ਕੂਕੀ ਨੀਤੀ

ਇੱਕ ਬ੍ਰਾਊਜ਼ਰ ਕੂਕੀ, ਡੈਟਾ ਦਾ ਇੱਕ ਛੋਟਾ ਜਿਹਾ ਅੰਸ਼ ਹੁੰਦੀ ਹੈ ਜਿਸ ਨੂੰ ਤੁਹਾਡੇ ਡਿਵਾਈਸ ਵਿੱਚ ਸਟੋਰ ਕੀਤਾ ਜਾਂਦਾ ਹੈ ਤਾਂ ਜੋ ਵੈੱਬਸਾਈਟਾਂ ਅਤੇ ਮੋਬਾਈਲ ਐਪਾਂ ਤੁਹਾਡੇ ਬਾਰੇ ਜਾਣਕਾਰੀ ਨੂੰ ਯਾਦ ਰੱਖ ਸਕਣ। ਵੈੱਬ ਸਟੋਰੇਜ ਅਤੇ ਤੁਹਾਡੇ ਡੀਵਾਈਸ ਨਾਲ ਸਬੰਧਿਤ ਪਛਾਣਕਰਤਾਵਾਂ ਸਮੇਤ ਹੋਰ ਕਈ ਤਕਨਾਲੋਜੀਆਂ ਨੂੰ ਇਹਨਾਂ ਉਦੇਸ਼ਾਂ ਲਈ ਵਰਤਿਆ ਜਾ ਸਕਦਾ ਹੈ। ਇਸ ਨੀਤੀ ਵਿੱਚ, ਅਸੀਂ ਇਹਨਾਂ ਸਾਰੀਆਂ ਤਕਨਾਲੋਜੀਆਂ ਦਾ ਹਵਾਲਾ ਦੇਣ ਲਈ “ਕੂਕੀਜ਼” ਸ਼ਬਦ ਦੀ ਵਰਤੋਂ ਕੀਤੀ ਹੈ।

ਸਾਡੀ ਪਰਦੇਦਾਰੀ ਨੀਤੀ ਇਹ ਸਮਝਾਉਂਦੀ ਹੈ ਕਿ ਜਦੋਂ ਤੁਸੀਂ Snapchat ਅਤੇ Snap Inc. ਦੀਆਂ ਹੋਰ ਸੇਵਾਵਾਂ ਦੀ ਵਰਤੋਂ ਕਰਦੇ ਹੋ ਤਾਂ ਉਦੋਂ ਅਸੀਂ ਤੁਹਾਡੇ ਕੋਲੋਂ ਅਤੇ ਤੁਹਾਡੇ ਬਾਰੇ ਜਾਣਕਾਰੀ ਕਿਵੇਂ ਇਕੱਤਰ ਕਰਦੇ ਹਾਂ ਅਤੇ ਉਸ ਦੀ ਵਰਤੋਂ ਕਿਵੇਂ ਕਰਦੇ ਹਾਂ। ਇਹ ਨੀਤੀ ਇਸ ਸਬੰਧ ਵਿੱਚ ਵੀ ਵਧੇਰੇ ਜਾਣਕਾਰੀ ਪ੍ਰਦਾਨ ਕਰਦੀ ਹੈ ਕਿ ਅਸੀਂ ਕੁੱਕੀਜ਼ ਅਤੇ ਤੁਹਾਡੀਆਂ ਸਬੰਧਿਤ ਚੋਣਾਂ ਦੀ ਵਰਤੋਂ ਕਿਵੇਂ ਕਰਦੇ ਹਾਂ।

ਅਸੀਂ ਕੁੱਕੀਜ਼ ਦੀ ਵਰਤੋਂ ਕਿਵੇਂ ਕਰਦੇ ਹਾਂ

ਜ਼ਿਆਦਾਤਰ ਆਨਲਾਈਨ ਪ੍ਰਦਾਤਾਵਾਂ ਦੀ ਤਰ੍ਹਾਂ, Snap Inc. ਤੁਹਾਡੇ Snapchat ਡੈਟਾ ਅਤੇ ਖਾਤੇ ਦੀ ਸੁਰੱਖਿਆ ਕਰਨ ਲਈ, ਕਿਹੜੀਆਂ ਵਿਸ਼ੇਸ਼ਤਾਵਾਂ ਸਭ ਤੋਂ ਵੱਧ ਮਸ਼ਹੂਰ ਹਨ, ਕਿਸੇ ਪੰਨੇ 'ਤੇ ਜਾਣ ਵਾਲੇ ਲੋਕਾਂ ਦੀ ਗਿਣਤੀ ਕਰਨ ਲਈ, ਸਾਡੇ ਵਰਤੋਂਕਾਰ ਦੇ ਅਨੁਭਵ ਵਿੱਚ ਸੁਧਾਰ ਕਰਨ ਲਈ, ਸਾਡੀਆਂ ਸੇਵਾਵਾਂ ਨੂੰ ਸੁਰੱਖਿਅਤ ਰੱਖਣ ਲਈ, ਢੁੱਕਵੇਂ ਇਸ਼ਤਿਹਾਰ ਪ੍ਰਦਾਨ ਕਰਨ ਲਈ, ਅਤੇ ਤੁਹਾਨੂੰ ਬਿਹਤਰ, ਵਧੇਰੇ ਅਨੁਭਵੀ, ਅਤੇ ਤਸੱਲੀਬਖ਼ਸ਼ ਅਨੁਭਵ ਪ੍ਰਦਾਨ ਕਰਨ ਬਾਰੇ ਜਾਣਨ ਵਿੱਚ ਸਾਡੀ ਮਦਦ ਕਰਨ ਲਈ ਅਤੇ ਅਜਿਹੇ ਹੋਰ ਕਈ ਕਾਰਨਾਂ ਲਈ ਤੀਜੀ-ਧਿਰ ਦੀਆਂ ਕੁੱਕੀਜ਼ ਸਮੇਤ ਕੁੱਕੀਜ਼ ਦੀ ਵਰਤੋਂ ਕਰਦਾ ਹੈ। ਅਸੀਂ ਜਿਹੜੀਆਂ ਕੁੱਕੀਜ਼ ਵਰਤਦੇ ਹਾਂ, ਉਹ ਹੇਠ ਲਿਖੀਆਂ ਸ਼੍ਰੇਣੀਆਂ ਵਿੱਚ ਆਉਂਦੀਆਂ ਹਨ।

ਵਿਸ਼ਲੇਸ਼ਣ ਅਤੇ ਇਸ਼ਤਿਹਾਰਬਾਜ਼ੀ ਸੇਵਾਵਾਂ

ਦੂਜਿਆਂ ਦੁਆਰਾ ਪ੍ਰਦਾਨ ਕੀਤੀਆਂ ਜਾਣ ਵਾਲੀਆਂ ਸੇਵਾਵਾਂ

ਅਸੀਂ ਦੂਜੀਆਂ ਕੰਪਨੀਆਂ ਨੂੰ ਸਾਡੀਆਂ ਸੇਵਾਵਾਂ ਵਿੱਚ ਕੁੱਕੀਜ਼ ਵਰਤਣ ਦੀ ਸਹੂਲਤ ਦੇ ਸਕਦੇ ਹਾਂ। ਸਮੇਂ ਦੇ ਨਾਲ ਤੁਸੀਂ ਸਾਡੀਆਂ ਸੇਵਾਵਾਂ ਦੀ ਵਰਤੋਂ ਕਿਵੇਂ ਕਰਦੇ ਹੋ ਉਸ ਬਾਰੇ ਇਹ ਕੰਪਨੀਆਂ ਜਾਣਕਾਰੀ ਇਕੱਤਰ ਕਰ ਸਕਦੀਆਂ ਹਨ ਅਤੇ ਹੋਰ ਸੇਵਾਵਾਂ ਅਤੇ ਕੰਪਨੀਆਂ ਤੋਂ ਇਕੱਤਰ ਕੀਤੀ ਮਿਲਦੀ-ਜੁਲਦੀ ਜਾਣਕਾਰੀ ਨਾਲ ਇਸ ਜਾਣਕਾਰੀ ਨੂੰ ਮਿਲਾ ਸਕਦੀਆਂ ਹਨ। ਹੋਰ ਚੀਜ਼ਾਂ ਤੋਂ ਇਲਾਵਾ, ਇਸ ਜਾਣਕਾਰੀ ਦੀ ਵਰਤੋਂ ਡੈਟਾ ਦਾ ਵਿਸ਼ਲੇਸ਼ਣ ਕਰਨ ਅਤੇ ਉਸਨੂੰ ਟ੍ਰੈਕ ਕਰਨ, ਕੁਝ ਖਾਸ ਸਮੱਗਰੀ ਦੀ ਪ੍ਰਸਿੱਧੀ ਨਿਰਧਾਰਿਤ ਕਰਨ, ਅਤੇ ਤੁਹਾਡੀ ਆਨਲਾਈਨ ਸਰਗਰਮੀ ਨੂੰ ਬਿਹਤਰ ਢੰਗ ਨਾਲ ਸਮਝਣ ਲਈ ਕੀਤੀ ਜਾ ਸਕਦੀ ਹੈ।

ਇਸ ਤੋਂ ਇਲਾਵਾ, ਸਾਡੇ ਭਾਗੀਦਾਰਾਂ ਸਮੇਤ ਕੁਝ ਕੰਪਨੀਆਂ ਸਾਡੀਆਂ ਸੇਵਾਵਾਂ ਵਿੱਚ ਇਕੱਤਰ ਕੀਤੀ ਜਾਣਕਾਰੀ ਦੀ ਵਰਤੋਂ ਧੋਖਾਧੜੀ ਜਾਂ ਦੂਜੀਆਂ ਗੈਰ-ਅਧਿਕਾਰਿਤ ਜਾਂ ਗੈਰ-ਕਾਨੂੰਨੀ ਗਤੀਵਿਧੀਆਂ ਨੂੰ ਰੋਕਣ ਲਈ ਅਤੇ ਇਸ਼ਤਿਹਾਰਾਂ ਦੇ ਪ੍ਰਦਰਸ਼ਨ ਨੂੰ ਮਾਪਣ ਅਤੇ ਅਨੁਕੂਲ ਬਣਾਉਣ ਲਈ ਅਤੇ ਤੀਜੀ-ਧਿਰ ਦੀਆਂ ਵੈੱਬਸਾਈਟਾਂ ਅਤੇ ਐਪਾਂ ਸਮੇਤ ਸਾਡੀ ਤਰਫ਼ ਤੋਂ ਜਾਂ ਹੋਰ ਕੰਪਨੀਆਂ ਦੀ ਤਰਫ਼ ਤੋਂ ਵਧੇਰੇ ਢੁੱਕਵੇਂ ਇਸ਼ਤਿਹਾਰ ਪ੍ਰਦਾਨ ਕਰਨ ਲਈ ਕਰ ਸਕਦੀਆਂ ਹਨ। ਰੁਚੀ-ਆਧਾਰਿਤ ਇਸ਼ਤਿਹਾਰਾਂ ਬਾਰੇ ਅਤੇ ਤੁਹਾਡੇ ਲਈ ਉਪਲਬਧ ਵਿਕਲਪਾਂ ਬਾਰੇ ਹੋਰ ਜਾਣਕਾਰੀ ਲਈ, ਇੱਥੇ ਜਾਓ।

ਸਾਡੇ ਦੁਆਰਾ ਪ੍ਰਦਾਨ ਕੀਤੀਆਂ ਜਾਣ ਵਾਲੀਆਂ ਸੇਵਾਵਾਂ

ਅਸੀਂ ਸਾਡੇ ਦੁਆਰਾ ਪ੍ਰਦਾਨ ਕੀਤੀਆਂ ਜਾਣ ਵਾਲੀਆਂ ਕੁੱਕੀਜ਼ ਦੀ ਵਰਤੋਂ ਕਰਨ ਵਾਲੀਆਂ ਤੀਜੀ-ਧਿਰ ਦੀਆਂ ਸੇਵਾਵਾਂ ਵਿੱਚ ਤੁਹਾਡੀ ਸਰਗਰਮੀ ਬਾਰੇ ਜਾਣਕਾਰੀ ਇਕੱਤਰ ਕਰ ਸਕਦੇ ਹਾਂ। ਅਸੀਂ ਇਸ ਜਾਣਕਾਰੀ ਦੀ ਵਰਤੋਂ ਸਾਡੀਆਂ ਇਸ਼ਤਿਹਾਰਬਾਜ਼ੀ ਸੇਵਾਵਾਂ ਵਿੱਚ ਸੁਧਾਰ ਕਰਨ ਲਈ ਕਰਦੇ ਹਾਂ, ਇਸ ਵਿੱਚ ਇਸ਼ਤਿਹਾਰਾਂ ਦੇ ਪ੍ਰਦਰਸ਼ਨ ਨੂੰ ਮਾਪਣਾ ਅਤੇ ਵਧੇਰੇ ਢੁੱਕਵੇਂ ਇਸ਼ਤਿਹਾਰ ਦਿਖਾਉਣਾ ਸ਼ਾਮਲ ਹੈ। Snapchat ਇਸ਼ਤਿਹਾਰਬਾਜ਼ੀ ਬਾਰੇ ਅਤੇ ਤੁਸੀਂ ਜਿਹੜੇ ਇਸ਼ਤਿਹਾਰ ਦੇਖਦੇ ਹੋ ਉਹਨਾਂ ਨੂੰ ਚੁਣਨ ਲਈ ਵਰਤੀ ਜਾਣ ਵਾਲੀ ਜਾਣਕਾਰੀ ਨੂੰ ਕਿਵੇਂ ਨਿਯੰਤਰਿਤ ਕਰਨਾ ਹੈ, ਉਸ ਬਾਰੇ ਹੋਰ ਜਾਣਨ ਲਈ ਸਾਡੀਆਂ ਇਸ਼ਤਿਹਾਰਬਾਜ਼ੀ ਤਰਜੀਹਾਂ ਪੰਨੇ 'ਤੇ ਜਾਓ।

ਤੁਹਾਡੀਆਂ ਚੋਣਾਂ

ਤੁਹਾਡਾ ਬ੍ਰਾਊਜ਼ਰ ਤੁਹਾਨੂੰ ਕੁਝ ਜਾਂ ਸਾਰੀਆਂ ਬ੍ਰਾਊਜ਼ਰ ਕੁੱਕੀਜ਼ ਨੂੰ ਇਨਕਾਰ ਕਰਨ ਦਾ ਵਿਕਲਪ ਪ੍ਰਦਾਨ ਕਰ ਸਕਦਾ ਹੈ। ਤੁਸੀਂ ਆਪਣੇ ਬ੍ਰਾਊਜ਼ਰ ਵਿੱਚੋਂ ਵੀ ਕੁੱਕੀਜ਼ ਨੂੰ ਹਟਾ ਸਕਦੇ ਹੋ। ਬ੍ਰਾਊਜ਼ਰ ਕੁੱਕੀਜ਼ ਨੂੰ ਕਿਵੇਂ ਪ੍ਰਬੰਧਿਤ ਕੀਤਾ ਜਾ ਸਕਦਾ ਹੈ, ਇਸ ਬਾਰੇ ਹੋਰ ਜਾਣਕਾਰੀ ਲਈ, ਕਿਰਪਾ ਕਰਕੇ ਆਪਣੇ ਬ੍ਰਾਊਜ਼ਰ ਦੁਆਰਾ ਪ੍ਰਦਾਨ ਕੀਤੀਆਂ ਹਦਾਇਤਾਂ ਦਾ ਪਾਲਣ ਕਰੋ।