NOTIFIKA DWAR L-ARBITRAĠĠ: DAWN IR-REGOLI GĦANDHOM KLAWŻOLA TAL-ARBITRAĠĠ IKTAR IL-QUDDIEM. 

• JEKK TGĦIX ĠEWWA L-ISTATI UNITI TAL-AMERKA JEW QED TUŻA S-SERVIZZ F'ISEM NEGOZJU BBAŻAT ĠEWWA L-ISTATI UNITI TAL-AMERKA, ĦLIEF FIL-KAŻ TA' ĊERTU TILWIM IMSEMMI FIL-KLAWŻOLA TAL-ARBITRAĠĠ TAR-REGOLI TAS-SERVIZZ TA' SNAP INC., INT U SNAP INC. TAQBLU LI T-TILWILM TA' BEJNIETNA GĦANDU JINQATA' PERMEZZ TA' ARBITRAĠĠ OBBLIGATORJU SKONT IL-KLAWŻOLA TAL-ARBITRAĠĠ TAR-REGOLI TAS-SERVIZZ TA' SNAP INC., U INT U SNAP INC. IĊĊEDU KULL JEDD LI TIEĦDU SEHEM F'KAWŻA JEW ARBITRAĠĠ BI PROĊEDIMENTI KOLLETTIVI. GĦANDEK IL-JEDD LI TAGĦŻEL LI MA TINTRABATX BL-ARBITRAĠĠ, KIF SPJEGAT F'DIK IL-KLAWŻOLA. 

• JEKK QED TUŻA S-SERVIZZI F'ISEM NEGOZJU BBAŻAT BARRA L-ISTATI UNITI TAL-AMERKA, ALLURA INT U SNAP (SPJEGAT HAWN TAĦT) TAQBLU LI T-TILWILM TA' BEJNIETNA GĦANDU JINQATA' PERMEZZ TAL-KLAWŻOLA TAL-ARBITRAĠĠ TAR-REGOLI TAS-SERVIZZ TA' SNAP GROUP LIMITED.

Fassalna dar-Regoli tal-Programm tal-Ħlas lill-Aqwa Ħallieqa (“Regoli”) biex tkun taf ir-regoli li jirregolaw is-sottomissjoni tiegħek tal-Lentijiet għal, u għas-sehem fil-Programm tal-Ħlas lill-Aqwa Ħallieqa (“Programm”), jekk int eliġibbli biex tieħu sehem fih skont dawn ir-Regoli. Il-Programm iħalli lill-utenti li jissodisfaw il-kriterji tal-eliġibbiltà msemmija f'dawn ir-Regoli (li f'dawn ir-Regoli nirreferu għalihom bħala “Operaturi tas-Servizzi” jew “Ħallieqa”) bl-opportunità li jiksbu premjijiet mingħand Snap b'rabta mas-servizzi li jagħtu meta joħolqu u jibagħtu Lentijiet ta' kwalità għolja fuq Snapchat b'Lens Studio.  Il-Programm, u kull prodott u servizz imsemmi f'dawn ir-Regoli, huma “Servizzi” skont it-tifsira mogħtija fir-Regoli tas-Servizz ta' Snap.  Dawn ir-Regoli jsemmu u għalhekk jiġbru fihom ir-Regoli tas-Servizz, il-Linji Gwida tal-Komunità, ir-Regoli ta' Lens Studio, il-Ftehim tal-Liċenzja ta' Lens Studio, il-Linji Gwida tad-Ditta ta' Snapchat, il-Linji Gwida għall-Użu tal-Isnapcodes u l-Linji Gwida għas-Sottomissjoni ta' Lens Studio u kwalunkwe regola, politika jew linja gwida oħra ta' Snap li torbot fuq is-Servizzi. Jekk jogħġbok, irrevedi wkoll il-Politika tal-Privatezza tagħna biex tifhem biex nipproċessaw l-informazzjoni meta tuża s-Servizzi. Jekk jogħġbok aqra dar-Regoli bir-reqqa.

Dawn ir-Regoli huma kuntratt b'rabta legali bejnek (jew bejn l-għaqda tiegħek) u Snap (skont it-tifsira mogħtija lilha hawn taħt). Għal għanijiet ta' dawn ir-Regoli, “Snap” tfisser: 

Snap Inc. (jekk tgħix ġewwa l-Istati Uniti tal-Amerka jew jekk qed tuża s-Servizzi f'isem negozju bbażat ġewwa l-Istati Uniti tal-Amerka); 

• Snap Camera India Private Limited (jekk tgħix jew qed tuża s-Servizzi f'isem negozju bbażat ġewwa l-Indja);  

• Il-Fergħa ta' Singapore ta' Snap Group Limited jekk tgħix fir-reġjun tal-Ażja-Paċifiku (għajr l-Indja) jew in-negozju tiegħek ibbażat fir-reġjun tal-Ażja-Paċifiku (għajr l-Indja); jew

• Snap Group Limited (jekk tgħix jew qed tuża s-Servizzi f'isem negozju bbażat xi mkien ieħor madwar id-dinja). 

Jekk dawn ir-Regoli jmorru kontra xi regoli oħra li jirregolaw is-Servizz, dawn ir-Regoli se jinkontrollaw dak biss b'rispett għall-Programm. Il-regoli miktuba b'ittri kbar li qed jintużaw u li ma ngħatawx tifsira f'dawn ir-Regoli għandhom it-tifsira tagħhom kif spjegat fir-regoli fis-seħħ li jirregolaw is-Servizz. Jekk jogħġbok stampa kopja ta' dawn ir-Regoli u żommhom bħala referenza għalik

KIF SPJEGAT F'IKTAR DETTALL HAWN TAĦT, TISTA TIRĊIEVI ĦLAS GĦAS-SERVIZZI TIEGĦEK JEKK IL-LENTIJIET LI TISSOTTOMETTI U L-KONT TAL-ĦLASIJIET TIEGĦEK (IMFISSER HAWN TAĦT) JISSODISFAW IL-KRITERJI TAL-ELIĠIBBILTÀ MEĦTIEĠA. PERĊENTWALI ŻGĦIR BISS TA' ĦALLIEQA SE JIRĊIEVU ĦLAS TALLI SSOTTOMETTEW LENTIJIET LILL-PROGRAMM.

Il-Lentijiet kollha mibgħuta minnek lill-Programm għandhom jintbagħtu skont, u marbutin bir-Regoli ta' Lens Studio u l-Ftehim tal-Liċenzja ta' Lens Studio. Lentijiet mibgħuta lill-Programm se jiġu rreveduti biex naraw li jimxu mar-Regoli tagħna, skont l-algoritmi tal-għarbiel ta' Snap u l-proċeduri tar-reviżjoni tagħna u Lentijiet li ma jimxux mar-Regoli mhux se jkunu eliġibbli għall-Programm. Il-Lentijiet li huma eliġibbli se jinxterdu skont l-algoritmi u l-proċeduri tal-kontenut maħluqa minn Snap.

Perċentwali żgħir biss ta' Ħallieqa li jibgħatu xi Lenti tagħhom lill-Programm se jiksbu xi ħlas. L-opportunità li tikseb il-ħlasijiet se tkun disponibbli biss f'għadd żgħir ta' pajjiżi, li huma msemmija fil-Linji Gwida u l-Mistoqsijiet Komuni tal-Programm (“Pajjiżi Eliġibbli”).  Meta jidhrilha hi, Snap tista' żżid jew tneħħi pajjiżi mil-lista ta' Pajjiżi Eliġibbli. Il-ħlasijiet se jkunu ffinanzjati minn Snap, jekk hemm ħlas xi jsir, (il-ħlasijiet tagħna lilek, skont kif jistgħu jiġu mibdula hawn taħt, il-“Ħlas tas-Servizz” jew sempliċement “Ħlas”). 

Biex tkun eliġibbli għal Ħlas, jeħtieġlek (i) tibgħat Lenti li Tikkwalifika u (ii) ikollok il-Ħtiġijiet tal-Eliġibbiltà għall-Kontijiet tal-Ħlas kollha, kif spjegat f'iktar dettal hawn taħt.

Lentijiet li Jikkwalifikaw. Biex titqies bħal “Lenti li Tikkwalifika”, il-Lenti li tibgħat lill-Program matul iż-Żmien tal-Eliġibbiltà għandha: (i) tkun klassifikata “pubblika” f'Lens Studio; u (ii) tkun Lenti li tikseb riżultati tajbin fir-Reġjuni kollha, maħduma skont l-algoritmu tagħna, li tista tiġi mibdula minna minn żmien għal żmien, u li hi msejsa fuq għadd ta' fatturi, li jistgħu jinkuludu il-prestazzjoni tal-kont u l-interazzjonijiet tal-utenti (flimkien il-"Kriterji tal-Eliġibbiltà”).  Iż-“Żmien tal-Eliġibbiltà” jfisser id-90 jum tal-kalendarju wara li tkun bgħatt il-Lenti. Tista' ddaħħal Lenti fil-Programm meta trid matul iż-Żmien tal-Eliġibbiltà billi tagħżel li dik il-Lenti tidħol fil-Programm minn ‘Il-Lentijiet Tiegħi’. "Reġjuni" u iktar tagħrif dwar il-Lentijiet li Jikkwalifikaw huma nklużi fil-Gwida tal-Iżviluppaturi. Snap tista' żżid jew tneħħi pajjiżi mil-lista tar-Reġjuni meta jidhrilha hi.

Eliġibbiltà għal Kont tal-Ħlas. Biex tkun eliġibbli ħalli tikseb il-Ħlasijiet, jeħtieġlek ikollok ir-Rekwiżiti kollha għall-Eliġibbiltà għal Kont tal-Ħlas (imfissra hawn taħt).

Jekk, matul iż-Żmien tal-Eliġibbiltà tibgħat Lenti li Tikkwalifika, u timxi mal-Ħtiġijiet tal-Eliġibbiltà tal-Kontijiet tal-Ħlasijiet (imfissra hawn taħt) u ma' dar-Regoli, se tkun eliġibbli biex tikseb ħlas għas-servizzi li tagħti b'rabta mal-Lenti li Tikkwalifika tiegħek (“Għemil li Jikkwalifika”).

Il-ħlasijiet se jinħadmu skont l-algoritmu tal-pagamenti speċjali tagħna, li jista jiġi mibdul minna minn żmien għal żmien u li hu msejjes fuq għadd ta' fatturi, li jistgħu jinkludu l-prestazzjoni ta' u l-interazzjonijiet miksuba mill-Lenti li Tikkwalifika tiegħek meta mqabbla ma' Lentijiet oħra fil-Programm, il-post fejn tinsab jew meta tibgħat il-Lenti li Tikkwalifika tiegħek.

Jekk tissodisfax il-Kriterji tal-Eliġibbiltà u s-somma ta' kwalunkwe Ħlas li jaf tkun eliġibbli biex tirċievi, jista jkun affettwat wkoll mill-algoritmi u l-proċeduri tal-għarbiel u tas-suġġerimenti tal-kontenut tagħna, li jafu jagħtu prijorità lil ċertu kontenut meta jqisu għadd ta' fatturi, fosthom l-għadd ta' drabi li l-Lenti tiegħek tkun infetħet, l-artikli mtella', il-qsim u l-favoriti marbuta ma' Lenti, l-għadd ta' utenti li ta' kuljum jiftħu, jtellgħu xi ħaġa bil-Lenti tiegħek jew jaqsmu l-Lenti tiegħek, l-għadd ta' ħin li l-utenti jkunu qattgħu jużaw il-Lenti tiegħek, il-post fejn tinsab u l-istatus tal-kont tiegħek jew jekk il-Lenti tiegħek hix marbuta ma' xi xejra jew suġġett siewi, li kull tant żmien nafu nsemmu fuq il-paġna Popolari fl-app ta' Snapchat jew fil-paġna Xejriet ta' Snapchat u jekk il-kontenut u l-kont tiegħek jimxux ma' dar-Regoli (fosthom il-Linji Gwida kollha li jagħmlu parti minnhom b'referenza).

Is-somom tal-Ħlasijiet għall-Għemil li Jikkwalifika se jinħadmu min-naħa tagħna skont l-algoritmu tal-ħlasijiet speċjali tagħna. L-algoritmu tal-ħlasijiet tagħna jista jiġi mibdul minn minn żmien għal żmien u jitqies fuq għadd ta' fatturi, li jistgħu jinkludu l-prestazzjoni ta', u l-interazzjoniet miksuba bil-Lenti li Tikkwalifika tiegħek meta mqabbla ma' Lentijiet oħra tal-Programm, il-post fejn tinsab jew meta tibgħat il-Lenti li Tikkwalifika tiegħek. Kwalunkwe somom tal-ħlas li jintwerew fl-app ta' Snapchat huma stimi, li nuruk għall-informazzjoni tiegħek biss, mhux maħsuba biex jagħtuk jew jimplikaw xi jeddijiet jew juru xi dmirijiet, mhumiex propjetà jew jeddijiet għall-propjetà, ma jistgħux jingħaddu jew jingħataw lil ħaddieħor u jistgħu jinbidlu. Mhux se tkun eliġibbli biex tirċievi ħlas għat-tali stimi jekk ma tkunx qed timxi ma' dar-Regoli u ma tkunx ħloqt Kont tal-Ħlasijiet validu mal-Pjattaforma tal-Ħlasijiet tagħna. Is-somom aħħarin tal-Ħlasijiet se jintwerew fil-Kont tal-Ħlasijiet tiegħek.

Aħna u nqisu jekk għemil jitqiesx bħala Għemil Eliġibbli, nistgħu neskludu dak li nsejjħulu “Għemil li Mhux Tajjeb”, ċoè, għemil li b'mod artifiċjali jkabbar l-għadd ta' drabi li l-kontenut jinfetaħ, jew xi tip ta' prestazzjoni oħra, il-wiri, jew il-kejl ta' interazzjonijiet mill-utenti tal-Lenti tiegħek. Għemil li Mhux Tajjeb dejjem se jitqies minn Snap biss kif jidhrilha hi u jiġbor fih, imma mhux limitat għal: (i) spam, interazzjonijiet mhux ġenwini, jew wiri tal-kontenut mhux ġenwin, jew favoriti, maħluqa minn kwalunkwe persuna, bot, programm awtomatizzat jew apparat bħal dan, fosthom permezz ta' klikks jew ftuħ ġej mill-mowbajl tiegħek, mowbajls li tikkontrolla int, jew minn mowbajls b'kontijiet ġodda jew suspettużi; (ii) interazzjonijiet, wiri tal-kontenut, favoriti li huma maħluqa bi ħlas tal-flus jew b'kumpensi oħra lil xi msieħba, bil-qerq, jew b'offerta li tpartat il-wiri ta' Snaps; (iii) interazzjonijiet, wiri tal-kontenut, favoriti maħluqa permezz ta' għemil li b'xi mod jikser ir-regoli tas-Servizz, u (iv) interazzjonijiet, klikks jew wiri tal-kontenut, favoriti marbuta ma' kwalunkwe għemil imsemmi f'(i), (ii), (iii) jew (iv) hawn fuq. Jekk insibu li wettaqt xi Għemil li Mhux Tajjeb, nafu nillimitaw jew nissospendu t-tixrid tal-Lenti tiegħek fil-Programm u taf ma tibqax eliġibbli għall-Ħlasijiet.

Biex tkun tista' titħallas mingħand Snap jeħtieġ li jkollok dawn ir-rekwiżiti kollha li ġejjin (“Rekwiżiti għall-Eliġibbiltà għal Kont tal-Ħlas”).

Jekk int persuna privata, jeħtieġlek tkun toqgħod legalment f'Pajjiż Eliġibbli u tkun bgħatt Lentijiet Addattati meta tkun f'dak il-Pajjiż Eliġibbli.

Ma tistax tkun għadek taħt l-età fil-ġurisdizzjonijiet tiegħek jew jeħtieġlek tkun għalaqt it-18-il sena u ksibt il-permess(i) meħtieġa skont il-proċeduri tagħna mingħand ġenitur jew gwardjan legali tiegħek.

Jeħtieġlek tagħtina dettalji kompluti u eżatti fosthom l-isem u l-kunjom uffiċjali, id-data tat-twelid, l-indirizz tal-email u n-numru tal-mowbajl tiegħek u l-istat u l-pajjiż fejn toqgħod. (“Dettalji tal-Kuntatt”).

Int (jew il-ġenitur/gwardjan(i) legali jew il-persuna legali tiegħek, skont il-każ) jeħtieġlek toħloq u tlesti kull ħaġa meħtieġa għal kont tal-ħlas mal-pjattaforma tal-ħlasijiet awtorizzata minn u msieħba ma' Snap (“Kont tal-Ħlas”). Il-Kont tal-Ħlas tiegħek għandu jkun ibbażat fl-istess Pajjiż Eliġibbli tiegħek.

Għandna l-jedd li f'isimna, f'isem l-imsieħba tagħna u f'isem il-pjattaforma tal-ħlasijiet imsieħba magħna, nitolbuk tivverifika d-Dettalji tal-Kuntatt li tkun tajtna, kif ukoll jekk int taħt l-età, l-identità tal-ġenitur/tat-tutur u l-permess jkun tak skont dawn ir-Regoli qabel tkun tista' titħallas.

Jekk tajtna permess ngħaddu l-Ħlasijiet tiegħek lill-entità kummerċjali tiegħek skont il-proċeduri tagħna u tal-pjattaforma tal-ħlasijiet imsieħba magħna u awtorizzata minna, l-entità kummerċjali teħtieġ li tkun inħolqot, ibbażata jew li jkollha uffiċċju fil-Pajjiż Eliġibbli tiegħek.

Id-dettalji tal-kuntatt u l-informazzjoni meħtieġa l-oħra li tajt lil Snap u lill-pjattaforma tal-ħlasijiet imsieħba magħna u awtorizzata minna għandhom ikunu eżatti biex jekk tkun eliġibbli għal Ħlas, Snap jew il-pjattaforma tal-ħlasijiet tagħha tkun tista' tikkuntattjak u tħallsek (jew, skont il-każ, lill-ġenitur(i)/lit-tutur(i) jew lill-entità kummerċjali tiegħek).

Il-Kont ta' Snapchat u l-Kont tal-Ħlas għandhom ikunu attivi, wettqu l-obbligi tagħhom kollha (skont ma mitlub minna u mill-pjattaforma tal-ħlas imsieħba magħna) u qed jimxu ma' dawn ir-Regoli.

Mhux se tkun eliġibbli li tikseb, u lanqas se nħallsuk, xi Ħlasijiet jekk int (jew, skont il-każ, lill-ġenitur(i)/lit-tutur(i) jew lill-entità kummerċjali tiegħek) ma tgħaddux mill-proċeduri biex aħna jew il-pjattaforma tal-ħlasijiet imsieħba magħna nikkonfermaw li ma nkunu qed niksru l-ebda liġi meta naħdmu miegħek. Daw il-proċeduri jitwettqu ta' sikwit u fost tfittixijiet oħra, jistgħu jiġbru fihom tiftixa biex niċċekkjaw tissewmmewx fuq xi lista ta' persuni naturali jew persuni legali b'restrizzjonijiet imposti fuqhom minn xi awtorità tal-gvern fosthom il-U.S. Specially Designated Nationals List u l-Foreign Sanctions Evaders List. Minbarra li se jintużaw kif spjegat f'dawn ir-Regoli, id-dettalji li tagħtina jistgħu jinqasmu ma' persuni oħra biex nivverifikaw l-identità tiegħek, niċċekkjaw li ma nkunux qed niksru ebda liġi meta naħdmu miegħek u biex inwettqu l-proċess tal-ħlas.

Mhux se tkun eliġibbli għall-Ħlasijiet jekk int (i) ħaddiem/a, uffiċjal jew direttur/direttriċi ta' Snap jew il-kumpanija ta' fuqha, il-kumpaniji misjuda minnha jew il-kumpaniji msieħba magħha, (ii) entità, sussidjarja jew imsieħeb/imsieħba ta' entità tal-gvern jew membru ta' xi familja rjali jew (iii) bgħatt il-Lentijiet lill-Programm minn Kont tan-Negozju.

Jekk tqabbadt minn jew f'isem Snap biex tagħmel xi xogħol li ma jaqax taħt dawn ir-Regoli biex toħloq jew tagħti Lentijiet maħsuba għal Snap, taf ma tkunx eliġibbli għall-Ħlasijiet għal dawk il-Lentijiet li ħloqt bħala parti minn dik il-ħidma.

Jekk tħassar Lenti qabel inkunu ħallasniek tagħha, mhux se tkun eliġibbli għall-flus li jkunu għadhom ma tħallsux.

Jekk insibu li ħadt sehem f'Għemil Eliġibbli, aħna se ngħarrfuk li int eliġibbli billi nibagħtulek notifika permezz tal-app ta' Snapchat. 

Sakemm timxi ma' dawn ir-Regoli, u safejn permess bil-liġi, int (jew il-ġenitur(i)/gwardjan(i) legali tiegħek jew l-entità kummerċjali, skont il-każ) se tkunu tistgħu titlobu Ħlas billi tagħżel l-għażla relevanti mill-Profil tiegħek.  Biex tkun tista' tressaq talba valida għal Ħlas, l-ewwel jeħtieġ li nkunu għarafna u tajniek mill-inqas biżżejjed Għemil li Jikkwalifika biex tilħaq il-minimu tas-somma meħtieġa għall-Ħlas ta' mill-inqas $100 USD (“Somma Meħtieġa għall-Ħlas”).

JEKK JOGĦĠBOK ŻOMM F'MOĦĦOK: JEKK (A) MA NKUNU ĠBARNA U RBATNA MIEGĦEK L-EBDA GĦEMIL LI JIKKWALIFIKA GĦAL PERJODU TA' SENA JEW (B) MA RESSAQTX TALBA VALIDA GĦALL-ĦLAS SKONT IL-PARAGRAFU TA' QABEL GĦAL PERJODU TA' SENTEJN, ALLURA - FI TMIEM IL-PERJODU APPLIKABBLI - SE NIBAGĦTULEK IL-ĦLAS FUQ IL-KONT TAL-ĦLAS TIEGĦEK TA' L-AMMONT BBAŻAT FUQ KWALUNKWE GĦEMIL LI JIKKWALIFIKA LI NKUNU RREĠISTRAJNA GĦALIK SAT-TMIEM TAT-TALI PERJODU SAKEMM TKUN QED TIMXI MA' DAR-REGOLI, PROVDUT LI F'KULL KAŻ: (I) TKUN ILĦAQT IS-SOMMA MEĦTIEĠA GĦALL-ĦLAS, (II) TKUN ĦLOQT KONT TAL-ĦLAS, (III) TKUN TAJTNA D-DETTALJI TAL-KUNTATT KOLLHA MEĦTIEĠA U KWALUNKWE INFORMAZZJONI OĦRA MEĦTIEĠA BIEX INKUNU NISTGĦU NIBGĦATU ĦLAS LILEK, (IV) MA NKUNU GĦADNA BAGĦTNA L-EBDA ĦLAS LILEK MARBUT MA' L-GĦEMIL LI JIKKWALIFIKA LI NKUNU RREĠISTRAJNA GĦALIK FUQ IL-KONT TIEGĦEK, (V) IL-KONT TA' SNAPCHAT TIEGĦEK U L-KONT TAL-ĦLASIJIET TIEGĦEK MA JKOLLHOM L-EBDA PROBLEMI U (VI) TKUN QED TIMXI MA' DAR-REGOLI U L-PROĊEDURI U R-REGOLI TAL-PJATTAFORMA TAL-ĦLAS MSIEĦBA MAGĦNA.  JEKK, MADANKOLLU, FI TMIEM IL-PERJODU APPLIKABBLI MA TKUNX ISSODISFAJT IR-REKWIŻITI KOLLHA TA' QABEL BI SĦIĦ, ALLURA MHUX SE TIBQA' ELIĠIBBLI LI TIRĊIEVI KWALUNKWE ĦLAS MARBUT MAT-TALI GĦEMIL LI JIKKWALIFIKA.

Il-ħlasijiet jistgħu jintbagħtu lilek f'isem Snap minn kumpanija jew entità msieħba ma' Snap jew pjattaforma tal-ħlasijiet oħra awtorizzata minn Snap, li tista' tibgħat ħlasijiet skont dawn ir-Regoli. Snap mhux se tkun responsabbli għal kwalunkwe dewmien, għall-fatt li ma tibgħatx jew ma tkunx tista' tibgħat Ħlasijiet għall-Kont tal-Ħlas tiegħek għal kwalunkwe raġuni barra mis-setgħa ta' Snap, inkluż in-nuqqas tiegħek li timxi ma' dawn ir-Regoli jew ir-regoli tal-Kont tal-Ħlas tiegħek. Snap mhux se tkun responsabbli jekk, għal xi raġuni barra mis-setgħa ta' Snap, xi ħadd ieħor li mhux int (jew il-ġenitur(i)/il-gwardjan(i) legali tiegħek jew l-entità kummerċjali, skont il-każ) jitlob Ħlas ibbażat fuq kwalunkwe Għemil Li Jikkwalifika li nkunu rreġistrajna għalik billi jużaw il-Kont ta' Snapchat tiegħek jew jibgħatu xi Ħlasijiet billi jużaw il-Kont tal-Ħlas tiegħek. Jekk int tajt permess lil Snap biex tibgħat Ħlasijiet lil entità kummerċjali skont il-proċeduri tagħna u tal-pjattaforma tal-ħlasijiet awtorizzata msieħba magħna, int tifhem u taqbel li Snap tista' tibgħat kwalunkwe u kull ammont li għandha tħallas lilek skont dawn ir-Regoli lit-tali entità kummerċjali, sakemm timxi ma' dawn ir-Regoli. Il-Ħlasijiet se jsiru b'dollari Amerikani, imma int tista' tagħżel li tiġbed il-flus mill-Kont tal-Ħlas tiegħek bil-munita lokali tiegħek, sakemm tħallas it-tariffi tal-użu, tal-kambju u tat-tranżazzjoni, kif spjegat f'iktar dettal fil-Linji Gwida u l-Mistoqsijiet Komuni tal-Programm, u sakemm timxi mar-regoli tal-pjattaforma tal-ħlasijiet imsieħba magħna. Kull somma tal-Ħlas murija fl-app ta' Snapchat hija biss stima u tista' tinbidel. Is-somom aħħarin tal-Ħlasijiet se jintwerew fil-Kont tal-Ħlasijiet tiegħek. 

Minbarra l-jeddijiet u l-kumpensi l-oħra li għandna, nistgħu, sakemm permess bil-liġi, mingħajr ma nwissuk jew ngħarrfuk minn qabel, nżommu, nibbilanċjaw, nibdlu jew neskludu xi wħud mill-Ħlasijiet li għandna nibagħtulek skont dawn ir-Regoli jekk nissuspettaw Għemil Qarrieqi, ksur ta' dawn ir-Regoli, jekk ikunu saru xi Ħlasijiet żejda lilek bi żball, jew biex nibbilanċjaw għal tariffi oħra li tafna skont xi ftehim ieħor.

Int tagħti garanzija li l-informazzjoni kollha li tagħti lilna, lill-kumpaniji ta' taħtna, lill-imsieħba tagħna jew lill-pjattaforma tal-ħlasijiet awtorizzata hija vera u eżatta u li dejjem se żżomm din l-informazzjoni eżatta.

Int taqbel u tagħraf li int biss responsabbli għat-taxxi, għas-sisi u għat-tariffi l-oħra marbuta ma' kull Ħlas li tirċievi b'rabta mas-Servizz. Kull Ħlas mibgħut jiġbor fih it-taxxi tal-bejgħ, tal-użu, tas-sisa, tal-valur miżjud, tal-oġġetti u s-servizzi jew taxxi oħra bħalhom li obbligati nagħtuk. Jekk, skont il-liġi fis-seħħ, obbligati nnaqsu jew inżommu xi taxxi mill-Ħlasijiet li nibagħtulek, allura Snap, l-imsieħba tagħha jew il-pjattaforma tal-ħlasijiet awtorizzata tagħha jistgħu jnaqqsu dawn it-taxxi mis-somma li obbligati jħallsuk u jħallsu dawn it-taxxi lill-awtorità tat-taxxa x-xierqa skont ma titlob il-liġi. Int taqbel u tifhem li l-ħlas għalik b'dawn iż-żammiet u t-tnaqqis huwa l-ħlas saldu li nafuk skont dawn ir-Regoli. Biex tħejji Kont tal-Ħlas tajjeb, għandek tagħti lil Snap, lill-kumpaniji tagħha, lill-imsieħba tagħha u lill-pjattaformi tal-ħlas awtorizzati tagħha d-dokumenti u l-provi kollha li jafu jkunu jeħtieġu biex ikunu jistgħu jaqdu d-dmirijiet tad-denunzju jew taż-żamma tat-taxxa skont dawn ir-Regoli.

Int tistqarr u tagħti garanzija li: (i) lħaqt l-età tal-maġġoranza legali tal-post fejn int residenti legali (jekk persuna privata) u li għandek il-jeddijiet, is-setgħa u l-awtorità kollha li tidħol fil-ftehim ma' dawn ir-Regoli f'ismek u f'isem kwalunkwe entità li qed taħdem f'isimha, jew li ksibt il-kunsens tal-ġenitur/gwardjan legali, kif meħtieġ fil-pajjiż tar-residenza tiegħek, li taqbel ma' dawn ir-Regoli; (ii) ksibt il-jeddijiet meħtieġa kollha mingħand persuni oħra marbuta ma' isimhom, inkluż il-jeddijiet marbutin ma dehrithom u jeddijiet ta' privatezza u kwalunkwe jedd ieħor b'rispett ma' isem, xebh, jew leħen, għal kwalunkwe persuna li tidher fil-Lenti tiegħek u l-kunsens meħtieġ kollu mingħand il-ġenitur(i) jew il-gwardjan(i) legali biex persuna taħt l-età ta' tmintax-il (18) sena jew kwalunkwe età oħra tal-maġġoranza tidher fil-Lenti tiegħek, (iii) qrajt, fhimt u taqbel li timxi ma' dawn ir-Regoli kollha fosthom, imma mhux limitati għar-Regoli tas-Servizz, il-Linji Gwida tal-Komunità, ir-Regoli ta' Lens Studio, il-Ftehim tal-Liċenzja ta' Lens Studio, il-Linji Gwida tad-Ditta ta' Snapchat, il-Linji Gwida għall-Użu tal-Isnapcodes u l-Linji Gwida għas-Sottomissjoni ta' Lens Studio; (iv) il-Lentijiet li tibgħat lill-Programm inħolqu minnek biss, li ma jiksrux, ma jużawx u ma jnaqqsux mill-jeddijiet ta' persuni naturali oħra inkluż, imma mhux limitati għall-jeddijiet tal-awtur (fosthom il-jeddijiet tal-awtur għall-kompożizzjoni tal-mużika, għall-użu tal-mużika f'kontenut ieħor u għall-użu tal-mużika f'xandiriet pubbliċi), il-marka kummerċjali, il-jedd tal-personalità, il-jedd tal-privatezza u kull jedd ieħor fis-seħħ u li jimxi mal-liġi fis-seħħ; (v) se tħallas il-ħlasijiet li jeħtieġlek tagħmel lil persuni naturali jew persuni legali oħra għal-Lentijiet tiegħek u mhux se twassal biex Snap tinżamm responsabbli minn xi ħadd ieħor talli xandret il-kontenut tiegħek; u (vi) jekk int resident legali ta' pajjiż li mhux l-Istati Uniti tal-Amerka, li tkun barra l-Istati Uniti tal-Amerka meta tajt is-servizzi li toħloq u tibgħat il-Lentijiet lill-Programm.

Int taqbel li kull informazzjoni li mhux pubblika li tagħtik Snap hija kunfidenzjali u li, sakemm ma jkollok permess ċar bil-miktub minn qabel mingħajr Snap, mhu se taqsam dik l-informazzjoni ma' ħadd iktar.

Il-privatezza tiegħek importanti għalina.  Tista ssir taf kif l-informazzjoni tiegħek hi pproċessata int u tuża s-Servizzi tagħna billi taqra l-Politika tal-Privatezza tagħna.

Minbarra jeddijiet u soluzzjonijiet oħra li jaf jkollna, għandna l-jedd li nissospendu jew intemmu t-tixrid tal-Lentijiet tiegħek bħala parti mill-Programm, tas-Servizzi, jew l-aċċess tiegħek għal xi wieħed minn dawn. Fil-każ li int ma timxix ma' dawn ir-Regoli, tista tiġi diskwalifikat mill-eliġibilità li tikseb kwalunkwe somom ta' flus li tkun akkumulajt imma li għadhom ma ntbgħatux fil-Kont tal-Ħlasijiet tiegħek. Jekk f'xi ħin ma taqbilx ma' xi parti ta' dar-Regoli, jeħtieġlek tieqaf tuża l-Programm jew il-biċċiet tas-Servizz li jaqgħu taħt dar-Regoli.

Għandna l-jedd li nwaqqfu, nibdlu, ma noffrux, jew niefqu noffru jew intemmu l-Programm jew kwalunkwe Servizz meta jidhrilna aħna u għal kwalunkwe raġuni, minn rajna, mingħajr ma ngħarrfuk minn qabel u mingħajr l-ebda responsabbiltà lejk, sal-punt permess bil-liġi. Ma nagħtuk l-ebda garanzija li l-Programm jew kwalunkwe Servizz se jkunu disponibbli l-ħin kollu jew f'xi ħin partikolari, jew li se nkomplu nagħtu dawn li ġejjin għal xi tul ta' żmien partikolari. M'għandekx tistenna li l-Programm jew kwalunkwe Servizz ieħor se jibqa' fis-seħħ għal dejjem għal ebda raġuni.

L-ebda klawżola f'dawn ir-Regoli ma tista' tintuża biex tagħti x'tifhem li hemm relazzjoni ta' sħubija, ta' aġenzija jew ta' kuntratt ta' impjieg bejnek u bejn Snap.

Kif semmejna hawn fuq, jekk Snap tqis li int tista tkun eliġibbli biex tikseb Ħlas, Snap u l-pjattaforma tal-ħlas barranija tagħna se jgħarrfuk permezz ta' l-app ta' Snapchat jew permezz tad-Dettalji tal-Kuntatt li tajtna fil-profil tiegħek bħala utent, fosthom bl-indirizz tal-email. Snap taf ukoll tikkuntattjak dwar il-Lentijiet li mhux eliġibbli għall-Ħlasijiet u għal raġunijiet oħra. Jekk jogħġbok iċċekkja n-notifiki ta' Snapchat ta' sikwit, żomm in-numru tal-mowbajl u l-indirizz tal-email tiegħek aġġornati u vverifika l-indirizz tal-email.

Kemm infakkruk li dawn ir-Regoli jiġbru fihom ir-Regoli tas-Servizz ta' Snap Inc. jew ir-Regoli tas-Servizz ta' Snap Group Limited (skont liema minnhom jgħodd għalik skont il-post fejn toqgħod jew, jekk qed tuża s-Servizzi f'isem negozju, skont fejn huwa bbażat dak in-negozju). Għalkemm ir-Regoli tas-Servizz ta' Snap Inc. jew ir-Regoli tas-Servizz ta' Snap Group Limited kollha jgħoddu għalik (skont il-każ), xtaqna nenfasizzaw b'mod speċjali li dawn ir-Regoli huma rregolati bil-klawżola tal-Arbitraġġ, Rinunzja tad-Dritt ta’ Azzjoni Kollettiva u Rinunzja tad-Dritt għal Proċess b’Ġurija, il-klawżola tal-Għażla tal-Liġi u l-klawżola tal-Għażla tal-Qorti tar-Regoli tas-Servizz ta' Snap Inc. (jekk tgħix jew qed tuża s-servizz f'isem negozju bbażat ġewwa l-Istati Uniti tal-Amerka) jew il-klawżola tar-Riżoluzzjoni tat-Tilwim, Arbitraġġ, il-klawżola tal-Għażla tal-Liġi u l-klawżola tal-Għażla tal-Qorti tar-Regoli tas-Servizz ta' Snap Group Limited (jekk tgħix, jew qed tuża s-servizz f'isem negozju bbażat barra l-Istati Uniti tal-Amerka).

NOTIFIKA DWAR L-ARBITRAĠĠ: ĦLIEF FIL-KAŻ TA' ĊERTU TILWIM IMSEMMI FIL-KLAWŻOLA TAL-ARBITRAĠĠ TAR-REGOLI TAS-SERVIZZ TA' SNAP INC., INT U SNAP TAQBLU LI T-TALBIET U T-TILWILM TA' BEJNIETNA, FOSTHOM IT-TALBIET U T-TILWIM MARBUTA MAL-LIĠI, GĦANDU JINQATA' PERMEZZ TA' ARBITRAĠĠ OBBLIGATORJU SKONT IL-KLAWŻOLA TAL-ARBITRAĠĠ TAR-REGOLI TAS-SERVIZZ TA' SNAP INC. JEKK TGĦIX ĠEWWA L-ISTATI UNITI TAL-AMERKA JEW JEKK QED TUŻA S-SERVIZZ F'ISEM NEGOZJU BBAŻAT ĠEWWA L-ISTATI UNITI TAL-AMERKA, U INT U SNAP INC. IĊĊEDU KULL JEDD LI TIEĦDU SEHEM F'KAWŻA JEW ARBITRAĠĠ BI PROĊEDIMENTI KOLLETTIVI. JEKK QED TUŻA S-SERVIZZI F'ISEM NEGOZJU BBAŻAT BARRA L-ISTATI UNITI TAL-AMERKA, ALLURA INT U SNAP GROUP LIMITED TAQBLU LI T-TILWIM TA' BEJNIETNA JINQATA' PERMEZZ TA' ARBITRAĠĠ OBBLIGATORJU SKONT IL-KLAWŻOLA TAL-ARBITRAĠĠ TAR-REGOLI TAS-SERVIZZI TA' SNAP GROUP LIMITED.

Minn żmien għal żmien, nistgħu nirrevedu dar-Regoli. Tista' ssib meta dawn ir-Regoli kienu l-aħħar rreveduti billi tirreferi għad-data ta' “Fis-seħħ minn” fuq in-naħa ta' fuq. Kwalunkwe bidla f'dar-Regoli se tidħol fis-seħħ fid-data ta' “Fis-seħħ minn” imsemmija hawn fuq u se tgħodd għall-użu tas-Servizzi wara dak iż-żmien. Int taqbel li tirrevedi dar-Regoli, inkluż kwalunkwe bidla, regolarment biex tiżgura li int familjari ma' l-iġded verżjoni tat-tali regoli. Billi tuża s-Servizz wara li nkunu tellajna r-Regoli l-ġodda pubblikament, aħna nqisu li int qbilt mar-Regoli l-ġodda. Jekk ma taqbilx mal-bidliet, jeħtieġlek tieqaf tuża s-Servizz. Jekk insibu li xi parti minn dar-Regoli ma tistax titwettaq, dik id-dispożizzjoni ma tibqax tagħmel parti mir-regoli u mhux se taffetwa l-validità u s-setgħa għat-twettiq tal-bqija tad-dispożizzjonijiet