Ang Snapchat ay pangunahing isang visual messaging app na ginawa para tulungan ang mga taong makipag-ugnayan sa kanilang mga kapamilya at kaibigan. Pero may mga bahagi ng app kung saan posibleng mas malawak na audience ang maabot ng pampublikong content sa pamamagitan ng mga rekomendasyon na nakabatay sa algorithm; ang mga ganitong content ay tinutukoy bilang Inirerekomendang Content. Halimbawa:

• Sa tab na Stories, maaaring tingnan ng Mga Snapchatter ang inirerekomendang content mula sa mga propesyonal na media partner at sikat na creator.

• Sa Spotlight, maaaring mapanood ng Mga Snapchatter ang content na ginawa at isinumite ng aming komunidad.

• Sa Mapa, makakakita ang Mga Snapchatter ng mga event, nagbabagang balita at higit pa mula sa buong mundo.

Ang lahat ng content saanman sa Snapchat, pampubliko o pribado, ay dapat sumunod sa aming Community Guidelines at Terms of Service.

Upang maging kwalipikado para sa algoritmikong rekomendasyon higit pa sa mga kaibigan o subscriber ng creator (halimbawa, sa Stories, Spotlight, o sa Mapa), dapat matugunan ng Content ang mga karagdagan at mas mahigpit na pamantayang inilalarawan sa Content Guidelines sa page na ito.

Ipinapatupad namin ang Content Guidelines na ito sa paraang mino-moderate ng pinaghalong teknolohiya at pagsusuri ng tao. Nagbibigay rin kami ng mga in-app tool para maiulat ng mga Snapchatter ang content na sa palagay nila ay dapat tutulan. Mabilis kaming tumutugon sa mga ulat ng user, at ginagamit namin ang feedback para mapahusay ang karansan sa content ng lahat ng Snapchatter.

Ang guidelines para sa pagiging kwalipikado sa rekomendasyon sa Content Guidelines na ito ay patas na nalalapat sa content mula sa anumang source, maging sa partner man, indibidwal na creator, o anumang uri ng organisasyon.

Nakalaan sa amin ang karapatang ilapat ang Content Guidelines na ito sa aming pagpapasya at magsagawa ng anumang pagkilos upang ipatupad ang mga ito, na posibleng kinabibilangan ng pag-aalis, paglimita sa pamamahagi, pagsuspinde, paglimita sa promosyon o paghihigpit sa content mo batay sa edad, bukod sa iba pang bagay.

Ang mga Creator o Partners na lalabag sa aming Community Guidelines o Terms of Service ay ituturing na lumalabag sa Content Guidelines na ito.

Dagdag pa rito, ang lahat ng content ay dapat na sumusunod sa naaangkop na batas saanman ito ipinamamahagi at sa terms ng aming kasunduan sa content kasama ka. Kung pinaniniwalaan naming nalabag ang kababanggit lamang, nakalaan sa amin ang lahat ng karapatang alisin ang nakakasakit na content.

Kumakatawan ang Mga Snapchatter ng magkakaibang range ng edad, kultura, at paniniwala, at gusto naming magbigay ng ligtas, masigla, at makabuluhang karanasan sa lahat ng user, kabilang iyong mga batang nasa 13 taong gulang. Sa pagkilalang maraming Snapchatter ang maaaring makakita ng content nang hindi aktibong pinipiling gawin ito, idinisenyo namin ang guidelines na ito para protektahan ang Mga Snapchatter mula sa mga karanasang maaaring hindi angkop o hindi gusto.

Sa grupo ng Inirerekomendang Content, nagsusumikap kaming i-personalize ang mga rekomendasyon, lalo na sa tinatawag naming “Sensitibong” content. Halimbawa, ang Sensitibong content ay posibleng:

• Nagpapakita ng mga paggamot sa acne na posibleng mukhang nakakadiri sa ilang Mga Snapchatter, habang posible namang nakakatulong o nakakaaliw ito para sa iba; o kaya

• Magtampok ng mga taong naka-swimwear sa paraang posibleng magmistulang sekswal na nanghihimok, depende sa konteksto o sa nanonood.

Bagama't kwalipikadong irekomenda ang ilang Sensitibong Content, posible naming iwasang irekomenda ito sa ilang Snapchatter batay sa kanilang edad, lokasyon, mga preference, o iba pang pamantayan. Pakitandaan na ang pamantayan sa pagiging Sensitibo sa Content Guidelines na ito ay hindi kumpletong listahan ng mga halimbawa. Posibleng paghigpitan o tanggihan naming magrekomenda ng anumang content batay sa history ng pag-moderate, feedback ng user, mga signal ng pakikipag-ugnayan, o sarili naming editoryal na pagpapasya.

Mahalaga ang konteksto. Maaaring pinahihintulot ang ilang mga content na kabali-balita, pang-edukasyon, may panunuya, o mga paksa ng pampublikong diskurso, kahit na ito ay tumutukoy o naglalarawan ng mga bagay na posibleng lumalabag sa aming Content Guidelines. Inilalapat namin ang editorial judgement sa ganoong mga sitwasyon, at hihilingin namin sa iyo na ganoon din ang gawin mo. Nangangahulugan itong:

• Pagpapanatili sa pamantayan ng katumpakan sa pamamagitan ng naaangkop na pagsusuri sa katotohanan

• Edad- at/o location-gate alinsunod sa Content Guidelines, kapag naaangkop at naroroon

• Iwasan ang panggugulat sa mga Snapchatters gamit ang graphic o nakakagambalang content. Kapag talagang kabali-balita ang isang potensyal na nakakagambalang content, dapat kang gumamit ng babala para sa graphic content.

Kwalipikado ang Pampolitikal na nilalaman para sa rekomendasyon kung ito ay nagmula lamang sa mga pinagkakatiwalaan, paunang naaprubahang Partners or Creators. Kabilang dito ang:

• Content na nauugnay sa halalan tungkol sa mga kandidato o partido na tumatakbo para sa posisyon sa gobyerno, mga panukala sa balota o referendum, mga komite para sa politikal na aksyon, at content na nanghihikayat sa mga taong bumoto o magparehistro para makaboto.

• Content na nauugnay sa nakakabahalang mga isyu o mga organisasyon na pinag-uusapan sa debate sa lokal, nasyonal, o pandaigdigang lebel, o na may halaga sa publiko.

Anumang sekswal na nilalaman na ipinagbabawal sa aming Community Guidelines ay ipinagbabawal saanman sa Snapchat. Para maging kwalipikado ang content na irekomenda sa mas malaking audience, dapat ay wala itong:

• Kahubaran, mga sekswal na gawain, at mga serbisyong sekswal. Pinapayagan ng aming Community Guidelines ang limitado at hindi pornograpikong paghubad (halimbawa, sa konteksto ng pagpapasuso o mga medikal na pamamaraan) sa pribadong Story ng user. Ngunit ipinagbabawal ng Content Guidelines ang lahat ng kahubaran sa anumang konteksto, kahit na hindi photographic o hindi makatotohanan (halimbawa, mga painting, o mga imaheng binuo ng AI). Ipinagbabawal ng Community Guidelines ang mga lantarang pagbibigay ng kopya na nagpapakita ng gawaing sekswal; ipinagbabawal ng aming Content Guidelines ang anumang paglalarawan o panggagaya ng isang sekswal na gawain, kahit na ang lahat ng kasangkot ay nakadamit at ang kilos ay sinadya bilang isang biro o visual innuendo. Ipinagbabawal ng aming Community Guidelines ang anumang uri ng sekswal na pangangalap; ang mga Content Guideline na ito ay nagkakamali sa panig ng labis na pagpapatupad (halimbawa, isang Snap na nagpapahiwatig at nagdidirekta sa mga Snapchatters sa isang hiwalay na account, platform o site ay tatanggihan ang pagpapalaki nito, kahit na hindi namin nakumpirma na ang layunin ay sekswal na pangangalap).

• Sekswal na harassment at hindi pinahihintulotang sekswal na materyal. Ang mga ito ay ipinagbabawal sa buong platform ng aming Community Guidelines. Ang Content Guidelines ay gumagawa ng higit pa upang ipagbawal ang insensitibo o potensyal na nakakaalipustang sekswal na content, tulad ng sexual objectification at pagmamanipula sa media upang ma-sexualize ang isang tao kahit na walang pahintulot nila (halimbawa, pag-edit ng hitsura ng isang celebrity upang palakihin ang ilang partikular na sekswal na bahagi ng kanilang katawan). Ipinagbabawal din namin ang paghahaka-haka tungkol sa kasarian o sekswalidad ng isang tao (halimbawa, "Nasa closet ba si ___ ?") at saklaw ng sex crimes o sexual taboos sa isang nakakatakot, nakakagulat na format (halimbawa, "10 Guro na Nagpakasal sa Kanilang mga Estudyante").

• Lantarang sekswal na wika. Bagama't hindi pinipigilan ng aming Content Guidelines ang mga Snapchatters na talakayin ang mga paksang pang-matanda nang pribado o sa kanilang Stories, ipinagbabawal ng Content Guidelines ang lantarang pananalita o paglalarawan ng mga sekswal na gawain, ari, sex toys, sex work, o sexual taboos (halimbawa incest o bestiality). Kabilang dito ang mga emoji na tahasang nagpapakita ng mga sekswal na konteksto. Kabilang dito ang mga pasaring na espesipikong tumutukoy sa mga sekswal na gawain o bahagi ng katawan.

• Labis na nagpapahiwatig na imahe. Bagama't hindi pinipigilan ng aming Community Guidelines ang mga Snapchatters na magbahagi ng hindi lantaran, mapanganib na imahe, ipinagbabawal ng Content Guidelines ang mga imaheng nagbibigay-diin sa mga bahagi ng katawan na madalas na ginagawang sekswal (halimbawa, mga suso, puwet, pundya) sa pamamagitan ng camera, kasuotan, pose o iba pang elemento na sekswal na nakakapukaw. Inilalapat ito kahit pa hindi nakahubad ang indibidwal, o kahit na hindi totoong tao ang indibidwal (gaya ng mga animation o iginuhit). Kabilang dito ang mga closeup ng mga sekswal na bahagi ng katawan. Kabilang din dito ang mga na-simulate na sekswal na aktibidad, gaya ng pag-pose sa mga sekswal na posisyon, paggaya ng mga sekswal na gawain, pagpapakita ng mga sex toy, o paggamit ng mga bagay sa isang sekswal na mapanuksong paraan.

• Mga menor de edad sa mga sekswal na sitwasyon. Ang aming Community Guidelines ay mahigpit na nagbabawal ng lahat ng anyo ng sekswal na pagsasamantala sa bata. Ipinagbabawal din ng Content Guidelines ang mga edge-case content na maaaring kulang sa legal na kahulugan ng sekswal na pagsasamantala sa bata o pang-aabusong materyal. Nangangahulugan iyon na tinatanggihan namin ang pagpapalaki ng anumang content, totoo o kathang-isip, tungkol sa romantiko o sekswal na relasyon sa pagitan ng mga nasa hustong gulang at menor de edad, maliban na lamang kung ang partikular na insidente ay kailangang ibalita dahil sa kaugnayan nito sa mga kilalang isyu, indibidwal, o institusyon. Kahit na sa mga pagkakataong karapat-dapat ibalita, ang coverage ng mga menor de edad sa mga sekswal na sitwasyon ay hindi dapat binibigyang-diin, pinapahiwatig, o sinasamantala. Kasama rin dito ang content, totoo o kathang-isip, tungkol sa sekswal na aktibidad sa pagitan ng mga menor de edad. Ipinapahintulot namin:

  • Content tungkol sa pagkakakilanlan ng sekswalidad o kasarian ng mga tinedyer, o mga age-appropriate na relasyon, basta’t ang nilalaman na ito ay hindi nagpapahiwatig o tahasang malaswa.

  • Coverage ng sekswal na mga krimen o sekswal na harassment, kung ang coverage ay kabali-balita — ibig sabihin, na ito ay may kaugnayan na sa prominenteng isyu, tao o institusyon.

Ang mga sumusunod ay eligible para marekomenda, pero maaaring piliin naming limitahan ang pagpapakita nito sa mga piling Snapchatters batay sa kanilang edad, lokasyon, preferences at iba pang pamantayan.

• Naglalantad pero hindi nakahubad na imagery ng katawan. Ang ibig sabihin nito ay imagery na maaaring pumukaw ng atensyon sa mga madalas na sexualized na bahagi ng katawan, pero hindi sekswal na suggestiveness ang intensyon nito (halimbawa, maigsi o masikip na damit sa kontekstong akma sa pagsuot nito, tulad ng swimwear, fitness attire, events sa red carpet, runway fashion).

• Moderately na suggestive na lenguwahe. Kasama na dito ang subtle na innuendo na nagpapahiwatig ng sekswal na interes na walang binabanggit na sekswal na ginagawa o partikular na bahagi ng katawan.

• Content tungkol sa sekswal na kalusugan na para sa edukasyon, naka-focus sa kaligtasan, hindi nagpo-promote ng delikadong gawain at akma sa Snapchatters na sing-bata ng 13 anyos.

• Hindi suggestive na sekswal na content sa konteksto ng balita, pampublikong interest, o edukasyon (halimbawa, kasaysayan ng sining).

• Content na nagtatampok ng mga tao na kilala dahil sa kanilang trabaho sa adult entertainment.

Ipinagbabawal kahit saan sa Snapchat ang anumang pangha-harass at bullying na ipinagbabawal ng aming Community Guidelines, kasama ang sa pribadong content o sa Story ng isang Snapchatter. Para maging eligible ang content na irekomenda sa mas malaking audience, dapat ay wala itong:

• Mga pailalim na pagtatangka na pahiyain ang isang tao. Ipinagbabawal ng aming Community Guidelines ang lahat ng klase ng panghaharass at pangbubully, pero ang Content Guidelines na ito ay may mas mahigpit na standard sa hindi malinaw na mga kaso kung saan ang intensyon na magpahiya ay hindi tiyak (halimbawa, isang Snap ng "roast" kung saan hindi malinaw kung gusto bang mapahiya ang subject sa camera). Sakop nito ang pang-aalipusta o panglalalit. Kasama rin nito ang pago-objectify sa isang tao batay sa hitsura niya, kahit na public figure sila.

  • Note: ang pagcriticize or pagsa-satirize ng mga sinabi o ginawang kilala sa publikong adults o mga organization ay hindi kino-consider na panghaharass o pangbubully.
    Ang kahit na anong klaseng sexual harassment (tingnan ang “Sexual Content,” sa itaas) ay ipinagbabawal kahit saan sa Snapchat.

• Invasions ng privacy. Ang aming Community Guidelines ay nagdedetalye ng mga klase ng pribadong impormasyon na hindi dapat i-share. Bukod pa rito, ipinagbabawal din ng Guidelines ng Content na ito ang pagbabahagi ng mga larawan ng mga bata, kasama ang mga anak ng mga pampublikong personalidad, maliban kung:

  • sila ay may pinakabuod na bahagi ng kabali-balitang stories

  • sila ay kasama ng kanilang mga magulang o tagapag-alaga sa isang pampublikong event

  • ang content ay ginawa na may consent mula sa isang magulang o legal na tagapag-alaga.

• Ang pagnanais na seryosong masaktan o mamatay ang isang tao (halimbawa, “Sana mabangga ng ex ko ang bagong kotse niya”).

• Ang pagmumura sa isang tao. Ang aming Community Guidelines ay nagpapahintulot sa self-expression na may kasamang pagmumura, pero ang Content Guidelines na ito ay nagbabawal sa masasakit na pananalita o pagmumura na nakadirekta sa isang tao o grupo, kahit na ang mga ito ay na-bleep o obscured, at kahit na hindi kasing-lala ng hate speech o sexual explicitness.

• Mga masamang biro o delikadong pranks na puwedeng maging dahilan para maniwala ang biktima na siya ay nasa napipintong panganib na mapinsala, mamatay o mawalan.

• Hindi pagiging sensitibo sa mga pangyayari o paksa kaugnay ng trahedya (halimbawa, pangungutya ng mga survivor ng karahasan na dulot ng partner)

Anumang makakapinsalang impormasyon na ipinagbabawal sa aming Community Guidelines ay ipinagbabawal saanman sa Snapchat. Ang Creators at Partners ay responsable sa paniniguro sa katotohanan ng kanilang content. Ipinagbabawal sa Creators at Partners ang pagpa-publish ng mali o misleading na content, ang subject matter man ay maging seryoso (politika, kalusugan, mga trahedy) o mas hindi gaanong mahalagang bagay (entertainment gossip, mga hoax, etc.). Para maging eligible ang content na irekomenda sa mas malaking audience, dapat ay wala itong:

• Maling politikal o hindi napatunayang impormasyon. Ang aming Community Guidelines ay nagbabawal sa maling politikal na impormasyon, tulad ng maling impormasyon tungkol sa pagboto, maling paglalarawan sa posisyon ng kandidato o ibang pang content na nagpapahina ng mga prosesong-sibiko. Maaaring may mga pagkakataon na ang review teams namin ay hindi ma-verify kung ang politikal na claim ay totoo, mali, o may potensyal na makapanlinlang. Ang ambiguous na content ay pinapayagan sa pagitan ng mga kaibigan o followers, pero hindi magiging eligible para sa recommendation.

• Mali o hindi napatunayang impormasyon na konektado sa kalusugan. Ang ganitong klaseng content ay ipinagbabawal sa aming Community Guidelines, na ibig sabihin ay ipinagbabawal din sa Content Guidelines.

• Ang pagde-deny sa mga nangyaring trahedya. Ang ganitong klaseng content ay ipinagbabawal sa aming Community Guidelines, na ibig sabihin ay ipinagbabawal din sa Content Guidelines.

• Ang minanipulang media na hindi totoo o nakapanlilinlang. Ang focus ng aming Community Guidelines sa potensyal ng minanipulang media na makapinsala (halimbawa, ang deep fake ng isang politika na may ginagawang nakakahiya). Mas pinaigting pa ang pagpapatupad ng aming Content Guidelines para maiwasan ang pagpapakalat ng hindi totoo o mapanlinlang na impormasyon kahit na walang maliwanag na panganib sa lipunan. Halimbawa, ang clickbait tile images na gumagamit ng photo editing tools o AI para ilarawan ang ahas na kasinlaki ng bus, o i-edit ang mga artista sa costumes para magpakalat ng walang basehang casting rumors; mga halimbawa ang mga ito na walang banta sa civic integrity o pampublikong kalusugan, pero nakapanlilinlang.

• Nakapanlilinlang na pagpapanggap bilang ibang tao, brands, o mga organisasyon. Ang ganitong content ay ipinagpapabawal sa aming Community Guidelines, at mas pinapaigting pa ang Content Guidelines na ito para ipagbawal ang hindi malinaw o malabong pagpapanggap. Ang satire, parody at komentaryo ay pinapayagan, pero dapat na malinaw kung sino ang nasa likod ng content sa mga nanunuod ng mga ito na singbata ng 13 anyos.

• Kahit na anong klaseng nakapanlilinlang na taktika sa marketing. Ipinagbababawal namin ang links na may sobra-sobrang redirects o links na lumilikha ng pop-ups o pop-unders o sobra-sobrang ad load. Hindi mo na maaaring baguhin ang pinakadestinasyon o landing page ng isang link pagkatapos mong ipakita ito sa iyong content. Anumang links sa iyong content ay dapat na sumunod sa aming Content Guidelines.

• Engagement bait. Ibig sabihin nito, content kung saan hindi nilalayong aliwin o magbigay ng impormasyon sa viewer, pero para manipulahin ang mga ito para pataasin ang mga view o pakikipag-ugnayan sa Snap. Madalas na nagtatakda ang engagement bait ng inaasahan na hindi naman nagbubunga ng magandang resulta. Narito ang hindi kumpletong listahan ng mga halimbawa ng mga ipinagbabawal na engagement bait:

  • Ang “wait for it” na caption, pero ang "it" ay hindi naman nangyayari.

  • Mga Challenge na batay sa Snapchat features na wala naman, tulad ng, "Hindi ka hahayaan ng Snapchat na i-like ito nang 10 beses."

  • Mga attempt para i-leverage ang likes o shares, tulad ng, "Kapag nakakuha ito ng 20,000 likes, aahitin ko ang ulo ko."

  • Attempts na linlangin ang mga tao na panoorin ulit o i-pause ang isang Snap gamit ang mahahabang block ng text, mabibilis na pasilip ng isang bagay, o mga "spot the difference" na mga laro.

  • Nakapanlilinlang o sensationalized na headlines o Tiles, tulad ng walang batayang casting rumors, o pagpapakita ng pag-aresto sa isang celebrity ilang taon na ang nakakaraan bilang bagong balita, pag-eedit sa image ng katawan o mukha ng tao para ipahiwatig ang isang radikal na pagbabago, etc.

Ang mga illegal o reguladong gawain, produkto o mga serbisyo na ipinagbabawal sa aming Community Guidelines ay ipinagbabawal saanman sa Snapchat. Para maging eligible ang content na mairekomenda sa wider audience, ito ay dapat na hindi:

• Mag-facilitate o mag-promote ng mga ilegal na gawain. Ang ganitong klaseng content ay ipinagbabawal sa aming Community Guidelines, na ibig sabihin ay ipinagbabawal din sa Content Guidelines.

• Alinmang produkto o kagamitan ng tobacco, nicotine, o cannabis. Habang hindi pinagbabawalan ng Community Guidelines ang Snaps ng adults na gumagamit ng mga produktong ito kung saan ito legal, ang Content Guidelines ay pumipigil sa amplipikasyon ng ganitong klaseng content.

• Nagpapakita ng delikadong paggamit ng alak. Habang hindi pinagbabawalan ng Community Guidelines ang Snaps ng adults na umiinom ng alak, ang Content Guidelines ay pumipigil sa amplipikasyon ng content na nagpapakita ng sobrang o delikadong paggamit ng alak ng adult, tulad ng mabilis na pagkonsumo ng maraming alak, o paggamit sa heavy machinery habang lasing o habang may nakikitang alak sa lokasyon, o pag-inom hanggang sa umabot sa pagkabulol sa pagsasalita o kawalan ng malay.

• Nagpapakita ng totoo at makabagong nakakamatay na weapons (mga baril, combat knives, mga eksplosibo, atbp.) sa labas ng isang balita, edukasyon, o konteskto ng sports.

  • Ang historical weapons (catapults, blunderbusses, mga espada, atbp.) ay pinahihintulutan.

  • Ang fictional weapons (cosplay props, video game weapons, atbp.) ay pinahihintulutan.

• Nagpo-promote ng ilang reguladong mga bagay o mga serbisyo. Ang aming Commercial Content Policy ay nagpapaliwanag kung paano makapagbabahagi ng komersyal na content ang Snapchatters sa kanilang mga kaibigan o followers, kasama na ang content na nangangailangan ng pagta-target batay sa edad o lokasyon. Pero para maging eligible para irekomenda, ang content ay hindi dapat magpromote ng mga sumusunod na reguladong mga bagay:

  • Real estate na pambahayan

  • Mga oportunidad sa pagtatrabaho

  • Pagsusugal, paglalaro o pagtataya gamit ang totoong pera, lotteries, sweepstakes

  • Hindi makatotohanang pahayag tungkol sa potensyal na benipisyo sa kalusugan ng isang produkto o serbisyo; anumang pagpopromote ng supplements, pharmaceuticals, o produktong pampapabawas ng timbang

  • Mga pautang, pamumuhunan, credit, cryptocurrencies, NFTS, o alinmang pinansyal na mga produkto o serbisyo.

  • Alak

  • Tobacco, cannabis, at ang kanilang mga katulad ( nicotine, mga produktong THC/CBD) o mga kagamitan (vapes atbp.)

  • Mga eksplosibo, mga paputok, pyrotechnics, o mga aparato para sa demolisyon

  • Mga dating app, sites o mga serbisyo

Ang mga sumusunod ay eligible para marekomenda, pero maaaring piliin naming limitahan ang pagpapakita nito sa mga piling Snapchatters batay sa kanilang edad, lokasyon, preferences at iba pang pamantayan.

• Ang katamtamang pag-inom ng alak ng adults.

• Mga programa o mga pamamaraan para mabawasan ang timbang.

  • Pinahihintulotang makita ng lahat ng audience ang fitness content na nagpopokus sa lakas, pagpapakondisyon o kadaliang kumilos sa halip na pagababawas ng timbang.

• Ang fictional na references sa mga ilegal or reguladong mga gawain (halimbawa, mga biro, skits, o mga tagpo mula sa mga pelikula o video games)

Nalalapat ang aming mga patakaran sa komersyal na Content sa anumang nilalaman sa Snapchat na hindi isang tradisyunal na patalastas na inihahatidng Snap, ngunit ini-sponsor ng, nagp-promote, o nag-a-advertise ng anumang brand, produkto, o serbisyo (Kabilang ang iyong sariling brand o negosyo), at nilalaman na mayroong incentives na ibinigay para i-post o mayroong matatanggap na pera bilang kabayaran o mga libreng regalo.

Ang Komersyal na Content ay hindi karapat-dapat para sa rekomendasyon kung:

• Ito ay nakakalabag sa anumang parte ng aming mga polisiya sa Komersyal na Content.

• Hindi isinisiwalat ang pagiging komersyal nito. Ang Snap ay nag-aalok ng disclosure tool ng "paid partnership" at mga tool sa pag-level ng profile base sa edad at pag-target ng lokasyon upang matulungan ang mga Creator, mga partner at brand na sumunod sa 1) mga lokal na batas 2) aming Advertising Policies at 3) aming patakaran sa Komersyal na Content. Kinakailangan namin ang paggamit ng mga tool na ito kung saan naaangkop.