May pananagutan ka sa paninigurado na ang content mo, at anumang brand, produkto o serbisyong itinataguyod nito, ay naaangkop sa mga Snapchatter na may edad 13+. Maaari naming ibigay sa iyo ang opsyong i-target para sa partikular na edad ang content na ginagawa mong available. Kung ang content na iyon ay nangangailangan ng pag-target ng edad sa policy na ito, o kung iniaatas iyon ng mga naaangkop na batas o mga pamantayan sa industriya sa rehiyon kung saan tatakbo ang content, responsibilidad mong gamitin ang mga opsyon sa pag-target na iyon at piliin ang (mga) wastong edad at hindi kami mananagot kung hindi mo iyon magagawa. Kung hindi available ang isang iniaatas na target na edad, huwag i-post ang content na iyon.
Ang content ng komersyal na nauugnay sa pabahay, credit, o trabaho at nakadirekta o naka-target (kung naaangkop) sa partikular na lahi, etnisidad, relihiyon o paniniwala, bansang pinagmulan, edad, sekswal na oryentasyon, kasarian, gender identity o gender expression, kapansanan o kundisyon, o sa sinumang miyembro ng pinoprotektahang uri ng mamamayan sa lipunan.
Responsibilidad mo ring tiyaking ang content mo at anumang pagbubunyag ay sumusunod sa lahat ng naaangkop na batas, kautusan, ordinansa, panuntunan, panuntunan sa kaayusan ng publiko, kodigo at regulasyon ng industriya.
Ang lahat ng pagsisiwalat, pagtanggi at babala ay dapat malinaw at lantad.
Dapat tukuyin ng komersyal na content ang komersyal na katangian ng content, at anumang pino-promote na brand. Dapat mo ring gamitin ang tool na paid partnership ng Snap para lagyan ng label ang content na ito, at kung kinakailangan, dapat mong isama ang anumang kinakailangang disclaimer o watermark na nagsasaad na niretoke ang komersyal na content mo.
Narito ang ilang halimbawang scenario kung kailan mo maaaring kailanganing gamitin ang tool na paid partnership:
Creator kang gumagawa ng mga video ng roller skating. Nagpapadala sa iyo ng pera ang isang roller skate na brand para i-mention mo ang kanilang brand sa Snap.
Kailangan mo bang ilapat ang label na “paid partnership”? Oo, dahil binabayaran ka para mag-promote.
Hindi nagpapadala sa iyo ng pera ang isang roller skate na brand, pero nagpapadala sila sa iyo ng pares ng mga roller skate nang “libre” — na may kahilingang gumawa ka ng pagsusuri sa mga skate kung gusto mo ang mga ito.
Kailangan mo bang ilapat ang label na “paid partnership”? Oo, dahil nakatanggap ka ng bagay na may halaga (ang mga skate) kapalit ng promotion.
Hindi ibinibigay sa iyo ng brand ng roller skate ang mga skate na itatago, pero hinahayaan ka nilang humiram ng ilang skate para sa video, kung ime-mention mo ang kanilang brand o ipapakita ang logo sa kung saan man.
Kailangan mo bang ilapat ang label na “paid partnership”? Oo.
Ikaw mismo ang bumibili ng mga skate para i-review ang mga ito; ginagawa mo rin ito para sa iba pang mga brand ng skate.
Kailangan mo bang ilapat ang label na “paid partnership”? Hindi, dahil hindi ka binabayaran ng brand sa anumang paraan.
Gumagawa at nagbebenta ka ng mga roller skate.
Kailangan mo bang ilapat ang label na “paid partnership”? Oo, para ibunyag na ikaw ay may insentibong i-endorso ang mga roller skate.
Nauunawaan mo na ang komersyal na content na ikaw ang nag-post sa pampublikong profile ay maaari ring makita sa seksyong For You ng Snapchat at sisiguraduhin mong lahat ng pagbubunyag ay naaangkop din sa kontekstong iyon. Para maabot ng komersyal mong content ang pinakamaraming audience na posible sa Stories, Spotlight, Map, o iba pang bahagi ng app, dapat na nakikita at naaangkop ang iyong pagbubunyag sa mga kontekstong iyon. Halimbawa: kung magpo-post ka ng 6 na Snap ng komersyal na content, pero ang unang Snap lang ang nagbunyag ng komersyal na katangian, kung gayon, ang unang Snap lang ang kwalipikadong mag-amplify sa labas ng iyong Pampublikong Profile.
Kung hihingi ka sa mga Snapchatter ng personal na impormasyon, kailangan mong linawin na ikaw ang nangongolekta ng data, hindi ang Snap, at kailangang may privacy policy na makukuha kaagad sa sitwasyon na nangongolekta ng personal na impormasyon.
Ang komersyal na content ay hindi maaaring kumolekta ng impormasyon tungkol sa pinagmulang lahi o etniko, pampulitikang opinyon, paniniwalang relihiyoso o pilosopikal, pagiging miyembro ng unyon ng manggagawa, kalusudan, sekswal na buhay o kasaysayang medikal.
Dapat na kolektahin at iproseso ang personal na impormasyon sa ligtas na paraan.
Ang komersyal na content ay hindi dapat lumabag sa intellectual property, privacy, publisidad o iba pang legal na karapatan ng sinumang tao o entity. Kailangan mayroon ka ng lahat ng kinakailangang karapatan at pahintulot para sa lahat ng elemento ng iyong content, kabilang na ang paggamit sa anumang content na ibinigay ng Snap, gaya ng musika, lenses at geofilters. Huwag itatampok ang pangalan, pagkakatulad (pati pagkakahawig), boses (pati pagkakatulad ng tunog) o iba pang tampok na tumutukoy sa pagkakakilanlan ng indibidwal o brand nang wala ang kanilang pahintulot.
Kung naniniwala kang ang mga karapatan sa copyright, trademark o publisidad ay nilabag ng komersyal na content sa Snapchat, hinihikayat ka naming subukang makipag-ugnayan at lutasin ang mga alalahanin nang direkta sa publisher. O kaya, maaaring i-report dito sa Snap ng may hawak ng karapatan at ng kanilang mga ahente ang nabanggit na paglabag sa intellectual property. Seryoso naming tinutugunan ang lahat ng ganitong ulat.
Ang komersyal na content ay hindi dapat magmungkahi ng pagkakaugnay sa o pag-endorso ng Snap o ng mga produkto nito. Ibig sabihin nito, ang komersyal na content ay hindi dapat gumagamit ng anumang trademark na pagmamay-ari ng Snap, artwork ng Bitmoji, o mga representasyon ng user interface ng Snapchat, maliban na lang kung pinapahintulutan sa Brand Guidelines ng Snapchat o ang Bitmoji Brand Guidelines. Ang komersyal na content ay dapat ding hindi maglaman ng binago o nakakalitong katulad na variation ng anumang trademark na pagmamay-ari ng Snap.
Ang mga promosyon sa Snapchat ay sumasailalim sa Mga Tuntunin sa Promosyon ng Snap.