക്ഷണം അല്ലെങ്കിൽ നിങ്ങളുടെ തുടർച്ചയായ പങ്കാളിത്തം ഉറപ്പാകുന്നില്ല.  ഏത് സമയത്തും ഏത് കാരണത്താലും മോണിറ്റൈസേഷൻ പ്രോഗ്രാമിൽ നിന്ന് ഏതൊരു ഉപയോക്താവിനെയും നീക്കം ചെയ്യാനുള്ള അവകാശം ഞങ്ങളിൽ നിക്ഷിപ്തമാണ്.

ചുരുക്കത്തിൽ: ഈ പ്രോഗ്രാം ക്ഷണിക്കപ്പെട്ടവർക്ക് മാത്രം. ഈ പ്രോഗ്രാമിലേക്കുള്ള ക്ഷണത്തിന് യോഗ്യത ലഭിക്കുന്നതിന്, നിങ്ങൾ ചില മിനിമം ആവശ്യകതകൾ പാലിക്കണം.  ഇതിൽ പ്രായം, സ്ഥലം , രക്ഷകർത്താക്കളുടെ സമ്മതം, ചില അക്കൗണ്ട് ആവശ്യകതകൾ എന്നിവ ഉൾപ്പെടുന്നു. ഈ ആവശ്യകതകൾ പാലിച്ചതുകൊണ്ട്, പ്രോഗ്രാമിലേക്കുള്ള ക്ഷണം നിങ്ങൾക്ക് ഉറപ്പു നൽകുന്നില്ല. നിങ്ങൾ ഞങ്ങൾക്ക് എല്ലായ്‌പോഴും സത്യസന്ധവും കാലികവുമായ വിവരങ്ങൾ നൽകണം, ഒപ്പം എല്ലായ്‌പ്പോഴും ഈ മോണിറ്റൈസേഷൻ നിബന്ധനകൾ പാലിക്കുകയും വേണം. 

നിങ്ങൾ സ്നാപ്പിന്റെ മിനിമം യോഗ്യതാ ആവശ്യകതകൾ പാലിക്കുകയും പ്രോഗ്രാമിലേക്ക് ക്ഷണിക്കപ്പെടുകയും ചെയ്താൽ, ഇവിടെ വിവരിച്ചിരിക്കുന്ന സേവനങ്ങൾ നിർവ്വഹിച്ചതിന് പണം നൽകിക്കൊണ്ട് സ്നാപ്പ് നിങ്ങൾക്ക് പ്രതിഫലം നൽകിയേക്കാം. ("യോഗ്യതയുള്ള പ്രവർത്തനം"). നിങ്ങളുടെ എന്തെങ്കിലും പേയ്മെന്റ് ("പേയ്മെന്റ്") , ഞങ്ങളുടെ സേവനങ്ങളുമായി ബന്ധപെട്ടു വിതരണം ചെയ്യുന്ന പരസ്യങ്ങളുടെ വരുമാനത്തിൽ നിന്ന് ഒരു ഭാഗമോ അല്ലെങ്കിൽ സ്നാപ്പിൽ നിന്നോ നൽകിയേക്കാം.

യോഗ്യതയുള്ള പ്രവർത്തനങ്ങളിൽ ഈ പറയുന്ന കാര്യങ്ങൾ ഉൾപ്പെടാം:

• ഞങ്ങൾ പരസ്യം വിതരണം ചെയ്യുന്ന പൊതുവായ ഉള്ളടക്കം പോസ്റ്റ് ചെയ്യൽ അല്ലെങ്കിൽ

• ഞങ്ങൾക്ക് ആവശ്യമായേക്കാവുന്ന ഏതെങ്കിലും അധിക നിബന്ധനകളുടെ നിങ്ങളുടെ സ്വീകാര്യതയ്ക്ക് വിധേയമായി (അത് ഈ മോണിറ്റൈസേഷൻ നിബന്ധനകളിൽ ഉൾപ്പെടുത്തും), ഞങ്ങൾ യോഗ്യതയുള്ള പ്രവർത്തനമായി കണക്കാക്കുന്ന എന്തെങ്കിലും പ്രവർത്തങ്ങളിൽ ഏർപ്പെടൽ.

യോഗ്യതയുള്ള പ്രവർത്തനങ്ങൾ സ്നാപ്പ് അതിന്റെ വിവേചനാധികാരത്തിൽ നിർണ്ണയിക്കും. "പൊതു ഉള്ളടക്കം" എന്നതിന് സ്നാപ്പിന്റെ സേവന നിബന്ധനകളിൽ പറഞ്ഞിരിക്കുന്ന അർത്ഥം ഉണ്ടായിരിക്കും. കൂടാതെ, സേവനങ്ങളിലേക്ക് നിങ്ങൾ പോസ്റ്റുചെയ്യുന്ന ഉള്ളടക്കം അൽഗോരിതം ശുപാർശക്ക് യോഗ്യമാകുന്നതിന്, അത് ഞങ്ങളുടെ ശുപാർശ യോഗ്യതയ്ക്കുള്ള ഉള്ളടക്ക മാർഗ്ഗനിർദ്ദേശങ്ങൾ പാലിക്കണം.
ഞങ്ങളുടെ നിബന്ധനകൾക്കും നയങ്ങൾക്കും അനുസൃതമാണോ എന്ന് പരിശോധിക്കാൻ, ഞങ്ങൾ നിങ്ങളുടെ അക്കൗണ്ടും അതിന്റെ ഉള്ളടക്കവും പരിശോധിച്ചേക്കാം.
സ്നാപ്പിന്റെ സേവന വ്യവസ്ഥയ്ക്ക് അനുസൃതമായി Snapchat-ലേക്ക് നിങ്ങൾ പോസ്റ്റുചെയ്യുന്ന ഉള്ളടക്കം വിതരണം ചെയ്യാൻ Snap-ന് അവകാശമുണ്ട്, എന്നാൽ ബാധ്യതയില്ല. നിങ്ങളുടെ സ്നാപ്പുകൾ എപ്പോൾ വേണമെങ്കിലും നിങ്ങൾക്ക് ഡിലീറ്റ് ചെയ്യാം.

ചുരുക്കത്തിൽ: ചില പ്രവർത്തനങ്ങളിൽ ഏർപ്പെടുന്നതിന് പണം നൽകി ഞങ്ങൾ നിങ്ങൾക്ക് പ്രതിഫലം നൽകിയേക്കാം. നിങ്ങൾ പോസ്റ്റുചെയ്യുന്ന പൊതു ഉള്ളടക്കവുമായി ബന്ധപ്പെട്ട് നിങ്ങൾ ഞങ്ങൾക്ക് നൽകുന്ന അവകാശങ്ങളും, നിങ്ങളുടെ ബാധ്യതകളും, ഞങ്ങളുടെ സേവന വ്യവസ്ഥകളിലും, ശുപാർശ യോഗ്യതയ്ക്കുള്ള ഉള്ളടക്ക മാർഗ്ഗനിർദ്ദേശങ്ങളിലും സജ്ജീകരിച്ചിരിക്കുന്നു. നിങ്ങളുടെ പ്രവർത്തനങ്ങൾ, അക്കൗണ്ട്, നിങ്ങൾ പോസ്‌റ്റ് ചെയ്യുന്ന ഉള്ളടക്കം എന്നിവ എപ്പോഴും ഞങ്ങളുടെ നിബന്ധനകൾ, നയങ്ങൾ, മാർഗ്ഗനിർദ്ദേശങ്ങൾ എന്നിവയ്ക്ക് അനുസൃതമായിരിക്കണം. അവ പാലിക്കുന്നുണ്ടോ എന്ന് നിർണ്ണയിക്കാൻ നിങ്ങളുടെ അക്കൗണ്ട്, നിങ്ങൾ പോസ്റ്റ് ചെയ്യുന്ന ഉള്ളടക്കം എന്നിവ ഞങ്ങൾ പരിശോധിച്ചേക്കാം. നിങ്ങൾ സ്നാപ്ചാറ്റിൽ പോസ്റ്റ് ചെയ്യുന്ന ഉള്ളടക്കം വിതരണം ചെയ്യാൻ ഞങ്ങൾക്ക് യാതൊരുവിധ ബാധ്യതയും ഇല്ല, അതോടപ്പം തന്നേ ഈ ഉള്ളടക്കങ്ങൾ നിങ്ങൾക്ക് എപ്പോൾ വേണമെങ്കിലും ഡിലീറ്റ് ചെയ്യാം.

യോഗ്യതാ പ്രവർത്തനങ്ങൾ ട്രാക്ക് ചെയ്യൽ. നിങ്ങളുടെ യോഗ്യതാ ഞങ്ങൾ "ക്രിസ്റ്റലുകൾ" ഉപയോഗിച്ച് ട്രാക്ക് ചെയ്യുന്നു, ക്രിസ്റ്റൽ എന്നത് ഒരു നിശ്ചിത കാലയളവിൽ സ്രഷ്ടാവിൻ്റെ യോഗ്യതാ പ്രവർത്തനം ട്രാക്ക് ചെയ്യാൻ ഉപയോഗിക്കുന്ന ഒരു ആന്തരിക അളവെടുപ്പ് യൂണിറ്റാണ്. യോഗ്യതാ പ്രവർത്തനത്തിനായി ഞങ്ങൾ ട്രാക്ക് ചെയ്യുകയും റെക്കോർഡ് ചെയ്യുകയും ചെയ്യുന്ന ക്രിസ്റ്റലുകളുടെ എണ്ണം ഞങ്ങളുടെ ആന്തരിക മാനദണ്ഡങ്ങളെയും ഫോര്മുലകളെയും ആശ്രയിച്ച് വ്യത്യാസപ്പെടാം, അവ ഞങ്ങളുടെ സ്വന്തം വിവേചനാധികാരത്തിൽ കാലാകാലങ്ങളിൽ പരിഷ്കരിച്ചേക്കാം. സ്നാപ്ചാറ്റ് ആപ്ലിക്കേഷനിലെ നിങ്ങളുടെ യൂസർ പ്രൊഫൈലിലേക്ക് പോയി, നിങ്ങളുടെ യോഗ്യതാ പ്രവർത്തനത്തിനായി ഞങ്ങൾ രേഖപ്പെടുത്തിയ ക്രിസ്റ്റലുകളുടെ കണക്കാക്കിയ എണ്ണം നിങ്ങൾക്ക് കാണാൻ കഴിയും. നിങ്ങളുടെ യൂസർ പ്രൊഫൈലിലൂടെ കാണാവുന്ന അത്തരം ഏതെങ്കിലും സംഖ്യകൾ ഞങ്ങളുടെ ആന്തരിക അക്കൗണ്ടിംഗ് ആവശ്യങ്ങൾക്കായി കണക്കുകൂട്ടുന്ന പ്രാഥമിക കണക്കാക്കലുകളാണ് എന്ന കാര്യം ദയവായി ശ്രദ്ധിക്കുക.

നിങ്ങളുടെ വ്യക്തതയ്ക്കായി, ക്രിസ്റ്റലുകൾ എന്നത് ഞങ്ങൾ ഉപയോഗിക്കുന്ന ഒരു ആന്തരിക അളക്കൽ ഉപകരണം മാത്രമാണ്. ക്രിസ്റ്റൽസ് ഏതെങ്കിലും അവകാശങ്ങൾ നൽകുന്നതിനോ സൂചിപ്പിക്കുന്നതിനോ ഏതെങ്കിലും ബാധ്യതകളെ പ്രതിനിധാനം ചെയ്യുന്നതിനോ ഉദ്ദേശിച്ചുള്ളതല്ല, സ്വത്ത് രൂപീകരിക്കുന്നതല്ല, കൈമാറ്റം ചെയ്യാവുന്നതോ നിയോഗിക്കാവുന്നതോ അല്ല, വാങ്ങാൻ കഴിയില്ല അല്ലെങ്കിൽ‌ ഒരു വിൽപ്പന, ബാർട്ടർ അല്ലെങ്കിൽ‌ കൈമാറ്റത്തിന് വിധേയമാക്കുകയോ ചെയ്യാവുന്നതല്ല.

ഞങ്ങളുടെ ഉടമസ്ഥതയിലുള്ള പേയ്‌മെൻ്റ് ഫോർമുലയ്ക്ക് അനുസൃതമായി, അത്തരം യോഗ്യതാ പ്രവർത്തനത്തിനായി ഞങ്ങൾ രേഖപ്പെടുത്തിയ ക്രിസ്റ്റലുകളുടെ അന്തിമ എണ്ണത്തെ അടിസ്ഥാനമാക്കിയായിരിക്കും, നിങ്ങളുടെ യോഗ്യതാ പ്രവർത്തനത്തിനുള്ള പേയ്‌മെൻ്റ് തുകകൾ ഞങ്ങൾ നിർണ്ണയിക്കുക. ഞങ്ങളുടെ പേയ്‌മെൻ്റ് ഫോർമുല കാലാകാലങ്ങളിൽ ഞങ്ങൾ ക്രമീകരിച്ചേക്കാം, നിങ്ങളുടെ പോസ്റ്റുകളുടെ ആവൃത്തിയും സമയവും, നിങ്ങൾ പോസ്‌റ്റ് ചെയ്യുന്ന ഉള്ളടക്കത്തിൽ വിതരണം ചെയ്‌ത പരസ്യങ്ങളുടെ എണ്ണം, അത്തരം ഉള്ളടക്കവുമായുള്ള ഉപയോക്തൃ ഇടപെടൽ എന്നിവ ഉൾപ്പെടുന്ന നിരവധി ഘടകങ്ങളെ അടിസ്ഥാനമാക്കിയുള്ളതാണ്. സ്നാപ്ചാറ്റ് ആപ്ലിക്കേഷനിൽ കാണിച്ചിരിക്കുന്ന പേയ്‌മെൻ്റ് തുകകളെല്ലാം എസ്റ്റിമേറ്റഡ് മൂല്യങ്ങളാണ്, അവ മാറ്റത്തിന് വിധേയമായേക്കാം. ഏതെങ്കിലും പേയ്‌മെന്റുകളുടെ അന്തിമ തുക നിങ്ങളുടെ പേയ്‌മെന്റ് അക്കൗണ്ടിൽ പ്രതിഫലിക്കും.

പേയ്‌മെൻ്റ് അഭ്യർത്ഥിക്കുക നിങ്ങളുടെ യോഗ്യതാ പ്രവർത്തനത്തിന് കുറഞ്ഞത് $100 USD പേയ്‌മെൻ്റ് പരിധിക്ക് ആവശ്യമായ ക്രിസ്റ്റലുകൾ ഞങ്ങൾ റെക്കോർഡ് ചെയ്‌തുകഴിഞ്ഞാൽ, നിങ്ങളുടെ ഉപയോക്തൃ പ്രൊഫൈലിലെ പ്രസക്തമായ ഓപ്ഷൻ തിരഞ്ഞെടുത്ത് നിങ്ങൾക്ക് പേയ്‌മെൻ്റ് അഭ്യർത്ഥിക്കാം. നിയമം അനുവദിച്ച പരിധിയിലും ഈ മോണിറ്റൈസേഷൻ നിബന്ധനകൾ പാലിക്കുന്നതിന് വിധേയമായും, നിങ്ങളുടെ പേയ്‌മെൻ്റ് അക്കൗണ്ടിലേക്ക് പേയ്‌മെൻ്റ് വിതരണം ചെയ്യും.

ദയവായി ശ്രദ്ധിക്കുക: (എ) ഒരു വർഷത്തേക്ക് നിങ്ങൾക്ക് ഏതെങ്കിലും യോഗ്യതാ പ്രവർത്തനങ്ങൾക്കായി ക്രിസ്റ്റലുകളൊന്നും രേഖപ്പെടുത്തിയിട്ടില്ലെങ്കിലോ (ബി) രണ്ട് വർഷത്തേക്ക്, തൊട്ടുമുമ്പത്തെ രേഖയ്ക്ക് അനുസൃതമായി നിങ്ങൾ ഒരു പേയ്‌മെൻ്റ് സാധുതയോടെ അഭ്യർത്ഥിച്ചിട്ടില്ല, അങ്ങനെയെങ്കിൽ - ഈ മോണിറ്റൈസേഷൻ നിബന്ധനകൾ നിങ്ങൾ പാലിക്കുന്നതിന് വിധേയമായി, ബാധകമായ കാലയളവിന്റെ അവസാനത്തിൽ - ഞങ്ങൾ രേഖപ്പെടുത്തുകയും നിങ്ങളുടെ യോഗ്യതാ പ്രവർത്തനത്തിലേക്ക് ആട്രിബ്യൂട്ട് ചെയ്യുകയും ചെയ്ത ഏത് ക്രിസ്റ്റലുകളെയും അടിസ്ഥാനമാക്കി നിങ്ങളുടെ പേയ്മെന്റ് അക്കൗണ്ടിലേക്ക് അത്തരം കാലയളവിന്റെ അവസാനം ഞങ്ങൾ പേയ്മെന്റ് വിതരണം ചെയ്യും. ബാധകമായ കാലയളവിൻ്റെ അവസാനത്തിൽ, ഈ മോണിറ്റൈസേഷൻ നിബന്ധനകളിൽ പറഞ്ഞിരിക്കുന്ന ഏതെങ്കിലും ആവശ്യകതകൾ നിങ്ങൾ തൃപ്‌തിപ്പെടുത്തിയിട്ടില്ലെങ്കിൽ, അത്തരം യോഗ്യത പ്രവർത്തനവുമായി ബന്ധപ്പെട്ട ഒരു പേയ്‌മെന്റും സ്വീകരിക്കാൻ നിങ്ങൾക്ക് അർഹതയുണ്ടായിരിക്കില്ല.

ഈ മോണിറ്റൈസേഷൻ നിബന്ധനകൾക്ക് കീഴിലുള്ള പേയർ ആയി പ്രവർത്തിച്ചേക്കാവുന്ന സ്നാപ്പ് , അതിൻ്റെ അനുബന്ധ സ്ഥാപനങ്ങൾ അല്ലെങ്കിൽ അഫിലിയേറ്റ് സ്ഥാപനങ്ങൾ അല്ലെങ്കിൽ ഞങ്ങളുടെ പേയ്‌മെൻ്റ് ദാതാക്കൾ എന്നിവരെ പ്രതിനിധീകരിച്ച് നിങ്ങൾക്ക് പേയ്‌മെൻ്റുകൾ നടത്തിയേക്കാം. ഈ മോണിറ്റൈസേഷൻ നിബന്ധനകൾ പാലിക്കുന്നതിന് നിങ്ങൾ പരാജയപ്പെടുന്നത് ഉൾപ്പെടെയുള്ള Snap-ൻ്റെ നിയന്ത്രണത്തിന് പുറത്തുള്ള ഏതെങ്കിലും കാരണത്താൽ നിങ്ങളുടെ പേയ്മെന്റ് അക്കൗണ്ടിലേക്ക് പേയ്മെന്റുകൾ ട്രാൻസ്ഫർ ചെയ്യുന്നതിനുള്ള എന്തെങ്കിലും കാലതാമസത്തിനോ പരാജയത്തിനോ കഴിവില്ലായ്മയ്ക്കോ സ്നാപ്പിന് ഉത്തരവാദിത്തം ഉണ്ടായിരിക്കുന്നതല്ല. നിങ്ങളല്ലാതെ മറ്റാരെങ്കിലും നിങ്ങളുടെ സ്‌നാപ്പ്ചാറ്റ് അക്കൗണ്ട് ഉപയോഗിച്ച് പേയ്‌മെൻ്റ് അഭ്യർത്ഥിച്ചാലോ നിങ്ങളുടെ പേയ്‌മെൻ്റ് അക്കൗണ്ട് വിവരങ്ങൾ ഉപയോഗിച്ച് പേയ്‌മെൻ്റുകൾ കൈമാറുമ്പോഴോ സ്നാപ്പ് ഉത്തരവാദിയായിരിക്കില്ല. പേയ്മെന്റ് യുണൈറ്റഡ് സ്റ്റേറ്റ്സ് ഡോളറിലായിരിക്കും, എന്നാൽ നിങ്ങളുടെ പ്രാദേശിക കറൻസിയിൽ നിങ്ങളുടെ പേയ്മെന്റ് അക്കൗണ്ടിൽ നിന്ന് ഉപയോഗം, എക്സ്ചേഞ്ച്, ഇടപാട് ഫീസ് എന്നിവയ്ക്ക് വിധേയമായി ക്രിസ്റ്റൽസ് പേഔട്ട് മാർഗ്ഗനിർദ്ദേശങ്ങളിൽ കൂടുതലായി വിശദീകരിച്ചതുപോലെയും, ഞങ്ങളുടെ പേയ്മെന്റ് ദാതാവിന്റെ നിബന്ധനകൾക്ക് വിധേയമായും ഫണ്ട് പിൻവലിക്കുന്നതിനായി തിരഞ്ഞെടുക്കാം. നിങ്ങളുടെ പേയ്‌മെൻ്റ് അക്കൗണ്ടിലെ ഏതെങ്കിലും ക്ലെയിം ചെയ്യപ്പെടാത്ത ഫണ്ടുകൾക്ക് സ്നാപ്പ് ഉത്തരവാദിയല്ല.

ഞങ്ങളുടെ മറ്റ് അവകാശങ്ങൾക്കും പരിഹാരങ്ങൾക്കും പുറമെ, നിയമപ്രകാരം അനുവദനീയമായ പരിധി വരെ, ഒരു മുന്നറിയിപ്പോ മുൻകൂർ അറിയിപ്പോ നൽകാതെ, സംശയിക്കപ്പെടുന്ന അസാധുവായ പ്രവർത്തനം(ചുവടെ പറയുന്നത് പോലെ), ഈ ധനസമ്പാദന നിബന്ധനകളുടെ ലംഘനം, നിങ്ങൾക്ക് തെറ്റായി നൽകിയ അധിക പേയ്‌മെന്റുകൾ, അല്ലെങ്കിൽ മറ്റേതെങ്കിലും ഉടമ്പടി പ്രകാരം നിങ്ങൾ ഞങ്ങൾക്ക് കടപ്പെട്ടിരിക്കുന്ന ഫീസുകളിൽ നിന്ന് അത്തരം തുകകൾ നികത്തുന്നതിന് നിങ്ങൾക്കുള്ള ഏതെങ്കിലും പേയ്‌മെന്റുകൾ തടഞ്ഞുവയ്ക്കാനോ, കിഴിവ് ചെയ്യാനോ, ക്രമീകരിക്കാനോ ഒഴിവാക്കാനോ ഈ മോണിറ്റൈസേഷൻ നിബന്ധനകൾ പ്രകാരം ഞങ്ങൾക്ക് അവകാശമുണ്ട്.

ചുരുക്കത്തിൽ: നിങ്ങളുടെ യോഗ്യതാ പ്രവർത്തനം ട്രാക്ക് ചെയ്യാനും ഏതെങ്കിലും പേയ്‌മെൻ്റുകളുടെ തുക കണക്കാക്കാനും ഞങ്ങൾ ക്രിസ്റ്റലുകൾ ഉപയോഗിക്കുന്നു. ഞങ്ങളുടെ ഏറ്റവും കുറഞ്ഞ പേയ്‌മെൻ്റ് പരിധി $100 USD ആണ്. നിങ്ങൾ പരിധിയിൽ എത്തിക്കഴിഞ്ഞാൽ, നിങ്ങൾക്ക് ഞങ്ങളിൽ നിന്ന് പേയ്‌മെൻ്റ് അഭ്യർത്ഥിക്കാം. ഒരു നിശ്ചിത കാലയളവിനുശേഷം, നിങ്ങൾ അങ്ങനെ ചെയ്യുന്നതിൽ പരാജയപ്പെടുകയാണെങ്കിൽ, ഈ മോണിറ്റൈസേഷൻ നിബന്ധനകൾ നിങ്ങൾ പാലിക്കുന്നുണ്ടെങ്കിൽ, ഞങ്ങൾ നിങ്ങൾക്ക് പേയ്‌മെൻ്റ് വിതരണം ചെയ്യാൻ ശ്രമിക്കും. നിങ്ങൾ പാലിക്കുന്നില്ലെങ്കിൽ, പേയ്‌മെൻ്റ് സ്വീകരിക്കാൻ നിങ്ങൾക്ക് അർഹതയില്ല , കൂടാതെ ബാധകമായ ക്രിസ്റ്റലുകൾ അസാധുവാകും. ഞങ്ങളുടെ നിയന്ത്രണത്തിന് പുറത്ത് ഉണ്ടാകുന്ന പേയ്‌മെൻ്റ് പ്രശ്‌നങ്ങൾക്ക് ഞങ്ങൾ നിങ്ങളോട് ഉത്തരവാദികളല്ല. നിങ്ങൾ ഈ മോണിറ്റൈസേഷൻ നിബന്ധനകളോ ഞങ്ങളുമായുള്ള മറ്റേതെങ്കിലും കരാറോ ലംഘിക്കുകയാണെങ്കിൽ ഞങ്ങൾക്ക് നിങ്ങളുടെ പേയ്‌മെൻ്റ് തടഞ്ഞുവയ്ക്കുകയോ ഓഫ്‌സെറ്റ് ചെയ്യുകയോ ചെയ്യാം.

ഈ ധനസമ്പാദന നിബന്ധനകൾക്ക് അനുസൃതമായി നിങ്ങൾക്ക് ലഭിച്ചേക്കാവുന്ന ഏതെങ്കിലും പേയ്‌മെന്റുകളുമായി ബന്ധപ്പെട്ട എല്ലാ നികുതികൾക്കും തീരുവകൾക്കും ഫീസുകൾക്കും നിങ്ങൾക്ക് പൂർണ്ണ ഉത്തരവാദിത്തവും ബാധ്യതയുമുണ്ടെന്ന് നിങ്ങൾ സമ്മതിക്കുകയും അംഗീകരിക്കുകയും ചെയ്യുന്നു. പേയ്മെന്റുകളിൽ ബാധകമായ ഏതെങ്കിലും വിൽപ്പന നികുതിയും ഉപയോഗ നികുതിയും എക്സൈസ് തീരുവയും മൂല്യവർദ്ധിത നികുതിയും ചരക്ക് സേവന നികുതിയും അല്ലെങ്കിൽ നിങ്ങൾക്ക് അടയ്‌ക്കേണ്ട സമാനമായ നികുതിയും ഉൾപ്പെടുന്നു. ബാധകമായ നിയമത്തിന് കീഴിൽ, നിങ്ങൾക്കുള്ള ഏതെങ്കിലും പേയ്മെന്റുകളിൽ നിന്ന് നികുതികൾ കുറയ്ക്കുകയോ പിടിച്ച് വയ്ക്കുകയോ ചെയ്യേണ്ടതുണ്ടെങ്കിൽ, Snap-ഓ അതിന്റെ അഫിലിയേറ്റോ അതിന്റെ പേയ്മെന്റ് ദാതാവോ നിങ്ങൾക്ക് നൽകേണ്ട തുകയിൽ നിന്ന് അത്തരം നികുതികൾ കുറയ്ക്കുകയും ബാധകമായ നിയമപ്രകാരം ഉചിതമായ ടാക്സിംഗ് അതോറിറ്റിക്ക് അത്തരം നികുതികൾ അടയ്ക്കുകയും ചെയ്തേക്കാം. അത്തരം കിഴിവുകളോ തടഞ്ഞുവയ്ക്കലുകളോ വഴി നിങ്ങൾക്കുള്ള പേയ്‌മെന്റ് കുറയുന്നത് ഈ ധനസമ്പാദന നിബന്ധനകൾ പ്രകാരം നൽകേണ്ട തുകകളുടെ പൂർണ്ണ പേയ്മെന്റും സെറ്റിൽമെന്റും രൂപീകരിക്കുമെന്ന് നിങ്ങൾ സമ്മതിക്കുകയും അംഗീകരിക്കുകയും ചെയ്യുന്നു. സാധുവായ ഒരു പേയ്‌മെൻ്റ് അക്കൗണ്ട് സജ്ജീകരിക്കുന്നതിൻ്റെ ഭാഗമായി, ഈ ധനസമ്പാദന നിബന്ധനകൾക്ക് കീഴിലുള്ള ഏതെങ്കിലും വിവര റിപ്പോർട്ടിംഗ് അല്ലെങ്കിൽ നികുതി ബാധ്യതകൾ നിറവേറ്റുന്നതിന് ആവശ്യമായ ഫോമുകളോ രേഖകളോ നിങ്ങൾ സ്നാപ്പ്, അതിൻ്റെ അനുബന്ധ സ്ഥാപനങ്ങൾ, അഫിലിയേറ്റുകൾ, ഏതെങ്കിലും പേയ്‌മെൻ്റ് ദാതാവ് എന്നിവയ്ക്ക് നൽകും.

ചുരുക്കത്തിൽ: നിങ്ങളുടെ പേയ്‌മെൻ്റുകളുമായി ബന്ധപ്പെട്ട എല്ലാ നികുതികൾ, തീരുവകൾ അല്ലെങ്കിൽ ഫീസ് എന്നിവയുടെ ഉത്തരവാദിത്തം നിങ്ങൾക്കാണ്. ബാധകമായ നിയമം അനുസരിച്ച് ഞങ്ങൾക്ക് കിഴിവുകൾ നടത്താനാവും. ഈ ഉദ്ദേശങ്ങൾക്ക് ആവശ്യമായ ഏതെങ്കിലും ഫോമുകളോ രേഖകളോ നിങ്ങൾ നൽകും.

Snap സേവന നിബന്ധനകളിൽ പറഞ്ഞിരിക്കുന്നതുപോലെ, സേവനങ്ങളിൽ പരസ്യങ്ങൾ അടങ്ങിയേക്കാം. പ്രോഗ്രാമിലെ നിങ്ങളുടെ പങ്കാളിത്തവുമായി ബന്ധപ്പെട്ട്, ഞങ്ങളുടെ പൂർണ്ണമായ വിവേചനാധികാരത്തിൽ നിങ്ങൾ പോസ്‌റ്റ് ചെയ്യുന്ന പൊതു ഉള്ളടക്കവുമായി ബന്ധപ്പെട്ട് പരസ്യം നൽകുന്നതിന് ഞങ്ങളേയും ഞങ്ങളുടെ അഫിലിയേറ്റുകളേയും ഞങ്ങളുടെ മൂന്നാം കക്ഷി പങ്കാളികളേയും നിങ്ങൾ ഏർപെടുത്തുകയാണെന്ന് നിങ്ങൾ സമ്മതിക്കുന്നു. ഈ ധനസമ്പാദന നിബന്ധനകൾ അംഗീകരിക്കുകയും അനുസരിക്കുകയും ചെയ്യുന്നതിലൂടെയും ഈ ധനസമ്പാദന നിബന്ധനകൾക്ക് വിധേയമായി പ്രോഗ്രാമിൻ്റെ ഭാഗമായി നിങ്ങൾ സമർപ്പിക്കുന്ന ഏതൊരു പൊതു ഉള്ളടക്കത്തിലേക്കും Snap-ന് ആക്‌സസ് നൽകുന്നത് തുടരുന്നതിലൂടെയും അത്തരം പരസ്യങ്ങളുടെ വിതരണം സുഗമമാക്കാൻ നിങ്ങൾ സമ്മതിക്കുന്നു. പ്രോഗ്രാമിന്റെ ഭാഗമായി നിങ്ങൾ സമർപ്പിക്കുന്ന ഏത് പൊതു ഉള്ളടക്കവുമായി ബന്ധപ്പെട്ട് വിതരണം ചെയ്യുന്ന പരസ്യങ്ങളുടെ തരം, ഫോർമാറ്റ്, തവണകൾ എന്നിവ ഉൾപ്പെടെ സേവനങ്ങളിൽ വിതരണം ചെയ്യുന്ന പരസ്യങ്ങളുടെ എല്ലാ വശങ്ങളും, എന്തെങ്കിലും ഉണ്ടെങ്കിൽ ഞങ്ങൾ ഞങ്ങളുടെ പൂർണ്ണമായ വിവേചനാധികാരത്തിന് കീഴിൽ നിർണ്ണയിക്കും. ഏത് കാരണത്താലും നിങ്ങൾ പോസ്റ്റ് ചെയ്യുന്ന ഏതെങ്കിലും പൊതു ഉള്ളടക്കത്തിലോ അതിനുള്ളിലോ അതിനോടൊപ്പമോ പരസ്യങ്ങൾ കാണിക്കാതിരിക്കാനുള്ള അവകാശവും ഞങ്ങളുടെ വിവേചനാധികാരത്തിന് കീഴിൽ ഞങ്ങളിൽ നിക്ഷിപ്തമാണ്. നിങ്ങൾ യുണൈറ്റഡ് സ്‌റ്റേറ്റ്‌സിന് പുറത്താണ് താമസിക്കുന്നതെങ്കിൽ, നിങ്ങൾ (കൂടാതെ നിങ്ങളുടെ അക്കൗണ്ടിൽ നിന്ന് പോസ്റ്റ് ചെയ്യുന്ന ഏതെങ്കിലും സഹകാരി, കോൺട്രിബ്യൂട്ടർ അല്ലെങ്കിൽ അഡ്മിനിസ്‌ട്രേറ്റർ) ഭൗതികമായി യുണൈറ്റഡ് സ്‌റ്റേറ്റ്‌സിന് പുറത്തായിരിക്കണം, കൂടാതെ നിങ്ങളുടെ യോഗ്യതാ പ്രവർത്തനവുമായി ബന്ധപ്പെട്ട് ഏതെങ്കിലും സേവനങ്ങൾ നടത്തുകയും പരസ്യങ്ങളുടെ വിതരണം സുഗമമാക്കുകയും ചെയ്യുമ്പോൾ യോഗ്യതയുള്ള ഒരു പ്രദേശത്തിനുള്ളിലായിരിക്കണം.

ചുരുക്കത്തിൽ: പ്രോഗ്രാമുമായി ബന്ധപ്പെട്ട് നിങ്ങൾ Snapchat-ലേക്ക് പോസ്റ്റ് ചെയ്യുന്ന ഉള്ളടക്കത്തിൽ പരസ്യം വിതരണം ചെയ്യാൻ നിങ്ങൾ ഞങ്ങളോട് ആവശ്യപ്പെടുന്നു. ഉള്ളടക്കത്തിൽ വിതരണം ചെയ്യുന്നതോ അല്ലാത്തതോ ആയ പരസ്യം ഞങ്ങൾ തീരുമാനിക്കുന്നു. നിങ്ങൾ യുണൈറ്റഡ് സ്റ്റേറ്റ്സിന് പുറത്താണ് താമസിക്കുന്നതെങ്കിൽ, യോഗ്യതാ പ്രവർത്തനം നടത്തുമ്പോൾ നിങ്ങളുടെ ഭൗതിക ലൊക്കേഷൻ പ്രധാനമാണ്. 

നിങ്ങളുടെ സംശയം ഒഴിവാക്കുന്നതിന്, നിങ്ങൾ സ്നാപ്ചാറ്റിൽ പോസ്റ്റുചെയ്യുന്ന ഉള്ളടക്കവുമായി ബന്ധപ്പെട്ട എല്ലാ പരാതികൾ, ചാർജുകൾ, ക്ലെയിമുകൾ, നാശനഷ്ടങ്ങൾ, നഷ്ടങ്ങൾ, ചെലവുകൾ, ബാധ്യതകൾ, ചെലവുകൾ (അറ്റോർണി ഫീസ് ഉൾപ്പെടെ) (“ക്ലെയിമുകൾ”) എന്നിവയുമായി ബന്ധപ്പെട്ട് (സ്നാപ്പിന്റെ സേവന വ്യവസ്ഥകളിൽ പറയുന്നു ), നിയമപ്രകാരം അനുവദനീയമായ പരിധി വരെ, സ്നാപ്പിനെയും ഞങ്ങളുടെ അഫിലിയേറ്റുകൾ, ഡയറക്ടർമാർ, ഓഫീസർമാർ, സ്റ്റോക്ക് ഹോൾഡർമാർ, ജീവനക്കാർ, ലൈസൻസർമാർ, ഏജൻ്റുമാർ എന്നിവർക്ക് നഷ്ടപരിഹാരം നൽകാനും പ്രതിരോധിക്കാനും കൈവശം വയ്ക്കാനും, എല്ലാ ക്ലെയിമുകളിൽ നിന്നും സംരക്ഷിക്കുകയും പ്രതിരോധിക്കുകയും ചെയ്യുന്നതിന് സമ്മതിക്കുന്നു, അല്ലെങ്കിൽ ഏതെങ്കിലും വിധത്തിൽ ഏതെങ്കിലും അവകാശവാദവുമായി ബന്ധപ്പെട്ട് നിങ്ങൾ ഏതെങ്കിലും യൂണിയനുകൾ, ഗിൽഡുകൾ (റോയൽറ്റികൾ, ബാക്കിയായ, പുനരുപയോഗ ഫീസ് എന്നിവ ഉൾപ്പെടെ എന്നാൽ അതിൽ മാത്രം പരിമിതപ്പെടുത്താത്തത്), വിതരണക്കാർ, സംഗീതജ്ഞർ, സംഗീതസംവിധായകർ (പരിമിതികളില്ലാതെ, സമന്വയ ലൈസൻസ് ഫീസ് ഉൾപ്പെടെ), സേവനങ്ങളിൽ നിങ്ങൾ പോസ്റ്റുചെയ്യുന്ന ഉള്ളടക്കത്തിൻ്റെ വിതരണവുമായി ബന്ധപ്പെട്ട് പൊതു പ്രകടന സൊസൈറ്റികൾ, പ്രകടന അവകാശ സംഘടനകൾ (ഉദാ., ASCAP, BMI, SACEM, പിന്നെ SESAC), അഭിനേതാക്കൾ, ജീവനക്കാർ, സ്വതന്ത്ര കരാറുകാർ, സേവന ദാതാക്കൾ, മറ്റ് അവകാശ ഉടമകൾ സൊസൈറ്റികളും പണം അടച്ചിട്ടില്ല അല്ലെങ്കിൽ അടക്കുവാനുണ്ട്.

ചുരുക്കത്തിൽ: നിങ്ങൾ പോസ്റ്റുചെയ്യുന്ന ഉള്ളടക്കവുമായി ബന്ധപ്പെട്ട് മറ്റുള്ളവർക്ക് നൽകേണ്ട ഏതെങ്കിലും പേയ്‌മെൻ്റുകൾ നടത്തുന്നതിന് നിങ്ങൾ ഉത്തരവാദിയാണ്. നിങ്ങൾ അങ്ങനെ ചെയ്യുന്നതിൽ പരാജയപ്പെടുകയും ഇത് ഞങ്ങൾക്ക് നാശമുണ്ടാക്കുകയും ചെയ്താൽ, നിങ്ങൾ ഞങ്ങൾക്ക് നഷ്ടപരിഹാരം നൽകേണ്ടതാണ്.

ആക്റ്റിവിറ്റി യോഗ്യതാ പ്രവർത്തനമാണോ അതോ ഏതെങ്കിലും പേയ്‌മെൻ്റിൻ്റെ തുകയാണോ എന്ന് നിർണ്ണയിക്കുന്നതിൽ, നിങ്ങൾ പോസ്‌റ്റ് ചെയ്യുന്ന ഉള്ളടക്കത്തിൻ്റെ ("അസാധുവായ പ്രവർത്തനം") കാഴ്ചകളുടെ എണ്ണം (അല്ലെങ്കിൽ മറ്റ് വ്യൂവർഷിപ്പ് അല്ലെങ്കിൽ എൻഗേജ്‌മെൻ്റ് മെട്രിക്‌സ്) കൃത്രിമമായി വർദ്ധിപ്പിക്കുന്ന പ്രവർത്തനം ഞങ്ങൾ ഒഴിവാക്കിയേക്കാം. അസാധുവായ പ്രവർത്തനം സ്നാപ്പ് അതിൻ്റെ വിവേചനാധികാരത്തിൽ നിർണ്ണയിക്കും, അതിൽ സ്‌പാം, ക്ലിക്കുകൾ, അന്വേഷണങ്ങൾ, മറുപടികൾ, ലൈക്കുകൾ, പ്രിയങ്കരങ്ങൾ, ഫോളോവുകൾ, സബ്‌സ്‌ക്രിപ്‌ഷനുകൾ,  ഇംപ്രഷനുകൾ അല്ലെങ്കിൽ ഇടപഴകലിൻ്റെ മറ്റേതെങ്കിലും മെട്രിക് എന്നിവ ഉൾപ്പെടുന്നു:

• ഏതെങ്കിലും വ്യക്തി, ക്ലിക്ക് ഫാം, അല്ലെങ്കിൽ സമാനമായ സേവനം, ബോട്ട്, ഓട്ടോമേറ്റഡ് പ്രോഗ്രാം അല്ലെങ്കിൽ സമാന ഉപകരണം, നിങ്ങളുടെ മൊബൈൽ ഉപകരണം, നിങ്ങളുടെ നിയന്ത്രണത്തിലുള്ള മൊബൈൽ ഉപകരണങ്ങൾ, അല്ലെങ്കിൽ പുതിയതോ സംശയാസ്പദമായ അക്കൗണ്ടുകളുള്ള മൊബൈൽ ഉപകരണങ്ങളിൽ നിന്ന് ഉത്ഭവിക്കുന്ന ഏതെങ്കിലും ക്ലിക്കുകൾ, ഇംപ്രഷനുകൾ അല്ലെങ്കിൽ മറ്റ് ആക്റ്റിവിറ്റികൾ എന്നിവയുൾപ്പെടെ ;

• മൂന്നാം കക്ഷികൾക്ക് പണം നൽകി അല്ലെങ്കിൽ മറ്റ് പ്രേരണകൾ വഴി, തെറ്റായ പ്രാതിനിധ്യം, അല്ലെങ്കിൽ വ്യാപാര കാഴ്ചകൾക്കുള്ള ഓഫർ എന്നിവയിലൂടെ സൃഷ്ടിച്ചത്;

• ഈ മോണിറ്റൈസേഷൻ നിബന്ധനകൾ ലംഘിക്കുന്ന ഏതെങ്കിലുമുള്ള പ്രവർത്തനത്തിലൂടെ സൃഷ്ടിക്കപ്പെട്ടത്; ഒപ്പം

• മുകളിൽ ലിസ്റ്റ് ചെയ്ത ഏതെങ്കിലും പ്രവർത്തനങ്ങളുമായി കൂടിച്ചേർന്നത്.

ചുരുക്കത്തിൽ: ഏതെങ്കിലും വിധത്തിൽ നിങ്ങൾ പോസ്റ്റുചെയ്യുന്ന ഉള്ളടക്കത്തിലെ കാഴ്ചകളും അളവുകളും കൃത്രിമമായി വർദ്ധിപ്പിക്കുകയാണെങ്കിൽ, നിങ്ങൾക്ക് പേയ്‌മെൻ്റിന് അർഹതയില്ല.

പ്രോഗ്രാമിൽ പങ്കെടുക്കുന്നതിന് നിങ്ങൾ ഈ ധനസമ്പാദന നിബന്ധനകൾ പാലിച്ചിരിക്കണം. നിങ്ങൾ ഈ ധനസമ്പാദന നിബന്ധനകൾ പാലിക്കുന്നില്ലെങ്കിൽ, നിങ്ങൾക്ക് തുടർന്ന് പ്രോഗ്രാമിൽ പങ്കെടുക്കാൻ കഴിയില്ല. കൂടാതെ ഉചിതമെന്ന് ഞങ്ങൾ കരുതുന്ന മറ്റേതെങ്കിലും നടപടിയെടുക്കുന്നതിന് പുറമെ, സേവനങ്ങളിലേക്കുള്ള നിങ്ങളുടെ ആക്‌സസ് താൽക്കാലികമായി നിർത്താനോ ശാശ്വതമായി അസാധുവാക്കാനോ ഉള്ള അവകാശം ഞങ്ങളിൽ നിക്ഷിപ്തമാണ്. നിയമം അനുവദിക്കുന്ന പരിധി വരെ, ഈ ധനസമ്പാദന നിബന്ധനകൾക്ക് കീഴിലുള്ള ഏതെങ്കിലും പേയ്‌മെൻ്റുകൾ പാലിക്കാത്തതിന് തടഞ്ഞുവയ്‌ക്കാനുള്ള അവകാശം ഞങ്ങളിൽ നിക്ഷിപ്‌തമാണ് (കൂടാതെ, നിങ്ങൾ സ്വീകരിക്കാൻ യോഗ്യനല്ലെന്ന് നിങ്ങൾ സമ്മതിക്കുന്നു). എപ്പോഴെങ്കിലും ഈ ധനസമ്പാദന നിബന്ധനകളിലെ ഏതെങ്കിലും ഭാഗം നിങ്ങൾ അംഗീകരിക്കുന്നില്ലെങ്കിൽ, ബാധകമായ സേവനങ്ങൾ ഉപയോഗിക്കുന്നത് നിങ്ങൾ ഉടനടി നിർത്തണം.

ബാധകമായ നിയമങ്ങൾ പ്രകാരം, അനുവദനീയമായ പരിധിവരെ, നിങ്ങൾക്ക് മുൻകൂർ അറിയിപ്പോ ബാധ്യതയോ ഇല്ലാതെ, ഞങ്ങളുടെ സ്വന്തം വിവേചനാധികാരത്തിന് കീഴിൽ പ്രോഗ്രാം അല്ലെങ്കിൽ ഏതെങ്കിലും സേവനം ഏത് സമയത്തും, ഏത് കാരണത്താലും, നിർത്തലാക്കാനോ പരിഷ്ക്കരിക്കാനോ, വാഗ്ദാനം ചെയ്യാതിരിക്കാനോ, വാഗ്ദാനം ചെയ്യുന്നത് നിർത്താനോ, പിന്തുണ നിർത്താനോ ഉള്ള അവകാശം ഞങ്ങളിൽ നിക്ഷിപ്തമാണ്. മേൽപ്പറഞ്ഞവയിൽ ഏതെങ്കിലും എല്ലാ സമയത്തും അല്ലെങ്കിൽ എപ്പോൾ വേണമെങ്കിലും ലഭ്യമാകുമെന്ന്, അല്ലെങ്കിൽ മേൽപ്പറഞ്ഞവ ഏതെങ്കിലും പ്രത്യേക സമയത്തേക്ക് ഞങ്ങൾ വാഗ്ദാനം തുടരുമെന്ന് ഞങ്ങൾ ഉറപ്പുനൽകുന്നില്ല. പ്രോഗ്രാമിന്റെയോ സേവനങ്ങളുടെയോ തുടർച്ചയായ ലഭ്യതയെ നിങ്ങൾ ഒരു കാരണവശാലും ആശ്രയിക്കരുത്.

ചുരുക്കത്തിൽ: പ്രോഗ്രാമിലെ നിങ്ങളുടെ പങ്കാളിത്തം ഞങ്ങൾക്ക് നിയന്ത്രിക്കുകയോ അവസാനിപ്പിക്കുകയോ ചെയ്യാം അല്ലെങ്കിൽ ഏത് സമയത്തും ഏത് കാരണത്താലും പ്രോഗ്രാം പരിഷ്കരിക്കുകയോ താൽക്കാലികമായി നിർത്തുകയോ അവസാനിപ്പിക്കുകയോ ചെയ്യാനാവും.

നിങ്ങളും സ്നാപ്പും ബാധകമായ എല്ലാ അഴിമതി വിരുദ്ധ ചട്ടങ്ങളും നിയമങ്ങളും നിയന്ത്രണങ്ങളും (ഈ വിഭാഗത്തിൻ്റെ ഉദ്ദേശ്യത്തിനായി, "കക്ഷികൾ") അനുസരിക്കാൻ സമ്മതിക്കുകയും, കക്ഷികളുടെ പേരിൽ പ്രവർത്തിക്കുന്ന ആരും ഇത് പാലിക്കണമെന്നും ആവശ്യപെടുന്നു. ആ അനുസരണത്തിൽ, മറ്റ് കാര്യങ്ങൾക്കൊപ്പം, ഇനിപ്പറയുന്നവ ഉൾപ്പെടുന്നു: കക്ഷികളും അവരുടെ പേരിൽ പ്രവർത്തിക്കുന്ന ആരും, അനുകൂലമായ പ്രവർത്തനം, സഹിഷ്ണുത, അല്ലെങ്കിൽ സ്വാധീനം ചെലുത്താൻ പണമോ മൂല്യമുള്ള മറ്റേതെങ്കിലും വസ്തുക്കളോ നേരിട്ടോ അല്ലെങ്കിൽ പരോക്ഷമായി നൽകുകയോ, നൽകാനായി വാഗ്‌ദാനം ചെയ്യുകയോ ഇല്ല, കൊടുക്കുകയോ , കൊടുക്കാനായി സമ്മതിക്കുകയും ഇല്ല. ഈ മോണിറ്റൈസേഷൻ നിബന്ധനകളിലെ മറ്റേതെങ്കിലും കരുതൽ വ്യവസ്ഥകൾ ഉണ്ടായിരുന്നിട്ടും, മറ്റ് കക്ഷി ഈ കരുതൽ വ്യവസ്ഥകൾ ലംഘിക്കുകയാണെങ്കിൽ, ലംഘിക്കാത്ത കക്ഷിക്ക് ഈ മോണിറ്റൈസേഷൻ നിബന്ധനകൾ അറിയിപ്പിന്മേൽ അവസാനിപ്പിക്കാം.

ഈ മോണിറ്റൈസേഷൻ നിബന്ധനകൾക്ക് കീഴിലുള്ള അവരുടെ പ്രകടനം ബാധകമായ എല്ലാ സാമ്പത്തിക ഉപരോധങ്ങൾക്കും, കയറ്റുമതി നിയന്ത്രണ നിയമങ്ങൾക്കും, ബഹിഷ്‌കരണ വിരുദ്ധ നിയമങ്ങൾക്കും അനുസൃതമാകുമെന്ന് കക്ഷികൾ സമ്മതിക്കുന്നു. കക്ഷികൾ പ്രതിനിധീകരിക്കുകയും ഉറപ്പുനൽകുകയും ചെയ്യുന്നു (1) ഏതെങ്കിലും കക്ഷി (അല്ലെങ്കിൽ ഈ മോണിറ്റൈസേഷൻ നിബന്ധനകൾ നടപ്പിലാക്കുന്നതിൽ ഉൾപ്പെട്ടിരിക്കുന്ന ഏതെങ്കിലും പ്രധാനസ്ഥാപനം , ഉപസ്ഥാപനം അല്ലെങ്കിൽ അഫിലിയേറ്റ്) ഏതെങ്കിലും പ്രസക്തമായ സർക്കാർ അധികാരികൾ പരിപാലിക്കുന്ന ഏതെങ്കിലും നിയന്ത്രിത കക്ഷി ലിസ്റ്റിൽ ഉൾപ്പെട്ടിട്ടില്ല, ഉദാഹരണത്തിന്, യു.എസ് പ്രത്യേകമായി നിശ്ചയിച്ച നാഷണൽസ് പട്ടികയും, യു.എസ്. നടപ്പിലാക്കുന്ന വിദേശ ഉപരോധ ലംഘകരുടെ പട്ടികയും ഉൾപ്പെടെ. ട്രഷറിയുടെ ഫോറിൻ അസറ്റ് കൺട്രോൾ ഓഫീസും നിഷേധിക്കപ്പെട്ട കക്ഷികളുടെ പട്ടികയും, യു.എസ്. ബ്യൂറോ ഓഫ് ഇൻഡസ്ട്രി ആൻഡ് സെക്യൂരിറ്റി (“നിയന്ത്രിത പാർട്ടി ലിസ്റ്റുകൾ”) പരിപാലിക്കുന്ന സ്ഥിരീകരിക്കാത്ത ലിസ്റ്റും, എൻ്റിറ്റി ലിസ്റ്റും, കൂടാതെ (2) അത്തരം കക്ഷികൾ, നിയന്ത്രിത കക്ഷി ലിസ്റ്റിൽ ഉള്ളവരുടെ ഉടമസ്ഥതയിലുള്ളതോ അതോ അവരാൽ നിയന്ത്രിക്കപ്പെടുന്നതുമല്ല. ഈ മോണിറ്റൈസേഷൻ നിബന്ധനകൾ നടപ്പിലാക്കുമ്പോൾ, അത്തരം കക്ഷികൾ നിയന്ത്രിത കക്ഷി ലിസ്റ്റുകളിലെ ആരുമായും അല്ലെങ്കിൽ ഏതെങ്കിലും ബാധകമായ ഉപരോധങ്ങളാൽ വ്യാപാരം നിരോധിച്ചിട്ടുള്ള ഏതെങ്കിലും രാജ്യവുമായോ നേരിട്ടോ അല്ലാതെയോ ചരക്കുകളോ, സേവനങ്ങളോ, ബിസിനസ്സ് ചെയ്യുകയോ, നൽകുകയോ ചെയ്യില്ല. അത്തരം പ്രവൃത്തിയോ വിട്ടുനിൽക്കലോ ബാധകമായ ഏതെങ്കിലും അധികാരപരിധിയിലെ നിയമങ്ങൾ ലംഘിക്കുകയാണെങ്കിൽ, ഈ മോണിറ്റൈസേഷൻ നിബന്ധനകളുമായി ബന്ധപ്പെട്ട് സ്നാപ്പ് പ്രവർത്തിക്കുകയോ അതിൽ നിന്ന് വിട്ടുനിൽക്കുകയോ ചെയ്യേണ്ടതില്ലെന്ന് നിങ്ങൾ സമ്മതിക്കുന്നു.

ഞങ്ങളുടെ അല്ലെങ്കിൽ ഞങ്ങളുടെ പേയ്‌മെൻ്റ് ദാതാവിൻ്റെ കംപ്ലയിൻസ് അവലോകനം പാസ്സായില്ലെങ്കിൽ പേയ്‌മെൻ്റിന് നിങ്ങൾ (അല്ലെങ്കിൽ നിങ്ങളുടെ രക്ഷിതാവോ/നിയമപരമായ രക്ഷിതാക്കളോ അല്ലെങ്കിൽ ബിസിനസ്സ് സ്ഥാപനമോ) യോഗ്യനായിരിക്കില്ല. അത്തരം അവലോകങ്ങളിൽ, എന്നാൽ അതിൽ മാത്രം പരിമിതപ്പെടാതെ, ഏതെങ്കിലും പ്രസക്തമായ സർക്കാർ അതോറിറ്റി പരിപാലിക്കുന്ന ഏതെങ്കിലും നിയന്ത്രിത കക്ഷി ലിസ്റ്റിൽ നിങ്ങൾ പ്രത്യക്ഷപ്പെടുന്നുണ്ടോ എന്ന് നിർണ്ണയിക്കുന്നതിനുള്ള ഒരു പരിശോധന ഉൾപ്പെട്ടേക്കാം. ഈ മോണിറ്റൈസേഷൻ നിബന്ധനകളിൽ വിവരിച്ചിരിക്കുന്ന മറ്റേതെങ്കിലും ഉപയോഗങ്ങൾക്ക് പുറമേ, നിങ്ങളുടെ ഐഡൻ്റിറ്റി സ്ഥിരീകരിക്കുന്നതിനും ഞങ്ങളുടെ കംപ്ലയിൻസ് അവലോകനം നടത്തുന്നതിനും പേയ്‌മെൻ്റ് പ്രക്രിയ പൂർത്തിയാക്കുന്നതിനുമായി നിങ്ങൾ ഞങ്ങൾക്ക് നൽകുന്ന വിവരങ്ങൾ മൂന്നാം കക്ഷികളുമായി പങ്കിട്ടേക്കാം.

ചുരുക്കത്തിൽ: മുകളിൽ പറഞ്ഞിരിക്കുന്നതുപോലെ നിങ്ങളും സ്നാപ്പും ബാധകമായ അഴിമതി വിരുദ്ധ നിയമങ്ങൾ, സാമ്പത്തിക ഉപരോധങ്ങൾ, കയറ്റുമതി നിയന്ത്രണ നിയമങ്ങൾ, ബഹിഷ്‌കരണ വിരുദ്ധ നിയമങ്ങൾ എന്നിവ പാലിക്കും. പേയ്മെന്റ് സ്വീകരിക്കാൻ യോഗ്യത നേടുന്നതിന്, നിങ്ങൾ ഒരു കംപ്ലയിൻസ് റിവ്യൂ പാസാകേണ്ടതുണ്ട്.

സേവനങ്ങളുടെ മറ്റ് ഉപയോക്താക്കൾക്ക് നിങ്ങളുടെ Snapchat ഉപയോക്തൃ അക്കൗണ്ടിലേക്ക് ഉള്ളടക്കം പോസ്‌റ്റ് ചെയ്യാനോ നിങ്ങളുടെ Snapchat ഉപയോക്തൃ അക്കൗണ്ടിന് കീഴിൽ ഉപ-അക്കൗണ്ടുകൾ സൃഷ്‌ടിക്കാനും നിയന്ത്രിക്കാനുമുള്ള ആക്‌സസ് നൽകുകയാണെങ്കിൽ, നിങ്ങളുടെ അക്കൗണ്ടിനായുള്ള ആക്‌സസ് ലെവലുകൾ ക്രമീകരിക്കുന്നതും പിൻവലിക്കുന്നതും നിങ്ങളുടെ മാത്രം ഉത്തരവാദിത്തമാണെന്ന് നിങ്ങൾ അംഗീകരിക്കുകയും സമ്മതിക്കുകയും ചെയ്യുന്നു. അഡ്‌മിനിസ്‌ട്രേറ്റർമാർ, സഹകാരികൾ, കോൺട്രിബ്യൂട്ടർമാർ എന്നിവരുടെ ഏതൊരു പ്രവർത്തനവും ഉൾപ്പെടെ, നിങ്ങളുടെ അക്കൗണ്ടിൽ സംഭവിക്കുന്ന എല്ലാ ഉള്ളടക്കത്തിനും പ്രവർത്തനത്തിനും നിങ്ങൾക്കാണ് ഉത്തരവാദിത്തം. ഈ ധനസമ്പാദന നിബന്ധനകൾ ഞങ്ങൾ കാലാകാലങ്ങളിൽ അപ്ഡേറ്റ് ചെയ്യേണ്ടി വന്നേക്കാം. ഈ ധനസമ്പാദന നിബന്ധനകളിലെ മാറ്റങ്ങൾ പ്രാധാന്യമുള്ളതാണെങ്കിൽ, ഞങ്ങൾ നിങ്ങൾക്ക് ന്യായമായ മുൻകൂർ അറിയിപ്പ് നൽകും (മാറ്റങ്ങൾ ഉടൻ ആവശ്യമില്ലെങ്കിൽ, ഉദാഹരണത്തിന്, നിയമപരമായ ആവശ്യകതകളിലെ മാറ്റത്തിന്റെ ഫലമായി അല്ലെങ്കിൽ ഞങ്ങൾ പുതിയ സേവനങ്ങളോ ഫീച്ചറുകളോ ലോഞ്ച് ചെയ്യുന്നതിന്റെ ഫലമായി). മാറ്റങ്ങൾ പ്രാബല്യത്തിൽ വന്നുകഴിഞ്ഞും നിങ്ങൾ സേവനങ്ങൾ പങ്കെടുക്കുന്നത് തുടരുകയാണെങ്കിൽ, ഞങ്ങൾ അത് നിങ്ങളുടെ അംഗീകാരമായി എടുക്കും. എപ്പോഴെങ്കിലും ഈ ധനസമ്പാദന നിബന്ധനകളിലെ മാറ്റങ്ങൾ നിങ്ങൾ അംഗീകരിക്കുന്നില്ലെങ്കിൽ, നിങ്ങൾ പ്രോഗ്രാമിൽ പങ്കെടുക്കുന്നത് അവസാനിപ്പിക്കണം. ഈ ധനസമ്പാദന വ്യവസ്ഥകൾ ഏതെങ്കിലും മൂന്നാം കക്ഷി ഗുണഭോക്തൃ അവകാശങ്ങളെ സൃഷ്ടിക്കുകയോ അനുവദിച്ചു കൊടുക്കുകയോ ചെയ്യുന്നില്ല. ഈ ധനസമ്പാദന നിബന്ധനകളിലെ ഒരു കാര്യവും നിങ്ങളും Snap അല്ലെങ്കിൽ Snap-ന്റെ അഫിലിയേറ്റുകളും തമ്മിലുള്ള സംയുക്ത സംരംഭം, പ്രിൻസിപ്പൽ-ഏജന്റ് അല്ലെങ്കിൽ തൊഴിൽ ബന്ധം എന്നിവ സൂചിപ്പിക്കുന്നതായി വ്യാഖ്യാനിക്കപ്പെടില്ല. ഈ ധനസമ്പാദന നിബന്ധനകളിൽ ഞങ്ങൾ ഒരു വ്യവസ്ഥ നടപ്പിലാക്കുന്നില്ലെങ്കിൽ, അത് ഒരു ഇളവ് ആയി കണക്കാക്കില്ല. നിങ്ങൾക്ക് പ്രകടമായി അനുവദിച്ചിട്ടില്ലാത്ത എല്ലാ അവകാശങ്ങളും ഞങ്ങളിൽ നിക്ഷിപ്തമാണ്. ഈ ധനസമ്പാദന നിബന്ധനകൾ ഇംഗ്ലീഷിലാണ് എഴുതിയിട്ടുള്ളത്, ഈ ധനസമ്പാദന നിബന്ധനകളുടെ ഏതെങ്കിലും പരിഭാഷപ്പെടുത്തിയ പതിപ്പ് ഇംഗ്ലീഷ് പതിപ്പുമായി പൊരുത്തപ്പെടുന്നില്ലെങ്കിൽ, ഇംഗ്ലീഷ് പതിപ്പായിരിക്കും നിയന്ത്രിക്കുക. ഈ ധനസമ്പാദന നിബന്ധനകളിലെ ഏതെങ്കിലും വ്യവസ്ഥ നടപ്പാക്കാൻ കഴിയില്ലെന്ന് കണ്ടെത്തിയാൽ, ആ വ്യവസ്ഥ ഈ ധനസമ്പാദന നിബന്ധനകളിൽ നിന്ന് നീക്കം ചെയ്യപ്പെടും, അവശേഷിക്കുന്ന ഏതെങ്കിലും വ്യവസ്ഥകളുടെ സാധുതയെയും നടപ്പാക്കലിനെയും അത് ബാധിക്കില്ല. ഈ ധനസമ്പാദന നിബന്ധനകളുടെ 6, 9, 10 വകുപ്പുകളും അവയുടെ സ്വഭാവമനുസരിച്ച് നിലനിൽക്കാൻ ഉദ്ദേശിച്ചിട്ടുള്ള ഏതെങ്കിലും വ്യവസ്ഥകളും ഈ ധനസമ്പാദന നിബന്ധനകളുടെ കാലഹരണപ്പെടൽ അല്ലെങ്കിൽ അവസാനിപ്പിക്കൽ എന്നിവയിലും നിലനിൽക്കും.

ചുരുക്കത്തിൽ: നിങ്ങളുടെ അക്കൗണ്ടിൽ സംഭവിക്കുന്ന എല്ലാ പ്രവർത്തനങ്ങളുടെയും ഉത്തരവാദിത്തം നിങ്ങൾക്കാണ്. ഈ ധനസമ്പാദന നിബന്ധനകൾ നിങ്ങൾ അവലോകനം ചെയ്യണം, കാരണം ഞങ്ങൾ അവ അപ്‌ഡേറ്റ് ചെയ്‌തേക്കാം. ഈ ധനസമ്പാദന നിബന്ധനകൾ നമ്മുടെ ഇടയിൽ ഒരു തരത്തിലുള്ള തൊഴിൽ ബന്ധവും സൃഷ്ടിക്കുന്നില്ല. ഈ ധനസമ്പാദന നിബന്ധനകളുടെ ഇംഗ്ലീഷ് പതിപ്പ് നിയന്ത്രിക്കും, കൂടാതെ ചില വ്യവസ്ഥകൾ കാലഹരണപ്പെടുകയോ അവസാനിപ്പിക്കുകയോ ചെയ്താൽ പോലും അവ പ്രാബല്യത്തിലുണ്ടാകും.

ഈ ധനസമ്പാദന നിബന്ധനകളെക്കുറിച്ച് നിങ്ങൾക്ക് എന്തെങ്കിലും ചോദ്യങ്ങളുണ്ടെങ്കിൽ, ഞങ്ങളെ ബന്ധപ്പെടുക..