AVVIŻ DWAR L-ARBITRAĠĠ: JEKK INT TGĦIX FL-ISTATI UNITI JEW JEKK IL-POST PRINĊIPALI TAN-NEGOZJU TIEGĦEK JINSAB FL-ISTATI UNITI, INT MARBUT BID-DISPOŻIZZJONI DWAR L-ARBITRAĠĠ STABBILITA FIR- REGOLI TAS-SERVIZZ TA' SNAP INC.: ĦLIEF GĦAL ĊERTI TIPI TA' TILWIMIET IMSEMMIJIN F'DIK IL-KLAWŻOLA TA' ARBITRAĠĠ, INT U SNAP INC. TAQBLU LI T-TILWIMIET BEJNIETNKOM SE JIĠU SOLVUTI B'ARBITRAĠĠ VINKOLANTI OBBLIGATORJU KIF STABBILIT FIR- REGOLI TAS-SERVIZZ TA' SNAP INC., U LI INT U SNAP INC. TIRRINUNZJAW GĦAL KWALUNKWE DRITT LI TIEĦDU SEHEM FI KWALUNKWE AZZJONI KOLLETTIVA JEW ARBITRAĠĠ KOLLETTIV. INT GĦANDEK ID-DRITT LI MA TIPPARTEĊIPAX FL-ARBITRAĠĠ KIF SPJEGAT F'DIK ID-DISPOŻIZZJONI DWAR L-ARBITRAĠĠ. 

JEKK QED TUŻA S-SERVIZZI F'ISEM NEGOZJU U L-POST EWLIENI TAN-NEGOZJU TIEGĦEK JINSAB BARRA MILL-ISTATI UNITI, IN-NEGOZJU TIEGĦEK SE JKUN MARBUT BID-DISPOŻIZZJONI TAL-ARBITRAĠĠ LI HEMM FIR-REGOLI TAS-SERVIZZ TA' SNAP GROUP LIMITED.

Merħba! Ninsabu eċitati li inti interessat fl-Abbonamenti għall-Ħallieqa, li jippermetti ħallieqa eliġibbli biex joffru ċertu aċċess esklussiv b'mod ta' abbonament lill-udjenza tagħhom ("Programm"). Dawn ir-Regoli tal-Abbonamenti għall-Ħallieqa ("Regoli") jiggovernaw il-parteċipazzjoni fl-Abbonamenti għall-Ħallieqa u jiffurmaw kuntratt vinkolanti bejnek u Snap ("Snap" jew "aħna"). Jekk joġħġbok aqrahom sew.

L-utenti li jaċċettaw u jikkonformaw ma' dawn ir-Regoli tal-Abbonamenti għall-Ħallieqa biss se jkunu eliġibbli biex jieħdu sehem fil-Programm.

Dawn ir-Regoli jinkludu b'referenza r-Regoli tal-Ħlas għall-Ħallieqa ta' Snap u r-Regoli tas-Servizz ta' Snap, kif ukoll kwalunkwe linja gwida u politika oħra li huma relevanti. Jekk għal xi raġuni dawn ir-Regoli jkunu f'kunflitt ma xi regoli oħra, dawn ir-Regoli se jorbtu fir-rigward tal-użu tiegħek tal-Abbonamenti għall-Ħallieqa.

Fejn ipprovdejna sommarji fir-Regoli tal-Abbonamenti għall-Ħallieqa, għamilna dan għall-konvenjenza tiegħek biss. Għandek taqra r-Regoli tal-Abbonamenti għall-Ħallieqa kollha biex tifhem d-dmirijiet u jeddijiet legali tiegħek.

Sabiex tkun eliġibbli biex tiġi mistieden għal Programm, trid tissodisfa r-rekwiżiti minimi ta’ eliġibbiltà li ġejjin (“Eliġibbiltà Minima”):

1. Inti trid tkun tgħix (jekk inti individwu), jew ikollok il-post prinċipali tan-negozju tiegħek (jekk inti entità), f'Reġjun Eliġibbli. Il-ħlasijiet huma disponibbli biss fir-reġjuni limitati elenkati fil-Linji Gwida dwar il-Premji tal-Ħallieqa (ir-"Reġjuni Eliġibbli"). Nistgħu nimmodifikaw il-lista ta' Reġjuni Eliġibbli skont id-diskrezzjoni tagħna.

2. Jekk int individwu, trid tal-inqas tkun ta' l-età minima legali tal-maġġoranza ta' adulti fil-ġurisdizzjoni tiegħek (jew, jekk applikabbli, tal-inqas 16-il sena bil-kunsens tal-ġenituri). Jekk il-kunsens(i) tal-ġenituri jew tal-gwardjan(i) legali hu meħtieġ skont il-liġi applikabbli, allura inti tkun tista' tieħu sehem fil-Programm biss taħt is-superviżjoni tal-ġenitur(i)/gwardjan(i) legali tiegħek, li jridu jaqblu wkoll li jintrabtu b'dawn ir-Regoli tal-Ħlas għall-Ħallieqa. Inti tirrappreżenta u tiggarantixxi li ksibt tali kunsens(i) kollha (inkluż il-kunsens ta' żewġ ġenituri, jekk ikun meħtieġ fil-ġurisdizzjoni tiegħek). 

3. Jekk qed taħdem f'isem entità, għandek tkun għalaqt it-18-il sena (jew għandek tkun maġġorenni fl-istat, fil-provinċja jew fil-pajjiż tiegħek) u għandek ikollok is-setgħa li torbot lil dik l-entità. Ir-referenzi kollha għall-kliem "inti" jew "tiegħek" f'dawn ir-Regoli tal-Ħlas għall-Ħallieqa se jfissru kemm inti bħala utent kif ukoll dik l-entità.

4. Trid tipprovdi lil Snap, u lill-fornitur tal-ħlas barrani awtorizzat tagħha ("Fornitur tal-Ħlas"), b'Informazzjoni ta' Kuntatt preċiża u aġġornata (definita hawn taħt), kif ukoll kwalunkwe informazzjoni oħra li tista' tkun meħtieġa biex isirlek ħlas. It-terminu “Informazzjoni ta’ Kuntatt”, kif użat hawnhekk, għandu jfisser l-isem u l-kunjom legali tiegħek, l-indirizz tal-email, in-numru tat-telefon, l-istat u l-pajjiż tar-residenza, kif ukoll kwalunkwe informazzjoni oħra li tista’ tkun meħtieġa minn żmien għal żmien, sabiex Snap jew il-Fornitur tas-Servizzi ta’ Ħlas tagħha jkunu jistgħu jikkuntattjawk u jipproċessaw pagament lilek (jew lill-ġenitur/gwardjan legali tiegħek jew lill-entità kummerċjali tiegħek, fejn applikabbli) jekk tikkwalifika għal ħlas taħt dan il-ftehim, jew b’rabta ma’ kwalunkwe rekwiżit legali.

5. Jeħtieġlek twettaq dak kollu mitlub biex toħloq kont tal-ħlas (“Kont tal-Ħlas”) tajjeb mal-Pjattaforma tal-Ħlas tagħna.

6. Il-kont ta' Snapchat u l-Kont tal-Ħlas tiegħek għandhom dejjem ikunu attivi, mingħajr problemi (kif speċifikat minna) u f'konformità ma' dawn ir-Regoli tal-Ħlas għall-Ħallieqa.

7. Int (jew, skont il-każ, il-ġenitur(i)/it-tutur(i) tiegħek) għandek tgħaddi mill-proċess tal-verifika legali ta' Snap u tal-Pjattaforma tal-Ħlas.

8. Int la int (i) ħaddiem, uffiċjal jew direttur ta' Snap jew tal-kumpaniji sid, misjuda jew imsieħba magħha; u lanqas (ii) entità tal-gvern, kumpanija misjuda minn jew imsieħba ma' entità tal-gvern u lanqas int membru ta' familja rjali.

Għandna l-jedd li nitolbu kull informazzjoni meħtieġa biex nivverifikaw li tilħaq l-Eliġibbiltà Minima. Il-fatt li tissodisfa r-rekwiżiti tal-Eliġibbiltà Minima ma jiggarantilekx stedina għall-, jew l-involviment kontinwu tiegħek fi kwalunkwe Programm. Trid tissodisfa wkoll kwalunkwe rekwiżit addizzjonali ta’ eliġibbiltà stabbilit fir-Regoli tal-Programm rilevanti. Aħna nirriżervaw id-dritt li nneħħu kwalunkwe utent minn kwalunkwe Programm fi kwalunkwe ħin u għal kwalunkwe raġuni.

Fil-Qosor: Kull Programm huwa disponibbli biss permezz ta' stedina. Trid tissodisfa ċerti rekwiżiti minimi biex tkun eliġibbli għal stedina għal Programm. Dawn jinkludu l-età, il-post, il-kunsens tal-ġenitur(i), u ċerti rekwiżiti relatati mal-kont. Li tissodisfa dawn ir-rekwiżiti ma jiggarantilekx stedina għal Programm. Inti trid tipprovdilna informazzjoni li hija vera u aġġornata, kif ukoll tikkonforma ma' dawn ir-Regoli tal-Ħlas għall-Ħallieqa f'kull ħin.

Jekk tissodisfa r-rekwiżiti minimi ta' eliġibbiltà u tiġi mistieden għal Programm, Snap tista' tippremjak billi tħallsek għat-twettiq tas-servizzi deskritti fit-Termini tal-Programm applikabbli.(“Attività Li Tikkwalifika”).  Kwalunkwe pagament bħal dan ("Pagament") jista' jiġi ffinanzjat jew minn Snap jew minn sehem mill-qligħ li nirċievu mir-reklami distribwiti b'rabta mas-Servizzi.

Attività Eliġibbli tista tinkludi:

• Il-pubblikazzjoni ta' Kontenut Pubbliku li fih niddistribwixxu, jew niddistribwixxu bħala, reklami; jew

• It-twettiq ta’ kwalunkwe attività oħra li aħna ninnominaw bħala “Attività Li Tikkwalifika”, soġġett għall-aċċettazzjoni tiegħek tat-Termini tal-Programm applikabbli (li għandhom jiġu inkorporati f’dawn ir-Regoli tal-Ħlas għall-Ħallieqa).

L-Attività Li Tikkwalifika tiġi ddeterminata minn Snap fid-diskrezzjoni tagħha. "Kontenut Pubbliku" għandu jkollu t-tifsira stabbilita fir-Regoli tas-Servizz ta' Snap. Barra minn hekk, biex il-kontenut li inti ttella' fis-Servizzi jkun eliġibbli għal rakkomandazzjoni algoritmika, jeħtieġ li jissodisfa l-Linji Gwida tagħna dwar il-Kontenut għall-Eliġibbiltà għal Rakkomandazzjoni. Nistgħu nirrevedu l-kont u l-kontenut tiegħek għall-konformità mar-regoli u mal-politiki tagħna. Għal-fini ta' ċarezza, aħna bħala Snap se jkollna d-dritt, iżda mhux id-dmir, li niddistribwixxu l-kontenut li inti ttella' fuq Snapchat b'konformità mar-Regoli tas-Servizz ta' Snap. Inti tista' tħassar is-Snaps tiegħek fi kwalunkwe ħin. 

Fil-Qosor: Nistgħu nippremjawk billi nħallsuk talli tieħu sehem f'ċerti attivitajiet. Id-drittijiet li inti tagħtina, u d-dmirijiet tiegħek, fir-rigward tal-Kontenut Pubbliku li ttella' huma stabbiliti fir-Regoli tas-Servizz tagħna u fil-Linji Gwida tagħna dwar il-Kontenut għall-Eliġibbiltà għal Rakkomandazzjoni. L-attivitajiet tiegħek, il-kont tiegħek, u l-kontenut li ttella' dejjem iridu jkunu konformi mar-regoli, mal-politiki u mal-linji gwida tagħna. Aħna nistgħu niċċekkjaw il-kont tiegħek u l-kontenut li tippostja biex niddeterminaw jekk jikkonformawx.  M'għandna l-ebda dmir li niddistribwixxu l-kontenut li inti ttella' fuq Snapchat u inti tista' tħassar kontenut bħal dan fi kwalunkwe ħin.

L-ammont tal-Ħlas għall-Attività li Tikkwalifika se jinħadem min-naħa tagħna skont il-formula ta’ ħlas proprjetarja tagħna. Il-formula tal-ħlas tagħna tista’ tiġi aġġustata minna minn żmien għal żmien u hija bbażata fuq għadd ta’ fatturi, li jistgħu jinkludu l-frekwenza u l-ħin tal-pubblikazzjonijiet tiegħek, l-għadd ta’ reklami mqassma fil-kontenut li tippubblika, l-għadd tal-pubblikazzjonijiet tiegħek li jintużaw bħala reklami permezz tas-Servizzi tan-Negozju ta’ Snap, jekk il-pubblikazzjonijiet tiegħek jużawx l-Għodod Kreattivi ta’ Snapchat, u l-interazzjonijiet tal-utenti ma’ tali kontenut. Kull ammont ta' ħlas li jidher fl-applikazzjoni ta' Snapchat huwa stima, u jintwera lilek biss bħala konvenjenza u jista' jinbidel. M'intix se tkun eliġibbli biex tirċievi Ħlas għal kwalunkwe stima ta' dan it-tip jekk ma tkunx qed tikkonforma ma' dawn ir-Regoli tal-Ħlas għall-Ħallieqa u jekk ma tkunx waqqaft b'suċċess Kont tal-Ħlas validu mal-Fornitur tas-Servizz tal-Ħlas tagħna. L-ammonti finali ta' kwalunkwe ħlas jiġu riflessi fil-Kont tal-Ħlas tiegħek  Biex inkunu ċari, ammonti tal-ħlas jew ammonti murija fuq l-applikazzjoni ta' Snapchat mhumiex maħluqa biex jagħtu jew jimponu xi drittijiet jew jirrappreżentaw xi obbligi, ma jfissrux li huma proprjetà jew li joħolqu drittijiet ta’ proprjetà, mhumiex trasferibbli jew assenjabbli, u ma jistgħux jinbiegħu, jitpartu jew jinbidlu.

Kif Titlob Ħlas.  La darba se nkunu rreġistrajna biżżejjed Attività li Tikkwalifika biex tilħaq il-limitu tal-ħlas minimu ta' USD 100, se tkun tista' tressaq talba għall-ħlas billi tagħżel l-għażla apposta mill-profil tal-utent tiegħek. Il-ħlas jiġi ttrasferit fil-Kont tal-Ħlas tiegħek mill-Fornitur tal-Ħlas tagħna, sa fejn dan ikun permess mil-liġi u soġġett għall-konformità tiegħek ma’ dawn ir-Regoli tal-Ħlas għall-Ħallieqa.

JEKK JOGĦĠBOK ŻOMM F'MOĦĦOK: JEKK (A) MA TKUNX WETTAQT ATTIVITÀ LI TIKKWALIFIKA GĦAL PERJODU TA' SENA JEW (B) MA TKUNX TLABT ĦLAS KIF SUPPOST SKONT IL-PARAGRAFU TA' QABEL GĦAL PERJODU TA' SENTEJN, ALLURA — FI TMIEM IŻ-ŻMIEN IMSEMMI — SE NIBAGĦTULEK IL-ĦLAS FIL-KONT TAL-ĦLAS TIEGĦEK SKONT L-ATTIVITÀ LI TIKKWALIFIKA LI NKUNU QISNIELEK SA TMIEM DAK IŻ-ŻMIEN, SAKEMM MA TKUNX KSIRT DAWN IR-REGOLI TAL-ĦLAS GĦALL-ĦALLIEQA. JEKK, FI TMIEM IL-PERJODU APPLIKABBLI, INTI MA TKUNX ISSODISFAJT EBDA REKWIŻIT STABBILIT F'DAWN IR-REGOLI TAL-ĦLAS GĦALL-ĦALLIEQA, INTI MA TKUNX ELIĠIBBLI BIEX TIRĊIEVI EBDA ĦLAS B'RABTA MA' TALI ATTIVITÀ LI TIKKWALIFIKA.

Il-ħlasijiet jistgħu jsirulek f’isem Snap, is-sussidjarja tagħha jew entitajiet affiljati magħha mill-Fornituri tal-Ħlas tagħna, li jistgħu jaġixxu bħala l-pagatur skont dawn ir-Regoli tal-Ħlas għall-Ħallieqa. Snap mhux se tinżamm responsabbli għal kwalunkwe dewmien, nuqqas jew inkapaċità li tittrasferixxi Ħlas fil-Kont tal-Ħlas tiegħek minħabba xi raġuni li ma tkunx taħt il-kontroll ta’ Snap, inkluż in-nuqqas tiegħek li tikkonforma ma’ dawn ir-Regoli tal-Ħlas għall-Ħallieqa. Snap mhix se tkun responsabbli jekk ħadd ieħor li ma jkunx inti jitlob Ħlas billi juża l-kont ta' Snapchat tiegħek jew jittrasferixxi l-Ħlas tiegħek billi juża l-informazzjoni tal-Kont tal-Ħlas tiegħek. Il-Ħlas se jsir b'dollari Amerikani, imma inti tista' tagħżel li tiġbed il-flus mill-Kont tal-Ħlas tiegħek bil-munita lokali tiegħek, sakemm tħallas it-tariffi tal-użu, tal-kambju u tat-tranżazzjoni, kif spjegat f'iktar dettal fil-Linji Gwida tal-Premji tal-Ħallieqa u skont ir-regoli tal-Fornituri tal-Ħlas tagħna. Snap ma tistax tinżamm responsabbli għall-flus mhux miġbuda mill-Kont tal-Ħlas tiegħek. M'għandek l-ebda jedd għall-Ħlas sakemm u sa meta jiġu mħallsa lilek skont dawn ir-Regoli tal-Ħlas għall-Ħallieqa.

Minbarra d-drittijiet u r-rimedji l-oħra tagħna, u sal-limitu permess mil-liġi, nistgħu — mingħajr ma nagħtu twissija jew avviż minn qabel — inżommu, naġġustaw jew neskludu kwalunkwe ħlas lilek skont dawn ir-Regoli tal-Ħlas għall-Ħallieqa minħabba suspett ta’ Attività Invalidu (kif definit hawn taħt) jew nuqqas ta’ konformità ma’ dawn ir-Regoli tal-Ħlas għall-Ħallieqa. Nistgħu navżaw lill-Fornitur tal-Ħlas tagħna biex jaġġusta xi Ħlas li tirċievi sabiex jitqiesu kwalunkwe ammonti li rċevejt b’mod inġust, li rċevejt bi żball, jew li tkun dovut lilna skont kwalunkwe ftehim ieħor.

Fil-Qosor: Għandna limitu minimu ta' ħlas ta' USD 100. Malli tilħaq il-limitu, tkun tista' titlob ħlas mingħandna. Jekk, wara ċertu perjodu ta’ żmien, ma tirnexxix tagħmel dan, aħna nippruvaw inħallsuk, dment li tkun qed tikkonforma ma’ dawn ir-Regoli tal-Ħlas tal-Ħallieqa. Jekk le, int ma tkunx eleġibbli biex tirċievi Ħlas għall-Attivita' ta' Kwalifikazzjoni applikabbli. Aħna m'aħniex responsabbli lejk għal xi kwistjonijiet ta’ ħlas li jinqalgħu barra l-kontroll tagħna jew xi fondi mhux mitluba fil-Kont tal-Ħlas tiegħek.  Aħna nistgħu nżommu l-Ħlas li jkun dovut lilek jekk tikser dawn ir-Regoli tal-Ħlas għall-Ħallieqa jew kwalunkwe ftehim ieħor magħna.

Inti taqbel u tirrikonoxxi li għandek responsabbiltà unika u responsabbiltà għal kull taxxa, dazju, jew tariffi relatati ma' kwalunkwe Ħlas li tista' tirċievi skont dawn ir-Regoli tal-Ħlas għall-Ħallieqa. Il-ħlas jinkludi kwalunkwe bejgħ applikabbli, użu, sisa, valur miżjud, oġġetti u servizzi jew taxxa simili pagabbli lilek. Jekk, skont il-liġi fis-seħħ, it-taxxi jkollhom jitnnaqsu jew jinżammu minn kwalunkwe Pagament li nibagħtulek, allura Snap, l-affiljata tagħha, jew il-Fornitur tal-Pagamenti tagħha jista' jnaqqas dawn it-taxxi mill-ammont dovut lilek u jħallas dawn it-taxxi lill-awtorità tat-taxxa xierqa kif meħtieġ mil-liġi applikabbli. Int taqbel u tirrikonoxxi li l-ħlas lilek, wara li jitnaqqsu l-ammonti dovuti għal tnaqqis jew żamma bħal dawn, jikkostitwixxi ħlas u saldu sħiħ tal-ammonti pagabbli lilek skont dawn ir-Regoli tal-Ħlas għall-Ħallieqa.
Bħala parti mit-twaqqif ta' Kont validu tal-Ħlas, inti se tipprovdi lil Snap, lill-entitajiet, imsieħba, u kwalunkwe Fornitur tal-Ħlas tagħha bi kwalunkwe formola jew dokument li jista' jkun meħtieġ biex jiġi ssodisfat kwalunkwe obbligu ta' rapportar ta' informazzjoni jew ta' żamma tat-taxxa skont dawn ir-Regoli tal-Ħlas għall-Ħallieqa.

Fi Ftit Kliem: Inti responsabbli għat-taxxi, għad-dazji jew għat-tariffi kollha marbuta mal-Ħlas tiegħek. Nistgħu nagħmlu t-tnaqqis meħtieġ mil-liġi applikabbli.
Inti ser tipprovdi kwalunkwe formola jew dokument meħtieġ għal dawn ir-raġunijiet.

Kif iddikjarat fir-Regoli tas-Servizz ta' Snap, is-Servizzi jista' jkun fihom reklami. B'rabta mal-parteċipazzjoni tiegħek fi kwalunkwe Programm, inti taqbel li qed tqabbad lilna, lill-affiljati tagħna u lill-imsieħba tagħna li huma partijiet terzi biex iqassmu reklamar — skont id-diskrezzjoni esklussiva tagħna — b'rabta mal-Kontenut Pubbliku li tippubblika. Inti taqbel li tiffaċilita d-distribuzzjoni ta’ dawn ir-reklami billi taċċetta u timxi ma’ dawn ir-Regoli tal-Ħlas għall-Ħallieqa u billi tkompli tipprovdi lil Snap aċċess għal kwalunkwe Kontenut Pubbliku li tissottometti bħala parti mill-Programm, soġġett għal dawn ir-Regoli tal-Ħlas għall-Ħallieqa. Aħna niddeterminaw, fid-diskrezzjoni unika tagħna, l-aspetti kollha tar-reklami mqassma fuq is-Servizzi, jekk ikun hemm, inklużi t-tip, il-format u l-frekwenza tar-reklami mqassma b’rabta ma’ kwalunkwe Kontenut Pubbliku li tissottometti bħala parti mill-Programm(i) applikabbli. Aħna nirriżervaw ukoll id-dritt, fid-diskrezzjoni tagħna u għal kwalunkwe raġuni, li ma nurux reklami fuq, fi, jew ħdejn kwalunkwe Kontenut Pubbliku li tippubblika. Jekk int tgħix barra mill-Istati Uniti, int (u kwalunkwe kollaboratur, kontributur, jew amministratur li jippostja mill-kont tiegħek) trid tkun fiżikament tinsab barra mill-Istati Uniti u fi ħdan Reġjun Eliġibbli meta twettaq kwalunkwe servizz u tiffaċilita d-distribuzzjoni ta' reklami b'rabta mal-Attività Li Tikkwalifika tiegħek.

Fil-qosor: Qed titlobna nqassmu reklamar fil-kontenut li tippubblika fuq Snapchat b'rabta ma' kwalunkwe Programm li tipparteċipa fih. Aħna niddeċiedu dwar ir-reklamar li jitqassam jew le fi kwalunkwe kontenut. Jekk tgħix barra l-Istati Uniti, il-post fiżiku tiegħek hu ta' importanza meta tkun qed twettaq l-Attività Li Tikkwalifika.

Biex kull dubju jiġi evitat, fir-rigward ta' kwalunkwe u kull ilment, tariffi, talbiet, danni, telf, spejjeż, obbligazzjonijiet, u nfiq (inkluż tariffi tal-avukati) ("Talbiet") relatati mal-kontenut li ttella' fuq Snapchat (kif stabbilit fir-Regoli tas-Servizz ta' Snap), inti taqbel, sa fejn permess mil-liġi, li tindennizza, tiddefendi u tirrinunzja mir-responsabbiltà lil Snap, l-imsieħba, id-diretturi, l-uffiċjali, l-azzjonisti, l-impjegati, il-liċenzjaturi u l-aġenti tagħna minn u kontra kwalunkwe u kull Talba, li tirriżulta minn, jew relatata b'xi mod ma' kwalunkwe Talba li inti ma tkunx ħallast kwalunkwe ammont li jkun jew li jsir pagabbli lil kwalunkwe unjoni, għaqda (inklużi, iżda mhux biss, royalties, residwi u tariffi tal-użu mill-ġdid), fornitur, mużiċist, kompożitur (inklużi, mingħajr limitazzjoni, tariffi tal-liċenzja tas-sinkronizzazzjoni), għaqda għall-prestazzjonijiet pubbliċi u organizzazzjoni għad-drittijiet relatati mal-prestazzjonijiet (e.ż. ASCAP, BMI, SACEM, u SESAC), attur, impjegat, kuntrattur indipendenti, fornitur ta' servizzi, u kwalunkwe detentur ta' drittijiet ieħor b'rabta mad-distribuzzjoni tal-kontenut li inti ttella' fuq is-Servizzi.

Fi Ftit Kliem: Int responsabbli biex tagħmel kwalunkwe pagament dovut lil oħrajn b'rabta mal-kontenut li tippostja.  Jekk tonqos milli tagħmel dan u dan jikkawżalna d-danni, inti jkollok tikkumpensana.

Meta niddeterminaw jekk attività tikkostitwixxix Attività Li Tikkwalifika jew l-ammont ta’ kwalunkwe Ħlas, nistgħu neskludu attività li żżid b’mod artifiċjali l-għadd ta’ viżti (jew metriċi oħra ta’ viżwalizzazzjoni jew interazzjonijiet) tal-kontenut li tippubblika (“Attività Invalida”). Attività invalida tiġi determinata minn Snap fid-diskrezzjoni assoluta tagħha, u tinkludi spam, klikks, mistoqsijiet, tweġibiet, likes, favoriti, segwiti, abbonamenti, impressjonijiet, jew kwalunkwe metrika oħra ta’ interazzjonijiet:

• maħluqa minn xi bniedem, sistema tal-klikks jew servizz ieħor bħalu, bot, programm awtomatiku jew tagħmir bħalu fosthom kull klikk, impressions jew għemil ieħor ġej mill-mowbajl tiegħek, mowbajls fil-kontroll tiegħek jew mowbajls b'kontijiet ġodda jew suspettużi; 

• miksuba bi ħlas bil-flus jew b'xi premjijiet oħra lil parti terzi, bil-qerq jew bħala tpartit tal-ftuħ tal-kontenut; 

• miksuba permezz ta’ attività li inkella tkun bi ksur ta’ dawn ir-Regoli tal-Ħlas għall-Ħallieqa; jew

• mħallta ma' xi wieħed mill-għemejjel imsemmija hawn fuq.

Fi ftit kliem: Mhux se nħallsuk jekk tkabbar il-kejl tal-ftuħ jew xi kejl ieħor tal-kontenut tiegħek b'mod artifiċjali.

Inti trid tibqa' konformi ma' dawn ir-Regoli tal-Ħlas għall-Ħallieqa biex tkun tista' tieħu sehem fil-Programm. Jekk ma tikkonformax ma’ dawn ir-Regoli tal-Ħlas għall-Ħallieqa, ma tibqax eliġibbli biex tirċievi ħlas b’rabta ma’ kwalunkwe Programm, u aħna nirriżervaw id-dritt li nissospendu jew inħassru b’mod permanenti l-aċċess tiegħek għas-Servizzi, minbarra li nieħdu kwalunkwe azzjoni oħra li nqisu xierqa. Sal-limitu permess mil-liġi, aħna nirriżervaw ukoll id-dritt li nżommu lura (u inti taqbel li ma tkunx eliġibbli biex tirċievi) kwalunkwe ħlas taħt dawn ir-Regoli tal-Ħlas għall-Ħallieqa f’każ ta’ nuqqas ta’ konformità. Jekk f’xi ħin ma taqbilx ma’ xi parti minn dawn ir-Regoli tal-Ħlas għall-Ħallieqa, trid tieqaf tuża s-Servizzi applikabbli immedjatament.

Aħna nirriżervaw id-dritt li nwaqqfu, nimmodifikaw, ma noffrux, jew nieqfu noffru jew nappoġġjaw kwalunkwe Programm jew kwalunkwe Servizz fi kwalunkwe ħin u għal kwalunkwe raġuni, fid-diskrezzjoni assoluta tagħna, mingħajr avviż minn qabel jew responsabbiltà lejk, sal-limitu massimu permess mil-liġijiet applikabbli. Aħna ma niggarantixxux li kwalunkwe wieħed minn fost dawk imsemmijin se jkun disponibbli f'kull ħin jew fi kwalunkwe żmien partikolari, jew li aħna se nkomplu noffru kwalunkwe wieħed minn fost dawk imsemmijin għal xi tul ta' żmien partikolari. M'għandekx toqgħod fuq id-disponibbiltà kontinwa ta' xi Programm jew ta' xi wieħed mis-Servizzi għal kwalunkwe raġuni.

Fil-qosor: Nistgħu nillimitaw jew intemmu l-parteċipazzjoni tiegħek fi kwalunkwe Programm, jew nimmodifikaw, nissospendu jew intemmu kwalunkwe Programm fi kwalunkwe ħin u għal kwalunkwe raġuni.

Inti u Snap (għall-fini ta’ din it-taqsima, il-“Partijiet”) taqblu li tikkonformaw, u tirrikjedi li kull min jaġixxi f’isem il-Partijiet, jikkonforma mal-liġijiet, regoli u regolamenti kollha applikabbli kontra l-korruzzjoni. Dik il-konformità ser tinkludi, fost affarijiet oħra, dawn li ġejjin: il-Partijiet u kull min jaġixxi f’isimhom mhux ser jagħtu, iwiegħdu li jagħtu, joffru, jiftiehmu li jagħtu, jew jawtorizzaw l-għoti dirett jew indirett, ta’ flus jew kwalunkwe ħaġa oħra ta’ valur lil xi ħadd biex joħolqu jew jippremjaw għemil favorevoli, tolleranza ta’ għemil, jew l-eżerċizzju ta’ influwenza. Minkejja kwalunkwe dispożizzjoni oħra ta' dawn ir-Regoli tal-Ħlas għall-Ħallieqa, il-parti li ma tkunx kisret ir-regoli tista' tinħall minn dawn ir-Regoli tal-Ħlas għall-Ħallieqa wara li tgħarraf lin-naħa l-oħra jekk din tkun kisret din id-dispożizzjoni.

Il-Partijiet jaqblu li l-prestazzjoni tagħhom taħt dawn ir-Regoli tal-Ħlas għall-Ħallieqa se jimxu mas-sanzjonijiet ekonomiċi kollha applikabbli, liġijiet dwar il-kontroll tal-esportazzjoni, u liġijiet kontra l-bojkott. Il-Partijiet jirrappreżentaw u jiggarantixxu li (1) l-ebda parti (jew kwalunkwe ġenitur, entità, jew imsieħba involuti fit-twettiq ta' dawn ir-Regoli tal-Ħlas għall-Ħallieqa) ma jkunu inklużi f'xi lista ta' partijiet ristretti miżmuma minn kwalunkwe awtorità governattiva relevanti, inklużi, bħala eżempju, il-U.S. Specially Designated Nationals List u l-Foreign Sanctions Evaders List amministrati mill-Istati Uniti. Uffiċju tal-Kontroll tal-Assi Barranin tad-Dipartiment tat-Teżorerija tal-Istati Uniti u d-Denied Parties List, l-Unverified List u l-Entity List miżmuma mill-Bureau tal-Industrija u s-Sigurtà ("Listi ta' Persuni Ristretti") tal-Istati Uniti u (2) tali parti mhix propjetà ta' jew fil-kontroll ta' xi ħadd li jinsab f'Lista ta' Persuni Ristretti. Fl-implimentazzjoni ta’ dawn ir-Regoli tal-Ħlas għall-Ħallieqa, il-parti kkonċernata mhux se tagħmel negozju ma’, jew tipprovdi oġġetti jew servizzi direttament jew indirettament lil, kwalunkwe persuna jew entità inkluża fil-Listi ta’ Partijiet Ristretti jew lil kwalunkwe pajjiż li miegħu l-kummerċ huwa pprojbit minn kwalunkwe sanzjoni applikabbli. Inti taqbel li Snap mhix se tkun meħtieġa taġixxi jew tastjeni milli tieħu azzjoni b'rabta ma' dawn ir-Regoli tal-Ħlas għall-Ħallieqa jekk tali għemil jew astensjoni tkun tikser il-liġijiet ta' kwalunkwe ġurisdizzjoni applikabbli.

Inti m'intix se tkun eliġibbli għall-Ħlas jekk inti (jew il-ġenitur/kustodju(i) legali tiegħek jew l-entità tan-negozju tiegħek, jekk applikabbli) ma tgħaddix mir-reviżjoni tal-konformità tagħna jew tal-Fornitur tal-Ħlas tagħna. Tali reviżjoni tista' tinkludi, iżda mhux limitata għal, verifika biex tiddetermina jekk tidher fuq xi Lista ta' Partijiet Ristretti miżmuma minn kwalunkwe awtorità governattiva relevanti. Barra minn kwalunkwe użu ieħor deskritt f'dawn ir-Regoli tal-Ħlas għall-Ħallieqa, l-informazzjoni li inti tipprovdi lilna tista' tinqasam ma' partijiet barranin sabiex nivverifikaw l-identità tiegħek, inwettqu r-reviżjoni tal-konformità tagħna, u nikkonkludu l-proċess ta' ħlas.  

Fil-Qosor: Kemm inti, kif ukoll Snap ser tikkonformaw mal-liġijiet applikabbli kontra l-korruzzjoni, sanzjonijiet ekonomiċi, liġijiet dwar il-kontroll tal-esportazzjoni, u liġijiet kontra l-bojkott, kif stabbilit hawn fuq. Sabiex tkun eliġibbli biex tirċievi ħlas, trid tgħaddi minn reviżjoni ta' konformità.

Jekk inti tagħti aċċess lil utenti oħra tas-Servizzi biex itellaw kontenut fuq il-kont tal-utent ta' Snapchat tiegħek jew joħolqu u jimmaniġġjaw sottokontijiet taħt il-kont tal-utent ta' Snapchat tiegħek, allura inti tagħraf u taqbel li l-livelli ta' aċċess għall-kont tiegħek li int tistabilixxi u tikkanċella huma r-responsabbiltà tiegħek biss. Inti responsabbli għall-kontenut u għall-attività kollha li sseħħ fil-kont tiegħek, inkluża kwalunkwe attività minn amministraturi, kollaboraturi, u kontributuri. Jista’ jkollna bżonn naġġornaw dawn ir-Regoli tal-Ħlas għall-Ħallieqa minn żmien għal żmien. Jekk dawk il-bidliet f’dawn ir-Regoli tal-Ħlas għall-Ħallieqa jkunu sostanzjali, aħna nagħtuk avviż minn qabel raġonevoli (sakemm il-bidliet ma jkunux meħtieġa qabel, pereżempju, bħala riżultat ta’ bidla fir-rekwiżiti legali jew meta nkunu qed iniedu Servizzi jew karatteristiċi ġodda). Jekk tkompli tipparteċipa fi kwalunkwe Programm wara li l-bidliet jidħlu fis-seħħ, aħna nqisu dan bħala l-aċċettazzjoni tiegħek. Jekk f'xi ħin ma taqbilx ma' xi bidliet f'dawn ir-Regoli tal-Ħlas għall-Ħallieqa, trid tieqaf tipparteċipa fil-Programm applikabbli billi tiddiżattiva l-issettjar rilevanti f'Il-Profil Tiegħi. Dawn ir-Regoli tal-Ħlas għall-Ħallieqa ma joħolqux u lanqas ma jagħtu xi drittijiet ta’ benefiċjarju lil partijiet terzi. Xejn f’dawn ir-Regoli tal-Ħlas għall-Ħallieqa mhu se jiġi interpretat li jimplika impriża komuni, aġent prinċipali, jew relazzjoni ta’ impjieg bejnek u bejn Snap u l-imsieħba ta’ Snap. Jekk ma ninfurzawx dispożizzjoni f’dawn ir-Regoli tal-Ħlas għall-Ħallieqa, dan mhux se jitqies bħala rinunzja. Aħna nirriżervaw id-drittijiet kollha mhux espressament mogħtija lilek. Dawn ir-Regoli tal-Ħlas għall-Ħallieqa nkitbu bl-Ingliż u jekk kwalunkwe verżjoni tradotta ta' dawn ir-Regoli tal-Ħlas għall-Ħallieqa tkun f'kunflitt mal-verżjoni bl-Ingliż, il-verżjoni bl-Ingliż se tieħu preċedenza. Jekk xi dispożizzjoni ta’ dawn ir-Regoli tal-Ħlas għall-Ħallieqa tinstab li ma tistax tiġi infurzata, dik id-dispożizzjoni titneħħa minn dawn ir-Regoli tal-Ħlas għall-Ħallieqa u ma taffettwax il-validità u l-infurzabbiltà tad-dispożizzjonijiet l-oħra kollha. It-Taqsimiet 6, 9 u 10 ta' dawn ir-Regoli tal-Ħlas għall-Ħallieqa, u kwalunkwe dispożizzjoni li min-natura tagħha stess tkun maħsuba biex tibqa' valida, jibqgħu validi wara l-iskadenza jew it-terminazzjoni ta' dawn ir-Regoli tal-Ħlas għall-Ħallieqa.

Fi Ftit Kliem: Inti responsabbli għall-attività kollha li sseħħ fil-kont tiegħek. Għandek tirrevedi dawn ir-Regoli tal-Ħlas għall-Ħallieqa għax jista' jkun li naġġornawhom. Dawn ir-Regoli tal-Ħlas għall-Ħallieqa ma joħolqux l-ebda tip ta' relazzjoni ta' impjieg bejnietna. Il-verżjoni bl-Ingliż ta' dawn ir-Regoli tal-Ħlas għall-Ħallieqa torbot u ċerti dispożizzjonijiet jibqgħu fis-seħħ, anki wara li jiskadu r-Regoli tal-Ħlas għall-Ħallieqa jew jiġu tterminati.

Jekk ikollok xi mistoqsijiet dwar dawn ir-Regoli tal-Ħlas għall-Ħallieqa, ikkuntattjana.