Merħba! Ninsabu eċċitati li inti interessat fil-Programm tal-Ħlas Lenti+ ta’ Snap (“il-Programm”). Il-Programm jippermetti lill-utenti eliġibbli li jkunu aċċettaw dawn ir-Regoli (li f’dawn ir-Regoli nsejħulhom “Fornituri tas-Servizz” jew “Ħallieqa”) li jirċievu inċentivi monetarji mingħand Snap b’rabta mas-servizzi tagħhom ta’ ħolqien u sottomissjoni ta’ Lentijiet fuq Snapchat permezz ta’ Lens Studio li jiksbu prestazzjoni għolja — attività li aħna niddefinixxu bħala “Attività Li Tikkwalifika” u niddeskrivuha aktar ’il quddiem.

Ħejjejna dawn i-Regoli tal-Programm tal-Ħlas Lenti+ (ir-“Regoli”) sabiex tkun taf ir-regoli li japplikaw għas-sottomissjoni tal-Lentijiet tiegħek lill-Programm u l-parteċipazzjoni tiegħek fih — dment li tkun eliġibbli — kif stipulat f’dawn ir-Regoli. Dawn ir-Regoli jiffurmaw kuntratt legalment vinkolanti bejnek (jew l-organizzazzjoni tiegħek) u l-entità ta’ Snap applikabbli kif speċifikat fir-R tal-Ħlas għall-Ħallieqa (“Snap”); għalhekk, jekk jogħġbok aqrahom bir-reqqa. L-ebda utent ma jista' jieħu sehem fil-Programm jekk ma jaqbilx ma' dar-Regoli u ma jimxix magħhom.

Il-Programm, u kull prodott u servizz deskritt f’dawn ir-Regoli, huma “Servizzi” kif definiti fit-Termini tas-Servizz ta’ Snap. Dawn ir-Regolijinkorporaw b'referenza t-Termini tas-Servizz,  ir-Regoli tal-Komunità, it-Termini ta' Lens Studio,  il-Ftehim tal-Liċenzja ta' Lens Studio, it-ir-Regoli tal-Għodod tal-Lenti Ġenerattivi, ir-Regoli tal-Ħlas għall-Ħallieqa ta’ Snap il-Linji Gwida għall-Użu tal-Marka ta’ Snapchat, il-Linji Gwida għall-Użu tal-Isnapcodes , il-Linji Gwida dwar il-Mużika fuq Snapchat, u l-Linji Gwida għas-Sottomissjoni fuq Lens Studio, kif ukoll kwalunkwe regoli, linji gwida u politiki oħra applikabbli (kull wieħed minnhom imsejjaħ “Terminu Inkorporat”, u kollettivament imsejħa r-“Regoli Inkorporati”). Jekk jogħġbok aqra wkoll il-Politika tal-Privatezza tagħna biex tifhem kif nipproċessaw l-informazzjoni meta tuża s-Servizzi.

Safejn dawn ir-Regoli jmorru kontra xi Terminu Inkorporat, dawn ir-Regoli jipprevalu fir-rigward tal-parteċipazzjoni tiegħek fil-Programm. Ir-regoli kollha miktuba b’ittri kapitali li jintużaw f’dawn ir-Regoli iżda li mhumiex definiti fihom, għandu jkollhom it-tifsiriet rispettivi stabbiliti fir-Terminu Inkorporat applikabbli.

Kull utent, kont jew Lenti li jikser dawn ir-Regoli jew kwalunkwe Terminu Inkorporat ma jkunx eliġibbli għall-monetizzazzjoni. Biex tevita kull dubju, m'għandekx tuża jew tinkludi xi mużika fil-Lentijiet tiegħek sakemm ma jkollokx id-drittijiet kollha f'dik il-mużika (inkluż li oriġinarjament ikkomponejt, ħloqt, wettaqt, u rrekordjajt il-mużika u l-lirika kollha int stess) jew tkun ksibt separatament id-drittijiet u l-liċenzji applikabbli kollha meħtieġa biex tqassam, tissinkronizza, tikkopja, turi, iddoqq pubblikament, u tuża b'xi mod ieħor din il-mużika fil-Lentijiet tiegħek madwar id-dinja, inkluż mingħand kwalunkwe kumpaniji tad-diski applikabbli, pubblikaturi tal-mużika u detenturi oħra tad-drittijiet. Kwalunkwe użu mhux awtorizzat ta' mużika b'konnessjoni mal-Programm jista' jirriżulta, fost affarijiet oħra, fis-sospensjoni jew it-terminazzjoni tal-abbiltà tiegħek li tipparteċipa fil-Programm.

Fejn ipprovdejna sommarji f’dawn ir-Regoli tal-Programm tal-Ħlas Lenti+, għamilna dan biss għall-konvenjenza tiegħek. Għandek taqra dawn ir-Regoli tal-Programm tal-Ħlas Lenti+ kollha kemm huma biex tifhem id-drittijiet u l-obbligi legali tiegħek.

TISTA' TIRĊIEVI ĦLASIJIET GĦAS-SERVIZZI TIEGĦEK JEKK INT, IL-LENTIJIET LI TISSOTTOMETTI, U L-KONT TAL-ĦLAS TIEGĦEK TISSODISFAW IL-KRITERJI MINIMI TA' ELIĠIBBILTÀ.