ಸ್ವಾಗತ! ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳಲ್ಲಿ ನೀವು ಆಸಕ್ತರಾಗಿದ್ದೀರಿ ಎನ್ನುವುದಕ್ಕೆ ನಾವು ಉತ್ಸುಕರಾಗಿದ್ದೇವೆ, ಇದು ಅರ್ಹ ಕ್ರಿಯೇಟರ್‌ಗಳು ತಮ್ಮ ಪ್ರೇಕ್ಷಕರಿಗೆ ("ಕಾರ್ಯಕ್ರಮ") ಚಂದಾದಾರಿಕೆಯಿಂದ ಮಾತ್ರ ಪ್ರವೇಶವಿರುವ ಶ್ರೇಣಿಯನ್ನು ಒದಗಿಸಲು ಅವಕಾಶ ನೀಡುತ್ತದೆ. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ ನಿಯಮಗಳು ("ನಿಯಮಗಳು") ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳಲ್ಲಿ ನಿಮ್ಮ ಭಾಗವಹಿಸುವಿಕೆಯನ್ನು ನಿಯಂತ್ರಿಸುತ್ತವೆ ಮತ್ತು ನಿಮ್ಮ ಮತ್ತು Snap ("Snap," "ನಾವು," ಅಥವಾ "ನಮಗೆ")ಮಧ್ಯ ಕಾನೂನು ಬಾಧ್ಯತೆಯ ಕರಾರನ್ನು ರೂಪಿಸುತ್ತವೆ. ದಯವಿಟ್ಟು ಅವುಗಳನ್ನು ಎಚ್ಚರಿಕೆಯಿಂದ ಓದಿ.

ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳ ನಿಯಮಗಳನ್ನು ಸ್ವೀಕರಿಸುವ ಮತ್ತು ಅನುಸರಣೆ ಮಾಡುವ ಬಳಕೆದಾರರು ಮಾತ್ರ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಅರ್ಹರಾಗಿರುತ್ತಾರೆ.

ಈ ನಿಯಮಗಳು ಉಲ್ಲೇಖದ ಮೂಲಕ Snap ಕ್ರಿಯೇಟರ್ ಪಾವತಿ ನಿಯಮಗಳು ಮತ್ತು Snap ಸೇವಾ ನಿಯಮಗಳು, ಹಾಗೂ ಯಾವುದೇ ಇತರ ಅನ್ವಯಿಸುವ ಮಾರ್ಗಸೂಚಿಗಳು ಮತ್ತು ನೀತಿಗಳನ್ನು ಒಳಗೊಳ್ಳುತ್ತವೆ. ಈ ನಿಯಮಗಳಿಗೆ ಇತರ ನಿಯಮಗಳೊಂದಿಗೆ ಸಂಘರ್ಷವಾದರೆ, ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳ ನಿಮ್ಮ ಬಳಕೆಗೆ ಸಂಬಂಧಿಸಿ ಈ ನಿಯಮಗಳು ನಿಯಂತ್ರಿಸುತ್ತವೆ.

ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳ ನಿಯಮಗಳಲ್ಲಿ ನಾವು ಸಾರಾಂಶಗಳನ್ನು ಒದಗಿಸಿದ್ದಲ್ಲಿ, ನಿಮ್ಮ ಅನುಕೂಲಕ್ಕಾಗಿ ಮಾತ್ರ ನಾವು ಹಾಗೆ ಮಾಡಿದ್ದೇವೆ. ನಿಮ್ಮ ಕಾನೂನು ಹಕ್ಕುಗಳು ಮತ್ತು ಬಾಧ್ಯತೆಗಳನ್ನು ಅರ್ಥಮಾಡಿಕೊಳ್ಳಲು ನೀವು ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳ ನಿಯಮಗಳನ್ನು ಪೂರ್ಣವಾಗಿ ಓದಬೇಕು.

ಪ್ರೊಗ್ರಾಂ ಕೇವಲ ಆಹ್ವಾನದ ಮೂಲಕ ಮಾತ್ರ ತೆರೆದಿದೆ. ಪಾವತಿಗಾಗಿ ಕನಿಷ್ಠ ಅರ್ಹತೆಯು ಕ್ರಿಯೇಟರ್ ಪಾವತಿ ನಿಯಮಗಳಲ್ಲಿ ತಿಳಿಸಲಾಗಿರುವಂತೆ ಇರುತ್ತದೆ. ನೀವು ಕನಿಷ್ಠ ಅರ್ಹತಾ ಅಗತ್ಯಗಳನ್ನು ಪೂರೈಸಿದರೆ ಹಾಗೂ ಕಾರ್ಯಕ್ರಮಕ್ಕೆ ಆಹ್ವಾನಿಸಲ್ಪಟ್ಟರೆ, ಆಗ ಅರ್ಹತೆ ಪಡೆಯುವ ಚಟುವಟಿಕೆಯನ್ನು ನಿರ್ವಹಿಸುವುದಕ್ಕಾಗಿ ನಿಮಗೆ ಪಾವತಿಸುವ ಮೂಲಕ Snap ನಿಮಗೆ ಬಹುಮಾನ ನೀಡಬಹುದು, ಏಕೆಂದರೆ ಆ ನಿಯಮವನ್ನು ಕ್ರಿಯೇಟರ್ ಪಾವತಿ ನಿಯಮಗಳಲ್ಲಿ ವ್ಯಾಖ್ಯಾನಿಸಲಾಗಿದೆ. ಅಂತಹ ಯಾವುದೇ ಪಾವತಿಯನ್ನು ("ಪಾವತಿ") ಕಾರ್ಯಕ್ರಮಕ್ಕೆ ಸಂಬಂಧಿಸಿದ ಒಟ್ಟು ಆದಾಯದಿಂದ (ಕೆಳಗೆ ವ್ಯಾಖ್ಯಾನಿಸಲಾಗಿದೆ) ಸ್ವೀಕರಿಸುವ ಗಳಿಕೆಗಳ ಒಂದು ಭಾಗದಿಂದ ಹಣಕಾಸು ಒದಗಿಸಬಹುದು.

ಅರ್ಹತೆ ಪಡೆಯುವ ಚಟುವಟಿಕೆಗಳಲ್ಲಿ ಇವು ಸೇರಿರಬಹುದು:

• ಕ್ರಿಯೇಟರ್‌ ಸಬ್‌ಸ್ಕ್ರಿಪ್ಶನ್ ಒದಗಿಸುವುದು ಮತ್ತು ಕಾರ್ಯಕ್ರಮದ ಮೂಲಕ ಸಾರ್ವಜನಿಕ ವಿಷಯವನ್ನು ಪೋಸ್ಟ್ ಮಾಡುವುದು; ಅಥವಾ

• ನಾವು ಅಗತ್ಯಪಡಿಸಬಹುದಾದ ಯಾವುದೇ ಹೆಚ್ಚುವರಿ ನಿಯಮಗಳನ್ನು ನೀವು ಸ್ವೀಕರಿಸುವುದಕ್ಕೆ ಒಳಪಟ್ಟು (ಅವುಗಳನ್ನು ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳಲ್ಲಿ ಅಳವಡಿಸಲಾಗುತ್ತದೆ), ನಾವು ಅರ್ಹತೆ ಪಡೆಯುವ ಚಟುವಟಿಕೆ ಎಂದು ನಿಯೋಜಿಸುವ ಯಾವುದೇ ಇತರ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವುದು.

ಅರ್ಹತೆ ಪಡೆಯುವ ಚಟುವಟಿಕೆಯನ್ನು Snap ಸ್ವಂತ ವಿವೇಚನೆ ಮೇರೆಗೆ ನಿರ್ಧರಿಸುತ್ತದೆ. Snap ಸೇವಾ ನಿಯಮಗಳು ಎಂಬಲ್ಲಿ ವ್ಯಾಖ್ಯಾನಿಸಲಾಗಿರುವಂತೆ, ಈ ಕಾರ್ಯಕ್ರಮವು Snap ನ "ಸೇವೆಗಳ" ಭಾಗವಾಗಿದೆ. ಕ್ರಿಯೇಟರ್ ಪಾವತಿ ನಿಯಮಗಳನ್ನು ಅಥವಾ ಈ ಕ್ರಿಯೇಟರ್ ಚಂದಾದಾರಿಕೆ ನಿಯಮಗಳನ್ನು ಉಲ್ಲಂಘಿಸುವ ಯಾವುದೇ ಬಳಕೆದಾರರು, ಖಾತೆ ಅಥವಾ ವಿಷಯವು ಕಾರ್ಯಕ್ರಮದಲ್ಲಿ ಭಾಗವಹಿಸುವುದಕ್ಕೆ ಅಥವಾ ಹಣಗಳಿಕೆಗೆ ಅರ್ಹರಾಗಿರುವುದಿಲ್ಲ.

ಸಾರಾಂಶದಲ್ಲಿ: ಚಂದಾದಾರರಿಗಾಗಿ-ಮಾತ್ರ ಮೀಸಲಾದ ವಿಷಯವನ್ನು ಪೋಸ್ಟ್ ಮಾಡುವಂತಹ ಕೆಲವು ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿದ್ದಕ್ಕಾಗಿ ನಿಮಗೆ ಪಾವತಿಸುವ ಮೂಲಕ ನಾವು ನಿಮಗೆ ಬಹುಮಾನ ನೀಡಬಹುದು.

ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳಲ್ಲಿ ಭಾಗವಹಿಸಲು ಅರ್ಹತೆಯನ್ನು ನಿರ್ವಹಿಸಲು, ನೀವು ಹೀಗೆ ಮಾಡಬೇಕು:

• ನಿಮ್ಮ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ಪ್ರಸ್ತಾಪದ ಚಂದಾದಾರರಿಗೆ ನಿಖರವಾದ ವಿವರಣೆಳನ್ನು ಮತ್ತು ನಿಮ್ಮ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗೆ ಸಂಬಂಧಿಸಿದ ಯಾವುದೇ ವಾಸ್ತವಿಕ ಮಾಹಿತಿಯನ್ನು ಒದಗಿಸಿ ಮತ್ತು ಚಂದಾದಾರರಿಗೆ ನೀಡುವ ಯಾವುದೇ ಭರವಸೆ ಅಥವಾ ಖರೀದಿಸಿದ ಪ್ರಯೋಜನಗಳನ್ನು ತಲುಪಿಸಿ.

• ಕಾರ್ಯಕ್ರಮದ ಮೂಲಕ ನೀವು ಹಂಚಿಕೊಳ್ಳುವ ಎಲ್ಲ ವಿಷಯವನ್ನು Snap ಸೇವೆಯ ನಿಯಮಗಳ ಅಡಿಯಲ್ಲಿ ಸಾರ್ವಜನಿಕ ವಿಷಯ ಎಂದು ಪರಿಗಣಿಸಲಾಗುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು ಮತ್ತು ಅದಕ್ಕೆ ಅನುಸಾರವಾಗಿ, ಅದು Snap ನ ಕಮ್ಯುನಿಟಿ ಮಾರ್ಗಸೂಚಿಗಳ ಅನುಸರಣೆ ಹೊಂದಿದೆ ಎಂದು ಖಚಿತಪಡಿಸಿಕೊಳ್ಳಬೇಕು.

• ನಿಮ್ಮ ಕ್ರಿಯೇಟರ್‌ ಚಂದಾದಾರಿಕೆಯ ವಿಷಯದಲ್ಲಿ ನೀವು ಬಳಸುವ ಎಲ್ಲಾ ಸಂಗೀತ ಮತ್ತು ಸಾಹಿತ್ಯವನ್ನು ನೀವೇ ಸ್ವತಃ ಸಂಯೋಜಿಸಿ, ರಚಿಸಿ, ಪ್ರಸ್ತುತಪಡಿಸಿ ಮತ್ತು ಧ್ವನಿಮುದ್ರಿಸಿಕೊಂಡಿದ್ದು ಸಂಪೂರ್ಣ ಹಕ್ಕುಗಳನ್ನು ಹೊಂದಿರಬೇಕು. ಇಲ್ಲವೇ, ಯಾವುದೇ ದಾಖಲೆ ಸಂಸ್ಥೆಗಳು, ಸಂಗೀತ ಪ್ರಕಾಶಕರು ಮತ್ತು ಇತರ ಹಕ್ಕುದಾರರಿಂದ ಜಾಗತಿಕವಾಗಿ ನಿಮ್ಮ ಕ್ರಿಯೇಟರ್‌ ಚಂದಾದಾರಿಕೆಯ ವಿಷಯದಲ್ಲಿ ಆ ಸಂಗೀತವನ್ನು ವಿತರಿಸಲು, ಸಿಂಕ್ರೊನೈಸ್ ಮಾಡಲು, ನಕಲಿಸಲು, ಪ್ರದರ್ಶಿಸಲು, ಸಾರ್ವಜನಿಕವಾಗಿ ಪ್ರಸ್ತುತಪಡಿಸಲು ಮತ್ತು ಇತರ ರೀತಿಯಲ್ಲಿ ಬಳಸಲು ಅಗತ್ಯವಿರುವ ಎಲ್ಲಾ ಹಕ್ಕುಗಳನ್ನು ಅಥವಾ ಸೂಕ್ತ ಪರವಾನಗಿಗಳನ್ನು ಪ್ರತ್ಯೇಕವಾಗಿ ಪಡೆದುಕೊಂಡಿರಬೇಕು. ಇಲ್ಲದಿದ್ದಲ್ಲಿ, ನೀವು ಯಾವುದೇ ಸಂಗೀತವನ್ನು ನಿಮ್ಮ ಕ್ರಿಯೇಟರ್‌ ಚಂದಾದಾರಿಕೆಯ ವಿಷಯದಲ್ಲಿ ಬಳಸುವಂತಿಲ್ಲ ಅಥವಾ ಸೇರಿಸುವಂತಿಲ್ಲ. ಕಾರ್ಯಕ್ರಮಕ್ಕೆ ಸಂಬಂಧಿಸಿದ ಸಂಗೀತದ ಯಾವುದೇ ಅನಧಿಕೃತ ಬಳಕೆಯು, ಇತರ ವಿಷಯಗಳ ಜೊತೆಗೆ, ಕಾರ್ಯಕ್ರಮದಲ್ಲಿ ಭಾಗವಹಿಸುವ ನಿಮ್ಮ ಸಾಮರ್ಥ್ಯದ ಅಮಾನತಿಗೆ ಅಥವಾ ಸಮಾಪ್ತಿಗೊಳಿಸುವಕೆಗೆ ಕಾರಣವಾಗಬಹುದು.

• ನಿಮ್ಮ ಚಂದಾದಾರರ ಜೊತೆಗೆ ನೀವು ಹೇಗೆ ಸಂವಹನ ನಡೆಸುತ್ತೀರಿ ಎಂಬ ಕುರಿತು ಜವಾಬ್ದಾರರಾಗಿರಿ. ನಾವು ನಿಮ್ಮ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ವಿಷಯವನ್ನು ನಿರ್ವಹಿಸಬಹುದು ಮತ್ತು ಕಾರ್ಯಕ್ರಮವನ್ನು ಒದಗಿಸುವ ಮೂಲಕ ಸಂವಹನಗಳಿಗೆ ಅನುಕೂಲ ಕಲ್ಪಿಸಬಹುದು, ಆದರೆ ಚಂದಾದಾರರ ಸಂವಹನಗಳಿಗೆ ನಾವು ಜವಾಬ್ದಾರರಲ್ಲ.

ಸಾರಾಂಶದಲ್ಲಿ: ನಿಮ್ಮ ಚಂದಾದಾರಿಕೆ ಕೊಡುಗೆಗಳನ್ನು ಸಂಭಾವ್ಯ ಚಂದಾದಾರರಿಗೆ ನಿಖರವಾಗಿ ಜಾಹೀರಾತು ನೀಡಲಾಗಿದೆ ಮತ್ತು ನಿಮ್ಮ ಎಲ್ಲ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ವಿಷಯ Snap ಸೇವೆಯ ನಿಯಮಗಳಲ್ಲಿ ಹೇಳಲಾಗಿರುವ ಯಾವುದೇ ಬೌದ್ಧಿಕ ಸ್ವತ್ತು ಕಾನೂನುಗಳು ಮತ್ತು Snap ಮಾರ್ಗಸೂಚಿಗಳು ಸೇರಿದಂತೆ ಎಲ್ಲ ಅನ್ವಯಿಸುವ ಕಾನೂನುಗಳು ಮತ್ತು ನಿಬಂಧನೆಗಳ ಅನುಸರಣೆ ಹೊಂದುತ್ತದೆ ಎನ್ನುವುದನ್ನು ಖಚಿತಪಡಿಸಿಕೊಳ್ಳಲು ನೀವು ಜವಾಬ್ದಾರರಾಗಿರುತ್ತೀರಿ.

Snap ಒದಗಿಸಿದ ವ್ಯಾಪ್ತಿಗಳ ಒಳಗೆ ನಿಮ್ಮ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗೆ ಅನ್ವಯಿಸುವ ಬೆಲೆ ನಿಗದಿಯನ್ನು ನೀವು ನಿರ್ಧರಿಸಬಹುದು. ಯಾವುದೇ ಸಮಯದಲ್ಲಿ Snap ಕನಿಷ್ಠ, ಗರಿಷ್ಠ ಬೆಲೆ ಮತ್ತು ಲಭ್ಯವಿರುವ ಶ್ರೇಣಿಗಳನ್ನು ನಿಗದಿಪಡಿಸಬಹುದು ಅಥವಾ ಸರಿಹೊಂದಿಸಬಹುದು. ಚಂದಾದಾರಿಕೆ ಪಾವತಿಗಳನ್ನು ಆ್ಯಪ್-ಸ್ಟೋರ್ ಪೂರೈಕೆದಾರರು ಅಥವಾ ಇನ್ನೊಂದು ತೃತೀಯ-ಪಕ್ಷದ ಖರೀದಿ ವೇದಿಕೆಯಿಂದ ("ಖರೀದಿ ಪೂರೈಕೆದಾರರು") ಪ್ರಕ್ರಿಯೆಗೊಳಿಸಲಾಗುತ್ತದೆ, ಹಾಗೂ ಅವುಗಳಲ್ಲಿ ಪ್ರತಿಯೊಂದೂ ವೇದಿಕೆ ಶುಲ್ಕವನ್ನು ಉಳಿಸಿಕೊಳ್ಳಬಹುದು. 

ಪ್ರತಿ ತಿಂಗಳು, ನಿಮ್ಮ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗೆ ಪ್ರವೇಶಿಸಲು ಚಂದಾದಾರರು ಪಾವತಿಸಿದ ಮೊತ್ತದ ಒಟ್ಟು ಆದಾಯದ (ಕೆಳಗೆ ವ್ಯಾಖ್ಯಾನಿಸಲಾಗಿದೆ) ಒಂದು ಭಾಗವನ್ನು ನಾವು ನಿಮಗೆ ಪಾವತಿಸುತ್ತೇವೆ. "ಒಟ್ಟು ಆದಾಯ" ಎಂದರೆ ನಿಮ್ಮ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳ ಚಂದಾದಾರರಿಂದ Snap ಸ್ವೀಕರಿಸುವ ನೈಜ ಮೊತ್ತಗಳಿಂದ ಆದಾಯ ಪಾಲು ಕಡಿತಗಳನ್ನು ಕಳೆದ ನಂತರ ಉಳಿಯುವ ಮೊತ್ತ (ಕೆಳಗೆ ವಿವರಿಸಲಾಗಿದೆ). "ಆದಾಯ ಪಾಲು ಕಡಿತಗಳು" ಎಂದರೆ (a) ಸಂಗ್ರಹಿಸಬೇಕಾದ, ತಡೆಹಿಡಿಯಬೇಕಾದ ಅಥವಾ ಅಂತಹ ಮೊತ್ತಗಳಿಗೆ ಸಂಬಂಧಿಸಿ ಪಾವತಿಸಬೇಕಾದ ತೆರಿಗೆಗಳು, ಯಾವುದಾದರೂ ಇದ್ದರೆ (Snap ನ ನಿವ್ವಳ ಆದಾಯದ ಮೇಲಿನ ತೆರಿಗೆಗಳನ್ನು ಹೊರತುಪಡಿಸಿ), (b) ವೇದಿಕೆ ಶುಲ್ಕಗಳು ಮತ್ತು (c) ಚಂದಾದಾರರಿಗೆ ಯಾವುದೇ ಮತ್ತು ಎಲ್ಲ ಮರುಪಾವತಿಗಳು. 

ನಿಮ್ಮ ಒಟ್ಟು ಆದಾಯದ ("ಶುಲ್ಕ") ಶೇಕಡಾವಾರು ಪ್ರಮಾಣವನ್ನು Snap ಉಳಿಸಿಕೊಳ್ಳುತ್ತದೆ ಎಂಬುದಕ್ಕೆ ನೀವು ಒಪ್ಪುತ್ತೀರಿ, ಅದನ್ನು ಯಾವುದೇ ಮುಂದಿನ ಸೂಚನೆ ಮತ್ತು/ಅಥವಾ ಅನುಮೋದನೆಗಳಿಲ್ಲದೆ ನಮಗೆ ಸಂಗ್ರಹಿಸಿ ಪಾವತಿಸುವಂತೆ ನಾವು ಖರೀದಿ ಪೂರೈಕೆದಾರರಿಗೆ ಸೂಚನೆ ನೀಡಬಹುದು. ಶುಲ್ಕದ ಮೊತ್ತವನ್ನು Snap ತನ್ನ ಸ್ವಂತ ವಿವೇಚನೆ ಮೇರೆಗೆ ನಿರ್ಧರಿಸುತ್ತದೆ. Snapchat ಅಪ್ಲಿಕೇಶನ್‌ನಲ್ಲಿ ತೋರಿಸಲಾಗಿರುವ ಯಾವುದೇ ಪಾವತಿ ಮೊತ್ತಗಳು ಅಂದಾಜುಗಳಾಗಿವೆ, ನಿಮ್ಮ ಅನುಕೂಲಕ್ಕಾಗಿ ಮಾತ್ರ ತೋರಿಸಲಾಗುತ್ತದೆ ಮತ್ತು ಬದಲಾವಣೆಗೆ ಒಳಪಡಬಹುದು. ನೀವು Snap ಗೆ ಯಾವುದೇ ಮೊತ್ತಗಳನ್ನು ನೀಡಬೇಕಾಗಿದ್ದರೆ, ಪಾವತಿ ಪೂರೈಕೆದಾರರು ಮರುಪಾವತಿಗಳು, ಪಾವತಿ ವಾಪಸಾತಿಗಳು, ವಂಚನೆ ಮತ್ತು/ಅಥವಾ ನೀವು Snap ಗೆ ನೀಡಬೇಕಾಗಬಹುದಾದ ಇತರ ಯಾವುದೇ ಮೊತ್ತಗಳನ್ನು ಲೆಕ್ಕ ಮಾಡಿ ಕಡಿತಗೊಳಿಸುವ ಅಥವಾ ತಡೆಹಿಡಿಯುವ ಅಗತ್ಯವಿರಬಹುದು (ನೀವು ಸ್ವೀಕರಿಸಬಹುದಾದ ಯಾವುದೇ ಪಾವತಿಗಳ ಷರತ್ತಾಗಿ). ನೀವು ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳೊಂದಿಗೆ ಅನುಸರಣೆ ಹೊಂದಿಲ್ಲದಿದ್ದರೆ ಮತ್ತು ಮಾನ್ಯವಾದ ಪಾವತಿ ಖಾತೆಯನ್ನು ಯಶಸ್ವಿಯಾಗಿ ಸ್ಥಾಪಿಸಿಲ್ಲದಿದ್ದರೆ ಅಂತಹ ಯಾವುದೇ ಅಂದಾಜುಗಳಿಗಾಗಿ ಪಾವತಿಯನ್ನು ಸ್ವೀಕರಿಸಲು ನೀವು ಅರ್ಹರಾಗಿರುವುದಿಲ್ಲ. ಯಾವುದೇ ಪಾವತಿಗಳ ಅಂತಿಮ ಮೊತ್ತಗಳು ನಮ್ಮ ಪಾವತಿ ಪೂರೈಕೆದಾರರ ಜೊತೆಗೆ ನೀವು ಸ್ಥಾಪಿಸುವ ನಿಮ್ಮ ಪಾವತಿ ಖಾತೆಯಲ್ಲಿ ಬಿಂಬಿಸಲ್ಪಡುತ್ತವೆ. ಸ್ಪಷ್ಟತೆಗಾಗಿ, ಅಂದಾಜು ಪಾವತಿ ಮೊತ್ತಗಳು ಅಥವಾ Snapchat ಅಪ್ಲಿಕೇಶನ್‌ನಲ್ಲಿ ತೋರಿಸಲಾಗಿರುವ ಮೊತ್ತಗಳು ಯಾವುದೇ ಹಕ್ಕುಗಳನ್ನು ನೀಡುವ ಅಥವಾ ಸೂಚಿಸುವ ಉದ್ದೇಶವನ್ನು ಹೊಂದಿಲ್ಲ ಅಥವಾ ಯಾವುದೇ ಬಾಧ್ಯತೆಗಳನ್ನು ಪ್ರತಿನಿಧಿಸುವುದಿಲ್ಲ, ಸ್ವತ್ತು ಅಥವಾ ಸ್ವತ್ತಿಗೆ ಹಕ್ಕುಗಳನ್ನು ರೂಪಿಸುವುದಿಲ್ಲ, ಅವುಗಳನ್ನು ವರ್ಗಾಯಿಸಲಾಗದು ಅಥವಾ ನಿಯೋಜಿಸಲಾಗದು ಮತ್ತು ಮಾರಾಟ, ವಸ್ತುವಿನಿಮಯ ಅಥವಾ ವಿನಿಮಯಕ್ಕೆ ಒಳಪಡಿಸುವಂತಿಲ್ಲ.

ಸಾರಾಂಶದಲ್ಲಿ: ನಾವು $100 USD ಯ ಕನಿಷ್ಠ ಪಾವತಿ ಮೇಲ್ಮಿತಿಯನ್ನು ಹೊಂದಿದ್ದೇವೆ. ಒಮ್ಮೆ ನೀವು ಮೇಲ್ಮಿತಿಯನ್ನು ಪೂರೈಸಿದ ಬಳಿಕ, ನೀವು ನಮ್ಮಿಂದ ಪಾವತಿಯನ್ನು ವಿನಂತಿಸಬಹುದು. ಒಂದು ವೇಳೆ, ಸ್ವಲ್ಪ ಸಮಯದ ನಂತರ, ನೀವು ಹಾಗೆ ಮಾಡಲು ವಿಫಲರಾದರೆ, ಆಗ ನೀವು ಈ ಕ್ರಿಯೇಟರ್ ಚಂದಾದಾರಿಕೆ ನಿಯಮಗಳ ಅನುಪಾಲನೆಯಲ್ಲಿದ್ದಲ್ಲಿ, ನಾವು ನಿಮಗೆ ಪಾವತಿಯನ್ನು ವಿತರಿಸಲು ಪ್ರಯತ್ನಿಸುತ್ತೇವೆ. ಒಂದು ವೇಳೆ ನೀವು ಇಲ್ಲದಿದ್ದರೆ, ಯಾವುದೇ ಅನ್ವಯಿಸುವ ಅರ್ಹತೆ ಪಡೆಯುವ ಚಟುವಟಿಕೆಗಾಗಿ ಪಾವತಿಯನ್ನು ಸ್ವೀಕರಿಸಲು ನೀವು ಅರ್ಹರಾಗಿರುವುದಿಲ್ಲ.  ನಮ್ಮ ನಿಯಂತ್ರಣದ ಹೊರಗೆ ಉದ್ಭವಿಸುವ ಯಾವುದೇ ಪಾವತಿ ಸಮಸ್ಯೆಗಳು ಅಥವಾ ನಿಮ್ಮ ಪಾವತಿ ಖಾತೆಯಲ್ಲಿ ಯಾವುದೇ ಕ್ಲೇಮ್ ಮಾಡದೆ ಇರುವ ಫಂಡ್‌ಗಳಿಗೆ ನಾವು ಜವಾಬ್ದಾರರಲ್ಲ.  ನೀವು ಈ ಕ್ರಿಯೇಟರ್ ಚಂದಾದಾರಿಕೆ ನಿಯಮಗಳನ್ನು ಅಥವಾ ನಮ್ಮೊಂದಿಗಿನ ಯಾವುದೇ ಇತರ ಕರಾರನ್ನು ಉಲ್ಲಂಘಿಸುವುದೂ ಒಳಗೊಂಡಂತೆ, ಕೆಲವು ಕಾರಣಗಳಿಗಾಗಿ ನಾವು ನಿಮಗೆ ಪಾವತಿಯನ್ನು ತಡೆಹಿಡಿಯಬಹುದು ಅಥವಾ ಹೊಂದಾಣಿಕೆ ಮಾಡಬಹುದು.

ಕಾಲಕಾಲಕ್ಕೆ ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳನ್ನು ನಾವು ನವೀಕರಿಸಬೇಕಾಗಬಹುದು. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳಿಗೆ ಆ ಬದಲಾವಣೆಗಳು ಗಮನಾರ್ಹವಾಗಿದ್ದರೆ, ನಾವು ನಿಮಗೆ ಸಮಂಜಸವಾದ ಮುಂಚಿತ ಸೂಚನೆಯನ್ನು ಒದಗಿಸುತ್ತೇವೆ (ಶೀಘ್ರದಲ್ಲಿ ಬದಲಾವಣೆಗಳ ಅಗತ್ಯವಿಲ್ಲದಿದ್ದರೆ, ಉದಾಹರಣೆಗೆ, ಕಾನೂನು ಅಗತ್ಯಗಳಲ್ಲಿನ ಬದಲಾವಣೆಯ ಪರಿಣಾಮವಾಗಿ ಅಥವಾ ನಾವು ಹೊಸ ಸೇವೆಗಳು ಅಥವಾ ವೈಶಿಷ್ಟ್ಯಗಳನ್ನು ಪ್ರಾರಂಭಿಸುತ್ತಿರುವಲ್ಲಿ). ಬದಲಾವಣೆಗಳು ಜಾರಿಗೆ ಬಂದ ಬಳಿಕ ನೀವು ಪ್ರೊಗ್ರಾಂನಲ್ಲಿ ಭಾಗವಹಿಸುವುದನ್ನು ಮುಂದುವರಿಸಿದರೆ, ಅದನ್ನು ನಿಮ್ಮ ಸ್ವೀಕೃತಿ ಎಂದು ನಾವು ಪರಿಗಣಿಸುತ್ತೇವೆ. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳ ಯಾವುದೇ ಬದಲಾವಣೆಗಳಿಗೆ ನೀವು ಯಾವುದೇ ಸಮಯದಲ್ಲಿ ಒಪ್ಪದಿದ್ದರೆ, ನಿಮ್ಮ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಷ್ಕ್ರಿಯಗೊಳಿಸಲು ಇಲ್ಲಿ ನಮ್ಮನ್ನು ಸಂಪರ್ಕಿಸುವ ಮೂಲಕ ನೀವು ಕಾರ್ಯಕ್ರಮದಲ್ಲಿ ಭಾಗವಹಿಸುವುದನ್ನು ನಿಲ್ಲಿಸಬೇಕು. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳು ಯಾವುದೇ ತೃತೀಯ-ಪಕ್ಷದ ಫಲಾನುಭವಿ ಹಕ್ಕುಗಳನ್ನು ರಚಿಸುವುದಿಲ್ಲ ಅಥವಾ ನೀಡುವುದಿಲ್ಲ. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳಲ್ಲಿನ ಯಾವುವೂ ನಿಮ್ಮ ಮತ್ತು Snap ಅಥವಾ Snap ನ ಅಂಗಸಂಸ್ಥೆಗಳ ನಡುವೆ ಜಂಟಿ ಉದ್ಯಮ, ಮುಖ್ಯಸ್ಥ-ಪ್ರತಿನಿಧಿ ಅಥವಾ ಉದ್ಯೋಗದ ಸಂಬಂಧವನ್ನು ಸೂಚಿಸುವಂತೆ ಅರ್ಥೈಸಲಾಗುವುದಿಲ್ಲ. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳಲ್ಲಿ ನಾವು ಒಂದು ನಿಬಂಧನೆಯನ್ನು ಜಾರಿಗೊಳಿಸದಿದ್ದರೆ, ಅದನ್ನು ಮನ್ನಾ ಎಂದು ಪರಿಗಣಿಸಲಾಗುವುದಿಲ್ಲ. ನಿಮಗೆ ನಾವು ವ್ಯಕ್ತವಾಗಿ ನೀಡದ ಎಲ್ಲಾ ಹಕ್ಕುಗಳನ್ನು ಕಾಯ್ದಿರಿಸಿದ್ದೇವೆ. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳನ್ನು ಆಂಗ್ಲ ಭಾಷೆಯಲ್ಲಿ ಬರೆಯಲಾಗಿದೆ ಮತ್ತು ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳ ಯಾವುದೇ ಅನುವಾದಿತ ಆವೃತ್ತಿಯು ಆಂಗ್ಲ ಭಾಷೆಯ ಆವೃತ್ತಿಯೊಂದಿಗೆ ಸಂಘರ್ಷವಾದರೆ, ಆಂಗ್ಲ ಭಾಷೆಯ ಆವೃತ್ತಿಯೇ ನಿಯಂತ್ರಿಸುತ್ತದೆ. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳ ಯಾವುದೇ ನಿಬಂಧನೆಯು ಜಾರಿಗೊಳಿಸಲಾಗದ್ದು ಎಂದು ಕಂಡುಬಂದರೆ, ಆಗ ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳಿಂದ ನಿಬಂಧನೆಯನ್ನು ತೆಗೆದುಹಾಕಲಾಗುತ್ತದೆ ಮತ್ತು ಉಳಿದ ಯಾವುದೇ ನಿಬಂಧನೆಗಳ ಮಾನ್ಯತೆ ಮತ್ತು ಜಾರಿಗೊಳಿಸುವಿಕೆಯ ಮೇಲೆ ಪರಿಣಾಮ ಬೀರುವುದಿಲ್ಲ.

ಸಾರಾಂಶದಲ್ಲಿ: ನಿಮ್ಮ ಖಾತೆಯಲ್ಲಿ ನಡೆಯುವ ಎಲ್ಲ ಚಟುವಟಿಕೆಗಳಿಗೆ ನೀವೇ ಜವಾಬ್ದಾರರು. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ ನಿಯಮಗಳನ್ನು ನೀವು ಪರಿಶೀಲಿಸಬೇಕು ಏಕೆಂದರೆ ಅವುಗಳನ್ನು ನಾವು ನವೀಕರಿಸಬಹುದು. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳು ನಮ್ಮ ನಡುವೆ ಯಾವುದೇ ರೀತಿಯ ಉದ್ಯೋಗ ಸಂಬಂಧವನ್ನು ರಚಿಸುವುದಿಲ್ಲ. ಈ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳ ಆಂಗ್ಲ ಆವೃತ್ತಿಯು ನಿಯಂತ್ರಿಸುತ್ತದೆ ಮತ್ತು ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್ ನಿಯಮಗಳ ಅವಧಿ ಮುಗಿದ ಅಥವಾ ಸಮಾಪ್ತಿಯ ಬಳಿಕವೂ ಕೆಲವು ನಿಬಂಧನೆಗಳು ಜಾರಿಯಲ್ಲಿ ಉಳಿಯುತ್ತವೆ.

ಈ ನಿಯಮಗಳು ಅಥವಾ ಕ್ರಿಯೇಟರ್ ಸಬ್‌ಸ್ಕ್ರಿಪ್ಶನ್‌ಗಳಲ್ಲಿ ನಿಮ್ಮ ಭಾಗವಹಿಸುವಿಕೆಯ ಬಗ್ಗೆ ನೀವು ಪ್ರಶ್ನೆಗಳನ್ನು ಹೊಂದಿದ್ದರೆ, ನಮ್ಮನ್ನು ಸಂಪರ್ಕಿಸಿ.